德美壽司

营业中

休息中

今日黎到尖沙咀食日式料理，餐廳提供多種唔同既菜式，壽司、串燒、漬物、鍋物應有盡有😋😋而壽司非常高質，都係非一般既享受今次黎三品壽司🍣大拖羅壽司、三文魚腩壽司、油甘魚壽司刺身好肥美好鮮甜，同飯既比例拿捏得剛剛好，擺落口好似要溶化咁。拖羅壽司有分2個grading，一場黎到真係推薦大家食最勁🤑🤑每一啖都好好味😚😚鍋燒烏冬呢個鍋燒烏冬材料好豐富，有天婦羅蝦、蟹柳、雞柳、菇，食完一定飽哂😙😙

德美壽司一直都是尖沙咀H8內人氣日本菜餐廳之一，以往平日時段容易滿座。 是晚亦不例外，一踏出店前升降機就已經企滿等候入座的食客。 餐牌選擇多，有壽司、刺身(單點/五點盛合)、卷物(小卷/手卷)、丼物、鍋物、沙律、漬物珍味、天婦羅、串燒等。(三色壽司) 牡丹蝦、甜蝦、花竹蝦 $116甜蝦、牡丹蝦，蝦刺身的淡淡鮮甜花竹蝦，熟蝦肉入口爽身order時，牡丹蝦(蝦頭)有3種食法可選：1. 唐揚(炸) 2. 生食3. 蝦頭湯 (+$20)選了原汁原鮮味，生食牡丹蝦頭！帆立貝壽司 (2件) $41一碟2件，大片，厚肉，口感滿足！活赤貝刺身 (1隻) $70一碟一隻，一碟有兩種食法活赤貝，口感爽脆，除了淨刺身，伴碟有4件入口清新爽脆的小卷，卷有活赤貝、青瓜絲、白蘿蔔絲，而且紫菜保持到脆度！_______________德美壽司 (尖沙咀)尖沙咀厚福街8號H8 5樓_______________

延續對日本既思念，今日又忍唔住去食日本野啦。今次去厚福街食德美壽司做晚餐。🤭🤭今日早咗過去，所以去到唔算好多人。入口既壽司吧枱好吸睛，坐吧枱既話可以一路睇住師傅料理一路進餐。但我地最後揀咗坐卡位，舒服啲。😍😍餐廳係用QT code落單，幾方便既。 咁我地首先叫咗個大蝦天婦羅吞拿魚茸卷。睇相都唔覺原來咁大份。天婦羅蝦好大隻，粉漿好薄，唔會食到一口油，蝦亦好爽口。吞拿魚茸份量適中，配埋蟹籽，食落除咗有魚既鮮甜味，仲有多重口感，值得試下。😄😄之後我地叫咗三色魚生飯，隨餐仲有個麵豉湯同沙律。魚生有三款，包括三文魚，油甘魚同埋帶子。魚生真係好新鮮，尤其係帶子，有自然鮮甜味，唔似冰鮮帶子。其他魚生都非常厚切，好唔錯。😁😁最後我地叫多個鹽燒油甘魚鮫。呢樣野我自己真係好鐘意食，油脂感豐富，加上附骨既魚肉真係好滑。呢到都做得好有水準，魚鮫燒得啱啱好，一夾就離骨，加上呢個部位真係好肥美，油脂香，魚肉都非常嫩滑。❤️❤️

想去尖沙咀度搵好嘢食，真係要易過借火，今次就嚟到食日本嘢-德美壽司，呢間日本嘢質素都幾高，性價比都唔錯，每次黎食都會好滿足咁離開！今次又再黎食其他嘢，試吓啲平時少食嘅嘢！首先我哋叫咗鰻魚朴葉飯，超級大碗，好抵食！大大舊鰻魚仲有碗麵豉湯！之後我哋再叫咗碗三文魚茶漬飯，味道淡淡地，都幾好食！我地仲叫左芝士鰻魚卷，呢個不過不失，味道不錯！之後我哋叫咗個特別啲嘅鰻魚班戟，好得意甜甜地，第一次食呢隻口味！幾有新鮮感！我哋仲叫咗鐵板牛柳粒，大大碟度熱辣辣上枱渣渣聲，好正好抵食份量都好夠！牛舌都唔錯，燒喉剛剛好，調味都唔錯！最後兩個人$600都唔使就可以埋單，性價比都算唔錯！下次要再試埋其他嘢先得！！！！！

要係尖沙咀搵性價比高嘅日本餐廳都唔係咁易，今次一大班人揀咗去德美食lunch，人均都係$70左右，仲要免加一。今次揀左個吉列豬扒配烏冬，定食仲有兩伴卷物，茶碗蒸，沙津，甜品。$68就黎到咁多野食，係尖沙咀呢個商業區黎講都算抵食。豬扒炸得鬆脆，唔係一味得堆炸粉。可以點埋燒汁食，不過唔點都夠味。茶碗蒸都口感順滑，唔會無蒸到啲蛋好硬咁，入面仲有蝦仁，帶子粒，蟹柳。唔係一味得蛋咁普通。由於同行8個人，所以就安排咗坐房，位置鬆動，唔會太逼夾。

今日夜晚去德美食，叫左個三色魚生飯，D魚生每件都厚切，好新鮮。魚生份量都比得多，所以食落都好飽! 仲有前菜同面豉湯，前菜係沙律，仲有煙三文魚係面，一D都唔求奇! 之後叫左個牛油果軟殼蟹卷，比想像中大件! 同樣係好足料。而且包得好實，唔係個種你一夾就散既圈物。牛油果可以中和一下軟殼蟹既膩感，呢個配搭幾好。明太子茶漬飯既明太子係本身燒過，咸咸香香，茱底係玄米茶咁，幾清香。之前都未試過呢到既串燒，叫左燒雞肉棒，中間有D軟骨，幾好食! 最後仲有甜品，係3色既糕點，中間個層係椰汁味，另一層就食到芋頭味!

三文魚腩刺身（六片）$88呢個建議大家有3 or 4個朋友仔食先好叫 佢一件已經超厚 一啖放落口超滿足 但同時佢又好膩😆上次同朋友兩個人食 飽到飛起即刻咩都食唔到 今次多人share就好好多 可以試其他嘢燒牛舌$86正常 不過唔夠有咬口晚市丼物 $142吞拿魚蓉丼飯又係必叫 呢間係我唯一暫時食過最好食既 又唔會有腥味又夠大份😙大拖羅、三文魚腩、油甘魚腩壽司$152朋友叫既 佢話好滿足啊抵啊😂蟹膏軍艦(2件)x2 $110我太飽無食到 朋友話幾鮮味 洋風鰻魚班戟$62次次黎都會叫 印象中之前好似多一兩舊 而家雖然少咗啲但係無阻我對佢嘅熱愛😆裏面有鰻魚夾住牛油果又有啲沙律醬 加上佢即叫即整暖暖地 成個口感好豐富🥰海膽軍艦（2件）$110蟹膏軍艦(2件)x2 $110太飽無食到 朋友話幾鮮味

今日同咗朋友去呢一間「德美壽司」一入到嚟嘅感覺已經十分不錯，環境夠闊落裝修亦都好靚。再睇一睇個餐牌，食物嘅款式非常之多，賣相都好吸引。搞到我地揀咗好耐先決定到食咩好。講返重點先，我哋總共叫咗加州卷、鐵板牛柳粒、厚切三文魚片，鰻魚飯同埋日式烏冬。首先想講佢哋每一樣嘅份量都十分之多。加州卷（$49）嘅體型比起平時見到嘅大好多，啲配料亦都塞到滿一滿。一啖食晒擺落口，個口感真係無敵。然後就係鐵板牛柳粒（$88），唔止個牛柳粒入口即溶非常惹味，其他配埋嘅薯蓉、南瓜，粟米同埋洋蔥都十分之好食。絕對係我食過嘅鐵板牛柳粒之中最好食嘅！跟住就係厚切三文魚（$66）。呢一碟三文魚雖然得5塊，但係每一塊都十分厚身同埋新鮮，食落口感同味道一流，一啖食晒十分之滿足。唯一可以進步嘅地方係個Wasabi味都唔太夠，個人覺得可以再搶鼻啲。再嚟就係個鰻魚飯（$100）首先鰻魚做得好夠味好出色，飯身咬落好有口感。份量好多，齋食一個都已經夠晒飽肚。最尾就係鍋燒烏冬（$70）可能因為成餐飯有太多驚艷嘅位同埋前幾個菜做得太出色。呢一個烏冬稍為失色咗啲。雖然係咁樣講，但其實味道都唔差，配料都有好多。最有印像係天婦羅好好食，好大條

尖沙咀福厚街多嘢食出咗名，今日揀咗呢間日本嘢食， 有几間分店，喺大埔沙田、觀塘、尖沙咀、黃埔新邨。上到去餐廳好寬落，仲有個大露台，出面有几棧大紅日本燈籠，可坐出去，都几chill我地叫咗：❤️加州卷同平時嘅加洲卷有啲唔同就係除咗有蟹柳之外，佢入邊仲加咗好多沙律蔬菜、青瓜絲，食落感覺好健康❤️鍋燒鳥冬天婦羅炸蝦🍤好正，又大條又脆口😋。烏冬唔會煮到林晒👍❤️芝士鰻魚卷鰻魚又肥又厚，加埋鰻魚汁好好味😋❤️三文魚親子卷三文魚新鮮，肉質彈口

壽司盛 (3-4人前)🍣壽司有三文魚、油甘魚、帶子、熟花竹蝦、香葱吞拿魚腩碎、鰻魚同蟹子壽司 + 甜蛋、吞拿魚卷同埋青瓜卷🥒基本上咁多樣壽司質素都係平均值以上，因為選用嘅刺身都幾肥美而且軍艦類壽司嘅材料都放到好高好滿，有質素之餘份量都有返咁上下，真係好抵食👍🏻雜錦天婦羅🍤小編試咗大蝦同埋番薯天婦羅，啲蝦真係夠晒大隻，食落鮮甜無雪藏味，番薯夠甜估計都用左日本嘅甜番薯🍠，食落清爽唔油膩🥑牛油果軟殼蟹卷🦀️牛油果軟殼蟹簡直係小編嘅最愛，牛油果壽司卷本身已經有獨特嘅口感，加埋軟殼蟹喺入面同埋蟹子做陪襯點綴，食落卜卜脆好嘢味🍲鰻魚炒飯一上枱以為個飯細細個，點知小編食完個飯都差啲食唔落甜品。個飯炒得都OK，有少少濕潤嘅感覺，唔同中式炒飯要炒到乾身乾爽粒粒分明，呢個有少少汁咁都幾好味😋🍮芒果椰汁糕每次去德美都會請小編食芒果椰汁糕做甜品(其實每一枱都有😂)，椰汁糕食落有好香濃嘅椰汁味，但係芒果醬嘅味道就唔係好出，口感Q彈，OK 啦😊

同幾個fd諗緊尖沙咀有咩食有fd 就提議食德美🤫7點鐘好好彩唔洗等位就可以直入😚我地4個人叫左好多野食火炙三文魚同左口魚壽司都好香，火炙完嘅油香都唔錯😋有個鯛魚刺身都唔記得影😂但食落去係幾新鮮👍🏻口感都唔差😚百幾蚊有咁嘅質素係唔差😄牛油果軟殼蟹手卷好足料，牛油果加埋軟殼蟹嘅配搭果然冇死，同埋蟹都大份🤩天婦羅同壽喜燒牛肉鍋就正正常常啦都冇咩特別😂串燒牛舌好味👍🏻佢本身夠厚又燒得好食，有特登再encore😛燒雞軟骨都ok👌🏻燒魷魚就燒得幾香，有淡淡嘅火香🤤最後叫左個鰻魚炒飯但唔記得左影相😂一開始以為碟上但佢攞左石鍋上係加分位👍🏻炒得d飯粒粒分明，同埋一上菜太香搞到唔記得影就食左🤤之後再叫多個牛肉炒飯都一樣咁好食🤩最後佢送個甜品係泡芙仔黎我就冇特登影到🤫Overall黎講呢間餐廳都唔錯，如果我係尖沙咀諗唔到食咩呢間都會係一個唔錯嘅選擇，但就應該唔會特登出黎食喇😛價錢：7/10環境：8/10服務：8/10食物：7.5/10

德美係我最愛食店之一😉。今次去遠啲，試下尖沙咀分店😆。7點去到竟然唔洗點排隊👍🌟油甘魚壽司🌟🌟帆立貝壽司🌟壽司飯少刺身厚，新鮮度 💯🌟洋風鰻魚班戟🌟呢個配搭好特別，引左我叫黎試下。班戟皮甜甜地，配上鰻魚，明太子，牛油果，醃瓜，味道唔濃仲好清新，絕對可以一試。🌟廣島蠔石頭鍋飯🌟要等25分鐘烹調，上到枱見到4隻大大舊既廣島蠔，底下有蕃薯，南瓜，芋頭。蠔既海水味滲左落啲飯度，微微既咸味，仲有飯焦既脆口😋😋食完都仲係知道會再有下次😂德美掂呀‼️

呢度之前好多朋友仔都推介，未食過都唔敢去推薦比人，始終香港好多日式餐廳德美d壽司真係正，刺身勁新鮮唔怪得CP值咁高，身邊朋友都大推原來真係咁正，其他日式料理都好出色下次再去食，記得book位

今晚去尖沙咀厚福街度食嘢，食返一間好多朋友都話不錯的德美壽司🍣餐單比其他連鎖壽司店選擇多啲～ 好豐富，由壽司、炸物、手卷、鍋物都有，質素仲要幾平均～我哋今日唔算好餓，所以淨係叫左少少壽司🍣三文魚同火炙三文魚壽司都好好味👍🏻 啲肉好厚實跟住鰻魚壽司都好靚料👍🏻啲鰻魚真係似平時食鰻魚飯個種，想食鰻魚但係又食唔晒成個飯，食呢個都可以好滿足。加州卷同鍋燒烏冬都係好普通既野，但呢到既水準都比其他壽司店好，例如加州卷啲青瓜會切到一絲絲很細的，不會一整條，比較有口感。另外鍋燒烏冬都有一隻好大嘅天婦羅蝦👍🏻 埋完單竟然仲有甜品送，好好味既抹茶椰汁紅豆三色糕🫶🏻

細細個呢間日本餐廳已經好出名，嗰陣時幫中學同學做生日飯會搵呢間慶祝。估唔到過咗10幾年，德美壽司仲喺尖沙咀。今日就同老朋友嚟回味一下。裝修保留住日本居酒屋🏮既味道，全以木材裝修，有bar 檯位置，可以比食客望住師傅整壽司。亦有很多張2-4人檯。 仲有一個設計超和風嘅露台，用來比吸煙食客出外食煙🚬。 與時並進，現在已用QR code 手機落單。除了出名的招聘壽司外，仲有鍋物、串燒、天婦羅、沙律前菜、揚物、盛合、麵食等。 食物品種多元化。野菜牛肉鍋 $108本身諗住叫來食菜，點知比左超多肥牛，無咩菜，牛肉差唔多佔左成半鍋。餐廳堅係有良心，落足本。就算無叫烏冬送個鍋，都食到好飽。 德美海膽魚生飯 $172一來到五顏六色，未食已經超吸眼球，打卡必點。 超大碗，超足料。 三文魚籽、蟹籽、油甘魚、海膽3粒、帶子、玉子蛋、花竹蝦及三文魚等。 仲要三文魚同油甘魚每一片都超厚生，超飽肚。 完全係2人份量。最後仲送上兩個飯後甜品芒果奶凍，淡淡地芒果味重，成餐飯好滿足。