德島

营业中

休息中

德島主打奶茶同鴛鴦，聲稱獲獎無數，令我哋好期待試吓佢嘅水準。餐牌設計顛覆傳統，以飲品為主角，配食品有優惠，顯示對飲品充滿信心！熱奶茶嘅茶底香濃且幼滑，入口順口；鴛鴦咖啡與茶嘅比例調得恰到好處，平衡度好。沙嗲牛肉出前一丁竟然唔使額外加錢，牛肉味道幾好，但炒蛋直接放入湯底感覺有啲怪怪的。香脆雞扒炒蛋印尼撈麵嘅雞扒好香口酥脆，撈麵口感豐富。多士用咗厚方包，牛油都搽得好均勻，即烘即脆！整體食物質素令人幾滿意，環境都舒適。

早餐時段入去,見到個餐牌寫$41,出單先知,原來唔包嘢飲,叫飲品有優惠,就係個面31,奶茶正價,怪就怪自己冇問清楚睇清楚,碗麵嚟到嘅時候都已經搞笑,你有多士,點解隻蛋唔擺喺多士嗰度呢,最啲雞蛋放喺啲面上面,沙爹牛肉出前一丁,完全食唔到麻油味,分分鐘都冇落埋油畀我,嗰杯奶茶仲衰,講到自己茶王呢樣嗰樣,叫多奶就冇多奶,成杯奶茶喼嘅一啲都唔滑,如果想飲難飲嘅奶茶你哋就去啦,最後補充多句,裏面啲職員都好冇禮貌同好串,有個客話等咗好耐,個男人又拎張單同個客喺度計時間,話畀佢知你幾多分叫,其實唔使咁串嘅,人哋問你得未啫,之後把枱裏面嗰個女人就話,肯定冇四個字啦,趕時間就唔好嚟食㗎嘛,呢度食嘢係耐㗎喇,你哋咁嘅價錢,又貴又唔好食,仲有下次？排隊嗰啲我真係唔明咩心態😑😑😑

有次行過見到門口排晒隊，八封睇吓呢間餐廳叫咩名，上Openrice search個個都話奶茶好飲，所以決定要去試吓，一入店店員話「早晨！幾多位」，帶咗我哋最入嘅座位，見我哋share睇緊餐牌，即時喺隔離張枱攞多個餐牌俾我哋，話唔洗睇得咁辛苦上面～餐肉腸仔炒蛋通粉同鴛鴦走（落煉奶）下面～沙爹牛肉炒蛋通粉同奶茶走（落煉奶）早餐就正正常常，杯奶茶真係好飲，媽咪話佢杯鴛鴦好飲啲，其實都係個茶底正先可以溝到杯好飲嘅鴛鴦店員送上多士，即刻食好食啲喎！咁就食咗先啦！香！脆！食飽仲要每樣買多支返屋企店員話飲嘅時候要搖下個樽，怕啲奶沉底。服務好好有早晨又多謝仲溫馨提示，今時今日仲有呢個好客之道，難怪排長龍

今日趁唔係甘忙就去遠少少lunch, 德島既奶茶聽過好多次，今日裝終有機會試下。中午人真係好多，預左要搭台。叫左個咖哩雞扒飯，講真賣相唔係話好亮麗，但勝在份量夠多，依度起碼有1.5大塊，好足料。雞扒肉質幾嫩滑，雞皮係脆的。估唔到賣相麻麻但味道都幾好。咖哩汁偏咸，係典型既港式咖哩味，還好。主角係奶茶，拿獎係有原因的。飲到茶既香味，之後係回甘既甜味。因為夠濃所以入口真係好rich，黑白淡奶真係奶茶既靈魂，好香。見對面加糖飲但我覺得唔加先好，飲到茶既自然回甘甜味。整體個人覺得食物質素幾高，奶茶係必試。

知道呢度奶茶靚, 特登星期日同屋企人過黎試下奶茶真係唔錯, 個菠蘿油好出色, 熱同脆, 非常好食. 其他野食茶餐廳大路, 都ok 嘅. 勝在出品快. 大部分嘅餐廳店員都好好, 好有禮貌. 我地一行5個人, 分到4人檯, 係有少少逼. 其中一位店員好好, 用餐期間將隔離一張檯比埋我地坐一陣, 但可惜同一位女店員中間有誤會, 比女店員好粗聲粗氣咁, 當住我地面, 話佢做咩亂咁比檯人, 而我哋又好尷尬咁還返張枱俾佢… 其實都係食餐飯啫, 少少誤會, 唔需要咁勞氣…

家住附近，光顧不下數十次，但員工服務態度奇差，尤其對待外賣客戶，已經幾次都是明明見到外賣已完成，但員工特登沒有主動攞餐點給客戶，等待我詢問的時候她才扮晒嘢話未得，但係入去即刻就攞到出嚟！香港有多幾個呢種服務態度嘅員工應該好多餐廳都可以執笠啦！

同事一早話呢間既奶茶超出名一定要黎佢地既Menu又幾得意係飲品正價 野食係跟餐價咁證明佢地注重杯奶茶到杯奶茶真係好香茶味奶同茶既比例恰到好處而野食中規中矩 不過不失但塊雞扒做得幾好表面係脆口 又唔會太柴不過真係好多好多好多人記得早D黎排隊呀

天后有不少西式 brunch 的選擇，如果想食港式 brunch，就可以考慮德島啦！一入到餐廳，第一個觀感係：嘩！好香奶茶味！特餐有哂茶餐廳基本既選擇，如果會加飲品（例如：熱奶茶 $24），食物就有特價（減$8），變相即係加 $16 要杯奶茶雞扒煎蛋出前一丁，真係點整都唔會唔好食架而且雞扒夠哂份量蛋牛治烘底亦係無得輸既選擇奶茶都係水準之作，一d都唔會苦澀，而且都算幾大杯呢間茶餐廳最令我喜歡的地方，係侍應個個都好好人，態度好有下次！

奶茶總得分：2.14🐑🐑叫得做冠軍奶茶王，一定要嚴格啲品評佢。今日杯熱奶茶，係喺唔係茶走，同埋冇落糖嘅狀態下試味：1）奶茶熱度夠-9分2）杯茶冇茶香。應該咁講，成間舖頭都好有茶香，但杯奶茶嚟到枱面，擺到埋鼻聞，都唔係好聞到茶香-1分3）茶香缺乏，茶味當然亦貧乏-1分4）茶身好薄好薄，個情況就係，如果冇加黑白淡奶淨飲茶的話，就根本同飲水分別不大，一樣咁薄身-1分5）茶色較偏向奶色，一杯茶色靚、濃度足嘅奶茶，應該係偏向琥珀色先係上品，呢度嘅茶葉調配，明顯係幼茶份量不多-1分6）茶、奶比例，當然亦會影響茶色，呢度奶嘅份量偏多，保守估計佔咗成杯奶茶嘅4成-1分7）奶茶回甘完全欠奉，粗茶調配明顯不足-1分🐑鮮油厚多士有水準-8分

坐嘅位置喺茶餐廳嚟講都不算迫，而且仲有戶外位置，天氣涼涼地坐出面很舒服。聽聞奶茶同鴛鴦都好出色，所以特登嚟試吓，奶茶同鴛鴦都好滑，感覺奶茶係好多奶，茶味反而相對冇咁出，但係都好好飲！平時就比較少飲鴛鴦，所以呢杯鴛鴦對我嚟講真係好出色，佢係咖啡同奶茶仲有奶嘅份量超級balance，好好飲！好推薦！另外嗌咗個沙嗲牛肉米，沙嗲味比較少，但牛肉是好食的，成碗嘢比較清冇咩味，所以不是好吃的沙嗲牛肉。還有雞扒印尼撈，味道正正常常。不過佢炒蛋幾好食好滑，多士都有烘底好脆。整體嚟講我覺得淨係嚟飲奶茶同埋鴛鴦就好了，因為真係好出色，但嘢食方面真係麻麻地。

專登嚟到試佢嘅奶茶，冇失望。茶色靚，茶味香濃，茶奶比例適中。但本身唔鍾意食三文治和沙嗲牛肉，所以就冇試啦。叫咗普通火腿通粉，有好多粟米同兩條生菜，個人唔prefer 有其他蔬菜類沾污普通簡單嘅火腿通。 通粉還算軟硬適中，湯頭偏淡。好一般般。 亦都冇雪菜肉絲米粉嗰啲嘢。 所以整體嚟講，我覺得佢開個頭飲杯奶茶OK，其他就唔需要特別過去試。 （講開又講，citysuper 而家有carry 幾個牌子嘅本地樽裝港式奶茶，我覺得一樣咁好，而且隨時都可以喺屋企飲到）。

一直都知道依間餐廳，奶茶係招牌，係拿過獎既。今日專登黎試下佢既奶茶，睇下咩料先。茶香而滑，奶係用黑白淡奶，撞埋一齊好正！怪唔得係拿獎！但我最主要想講既係佢既常餐-滑蛋雞扒出前一丁麵配波蘿油！首先一定要講既係佢既雞扒煎得好出色！表皮係非常香脆既，而雞肉肉質都仲係好嫩滑，有水準！滑蛋正常唔係好驚豔。丁麵煮到剛剛好，仲有少少硬既，岩岩好！另外佢仲有比埋包麻油你，加埋落去食真係正！佢既波蘿油都值得一提，個包係即叫即焗，個包係熱既，而兩塊牛油係厚切，非常邪惡！吃落口波蘿香脆而牛油冰冷，冷熱既香味係口中不停爆炸，絕對值得一試！

其實已經嚟過好多好多次，叫外賣返屋企都叫過好多好多次但好多時就係，愈食得多，反而愈唔記得影相…今次終於記得影一影，可以出篇openrice介紹一下呢間喺我 neighbourhood最愛嘅茶餐廳!必點1 – 奶茶! 作為奶茶王，杯奶茶不負所望，奶絲滑茶香濃，超愛!!必點2 – 奶油豬! 麵餐+$10就可以由多士轉奶油豬，烘到超脆口，大人小朋友都鍾意!!必點3 – 蘋果吞拿魚三文治! 加咗蘋果令到個口感同口味都upgrade咗~~必點4 – 雞翼米粉! 雞翼好入味好夠肉，新竹米粉亦係我喜歡嘅口感!必點5 – 餐蛋治! 好簡單好日常嘅三文治，但就係好厚切好好味!!

好少黎天后食野，最近有朋自遠方黎，特別帶佢黎德島飲番杯港式奶茶，德島既奶茶算有保證，專登坐車黎食。奶茶係必點，茶夠曬香，拉到好滑，奶味撞埋一齊係濃郁又香，好正！最中意佢夠熱，食完個飯仲飲到熱辣辣既奶茶係好正。主食推介佢既茶餐，雞扒一丁麵幾抵食！雞扒煎到皮脆肉滑，唔錯！另外加10蚊仲升級餐包做菠蘿油！焗到好香脆好熱，配上兩大舊牛油都係勁邪惡，但我中意！朋友叫左個咖哩雞扒飯，咖哩係接近日式既味道，比較甜，而雞扒都有兩大塊，份量足夠。

Cafe 杯咖啡就算點得我歡心💜但點都吾及一杯入魂嘅熱奶茶☕️系我心目中最喜歡系hea 茶餐廳現在更多左吾同嘅名字，例如冰室、茶記、餐室等，其實都係同出一徹。香港人嘅下午茶九成都系去茶餐廳好耐冇去過天后德島一於坐言起行，去嘆個下午茶3 點幾去到人流吾系好多，大把位，店員叫我隨便坐。差唔多次次都系食同一樣野蔥花蛋三文治蔥花同蛋的化學作用，令香味滿溢，蛋色十分出，非常嫩滑又不會出水；麵包新鮮軟熟，在這裡吃蛋冶是不二之選。熱央茶味、啡味都好似比以前淡左少少，質感都稀左啲，有啲失望。希望可以保持返以前的水準。