影片
以上资料只供参考，请与餐厅确认详情
食记 (40)
同朋友去咗火炭大排档食晚饭😎同朋友一齐食饭饮酒就正啦，可以坐室外呼吸新鲜空气🤗叫咗三个小炒慢慢坐慢慢食豉椒炒蚬椒盐鱿鱼，椒盐豆腐拼鸡软骨送啤酒一流呀 😆每碟小炒都好有镬气，豉椒炒蚬炒得好嘢味，重点系清洁得好干净没有沙，豆腐和鸡软骨香脆，鱿鱼脆卜卜，外脆内软刚刚好 🤭
继续阅读
今日我哋叫左三样食物，一碟沙嗲芥兰牛肉，味道偏咸，另一碟系生炆斑头腩煲，d鱼唔系太多，有d豆腐，有少少烧肉，有少少白菜仔，味道可以，另一碟糸蒜蓉蒸蛏子王，过熟，$45 一只，比较贵，再加两碗白饭，最唔好系我哋坐系飞吸烟区仍然闻到烟味
继续阅读
今晚嚟到火炭开会，走嘅时候已经差不多十点沿路行落去有好多大排档都收拾紧见到呢间仲有好多枱坐紧，于是入去食个邪恶宵夜睇过餐牌，好多菜式都吸引同想试，可惜只得两人大排档真系要叫够成枱人嚟食先开心椒盐九肚鱼卖相不错，外皮炸得金黄酥脆，内里软滑细嫩香口野配啤酒一流～沙田鸡粥粥底绵滑软烂，鸡肉新鲜又爽滑，葱花够香外面咁冻食返啖粥真系成个人暖哂萝卜牛腩煲上菜时劲香又够热辣辣牛腩丰厚肥美，牛筋香嫩爽滑，炆得浓香惹味整煲连葱段香味四溢、回味无穷整体食物味道不错，价钱可接受，可以再来～*晚市每枱花生$6
继续阅读
呢d咁惨的日子，谂住食好d去cheer up 下。所以屋企一行5人今晚到德记吃饭。6点左右，不算多人。我们点了鸡粥、炒面、蒜蓉粉丝蒸蛏子皇、乳鸽，椒盐中虾、腐竹咸蛋浸波菜、汽水及啤酒。首先饮品先到，完全唔够冻。夏天黎架大佬（对我黎讲香港已经无秋天）。2/5然后鸡粥到，其实食左好多次沙田鸡粥，次次都差唔多。记得有一次老板同我讲，佢地煲好个粥，然后再将只半熟的鸡放入去粥度，咁只鸡就唔会’鞋’。佢讲得岩，咁多次都系唔’鞋’，仲几滑。但系咁个粥有咩好味呢？可能传统一向都系咁，所以无人觉得有咩问题。小弟唔算系咩一流厨师，都只系系屋但煮下饭仔。但我煲鸡粥，会先放鸡骨落鱼袋，放入水煲佢几个钟，拎起个鱼袋，捞起上面飘浮物，再落米。等到粥煲到7788，最后先放半熟的鸡。会唔会咁先真系叫鸡粥呢？传统系咪一定要一成不变呢？所以我本身对呢d所谓的沙田鸡粥，完全无感。3/5好另一个主角，乳鸽出场。哗，唔讲我以为烧春鸡，咁鬼大只！曾经有人话呢度d乳鸽唔算大只，我心谂果条友都傻架。乳鸽要吃嫩，就一定唔会大只。可能老板睇到佢个食评，立即入青少年鸽。一撕开，咬落去，’鞋’到呢，而肉汁偏少！某些位置炸得不够令皮不够脆（可能无回镬再炸第二次），亦有可能是青少年鸽，所以皮不够薄。我想讲，红烧乳鸽，唔系就咁炸，系吊起只乳鸽慢慢淋油淋到佢熟。我都唔期望你会咁做，可能功夫太多，所以大家都掟落镬油，一镬熟。都唔紧要，可以材料又货不对版，炸又炸唔好。呢d乳鸽，你食埋我果份！1/5 （有负分的话-5/5）然系蒸蛏子皇系乳鸽出现左一阵就出现！两个字精彩，咁简单的野，其实都系睇时间。只蛏子皇缩到劲幼，未食都知道精彩。好啦咬落去好似食橡筋咁，我太太直情咬唔到落去，最后净系食左d边位！真心，好唔好意思上枱？1/5 （有负分-10/5）炒面上啦，我成日都话唔应该用扁面炒，用番平时d幼面就得。个面偏咸、无镬气、太湿，明显唔够功夫。所以用番幼面咪好，系要自暴其短！2/5波菜正常 3/5椒盐中虾就系成晚最正常，虾都新鲜，略嫌椒盐味不足及火候过左少少，但都好食！4/5大排档，令人谂起镬气、小炒。再高级的，还有海鲜。火炭沙田，令人谂起鸡粥、乳鸽。德记将火炭大排档令人的联想完全向反面扩张。记得上一次明明无咁差，再上一次又好d。点解依家会变到咁？讲真如果真系2024年要执，真系唔可惜。大排档系香港的特色，唔该，俾d心去做啦！！！
继续阅读
埋单贵左几倍，张单又下角我圈住果个系餐牌上面个价，佢话我地人多帮我地加大，价钱系原来既三倍，要求我地加大又冇讲加几多钱。份量加1倍，价钱就加3倍。加大你收我一倍我都算，你有四样嘢收我三倍我真系无话可说
继续阅读
您可能会有兴趣的...