心粥麵線 (已結業)

疫情問題停咗教會聚會好耐，所以都好耐冇過嚟呢邊食飯，今日再次幫襯小店，依舊模樣。想快梗係食快餐，茄汁豬扒雜菜飯有勁多茄汁，塊豬扒其實都算大嘅，煎得香口，不過啲菜就冇乜味。台式肉燥雞蛋飯係我哋經常都會叫嘅，肉燥份量都幾多，而且味道都唔錯，唔會太鹹，加隻煎蛋又一餐。快餐仲會免費送豆漿，可凍可熱，$42算係咁啦！講真佢啲快餐來來去去都係嗰幾款，好在佢仲有車仔麵、粥、蒸飯、扒餐、潮州粉麵等等，選擇其實都算多元化，車仔麵30幾蚊有三個餸同飲品都抵食嘅。

我星期日要在心粥面線驚見有老鼠,令到我和我家人唔開心,我家人好驚老鼠,老鼠好髒,好嬲,,,,,,,,,,,,,,,,,,,,,,,,,,,,,,

在大圍探完朋友，想快快食個TEA，就在商場附近是但食D野，見呢到有位又都幾多人食，就入來試下。店內細細，但都坐得幾舒服，而且好多人手，好多個阿姐在店內，所以好快就有人來下單及招呼。因為想快食，叫左個蝦米葱花煎腸粉。$20，估佢唔到又幾香WOR，呢個真係比較少機會食到，所以都幾特別，不過就比較多油左一D，而且一個人食都有DD滯，似乎2個人食一碟會比較好。自加甜、麻醬，不過支麻醬有D怪，好水而且好似撈唔均的感覺......

屋邨商場的小店，我們經常都來幫襯。每天有指定晚餐，另外有不同蒸飯、車仔麵、粥品等可選擇。晩餐黎講都係「頹飯」，選擇都唔會太新穎，經常重覆，例如今晚的茄汁雞扒什菜飯($42)、台式肉燥雞蛋飯($42)，味道一般，試過叫佢加飯都好似係有大碟少少。另外我們通常也會叫一個車仔麵，$36三餸一麵，相對抵食少少，質素都係一般啦。晚餐同車仔麵都包飲品，我地通常叫豆漿，都OK啦！屋邨小店不抱任何期望，勝在不用等位，但價錢都不算便宜。

本人剛同女兒到上店，因為女兒喜歡食該店的咸蛋蒸肉餅，一坐低見到餐牌上是有的，而另外叫碗車仔麵，但一想落order時，有一女店員，態度等同於我欠佢錢一樣，要睇佢面色，同我講無咸蛋蒸肉餅係未有既，當我同女兒商討緊既時候，果個女店員好似好趕住收工咁，不停催我落order,真係比佢激死，卒之我都無食走咗，大家諗吓仲值唔值得去。

路經秦石商場，朋友話食呢間就食下，我一向都覺得屋村可能有隱世食店，屋企樓下都有間好味的魚蛋粉，所以今次不疑有詐試下。叫左碗魚蛋河，心諗基本盤冇死啦，賣相都唔算太差，但係一食落去味道就係麻麻，冇咩味，有少少鹼水味，魚蛋係幾彈牙，但係冇咩鮮味，河粉都唔係好滑，唔入味，簡單黎講，我覺得為飽係可以，但係真係冇咩味，我覺得基本菜式差間餐廳好打有限。除非真係好肚餓，否則唔建議去食，但價錢唔算好貴，$30一餐，凍飲$9，所以我冇叫。

一間粥粉麵舖頭，那一間粥舖唔似粥舖，雲吞麵舖唔似雲吞麵舖！牛腩麵，嗰啲牛腩有成7成肥膏2成肉，嗰啲牛腩根本唔係牛腩應該係垃圾！佢哋啲職員話呢啲才叫正宗牛腩！雲吞麵，嗰啲雲吞皮厚過我塊面，嗰啲雲吞 皮接合位置係生嘅，裡面個餡只有七成熟！個麵底只有四成熟，一時就七成熟！個湯底勁鹼水味，有時係候無味！凍鴛鴦、凍咖啡、凍奶茶酸同澀！佢哋嗰度還有快餐碟頭飯，啲飯淋到叫阿婆飯，有時啲飯硬到可以叫阿公飯！