心。泰 (已結業)

今日同細佬同朋友去(6個人)食Lunch(預祝細佬生日),叫左3個Set Lunch + 2 個另外叫嘅飯+ 超長帶子蝦春卷. 份量真係好的式, 最初都驚唔夠飽, 但竟然都食到好飽喎(我地大家都係普通人嘅食量)!而且味道幾好味架喎!!每人大概$53.慶祝生日都OK ga wor.多料卡拉布撈冬粉:味道唔錯, 但真係唔知係粉絲定冬粉.超長帶子蝦春卷:趁熱同醬汁一齊食最好味...海南(趣)雞飯:係炸雞, 但雞肉好滑喎!!個湯幾有椰子味丫!好味!!雞肉冬陰公湯金邊粉(係Set Lunch 嚟):個湯比第二度地方嘅酸, 但感覺好特別.好味!!!咸雞肉炒飯(唔係好記得個名, 係Set Lunch 嚟):同普通炒飯無分別!普通!!白咖哩海鮮焗飯:唔錯喎!幾好味道!賣相幾靚!!

香芒柚子沙津; 芒果好甜，柚子太大粒，而且唔夠甜。但加咗紫薑，味道幾特別。多料卡拉布撈冬粉: 的確有好多料; 豬頸肉(冇肉味)、半隻蛋、豆腐(好硬同乾)、蝦(冇蝦味)、魚(有少少魚味)、粟米芯及扎肉(冇味)。冬粉食落同粉絲冇乜分別，我朋友話分明係粉絲，點解要扮冬粉？撈冬粉嘅醬汁完全唔掂, 唔辣、又唔咸、亦唔夠酸！鮮蝦檬粉紙米卷; 每卷有3隻蝦但都係冇蝦味, 加埋冇味扎肉同檬粉食, 即使點埋酸汁都係淡而無味！

本來想到朋友聚聚，覺得環境也不錯，之前在對面的bar一邊等位一邊飲酒，等左都成半個鐘，都不要緊，排隊食飯都算係香港獨有文化吧。原本聚一聚，在美食當前風花雪月一番實屬美事，可惜事與願違....冬陰公只是一般，份量亦少，好在還叫了個南瓜湯，是唯一可以的。點了個魷魚脆脆，像天婦羅魷魚，但脆槳就甩頭甩骨。小食拼盤有串燒，魚餅，軟殼蟹卷，福袋(粉皮下包著雞、瓜等)，總算ok，但份量小得可憐，唔夠分，唔夠熱...唉莫非d份量只合二人食？等了很耐再都無食物到....—追再追.....其實還叫了炸豆腐、椰青海鮮飯、椰汁什菜等終於等到個什菜，應該係什瓜先真，只有d瓜物體，馬蹄芋頭等....唉....就咁加d椰汁上去，唔熱唔凍，想點？其他都不等了，埋單吧。$339，各人也就一肚氣走了。浪費我們難得的聚會時間，真的很不開心。做飲食多年，亦明白食肆運作上的難處和混亂，尤其是新開的，但那樣過份的就很難說得過去。亦明白餐樓的同事可做的也不多，如廚房混亂，漏了單等，唯有向客人道歉，而份量也只是公司的規定吧，唯有向上反映吧。之前在新世紀食過香葉棧，都不差吧，但同門的如此，有點那個吧。如店長知悉，有甚麼話說？集團一間間

兩個人食左:超長帶子蝦春卷: 睇佢果樣了了長長咁...以為佢冇乜料到...點知啖啖都有帶子/蝦....趁熱食最好味...泰式脆脆通菜: 唔明佢點解可以將D通菜炸到好似紫菜咁脆....又唔油....幾得意....椰汁海鮮喇沙: 估唔到咁鬼大碗...原本諗住再嗌其他野食...但係呢碗都夾硬食埋架咋....河粉底...吸哂D椰汁味....好正...而且勁多料....當中既魚仲好滑添....咁鬼大碗都只係$60....超值....citibank credit card 有10% off 埋單$136..題外話: 果個咁既數碼天幕...廢到爆...配埋果D嘈死人既音樂...不知所謂....其中一part主題係森林咁上下架...D 音樂再加上餐廳D燈斬斬下....仲以為自己去左rainforest餐廳添.....老實講...果D音樂真係極度擾人....嘈到根本連計都傾唔到.....好希望有關部門留意下....亦因為咁...環境我比1分佢....

有晚4人去食晚飯, 環境一般啦! 奇怪在明明係食泰菜, 但裝修卻似日式餐廳?當晚4人食咗 :- 超長帶子蝦春卷 (賣相幾有特色, 亦好好味)- the basil 拼盤 (有軟殼蟹,福袋, 沙嗲, 什菇肉碎粉卷, 泰蝦餅.) ($78蚊!無想像中咁好食囖!!!) - 香茅炒聖子 (千奇唔好哎, 因為全碟得d殼, 肉好小!!)- 多料卡拉布撈冬粉 (聽個名以為好正, 點知不外如是, 有點失望!!!)- 泰多八寶炒飯 (有咖喱鴨, 沙嗲雞,.....加一蜿飯) (有好多嘢食, 但唔知個名, sorry!!! 好味值得推介.- 玫瑰薑檸梳打 (好香甜味美) 呢間新食肆的食物都OK又多選擇, 應該會有下次ka!

基本食物都無乜好講，預咗一般，係叫做有大玻璃望街感覺好啲

同朋友黎食tea, 我叫左個泰式小脆脆. 小脆脆係將BB魷魚沾麵漿去油炸. 一客有10隻左右. 略嫌佢油左少少, 但係魷魚就好入味. 順帶一提, 此店服務員態度好好, 抵讚!

為左將窗位俾客人，所以呢間餐廳將個廚房擺係中間，所以靠窗的通道就俾較窄少少。香葉天同其他香葉棧的裝修唔同，比較簡約，用色都比較淺。餐牌都同香葉棧差唔多，食物質素都一樣咁好，係度食的喇沙就好似比香葉棧辣D 喇~服務都好細心殷勤，如果比較新世紀香葉棧，我會鍾意呢度多D。個窗境都幾好，有D可以望出街，有D可以望返落商場，不過我就望到有隻貓貓係商場另一邊外牆的一條通道行過(隻貓點上去架？-_-")

星期二同三個好友再到朗豪坊試新餐廳，由於我已預先訂位，本來座位不俗，落地玻璃還可看見街景。可惜鄰座來了一家九口後較嘈，所以我地要求轉位，waiter也樂意幫忙轉往四人卡座，服務唔錯。可能剛做完promotion，都有八成人客。其實部份菜式同EXP有d相似，味道唔錯! 最可惜Menu沒有照片，我們order的菜式賣相只是一般，但看見鄰座order的菜式賣相很特別及吸引，真猜唔透什麼菜式，下次一定要問問waiter。唯一要彈係waiter不斷詢問是否需要order飲品，仲係分別由三個waiter問三次，有d煩，可能是公司規定必需推介飲品吧!