德記茶餐廳

营业中

休息中

南丫島行山前冇咩要求，想求其一間茶餐廳醫肚，於是隨便入左間睇落幾多人既食店，坐左陣先發現客人大部分係原居民，遊客唔多，即時有少少期待。雞扒出前一丁 ($30)食丁麵最緊要係唔可以太淋，呢度煮既時間岩岩好，僅僅熟仲有少少麵餅既形狀就上碟，雞扒亦煎得幾香。腸仔雞翼出前一丁 ($35)本來好有興趣叫個薯條雞翼餐，但中午又唔想咁熱氣，退而求其次叫個冇寫明煮法既雞翼餐，驚喜地發現有三隻炸雞翼！ 雞翼新鮮炸起都唔會好油，夠熱夠脆好入味，冇得輸。

今日約好左一班同事入黎南丫島行下同去整玻璃，上左風車山之後就即刻去整手作仔，整完先發覺大家既肚已經打晒鼓，就即刻揾野食。最緊要快靚正醫肚先一行八人，好在今日係平日，如果唔係等位都要等一輪先有。每行一間都問下地頭蟲呢間伏唔伏行到德記就話呢間食品唔錯，所以咩都唔理就衝左入去。同事們七嘴八舌咁落單，伙計反應快。無落錯單情況公司三文治 一份好公整既公司三文治，諗起曾經有一位做餐飲既朋友仔最怕客人點公司三文治，因為工序多，所以一般賣相都係麻麻，但今日呢間茶餐廳出品確實唔錯，烘底既包特別好食，且內涵也很豐富，牛餐肉，蛋，蕃茄，生菜，豬扒而沙律醬汁也不會過多，只是我口唔夠大，未能一口咬晒咁多層雞翼薯條(2份)一放底時個個都話好大隻，而且係新鮮炸出黎，唔似外邊返炸再返炸，肉嫩多汁冇雪味，再襯熱食埋薯條一流紅豆冰紅豆蓉好厚實，帶有點粒粒口感，不會太粉的但每人口味不同，反正就正合我意。伙記老闆個個都好好傾，又好笑容。比起島外既餐廳好有親切感。

聖誕冇去旅行所以去南丫島行吓，去到已覺肚餓，走到這間見門口薯條雞翼嘅相心入面已經決定要入去喇！即炸粗薯條雞翼面脆入面係好滑㗎！好多年冇食過咁好味嘅炸雞翼！配埋檸樂真係冇得頂

天文台話落雨點知好天到爆去南丫島行行 去睇風車 搵下野食因為小市民食唔起附近D食肆見到一間幾新淨既茶記 就入去試試先入面既環景叫左時菜肉片炒麵 薯條雞翼 凍茶 熱茶 時菜肉片炒麵 冇味精 非常好 薯條 新鮮炸 但食落去空心 冇乜肉 雞翼 新鮮炸 一般凍茶 一般熱茶 黑白奶最正總評 味道:一般環境:新淨企理服務:快手衛生:乾淨 抵食:一般街坊食店 敍腳點 好悠閒 吹下水就一日 行完先記得番黎影 已經拉閘