影片
星期六，收工迟左，由食午餐变下午茶餐牌，以下午茶黎讲都算贵，谂住试下无防天气太热了，叫左冻饭加2蚊，猪软骨酸酸甜甜几好味，唯乌冬同菜太少，肉汗都好多，下次都系转饭会好D。
继续阅读
今日一试心粥馆早餐，又唔错㖞。餐蛋治餐肉够厚，唔似其他餐厅薄切，蛋系即炒，够热。重点系价钱算系平，餐蛋治加野饮都系$23。美中不足系餐厅人手不足,成间餐厅基本上收银，执枱，送餐得一至两个人，有时等得比较耐。
继续阅读
心粥馆有好多款下午茶，其中粥品25蚊一碗。呢碗皮蛋瘦肉粥皮蛋切块瘦肉拆丝，粥品都算绵滑，佢话冇落味精都应该系，因为食落味道比较淡。想清清地一餐佢啲粥可以考虑吓。
继续阅读
黎到心粥馆，当然要食粥。今日落心粥馆食早餐。早餐选择有中式同西式，价钱比一般快餐贵两三蚊。都ok啦！可以接受。叫左鱼片粥 ($26)，粥底算绵，仲有新鲜鱼片，加入左大量姜丝令鱼无咁腥，鱼片都切得好薄，有鱼味，清清地。心粥馆的粥底，不会好像落左好多味精感，真系唔错，无胃口去食就至啱。仲有好多不同的粥品，下次可以一试。之后追加左个炒面唔多够味，炒面有少少淋，不过本身期望不太大。欣赏的地方系佢有好多菜，好健康。钟意炒得干身少少的。不过系好多料！
继续阅读
本人好钟意食粥，心粥馆开左一段时间，一直无去试，果日刚好得闲，就去试下，叫左个招牌粥，点知真系中伏。。。。叫左个招牌粥，过左几分钟，粥就送到。呢个招牌粥，配料有扇贝，东菇，瘦肉， 猪肉丸，海虾球，蚝干，猪润，等等。。粥算份量还可以接受，两个人食都ok...呢个粥真系令我毕身难忘，这样质素也拿来当招牌，不知说什么好。 吃了一口粥， 很甜， 可见味精下了很多 ,印像最深刻的是东菇有一股酸臭味， 那种味很难形容， 第一次吃到这么难吃的东菇， 猪润没处理好，血腥味极重， 无润不欢的我都无法接受，跟潭仔不相伯仲。 海虾球没有味，只有扇贝有点味道。 其他配料也只属一般，没有惊喜。只有惊吓， 酸臭东菇+血腥润 ..........同旁的一个年轻人， 看他的粥只吃了一点，就去埋单，眼看本人这煲粥， 有种说不出的感概， 快快趣趣吃完2颗猪肉丸就离场。 离开时没有一点的倦恋，心想，没有下次，88
继续阅读