心事如塵茶食亭 (已結業)

本身係朋友介紹，試過一次呢間店舖嘅奶蓋綠茶就愛上咗。周不時都會買上一杯。但今次體驗係最差嘅一次。本身一早係app叫好，見差唔多可取餐就去到等待。見已經顯示準備好可取餐，想問店員拎啦，向佢展示左一次訂單號碼。佢就應該有啲忙未搵我杯野，叫我等陣。之後等咗一陣想再查問嗰陣，見佢幫其他客人點餐中，所以都再等多咗差唔多10分鐘先問佢。點知，我杯野係完全未整。佢叫我再等多陣正準備中，但我見佢係整緊嘅係佢岩岩點完餐嗰位客人嘅嘢飲。而我已經係店等咗好耐，佢都未開始整。咁你又顯示可取餐？！之後都同佢講，我一早到咗，係可取餐之後我再等多10幾分鐘都未有？之後佢就即刻幫我整，眼見有個男仔整緊我杯奶蓋綠茶，之後見佢裝咗成杯冰，仲要係多到突晒出嚟。但我點嘅明明係少冰，咁都算啦！雖然該男店員表示可重新製作一杯俾我，但我等咗咁耐時間又要再等佢到幾時。拎到手飲咗一啖，大失水準。。。啲奶蓋係明顯擺咗一段時間，完全唔係之前嗰種柔順而富有芝士香氣。而個茶底係苦澀，完全失去茶香味！！！比之前幾次飲都差好多。此外，係我等待嘅過程中，見到一件都幾冇衛生嘅行為啦！見另一位男同事應該係準備緊其他客人嘅烏冬，佢咁岩唔小心整跌咗條烏冬。

二人滿足套餐 💰89🍜塵仔牛肉烏冬🍛塵仔牛肉伴野菜丼🥣羅宋湯🥣黃金蔬菜湯呢個價錢有兩個主食兩個湯 幾抵食🤣牛肉烏冬之前已經食過好多次 依然都係咁鍾意 牛肉丼飯就第一次食 配菜同烏冬相差不大 兩個人分 咁就想食烏冬定飯都滿足到😂兩個湯都係用飲品杯裝 幾特別🤣然後個湯原來都幾大杯 仲好足料 飲到好多菜渣👍🏻

之前係觀塘已經想幫襯 但一直都冇乜機會 不過看到原來灣仔都開左 就終於黎一試店舖係以半小食店+茶飲店 半洗衣店形式運作 提供一個舒適既環境俾客人邊等邊食下野休息。 店舖賣茶飲為主 另外都會有啲set俾客人買 如果買set的話 可以以跟餐價購買茶飲 變相其實都幾抵 今次就買左紫薯忌廉芝士沙律（$52）另外加$10追加牛油果半份 跟餐加$7 叫左杯芝士奶蓋四季春 ；另外買左份灸燒雞扒烏冬 （$40） 加$7跟餐價芝士奶蓋茉莉綠茶講番味道方面 個人極推薦依個沙律 份量比較大 又飽肚 紫薯甜味十足 加上配以柚子汁 成個沙律都好開胃 加配左半份牛油果 🥑唔會熟到爛 岩岩好 飲品配以芝士奶蓋四季春 飲品其實都好大杯下 杯裝貼上塵·語錄 好好療癒一下心情 芝士奶蓋味道幾突出 四季春清香甘甜 絕配 此外 烏冬份量相對較細 不過個人認為個湯先係重點 因為係 超 香 鰹 魚 味，絕對真材實料 烏冬本身以為會林哂 估唔到拎到番屋企 個烏冬仲係保持水準此外 店舖都有賣一啲塵既飾物，曲奇 絕對可以療癒內心既灰塵 ，重新出發

某日下雨的一天，心情已經灰灰地變得更加差⋯lunch時段，經過心事如塵，呢一刻好想入去，為自己打氣。「來一杯塵茶，抹去內心灰塵。」茶食亭同時係洗塵店-自助洗衣店，店內還有售賣小食、精品及口罩等，有數個位子，雖然店內有位子，但不設堂食，近門口就是茶食亭的位置，除了茶外，還有輕食，有沙律、烏冬及丼，外賣返公司食。塵仔牛肉烏冬，$42，好多海帶，和風牛肉份量適中，烏冬份量都多，烏冬口感彈牙，正常水準，以為味道會好清淡，估唔到比想像中好，鰹魚湯底唔會太濃太淡，少許鮮甜，味道不俗。塵茶王(無糖台灣鐵觀音)，餐飲，清雅茶香，不俗呢。

這間新開嘅洗衣店係一個著名插畫師的出品佢哋的背景資料我唔係太清楚。但我平日都很喜歡這插畫師的小品，所以特別來支持一下，這裡價錢和服務需求都寫得很清楚知道這是一間洗衣店，我都好好奇點解又會售賣食物和飲品？最後我都大嘅明白，應該係想比人在等洗衫的途中有個休息位這裡沒有講究嘅料理只是一些簡單的沙律和飲品我其實開始時都有做功課，但都有些驚喜位。就係原來有湯飲但我本來諗住唔試，只買杯飲品就算。但職員推介我試佢哋嘅沙律🥗我其實都好想試一次。但我唔食牛油果🥑㗎但職員話其實都還有其他選擇，我再望望⋯真係有款雞扒，那我雖然未試過都嘗試一次。還可以包一個湯。今日有點冷，飲熱湯應該會好正出餐了⋯那個沙律真係好正。不過都有點不足地方，就係唔夠醬⋯唔知可唔可以問佢拎多個醬汁㗎呢？那個湯我就真係有點失望⋯我應該想錯方向。我應該要點羅宋湯。蔬菜湯因為係用蔬菜嘅關係，所以帶點酸味超健康，但味就唔太出。下次要試忌廉湯或羅宋湯。總結這次經歷都係開心嘅。雖然坐的唔太舒服，我最後還企住飲湯但這個輕食站我都係舒服嘅。期望下次再試

最近公司附近新開咗間洗衣店，望真啲原來唔單止洗衣店仲係一間有飲有食嘅小店。呢間心事如塵原來係香港有好幾間分店。洗衣crossover食亭夠新穎，驅使我 lunch hour 試一試。揀咗最平果款牛油果合桃沙律＋青瓜小忌廉湯（$49）。食物種類同味道都行健康輕食路線。湯味道偏淡頗清新，一點油膩感都冇，不過同我幻想結結地嘅西湯有出入，呢款湯好稀。沙律份量細，牛油果過熟唔新鮮。 雖然食沙律都預咗唔會食飽人，但呢個食完真係好似冇食過野咁😂。如果下次lunch hour食會試其他有肉嘅沙律款式。

欣喜塵 DustyKids 係灣仔開了 洗塵店 , 結合了茶食店加自助洗衣店crossover👍清新簡約裝修，有塵公仔及勵志slogan好賞心悅目😍👍有輕怡沙律餐，有少量座位坐， 有空可來食😋近灣仔office，外賣幾杯飲品🍵🧋與同事開心Share🥰我叫了杯紅柚酸檸茉莉綠 $29，少冰少甜， 覺得有啲澀口， 味道just ok. 下次試其他#心事如塵茶食亭#明天會好一點的！#讓內心稍息一會吧！#兩口子靜靜的便足夠快樂！ #累了便哭吧#本地創作 #卡通 #插畫 #勵志 #心靈雞湯 #創業 #加盟店 #crossover#Cherry攻商鋪 🍒#MagicCherry攻飲食🍽️#飲食情侶