9
4
0
| 餐厅: | 德記茶餐廳 |
|---|---|
| 资讯: |
为鼓励食肆透过提供食物份量选择和采取减少厨余措施，与顾客共同从源头减少厨余，环境保护署推出了「咪嘥嘢食店」计划，参与食肆如符合评核准则将获「咪嘥嘢食店」认可资格和获发「咪嘥嘢食店」的标志及标贴，以供张贴於店舖内和宣传，供顾客识别。此计划全年均接受申请，申请费用全免。
详情可浏览：https://www.wastereduction.gov.hk/zh-hk/waste-reduction-programme/food-wise-hong-kong-campaign
影片
寻日 25号圣诞假期，我带澳门过江龙亲戚入咗南丫岛尽吓地主之谊。我哋由索罟湾一路行到去榕树湾，到咗榕树湾只脚又攰肚又饿，见到有间德记茶餐厅，于是我哋二不话说准备冲入去医五脏腑歇下对脚。门口都未入，老板娘同伙计们笑容满面殷勤地招呼我哋入去坐，第一个印象已经觉得好今时今日呢种服务态度，真系好难揾到。入到里面，虽然铺面唔大，但系好干净好光猛，座位唔迫，一啲都唔似我哋平时食开果啲黑麻麻，坐得又迫，地下又污糟嘅茶餐厅。入到去我哋叫咗份鸡翼薯条，仲叫咗一个肉丝炒面，一杯热斋啡，一杯热奶茶。因为唔系老板娘落单，啲嘢未嚟果时，老板娘专登走过嚟问我哋，你哋有冇叫鸡翼薯条呀？老板娘叫我哋试吓，话好好味㗎。薯条一到，咬第一口，果然超级新鲜，脆卜卜、热辣辣，而且仲系粗身薯条，完全唔系柴皮薯条又幼果啲。佢哋个鸡翼仲可以炸到表面金黄脆卜卜，里面一啲血丝都冇，而且啲鸡肉仲好嫩滑，真系好正👍。肉丝炒面个面底炒到啱啱好唔硬，但系又系脆卜卜，啲肉丝唔干唔硬，软腍腍好新鲜，平时我食肉丝炒面唔会食啲肉，因为好硬同雪味好大，德记竟然令我哋光盘，一粒肉丝都冇剩。个奶茶滑嘟嘟，我亲戚话个斋啡好香👍。我亲戚话，德记啲薯条同鸡翼，真系超好味，佢系澳门都未食过。我哋两个人食到干干净净，我哋望吓隔离几张枱，啲人走嘅时候都系食到光盘，人流不断。老板娘好亲切，唔知系咪好多都系老街坊，老板娘见到佢哋会问，你今日想食咩啊？啲伙计好好，我问佢攞一杯热水𠮶时，佢问我亲戚你要唔要呀？跟住我亲戚俾个热水壶问伙计，可唔可以入落去呀？伙计话我不如入啲暖嘅水嘅俾你好唔好呀？惊太热我亲戚饮唔到，真系好细心。除咗德记服务态度及人情味令我印象深刻之外，德记啲新鲜嘢食仲令我更恋恋不忘。我亲戚仲话下次放假一定要过嚟香港，搭船去德记再食多次，特别系佢个鸡翼薯条👍👍👍。
继续阅读
今日同同学去南丫岛旅行，食饭嘅时候谂住揾间平平哋嘅嘢食，结果就揾到宝藏🤩。我就嗌咗干炒牛河，红豆冰同炸鸡翼。干炒牛河食落去完全唔制，但系味道又好好😋，而且包埋饮品都只系$50好抵，我就加咗$15买埋红豆冰最后我就买埋炸鸡翼同同学食，$30有四只，喺南丫岛𠮶度绝对算抵👍🏻最想讲嘅就系佢嘅服务态度，𠮶个waiter好热情，见到有空水樽将会免费帮你斟水，而且会一直同你倾偈，见到我买咗鸡翼都会加盐，而家喺香港好少见啲咁热情又靓女嘅姐姐👍🏻如果大家嚟到南丫岛，要试吓依间❤️
继续阅读
晨早起床见天朗气清,嗱嗱声准确郊游...去边好呢🤔南丫岛岛仔细细,坐船都系30分钟就到,郊游径易行又安全...仲有唔同嘅餐厅.落船行大约10分钟见到一间港式茶餐厅,都有好多街坊系入面,心谂应该都好食嘅😅坐低,老板娘好有礼貌咁招呼我坐同比餐牌拣嘢食. 我就拣咗A餐, 火腿通粉,炒蛋,牛油方饱,配热奶茶. 出餐好快！火腿通粉,汤够热,通粉系大粒果种,火腿切幼丝,老板娘建议落D潮州辣椒油更加好味,果然系正👍炒蛋正常面包新鲜😉杯奶茶浓滑😍埋单$39. 系南丫岛算唔贵☺️之前喺索罟湾食早餐要食50蚊以上一个人,仲要唔好食🤬
继续阅读
今日和老公本来去上环换回乡证，落车时过了一个站去了中环离岛码头。既来之则安之，于是突袭转场去了南Y岛。平日时间没甚游客，很多cafe也没开，也不是太饿，于是入了这家茶餐厅吃下午茶。眼见在座的都是原居民，加强了信心保证，叫了一个餐肉鸡扒出前一丁，及炼奶西多士。出前一丁煮得刚刚好，仍保留弹牙爽口的口感，在家中煮不出来。鸡扒煎得香脆，餐肉一样有煎过甚有诚意。炼奶西多士略嫌细件，还是比较吃惯蜜糖多于炼奶～
继续阅读
「德记茶餐厅」这里客人非常之多，而食物方面，我就点选了以下（炸薯条加鸡翼）-此店的炸鸡翼真的要试下，皮脆肉嫩多汁，十分香口而不油腻。薯条就盐味不足。（练奶西多士）-糖浆嘅西多士大家就食得多啦，唔知练奶嘅西多士你哋又食过未呢？唔讲大家可能唔知，其实早在三、四十年代已经有（练奶西多士）嘅出现，当时因糖浆较贵的关系，所以好多茶记都会用上练奶。言归正传，味道方面，入口唔会大甜，练奶配合西多，食落十分滑。（肠仔煎蛋汤米）-汤头味道不足，从而令整碗米粉失色。（红豆冰）正呀~红豆大大粒，仲要起沙，饮落好舒服，而且不会太甜，我好钟意杯红豆冰♥️
继续阅读