心之食堂 (裝修中)

食店: 心之食堂張梁點餐👦🏻🧒🏻1）$78 心心三文魚飯評分（10分滿分）：7️⃣食評💬：心型嘅三文魚飯❤唔會飯多個刺身，食完晒啲飯都仲有三文魚剩！呢個飯嘅三文魚唔係就咁刺身就算，係專登有炙燒過，所以都幾好味！2）$58 三文魚腩評分（10分滿分）：8️⃣食評💬：一份有四塊，每一塊都係厚切大大塊，而且仲好新鮮❤️大大啖咬落去，成個口都係三文魚果種感覺真係好幸福！3）$68 蒜香烤焗茄子評分（10分滿分）：8️⃣食評💬：食完個口超臭但係都已經唔理🤤個茄子落咗勁多蒜，平時食呢啲茄子都未必食埋個皮，但佢又焗得幾靚，完全唔燶，連皮食仲有口感！4）$76@2 邪惡包評分（10分滿分）：9️⃣食評💬：我地嗌左兩份，總共四個邪惡包，成件事好邪惡😈紫菜夾住沙律菜夾住帶子夾住大大舊鵝肝咁食，一啖咬落去入口即溶，爽呀！5）$88 秋葵刺身沙律評分（10分滿分）：8⃣食評💬：個沙律好足料，不論刺身或者秋葵，總之個碗就裝到滿滿的，完全可以當飯食，平時食菜食得少，叫呢個沙律食就啱晒🥗有益又好味！心之食堂 (銅鑼灣)📍銅鑼灣耀華街3號百樂中心12樓1203室電話☎️23211880

朋友為慶祝脫離苦海，跌進螺辭風險所以約我食飯，我又好想燒野食（邊度仲有得BBQ?)就無黎啦喂揀左哩間心之食堂，以食燒串解解渴坐底左用部pad點菜...第一年事就係點杯巨鋒提子🍇汁之後就俾我朋友發板鐵板豆腐上枱時仲熱辣辣蜆、菜同豬骨湯都好好味筍，唔錯吞拿魚刺身，鮮！沒有渣！仲好厚身彈牙個人對黑松露沒有太大喜好不想太主觀，黑松露味重，只能表示普通大啡菇，估唔到一d都唔乾，仲好juicy👍🏻燒雞軟骨，以料中的味道，夠穩陣牛舌，厚，唔乾，襯上黑椒雞皮，脆香，都係穩陣燒魚，皮脆但唔乾，保留到魚汁驚喜的芝士脆肉瓜芝士味超濃，瓜身清甜粟米🌽本身甜燒烤過粒粒會硬身左，普通及穩陣其實仲有燒雞腎唔係難食，但係失望，理論上都係穩陣之選，可惜...可惜埋單兩條友八舊幾...貴左d結論係正面的，因的確幾好食不過哩個價錢可以揀其他高質食肆唔洗係度迫（環境係比較迫）

難得happy friday想同朋友食下嘢飲下酒chill下就bk左呢間餐廳。預約時間準時黎到，全場爆滿，坐低已經覺得環境好唔舒服，坐得好逼夾，檯同檯之間既距離係瘦既女仔勉強zip過去，抬頭望部冷氣冇左個蓋而且佈滿油污，貨物又堆曬係鋪面，老實講已經不太開胃。一望ipad更加出事，嘢食選擇少，然後d相又影到放題小食咁，求其叫左幾碟都唔敢叫酒（順帶一提呢度啤酒係一罐罐，冇tap beer）嘢食黎到賣相係比ipad上好既，但老實講味道真係得放題質素。個帶子杯一撩開勁大陣醋味，d飯好痴，好明顯係落左好多壽司醋既劣質飯。捲物個軟殼蟹係唔脆既，牛舌好大陣醃味，雞腎淨係食到雪味。佢好多燒物都淨係落2滴燒汁完全冇帶到食物既味道出黎，只係求其比d調味你。當晚唯一覺得好食既得雞皮，雞皮用鹽燒，脆得黎保留到少許雞皮油脂感。員工服務方面，就係冇服務可言，唔會主動比茶/水你，問佢攞就比左3杯得茶葉碎漂浮既水你，飲落去冇茶味又唔似水，唔知自己飲緊乜。上菜求其放檯面，唔夠位唔會幫你執下只會等你執比佢上菜。限時90分鐘我地食左45分鐘拿拿淋埋單走人去第二度食，浪費錢更浪費左我既happy friday

必食招牌心之蛋卷 邪惡包🤩-🍣 海膽蟹籽杯海膽好新鮮同埋有好多蟹籽鋪面!! 份量唔少㗎下面壽司飯都幾多! 兩個女仔share食個杯 唔會太飽又可以試多啲其他嘅小食同燒物👏🏻❤️ 心之蛋卷餐廳招牌之作 見到蛋卷上靚靚嘅茄汁「❤️ の」就認得佢地嘅佳作啦 蛋卷真係好出色 有流心芝士 蟹籽 同埋熟嘅三文魚係蛋卷入面 必試呢個🥰🍙 邪惡包呢個超邪惡但好好好味!!! 係紫菜包住帶子再包住鵝肝😍鵝肝好大隻好濃味 鵝肝本身油份好多 配上帶子獨特嘅口感 味道又幫手中和返個種濃味 紫菜上枱雖然已經唔係脆卜卜但仍然可接受 整體味道同口感都好好 食完仲有種餘韻係口腔好正!🦐 甜蝦刺身+三文魚腩刺身刺身好鮮甜好好食 三文魚腩尤其肥美 $40有4件 我覺得份量都幾大件㗎🦀 蟹肉忌廉餅熱辣辣上到枱一食就知係新鮮炸起 蟹肉味唔出 係忌廉味重啲 表面香脆 乾身唔會油淋淋 整體都好味道

// Japanese Eats - Love Cafe 🇯🇵🍱 //.It’s a new week’s Monday and you know it’s time to strive for your future again!💪🏻Why not treat yourself better with temptingly luscious Japanese eats after an exhausting day of work?🤪🥢.▪️Sea Urchin Sushi▪️I couldn’t deny how excited I am when every time I notice sea urchin sushi on the menu!😍It has always been a must-order for me!🥢 The sea urchin had a smooth and creamy texture along with a mild ocean flavor, then topped off with a slightly bit of caviar! It wa

朋友喜愛吃日本菜，難得很久沒有見，當然要吃得豪一點！！預先訂了檯，獲安排坐近窗邊的一檯用膳。這次點了蟹肉忌廉餅、鹽燒大啡菇、帆立貝蟹籽杯、蘆筍海老牛肉卷、心心三文魚飯、日式蟹籽沙律、蟹味噌軍艦、及燒BB露荀各一份。燒物類水準依舊，燒得剛好蘆筍海老牛肉卷兩者比例剛好，燒bb露荀好可愛！原來bb size的露荀真是超級迷你的Haha，燒露荀配上燒汁沾著吃，挺惹味的。刺身類的食物都很新鮮，每款都十分足料；這次點了心心三文魚飯，三文魚是半生熟的（表面烤得焦焦的，配上蟹籽及沙律醬拌飯很不錯。蟹味增軍艦很好吃，蟹羔拌上味增，味道很濃厚。再來光顧水準依舊，很滿意的一頓日本晚飯喔(⁎⁍̴̛ᴗ⁍̴̛⁎)

#懲罰黄店系列今晚黎到銅鑼灣嘅心之食堂LoveCafe同好朋友👩🏻‍🤝‍👩🏼見面食飯，6點去到啱啱開未有人😬7點左右就開始full了，建議大家book位再去！海膽杯好正！唔貴但勁多海膽🤤🤤仲幾鮮甜刺身叫咗💛日本空運油甘魚刺身4片$78 同💛三文魚（4片）$40一上枱嚇親🙈厚切到chisinlol 仲要三文魚只係40蚊😳性價比好高食落正正常常，油甘魚未解凍好，要等一陣間再食😬三文魚一定要叫呀！💛秋葵刺身沙律$88叫左醬另上，因為我唔食但我fd勁中意食😂😂秋葵同刺身都勁多😻超正，就係d菜唔夠新鮮差dd串燒方面有💛燒雞軟骨（3串）$38💛厚燒牛舌心（1串）$58💛京蔥雞肉串（2串）$40三款都幾好味😋特別推薦燒雞軟骨，好爽口勁中意🤪

銅鑼灣人多車多 我約人食飯 多數搵商廈餐廳 夠哂cozy-🥣🐚胡椒豬骨湯煮蜆 ($78）蜆肉肥美 豬骨🐷湯味道濃郁 連同時菜🥬一齊食 濃淡相宜 食熱葷之前先暖暖胃口-🧈🥘石版黑松露牛油帶子 ($88）巨型帶子放喺小鐵板上保持熱度 黑松露🍄醬香味👃突出 帶子鮮甜 兩者融合得天衣無縫-🍤🌈彩虹卷 ($68）吉列炸蝦做餡 外面係加洲卷式蟹籽或日本梅或黑白芝麻風味 一次滿足四個願望😬-🥙邪惡包 ($38）鵝肝入口即溶 同兩旁嘅鮮切帶子片 完全冇違和感 膽固醇超標🧭一次都冇所謂啦-🦪吉列炸蠔 ($68)吉列外層鬆化香脆 炸蠔軟熟唔腥 要KO成碟炸物 全無難度-🐔🍢燒雞軟骨 (3串$38）每串只需十幾蚊 抵食💵又好食😋 叫多一客都唔會肉痛-🔥🥩火焰鐵板牛柳串 (2串 $88）自創菜式之一 現場點起火焰將牛柳串🍢烤至七成熟 入口熱烘烘夠哂火喉🤩-🍹藍蝶花白桃乳酸 ($48）白桃汁🍑加乳酸 甜甜酸酸 夠哂解渴🧊 蝶豆花🌸嘅紫藍色非常吸睛😍 既睇得又好飲-📍銅鑼灣耀華街3號百樂中心12樓 心之食堂

今次同朋友去咗試心之食堂 除咗環境 其他都唔錯👍🏻環境嚟講真係麻麻地 餐廳不大 座位都比較窄 叫幾樣野食已經唔夠位擺 比較擠逼 如多人聚餐真係未必會揀呢度食 會坐得唔舒服 但2-3人都ok~海膽杯: 一向不太食生野 忍唔住都叫咗個海膽杯食 真係好新鮮 一啲腥味都無 非常鮮甜 而且賣相都好好黑松露帶子: 大大粒帶子配上黑松露喺面 但略嫌味道有點淡 調味可以重少少~吞拿魚腩壽司: 入口即溶既吞拿魚腩 牛舌串燒: 鍾意食牛舌可以一試呢個 牛舌好林好易咬開 調味都唔錯🤤鰻魚石頭鍋飯: 呢樣係最推薦一定要叫既菜式 鰻魚好大條 並不是出面有啲餐廳咁價錢貴但比勁細條你 佢真係啖啖肉 超正!!!💕💕💕

📍心之食堂銅鑼灣耀華街3號百樂中心12樓1203室百樂中心有吾少餐廳 今次食呢間樓上日式料理 小店但勝在有創意 味道都吾錯👏🏻✨刺身方面係試左佢既三文魚 睇相都覺得好肥美 一啖食落口感好正 好鮮！✨蟹味㬝軍艦 味道真係偏咸🤭✨心之魚生飯 揀左炙燒 好足料 燒得剛好 份量都吾少 加上蟹籽另外有款係心型刺身飯有甜蝦既✨串燒 雞皮太薄 燒到太脆 好似食薯片甘😐反而厚燒牛舌心有驚喜😍吾會燒得太un 口感啱啱好😋✨炸蟹肉忌廉餅 普普通通食吾到蟹肉但好creamy好脆✨邪惡包 其實吾可以話係包 紫菜包住鵝肝帶子 價錢好抵既可以一試！鵝肝煎到金黃色好香口✨鐵板燒豆腐有4大件 表面煎到脆 入面仲好嫩滑 用左燒汁 食落甜甜地整體食物選擇都多 刺身夠新鮮！好有❤️既小居酒屋 點餐都好方便 係用ipad自己落餐 但唯一建議客人到會有杯熱茶/水 普遍日式餐廳都會有人均大約💰$250

銅鑼灣百樂中心真係美食天地，搭lift上去必定要大排長龍🤣依間日式黃店，佢都入選左做其中一間2020優秀開飯熱店。星期二晚六點食左右，起初不算太多人，不過七點左右陸續開始滿人！.👓原條鰻魚石鍋飯 $118鰻魚都幾大條同肥美厚肉又冇乜骨，雖然唔算真係燒得特別香脆有炭燒味。白飯飯量幾多，因為用石鍋所以有少許飯焦帶香口，淋有少許鰻魚汁。評分：8/10👓心之蛋卷 $88一切蛋卷頗軟心而不是硬實，餡料有三文魚和飛魚子，帶芝士，面頭有沙律醬和茄汁撈埋食更惹味，蛋厚身亦大件，2-3人食都得。評分：8/10👓京蔥雞肉串 $40/2串每串有京蔥和雞肉各兩舊，塗上燒汁，雞肉都大粒亦嫩滑，最欣賞係佢冇雞皮所以唔肥膩，同朋友各自一串當小食都幾好。評分：7/10👓日式煎餃子 $58/5隻有輕微韭菜味，但肉餡偏淋身成唔夠實，餃子皮放涼左就會變硬所以一定要趁熱食，不過有餃子醋汁伴食沾完好食好多。評分：6.5/10👓蟹肉忌廉餅 $38餡料比較creamy多忌廉反而唔係好食到蟹肉，不過勝在佢即叫即炸真係熱辣辣夠脆，粉漿薄係夠香口。有四粒不過佢係一開為二。評分：7.5/10👓三文魚茶漬飯 $48上枱嘅時候茶已經混合了飯而

🎈心之食堂 (銅鑼灣)🔍銅鑼灣耀華街3號百樂中心12樓1203室-----朋友聚會，選址這間良心食店。中意佢地點方便，有人情味，味道質素亦穩定，所以中同聚會，好幾次都選了這個地方。-邪惡包（$38）香煎鵝肝配搭北海道厚切帶子，帶子令鵝肝多咗一份鮮甜味，鵝肝則令帶子多咗幾分鵝油脂香，入口細嫩幼滑，層次豐富，難怪見到個個黎都必叫。-原條鰻魚石鍋飯（$118）鰻魚大條又肥厚，鰻魚汁均勻分布喺每一粒米飯，非常滋味。唯一係飯量較多，齋食鰻魚有啲寡，如果可以落多隻雞蛋or幾片日式黃瓜點綴一下，相信會更加分。-李小龍卷（$68）見好多人叫，B仔又叫黎試下， 蟹鉗新鮮即炸，香脆可口，但份量較少，性價比一般，個人覺得餐牌有更多更好嘅選擇。-鐵板豆腐（$48）熱辣辣，外脆內嫩，醬汁濃度恰到好處，正，食完想encore。-燒雞軟骨（$38）乾爽有嚼勁，又係比食之選。-心之魚生飯（$98）外形iGable，味道亦無失禮，魚生新鮮無腥味，中間仲有一層夾心蟹籽層，口感豐富。-----👶🏻B仔整體評價：7.8/10個👍🏻👶🏻B仔抵食程度：7.5/10個👍🏻👶🏻B仔環境評分：7/10個👍🏻👶🏻B仔味道評分：8/10個

我既結婚8週年晚餐 ， 簡直係惡夢！一出電梯望到門口已有伏味，不過老公訂左位唯有入去啦⋯⋯一推門未開口講野就叫我企出門口等陣😅😅入到去坐低，座位奇窄，一望餐牌啲食物相伏味更濃， 第一樣上菜既係 螢光魷魚🦑 ，一擺落口，只能用前所未有既味道嚟形容.......難食到唔識形容😅我覺得個口感唔似可以生食既食物😑😑 店員行埋嚟提示海膽杯賣哂，我老公話要睇餐牌加單，我立即制止......我示意第一道菜都賴野，睇定啲先再嗌.....諗番轉頭好彩無再落單🤣碟燒荀...又幼又短都算...一半都係渣嚟😅 頂.......芥辣八爪魚🐙⋯⋯ 前所未有食過咁辣😅😅😅😅食左幾粒食唔到落去叫佢收走去算.. 仲有碟牛等左好耐無耐性等喇，叫佢取消...牛舌....一碟有3舊 ，蘇到......蘇過羊呀....我老公食左一舊無辦法繼續食落去.... 再叫佢收走佢，終於有問一句有咩問題，答完佢就話幫我取消左隻牛舌佢....仲有唔記得其他菜式叫咩名喇！總之真係好伏好伏好伏🥶🥶🥶🥶🥶難食到不得了，非常不值！

好耐之前黎過li間樓上日式店, 係typical嘅二人/四人枱排位, 坐得唔會太迫夾, 疫情期間加埋隔板食得仲安心, 記得店家嘅炸物好好食, 所以今晚都係target煎煎炸炸小食.🍤厚燒牛舌心 (HKD58)一串3塊厚牛舌味道夠濃, 咬落有啲爽爽地啖啖肉, 食完仲有牛嘅餘味.🍤燒香草豬頸肉2串 (HKD40)勁多香草🌿厚切豬頸肉, 又長又厚肉非常抵食, 即燒油香滿滿好邪惡!🍤燒雞皮 (HKD38)雞皮燒到脆卜卜勁香口.🍤蘆筍海老牛肉卷2串 (HKD58)一口牛肉卷有齊健康嘅嫩身bb蘆筍, 爽口蝦肉, 整體夠juicy.🍤南瓜薯餅 (HKD36)必食日式炸薯餅, 外面炸到脆哂, 內裡熱辣辣, 南瓜x薯蓉口感非常幼滑👍🏻.🍤蟹肉忌廉餅 (HKD38)Li個正呀, 蟹肉忌廉好creamy, 即叫即炸係好食d.🍤蒜香烤焗茄子🍆 (HKD68)大量蒜蓉蒜粒鋪喺切半茄子面頭入哂味, 我地碟茄子🍆好肥厚大條, 🍤心之荔枝清酒特飲 (HKD58)微甜荔枝味, 酒味頗濃🍹.🍤店家嘅用餐時間係90分鐘, 以上菜速度黎講都夠食野吹水gei ~ 👍🏻而家有隔板嘅setting感覺仲多privacy添.

心之食堂 (銅鑼灣).有心用心嘅食堂之餘仲要係黃店，大家要多多支持！.邪惡包$38/1.話明邪惡包，就緊係令人食完充滿罪惡感嘅嘢食！邪惡包係用紫菜包住肥美的帶子，帶子再切半夾住鵝肝！ 帶子夾住後中和左鵝肝嘅油膩感，入口即化，真係好好好正！.雞軟骨串燒.串燒都係呢度其中嘅食物類別之一，呢三樣嗌嘅都非常之好食(˶‾᷄ ⁻̫ ‾᷅˵)而且價錢都唔貴！.秋葵刺身沙律🥗.有刺身食嘅沙律，雖然我個人本身麻麻哋秋葵，但聽說都係健康嘅食物同埋我本來覺得佢黏黏感覺有啲怪(´･Д･)」但味道都不錯而且份量好大！.油甘魚刺身.兩個人食四舊勁肥美嘅刺身！厚切到不得了！.香葱石板牛舌.呢個好惹味牛舌，切成一條條，仲有啲蔥做配菜，好吃！—————————————————————-環境：⭐️⭐️⭐️⭐️味道：⭐️⭐️⭐️⭐️⭐️服務：⭐️⭐️⭐️⭐️⭐️價錢：⭐️⭐️⭐️⭐️.📌心之食堂 (銅鑼灣)銅鑼灣耀華街3號百樂中心12樓1203室—————————————————————-