心泰苑

海濱花園呢間處於屋苑平台的餐廳幾乎成爲我們的飯堂，尤其各款午餐味美，價錢優惠，性價比高!餐廳服務又週到，環境衛生。力推推推。。。。節目會試下佢D到會餐。午餐我最常吃的是香茅豬扒煎蛋飯，蝦滑粉拼鹽酥鷄粒。…查看更多

今日因為工作，所以入到荃灣海濱。呢度嘅餐廳唔多，感覺都係家庭式經營，或者專做呢一個小區嘅餐廳。行上咗屋苑平台，見到呢間泰國嘢覺得性價比幾高，一個午餐大概$55左右，所以再入去試吓。同同事嗌咗幾款小食，包括豬頸肉、炸蝦餅、無骨鳳爪、串燒，我又嗌咗海南雞飯同埋珍多冰。佢哋嘅泰式味道都幾正宗同九龍城嘅差唔多，但係價錢就平20幾至30幾蚊，所以我先話性價比高😂海南雞都幾滑，我好快就食完，就冇影相😂😂😂小食入面我最鍾意無骨鳳爪同炸蝦餅，因為我唔係好食得辣，所以呢個鳳爪超啱我不過地方真係比較吊腳，唔係住附近/有事要做都未必過嚟食，如果偶爾行開過嚟嘅朋友，不妨一試👍 支持小店，支持香港人。…查看更多

平時都有去唔同餐廳食海南雞飯，間間都話正宗，但今次朋友叫我去哩間試下，好開心，真係好有驚喜，哩間個海南雞飯，d雞好淋，肉質好滑，平時唔食雞皮既我都忍唔住要食埋去。真心正…查看更多

係我在荃灣吃過最性價比高的餐廳，有時候和父母家人，4個人吃2人餐再加小食都不會話我消費不足，因為我吃得不多。佢d 沙律是多的，吃麵可以轉菜底，滿足到我呢d 怕肥又想吃多幾樣野的人。佢個雞翅係好吃的。另外下午茶有紫薯波波，拼其他野，另外海南雞飯是好吃的，雞嫩，個汁係惹味的，仲可以叫個迷你版，都係28蚊倒。香港人翻內地吃喝玩樂，都係因為性價比高，但有時候翻去一轉大陸都幾累，如果我再搵到性價比高的餐廳，再寫食評如果要講不足的就是土地問題，因為鋪細，不會坐的寬倘。我沒相，因為我心血來潮坐住地鐵寫的。…查看更多

入座唔洗點等，但出餐就等得有D耐。尼間系朋友介紹，味道不錯，性價比都幾好睇佢客流量就知！！出餐耐既原因，廚師一邊處理外賣訂單，另一邊就處理堂食客人。我知好食既野系要等，但估唔到要等咁耐。最後因為公司放LUNCH時間差唔多完，所以急急腳咁食***溫馨提示***如果LUNCH時間少的，可以提早嗌定再去拎，節省好多等待的時間。…查看更多

123326082022，今日都係去荃灣海濱花園，位於二樓平台既泰國菜。十二點幾食晏時間，係由於入面坐位有限都等左15分鐘先有得入去。由於太多人等左5分鐘先有人落單，但唔緊要啦小店就是人手不足。我點左個黃咖喱牛肋條飯，再加個椰汁冰，大約5分鐘就送到上枱，賣相都都好吸引，先試一試個咖喱非常之香，有點似九龍城個d咁，而且都係唔辣，牛肋條就其實係牛肋粒，不過味道都幾好牛肉味比較重而且炆得剛剛好。椰汁冰都幾足料，椰香同椰汁味都好濃👍…查看更多

荃灣海濱區內隱蔽小店。店內座位得20個多數人都係外賣，店內食客不多。午，晚市都有優惠套餐供應，每款$46，非常抵食叫咗無骨海南雞湯麵，麵有好多選擇(河粉，檬粉，金邊粉，米粉，米線)湯底亦有好多選擇濃淡味都有(冬蔭功，喇沙，清湯，撈檬)當日揀喇沙米線喇沙湯底味道濃郁咸淡適中，朋友連湯底都飲晒海南雞份量頗多仲有油豆腐第二個套餐係黃咖哩豬扒飯豬扒醃得好入味，已剪開細塊方便進食。黃咖喱除咗汁仲有薯仔，洋葱，青紅椒等配料，非常豐富個咖哩微辣帶小甜是我杯茶加上白飯新鮮熱辣當然要美人照鏡啦！套餐包熱飲奶茶味道當然無餐餐廳咁好，另一個係菜蜜(味道麻麻)，可能係泰國菜一般菜餐廳飲品可能比不上泰式特飲，下次一定會加$轉特飲飯後仲有甜品(椰青糕)送，雖然賣相麻麻，但味道好得頂層係白色啲椰汁糕，下層係有椰青肉啲大菜糕，食落微甜有豐富椰青水味，好似食緊椰青水兩個套餐共$92(免加一)，唔使$100就可食到豐富又美味啲晚餐，真心講真係好抵最後一提，因為哩間係小店，家庭式經營，人手不多，所以上菜時間要耐D，我覺得只要有時間真係值得等吓。…查看更多

平時返工無乜餐廳選擇而呢間泰國餐廳一直都係返工頭幾位既選擇不過鋪頭細細 有時都要外賣今次有位坐 就寫下食評啦我地幾個都係簡簡單單叫左個午餐講左自己嗰個先無骨海南雞飯賣相唔錯 個油飯一黎到就已經好香好吸引雞肉都好嫩滑係醬汁得一種 (好彩係我最中意既甜酸醬) 如果有埋平時海南雞飯既另外兩種醬就更加好喇另外兩個同事就叫左粉麵可以自由配搭麵底同湯底 幾好我淨係試左佢地D粉麵同湯冬陰公湯同喇沙都唔淨係得個辣味雖然唔稱得上非常出色但絕對對得住$45呢個價錢可以睇到蝦餅同豬扒個賣相都唔差同事話蝦餅係出色既住附近/附近返工唔知食乜都可以試下啊!…查看更多

星期天，想食的那間沒有開門，反正有下午茶，平$10，外賣自取試試。湯另上，不會令粉泡太久其實望落都好少份量，金邊粉連餸大半碗滿而已奶茶普通。倒進湯後，浮起看似多dd 有2條菜及1塊蘿蔔，味道無乜特別，清清地，不太咸。餸的份量唔算少，豬扒更是我食過的數一數二好味唔鞋，望相都已垂涎三尺，十分吸引若果堂食熱d會更好。雞翼可能「淋左」，若果堂食脆皮d會更出色。 中規中矩的無骨海南雞飯，雞唔滑，飯亦唔香，色香味只有「色」可取。…查看更多

間唔時都叫下心泰苑, 講真有時d野食係唔錯, 我個人幾鍾意佢個海南雞湯粉! 有時d 香茅豬扒都ok! 但我一向都好唔鍾意佢d飯太乾, d配菜好唔新鮮同唔好味, 就算main dishes係好味, 但整體感覺就好差! 再加上....有時d main dish都唔係整得好好............唉!唯一要讚係佢d醬料係好好味既! 可能我未試過堂食, 或者堂食會好好呢.............  …查看更多

今日難得放假，咁就返左屋企揾牙媽，跟住到夜晚吾知食乜好，牙媽就話不如落樓下試下間泰國餐廳啦，咁我地就去左心泰苑到食晚餐，4個人食，咁就叫左個海南雞飯，蒜蓉包，生菜包，生牛肉冬陰功金邊粉，海南雞好夠滑，好有雞味，連平時阿媽唔食雞皮嘅，佢都會食埋佢，配埋個海南雞醬食一流，個冬陰功湯，辣得來材料又夠十足，唔同出面嗰啲，出面嗰啲得個辣字，令到我飲過湯飲上癮，野餐飯，食得好開心。食到有啲相都唔記得影添，個蒜蓉包，好香蒜蓉味，蒜蓉又夠多，又好脆，食晒野之後仲有飯後甜品送，就係西米糕，又係細佬嘅自愛，臨走前仲要買多一盒甜品返屋企食。呢啲小店又抵食又平，出面又食唔到咁平嘅價錢。…查看更多

今晚黎到海濱食泰國菜，佢既冬陰功湯超正，海南雞飯啲雞好滑，仲有生菜包，串燒喇，黃咖哩，同酸辣鳳爪都好好味，排隊入去等位等左十五分鐘到，入面都五張枱，不過佢地好多外賣，超強，鋪頭得三个人做，不過佢地啲效率好強，犀利丫…查看更多

今日收工去海濱搵朋友，但佢好衰，唔同我食飯😂 唯有食自己啦，而呢間泰國菜我之前都食過1,2 次，啱我胃口所以再幫襯！花枝丸，雞翼喇沙金邊粉 $45 (包餐飲）之前都有食過，今次encore ! 湯底見圖好濃郁，但我覺得太"傑"，金邊粉好快吸曬d 湯，覺得有點咸。花枝丸好味，咬落去口感唔粉，但雞翼就掩得有點咸，又係咸😆 不過雞翼大大隻，咬落去啖啖肉！今次有點咸，失準左少少，但都好味，配料都多，有2大隻雞翼+2粒花枝丸。大食既我仲要食剩幾條面，好飽！…查看更多

其實我成日都係荃灣食野同拍拖 因為依道都近我同男朋友屋企 返屋企都方便啲 所以我地今次就食左我男友屋企樓下嘅一間泰國餐廳 叫做心泰苑 佢地方雖然細 一眼就望哂成間餐廳 店內都只有約六張枱 但反而咁樣好有親切感 因為依啲小鋪頭先夠平民 而且食物都整得好有心機 今次我就聽我男朋友話食正宗泰式海南雞飯 而且加左五蚊轉左做雞肶 yeahh 食完之後我就覺得我男朋友冇介紹錯 首先講下雞先 佢好新鮮 而且好滑 本身唔食雞皮嘅我都忍唔住食哂 因為真係好好味 肉質鮮美 加上佢酸酸唔太辣嘅泰式酸辣醬 真係幾夾 而且佢個飯係油飯 食落去好香 加上佢有酸瓜 好開胃同埋食落唔會太'齋' hehe 食完好滿足!! 原來食夠$100佢仲會送埋蒜蓉包 脆得黎又好香蒜蓉味 大條得黎啲蒜蓉又茶得均勻 食落又唔覺得乾曾曾 好正呀!! 住得近嘅都去試下啦!…查看更多

有日夜晚落屋企樓下食晚餐突然想食泰國野就黎左呢間明明入面冇客 野食等左半個鐘先有仲要野飮慢過野食我叫左個青咖哩牛飯 個份量又少又唔熱等咁耐都唔熱真係唔係幾明飯又一碗都唔夠咖哩係甜多過辣同行朋友叫左干炒牛河等左35分鐘先黎 同樣係唔熱我朋友仲話唔好食做我地兩個客都可以咁耐凍檸茶凍咖啡等左40分鐘先有員工自己食野就整咁快野食唔熱又慢 連野飲慢員工又係到慢吞吞咁做野戈時本來想叫個小食 好彩冇叫叫埋咪要成個鐘先有？以後一定唔會再去…查看更多