影片
港铁筲箕湾站 B1 出口, 步行约2分钟
继续阅读
营业时间
星期一至四
11:45 - 23:00
星期五至六
11:45 - 00:00
星期日
11:45 - 23:00
以上资料只供参考，请与餐厅确认详情
食家推介
经常去呢间舖买外卖，因为钟意佢哋糖水全部系自家制，加上唔太甜，我同太太都好钟意，尤其是我太太最钟意食佢哋个紫薯桃胶，放工照旧去买糖水俾太太食，佢食完赞不绝口，要我写好评俾佢哋。紫薯煲到棉之外仲有粒粒紫薯，可能有D紫薯后加，真材实料，桃胶又多，唔似出边D糖水舖咁，又稀又俾得小桃胶，又买得贵。我太太话食过出边D桃胶甜品，俾得好小，有D舖好硬，有D舖太淋，呢间就煮得刚刚好，而且佢哋俾差不多半碗桃胶，讲真40蚊唔使去边度揾，太太话下次同朋友去食。
继续阅读
天气开始转凉；好想食甜品呀！不过；由于怕血糖高；又要见营养师！点算呢？终于比我系筲箕湾东大街揾到呢间甜品店「心语」；初尝老板娘的创意养生「减糖生胴饮食」；减少身体吸收过多糖. 保持身体健康！维持BMI 指数正常；食得开心；又养生！系今日「注意身体健康嘅态度」！「无糖亚妈薏米腐竹蛋」；清香腐竹薏米加上新鲜农场鸡蛋 ，鸡香、腐竹清香超正！努力工作嘅年青人；不妨试试！有亚妈屋企嘅Feel !有冇试过用黑、白芝麻加珍珠米做嘅「黑色灰色芝麻糊」？全冇加半点粉！好香原品芝麻味！加上珍珠米香；最啱爱靓嘅你！要保持头髪乌黑亮丽；又可以令肠道健康！一举两得嘅养生品；你点会错过....？
继续阅读
天气冻想食d暖野，见咁多人系门口等外卖，以为好好食啦。点知叫个芝麻糊同红豆沙，足足等左25分钟，心谂我又唔系叫窝夫心太软，唔洗即叫即整架。都等左咁耐。终于到我啦，2个外卖无谂过细碗到呢😤返屋企打开，首先d糖水装得一半都冇，红豆沙好水（唔知我以为叫左红豆水饮），而且又冇咩味。芝麻糊仲衰，碗野唔系黑色架，系浅灰色。真系第一次见，仲有个芝麻糊里面d一粒粒“粉”未溶，食食下有d粉浆系到..好激气好嬲!真心后悔帮衬左。讲完!
继续阅读
冇谂过第一篇食评就比左呢间垃圾!好心真系执左佢，让个铺位比其他人试下同朋友食完饭谂住揾下场食糖水倾多阵计，当去到铺头门外嘅时间，就见到有两间糖水铺 一间要排队 一间就冇人 而我入去嘅呢间就系空无一人，我入去前都谂住比三十几蚊揾个位坐下 始终醉翁之意不在酒 就冇上呢度睇下食评就行左入去坐底左一坐底已经成个环境好有压力!!!因为我未入过一间冇人嘅甜品铺系唔播歌 静到自修室咁 搞到我同朋友都唔敢倾计倾得咁大声 废事搞到我地好似好嘈咁一拎起个Menu 见到个用文字艺术师同powerpoint砌出黎已经心知不妙 但都系果句 都系想揾个位坐下 三十几蚊一碗糖水都要嘅 更何况佢位处东大街呢条食街 竞争咁大 谂住差极都有个谱啊点知?原来没有最差，只有更差!叫左碗「金牌杨枝甘露」，一拎起支匙羹，就黎可以浆实支匙羹，饮第一啖，唔讲以为自己饮紧奶!真系鸿福堂支装果啲都好饮过佢!成三十几蚊碗都比啲咁嘅野我杨枝甘露可以一啲芒果味都冇!系叫做个面头有啲碌柚肉，有返啲甜酸味!啲野唔好食都唔其次，服务态度差真系冇情讲!!!我地第一次落单嘅时候明明叫4碗，点知就整左5碗出黎!明明睇住佢落果张单写4碗，个老板娘自己整多左碗就赖落我地度，话我地落单唔讲清楚，仲悔悔气气咁话「今次就算啦 下次咁样要早啲同返我地讲!」果下真系无名火都起!!!!你地员工同你沟通有问题就屈落个客度，我黎食碗糖水都要比你明嘲暗讽，咩态度啊宜家?!!咁样做生意架咩?题外话，讲起员工同老板娘，我地一入去果阵，果个咁嘅老板娘就呼呼喝喝个唔知系咪佢个女嘅楼面招呼我地，唔记得拎碟垫住碗糖水又喝个员工拎返啲碟比我地，你点教员工我唔理，但可唔可以唔好系我地客面前用咁负面 咁唔好老脾嘅态度教女，我入黎食糖水系求开心，唔系听你点样西口西面教员工点做，就算系做错小小野，都唔应该用咁嘅态度教伙计，咁样系唔配做一间糖水铺嘅店主，亦都系唔配做个良心雇主!
继续阅读
点解openrice无得比负星，我觉得一星真系侮辱咗粒星。伙记落错单，本来叫4碗糖水变5碗，好啦，可能系我哋一开始落单落得衰，唔小心叫多咗碗，但系已经即刻叫翻个伙记翻嚟叫佢取消翻一碗糖水（个阵张单都未到厨房，最惨系我哋望住佢真系取消咗碗糖水，张单suppose系啱架！）。同个伙记讲落错，点知个伙记仲要驳嘴，话“明明同你覆咗单”，个阵条气已经唔系好顺，因为佢自己落单乱咗，仲要怪个客？点知！老板娘事后仲要走出嚟，同我哋讲：“已经帮你哋取消咗一碗，下次唔该你哋早讲。" （我真系唔该你唔好唔该我，因为一定无下次）阿老板娘，你当时唔在场，你又知系我哋无早讲？连一点思考都无就推卸责任，简直不知所谓。我即刻反驳 ：“头先佢(个伙记)一拧转面我就已经讲咗。” 可惜，老板娘无视我。当我以为今餐甜品已经错到无得再错嘅时候，老板娘（喺我哋面前）同个伙记讲，“你做咩唔比碟人吖？” 吓！？原来唔止张单错，连最基本的上菜都错？（原来每碗糖水下面系应该有只碟垫住）大佬吖，你错还错，唔好喺个客面前讲吖嘛，你唔讲我真系唔知你错，宜家你讲完又比多个位我入你，何必呢？到食物，我叫咗碗“皇牌”杨枝甘露，芒果味唔够，奶太多，所有食材被奶味完全掩盖，一个字“差”。唔怪得之隔离个间糖水舖好生意咁多，早知等位食隔离个间。
继续阅读