心滿意粥

营业中

休息中

心滿意粥 (西環)西環堅尼地城卑路乍街102-114號聯友新樓地下A號舖發唔發覺傳統小店越來少見，有時病病地想食清淡些，或者想唔咁油膩，食下粥品清清腸胃即叫即整腸粉$22 ，鮮蝦腸粉夠滑落埋甜鼓油，米氣足。滑雞粥，食夜粥一定是雞粥，宵夜良物，食一碗飽肚，食到有瑤柱絲，粥底特別香及弟粥$35 再加蛋$3，及弟粥有個故事，是窮書生上京考，沒錢店家請給了裸腹，吃粥一碗豬雜粥之後高中狀原，因此有好意頭，學生哥食有考上的好意頭。入面有豬肉丸，肝，腸、心等內臟，綿綿粥底。試埋鹹肉黃蛋糉，佢糉是偏濕身，入面有綠豆蓉肥豬肉同蛋黃，脂肪化開在糯米內傳統黃糖糕，炸煎堆都有，叫了鹹煎餅$10 表面有香芝麻，煙韌價錢平民，人均$50

嚟西環做嘢，見天氣凍冰冰，晏晝想食碗熱粥暖下胃。記得早幾日路過卑路乍街，見到有間新開粥店，一於試下。店舖主打傳統粥品，單係生滾粥就已經有成十幾款，另外仲有腸粉、油器、炒麵和鹹肉粽等供應。點咗炸兩、腸粉、兩碗粥同一隻粽，回味炸兩做得唔錯，腸粉皮厚薄適中，油炸鬼脆卜卜，點埋甜醬同麻醬食，真心好味。碟叉燒腸亦頗有水準，腸粉皮拉得好滑，叉燒有調味過先捲，做得好有心機，食到叉燒香味！狀元及第粥材料好豐富，有豬腰、豬潤、粉腸、豬肚同肉丸等，另外仲加咗皮蛋。粥底綿密細滑，濃稠度啱啱好，豬潤粉嫩爽滑、大件又厚身；肉丸自家製，富豬肉鮮味。至於呢碗生滾魚腩粥亦很有驚喜，魚腩有好多件，新鮮肥美，肉厚又無泥味，加咗鮮牛肉，牛肉鮮香嫩滑，粥底綿甜富米香，食完大滿足。蛋黃鹹肉粽大大隻，鹹蛋黃靚，肥肉入口即化，用嚟送粥一流！ 見鄰桌點了黃糖糕同白糖糕又跟風試下，兩款都好好味，糕身鬆軟，甜度適中，絕對值得一吃。

好鍾意食粥，尤其在天氣涼或想食得清淡些的時候，更加想暖一暖胃！ 廣東粥亦特別受歡迎！這粥店同樣受街坊歡迎，座無虛席！ 有即熟粥及生滾粥，還有腸粉、油器及特色小食！狀元及第粥綿密香滑粥底，裡面放滿配料，我想都佔了碗的一半，及第粥有粉潤豬肝、爽脆豬腰、腸、肉丸等，上面加上花生、薑絲及香蔥，口感層次豐富蠔豉肉片粥蠔豉都有5隻，香濃鬆化，配肉片，充分提昇粥嘅鮮甜味，配酥脆油條更佳雞蛋蔥花腸比較少見到，仲要即叫即整，口感香滑，帶少少煙韌，有陣陣蛋香，加上甜醬、麻醬等一齊食更美味！

見到家附近新開咗一間粥店，🤓原來佢哋嘅腸粉仲係即叫即整，連油炸鬼都係每日新鮮炸，保持出品，😉一定要試下。瑤柱滑雞粥，🐤佢嘅雞都唔錯，外表係金黃色，食落係靚雞。配上少少瑤柱粒，鮮甜。回味炸兩，🔥係廣式嘅特色腸粉，裡面係油炸鬼，出邊係一層薄薄嘅腸粉。腸粉都好滑，食落去有米香，而且可以包住油炸鬼，🥢脆脆口感。皮蛋瘦肉粥，🫶🏻佢嘅皮蛋切得大件，食落去好香，有嫩滑嘅口感，🐷而且我哋叫埋有瘦肉的一款，粥底綿滑。牛脷酥好大件，😙性價比高，外層脆皮，入邊食到佢甜香嘅味道，用嚟餸粥啱啱好。

已經試業多天的粥店，聽講天天都客似雲來，而店名便叫做- 心滿意粥，好有意思！☺️今日經過見到真的頗多人，即管買幾個外賣，同屋企人一齊試吓！皮蛋瘦肉粥：$24粥很棉、皮蛋瘦肉都算多、瘦肉有淡淡鹹味，食完都幾飽。銀芽炒麵：$14麵身炒得不乾不油、不過銀芽可以再多少少。油條（油炸鬼）：$10暖暖哋、脆脆哋、唔軟身、好味😋基本上份量多，味道都算幾好，選擇要亦很豐富。