影片
以上资料只供参考，请与餐厅确认详情
港式粥档其实都系我杯茶 有别于我平时对粥档嘅印象呢间店嘅格局有啲似茶餐厅 比较多卡坐 座得好舒适同埋我发现店员全部都好后生㗎！见有咁大张台 当然就要点多啲野食🤣💕心肝宝贝粥 猪心同猪润都铢新鲜 冇猪臊味 生滚粥即叫即整💕菜干猪骨粥菜干唔会话剪到好碎 仲食到好大条与其话系猪骨 其实话系排骨更加合适 食落啖啖肉 腌得好入味有咸香 最紧要煲得够腍个粥底食落好绵 食完唔会口渴💕炸两最钟意粥档出面有个油器柜 即系有牛脷酥咸煎饼油炸鬼炸两最紧要梗系油炸鬼够脆啦 呢度食落卜卜脆个肠粉皮够滑唔会好厚 系我钟意嘅质感💕鸳鸯面米呢个真系好贴心 可以一份食到两种口味啱晒啲有选择困难症嘅人 例如我炒面同炒米都炒得好干身 够香口得来唔会油冧冧💕蛋黄咸肉粽里面有大大只嘅咸蛋黄 糯米有咬口又有绵绵嘅绿豆粒最正当然系里边渗有猪油香💕美味鲜虾肠虾肉爽口弹牙大大只 一份虾肠有成六大只虾㗎💕 豆浆豆浆系支装 饮落唔系好甜但又充满豆味$9一支真系好抵饮
继续阅读
食评人人话好就慕名去试！第一次试食，的确好足料及性价比高，食到以前粥品油器的感觉，样样都相当好👍，但觉有味精，要饮可乐😂油器肠粉做得好，所以第二次去试食白粥，应没有味精吧，但系都失望而回！对于有味精敏感症的我很失望😞！其实可唔可以唔落味精呢🙂↕️😅但对于冇味精敏感人士，食材/粥感/份量/环境/整洁，的确是冇得挑剔！
继续阅读
心满意粥😘😘😘食粥要有米气西环坚尼地城、有米气粥店、90后有❤️经营、传统港式烹调、加入不同食材、且透过精心熬煮、不仅健康营养、还可调养脾胃🥰菜干猪骨粥$27+$6 鲮鱼球因睡眠不足引致脏有热、咽喉不适、用菜干、猪🦴、清热除燥、而最重要粥底、时间、火喉、适量油盐、熬出一碗绵绵滑滑靓粥、养生养心❤️鲮鱼肉搅拌起胶成球状、爽滑弹牙、清甜鱼味！生滚鲜牛粥$35+$6艇仔将来预先煮好靓🥣底、用小锅加入新鲜虾牛肉、追加艇仔、滚片刻离🔥而成、生滚粥的做法保存、食材鲜英度、又不会破坏其他营养物质、非常鲜甜美味😋、添加艇仔材料、锦上添花！蛋黄咸肉粽$21不用端午节、粥面店、日日可以品尝、糯米软绵、包裹脱壳绿豆、半肥瘦五香猪肉、流油咸蛋黄、配搭一流！港式传统美食！甜食蘸砂糖更滋味！黄糖糕（两件）$10𠄘传传统小食、切开蜂巢组织、质感Q弹淸甜香口、满满片糖香气😛煎堆$10丰满圆浑而不凹陷、炸时不断用镬铲轻压、在受压下胀大！烟靭有嚼口、不油腻、沾满香口白芝麻粒！牛脷酥$10粤式油炸小吃、粥店必备、自家制作伴粥小食、因为加入砂糖、中间甜丝丝、大火炸才能速令面团膨胀、变成小型榄球－样、卖相吸晴👀美味鲜虾肠$22白滑清香Q弹性粉皮、包裹爽口弹牙大虾、淋上甜豉油、带出味蕾层次感！齿颊留香👏🏻心满意粥西环坚尼地城卑路乍街102-114号联友新楼地下A号舖港铁坚尼地城站B出口，步行约3分钟
继续阅读
好耐无食过一间咁满意嘅粥店 非常足料 价钱超值 食完真系心满意足😋大大碗靓粥都系$2X-$3X 各类油器$10 炒面都系十几蚊！环境又企理光猛 见一班店员都系后生仔 值得支持生滚窝蛋滑牛粥瑶柱粟米肉片粥估唔到肉嘅份量咁多 仲要好多瑶柱粒（唔系瑶柱碎咁简单）足料过呀妈煲呀🤣粥底够绵 够味 呢个价钱无可挑剔啦生脷酥都够大份 够香脆 无油溢味 $10好抵食！油炸鬼煎堆一律$10🙌肠粉都ok 虾仁够弹牙 见隔离枱个炸两同虾米肠都好大碟好吸引😛
继续阅读
今日请左半日假，小小流鼻水，又肠胃不适睇完医生就去附近食晚饭。呢间粥店人流好旺，又有人情味，价钱又好平，屋企人好钟意食，我就第一次食。最钟意佢啲粥可以自行加配料，我就叫猪润窝蛋牛肉碎粥，一嚟到有诈新鲜鸡蛋快手捞，够晒热，成个粥汤底都好鲜甜。另外屋企人就食粉肠粥，粉肠好弹牙又干净，真系好新鲜。另外叫咗个新鲜牛肉肠粉同埋炒米粉，又有新鲜炸起嘅油炸鬼同埋牛脷酥，两支豆浆，真系够晒饱。价钱有抵食，款式又多 。
继续阅读
您可能会有兴趣的...