德島

营业中

休息中

透過外賣平台叫咗外賣自取，一份奶油多加一杯凍奶茶，已經過咗取餐時間20分鐘都未有得取餐，但係眼見杯凍奶茶已經係水吧整好，放咗10幾分鐘，個奶油多都仲未整好，我就入去問個職員，佢話未得仲要等，我話杯凍奶茶已經放咗10幾分鐘變咗凍奶水，職員就話係咁㗎啦，唔會重新做俾你，你出返去等！然後就趕返我出去繼續等。本來知道佢杯奶茶係出名，但係杯奶茶喺佢水吧吧枱等咗差不多20分鐘先出到成個餐，飲落去已經冇茶味，變咗一杯奶水🥲

雖然一直都知道佢係出名奶茶，而且我亦係為咗咁而嚟，但係一入去舖頭聞到嗰種強烈嘅茶香，依然都係非常驚嘆。建議一下大家，入舖頭之前要望吓門口塊黑板，咁就可以提醒大家拳頭推介。就唔會好似我咁落雨天趕住收遮衝入舖頭，只係記得一定要嗌奶茶，出門口時發現塊黑板覺得自己蝕咗，話晒一場嚟到朝聖，係咪應該叫返佢哋嘅推介先。我叫咗一份咖喱牛筋腩意粉，咖喱汁嘅味道ok嘅，但係牛筋腩嘅部份麻麻哋，好彩杯奶茶冇令我失望，我估我應該會再嚟食埋其他拳頭推介，正！

四處覓食，路過此店，看一下名字，想起是早前有傳媒報導過的金茶王的餐廳，剛好有空枱便入去試試吧。說起金茶王這名字，我都是去年才有聽聞的。事緣有朋友請喝鴻福堂的樽裝奶茶，他們喝後說 "還是金茶王的最好飲"，我才知道有這品牌，他們還表示不是到處有售，兼且價錢不便宜，他們大多待一田、HKTV Mall有特價才入貨的。看餐牌後有點驚訝，沙爹牛肉滑蛋出前一丁配半份厚多士這麼便宜，只是$30，再望一下，噢， 原來不是套餐，飲品是另外叫的，又再望一下餐牌，又一次驚訝，一杯奶茶竟然是$23，價錢拍得住一碗麵呢，可能平時少在茶餐廳散叫飲品，$23真的不便宜喔，但那碗出前一丁又真心抵食喔!最後是叫了沙爹牛肉滑蛋出前一丁配半份多士和奶茶。奶茶先上，呷一口，感覺同平時茶餐廳喝的是有點分別，這杯奶茶有茶味和微微的苦澀味道，難怪是這個價錢了。再上出前一丁，賣相不錯，有炒滑蛋、菜心、沙爹牛肉，沙爹味剛好不會太濃太咸，牛肉不老，滑蛋滑滑、厚多士又脆口;以茶餐廳來說算高質了，出面很少沙爹牛麵會有配菜跟的。不知道他們的餐牌是否全日也一樣呢，$53對於早餐來說是頗貴，但以一個常餐來說，價錢與 翠華、太興、敏華等差不多，但質量

金茶王聽左好耐，但一次都無去過，之後仲知道佢過左身，間鋪由徒弟接手，今日老公接放工就專誠去試下，去到先知人地last order😂。簡簡單單叫個沙嗲牛米餐和咸牛肉蛋多士三文治，食物上檯時，我估係徒弟仔老闆叮囑要食左片多士先，OMG 塊多士鬆軟，熱辣辣，飄住淡淡的牛油香，好好食呢，真心有D驚喜架，因為好多時茶餐塊多士係唔好食，但係德島片多士你係食得出佢地用心做。沙嗲牛味道OK但老公覺得唔夠濃，我自己就覺得夠味。重點來喇～～～熱奶茶，well 識飲一定飲熱奶茶，熱奶茶先可以飲到茶香，奶香和順滑口感，杯奶茶確實係唔錯，下次等老公放假時，朝早再去一次😋

因為喜歡奶茶，所以認識「德島」雖然冇緣份見到創辦人「羅德心先生」但心存感恩也可品嚐他遺留下來的一杯金茶。奶茶水滾茶靚，茶奶平衡鴛鴦未到略嫌單薄食物貴精不貴多，反而頗有驚喜。沙嗲牛麵、炒蛋，多士將炒蛋放埋入沙嗲牛麵上，賣相會豐富好多，沙嗲牛肉大大片，冇加鬆肉夢粉，沙嗲汁香而不咸，撈公仔麵湯麵食超正，麵質也保持彈性，仲有條菜，感覺有用心去煮香蔥花蛋冶麵包鬆軟，蔥花夠多同嫩滑炒蛋是天生一對，一咬落去炒蛋在另一邊漏曬出嚟，可想言之有幾豐滿👍🏻店員也有禮貌，包括落單，甚至會同客人講再見，兩個人一百元消費，換來是愉快的體驗。希望香港啲服務業都要學習一下好客精神。

朋友知道我中意飲奶茶 ，就話要介紹「德島」 比我 試下💓曾經有一面之緣的羅師父☕️是港式奶茶之冠 👑很可惜在開店一個月，羅師父已離開人世！那天羅師父熱情招待，估唔到已經係最後一次試佢手藝🥲 佢沖既奶茶真係「香港第一」 ☕️冠軍奶茶 呢個名佢當之無愧 👑 茶同奶比例岩岩好👍🏻香滑回甘 ，醇澀有序，冠軍奶茶 當之無愧 ☕️ 痛心既係唔會再試到了 🥲🐷🍞 秘制紫蘿豬排包呢個包真心好正 👍🏻誠意推介感覺到用心制作 ，首先豬柳咬落去保留到鮮嫩口感，肉汁鎖係入面，再配搭子姜菠蘿🍍呢個組合真係無得頂 👍🏻👍🏻👍🏻✨ 必試 ❤️❤️🥪腿蛋治平平無奇既腿蛋治，但係都整得好好食 😋炒蛋係精粹，蛋味香濃幼滑 🥰 再配搭埋奶茶☕️一流📍 地址德島 (天后)天后水星街6-8號恆寶大廈地下B號舖

好好味的茶记，沙爹牛味道很棒，不太濃味，味道刚好！咖啡，奶茶正！正宗！香濃！每样食物都好食，display 得很好！環境舒服及衛生，服务态度很赞！堂食及外卖自取都很好！

網上見到「奶茶王」的介紹，經過幾次都只係幫襯樽仔奶茶鴛鴦，今日終於的起心肝入嚟試吓沙爹牛肉。餐牌全日都是「特餐」，並無分早午餐。點了一個沙爹牛肉煎蛋米粉配多士，飲品選了凍奶茶，合共$55。先上凍奶茶少冰少甜走飲管，奶茶真係香滑之餘有茶味，茶底香濃，飲完唔會有反胃或心跳加速，證明使用靚茶葉。冰度同甜度做到要求，隔走d冰仍然有8成滿，不是用冰堆砌出來，真材實料。沙爹牛肉煎蛋米粉，本來想食一丁，但見到餐牌寫住選用河源米粉，所以一試。沙牛味道不是濃厚口味，比起外面茶餐廳的淡少少，個人覺得幾好食落幾舒服，牛肉好淋唔難咬開。米粉超爽口，的確不錯。半邊多士是厚多士，香脆但比較乾，如果有少少牛油會更好。服務員態度十分好，如果餐廳可轉用紙飲管/可分解飲管就更好更愛地球了🌍❤️見到尖沙咀開咗新分店，下次唔駛過海都歎到了～

工展會後想食個茶餐，搵左幾條街終於遇上德島。見餐牌爭啲被騙，以為$38 一個餐？怎可能？！原來是先點茶再跟餐，明顯是買飲品的地方，因為太想食茶餐，所以入內一試，點了沙爹牛肉一丁麵兩份，一份跟太陽蛋，一份跟炒蛋，我叫了一杯鴛鴦，飯腳叫了奶茶。先來飲品，整體口感夠滑，但略嫌不夠熱，茶味不夠。麵跟蛋一齊上，配上兩條青菜，賣相吸引，整體麵底剛好，蛋及牛肉都是熱的，有誠意，附上蒜蓉牛油多士，多士夠厚。麵與茶相比，認為麵較出色！又或者我係想食麵原固😜

我再次去德島下午茶，今次試吓猪排包和茶走。佢嘅豬排包咬落皮脆，猪排肉質嫩口加入菠蘿和子姜，更增添了幾分特色，温暖茶杯加入奶茶發出香而濃郁味道，茶的苦涩與奶融合在一起，恰到好处，值得再讚。一口茶走，一口猪排包感受十分满足。

好耐冇係呢度寫過野。今日偶然經過天后，遠望對面一間新開茶餐廰，吸引去睇吓餐牌，原來主打奶茶。睇咗一陣，唔知係老板抑或伙記走嚟禮貌招呼，就入咗去坐低，餐牌唔多嘢，點知有煎蛋免牛飯（原名唔知叫煎蛋西班牙……唔記得乜）加奶茶，煎蛋免牛嘅煎蛋半熟，有蛋汁同少少濃邊，係香港已經好難揾到呢啲煎蛋，一係好熟一係好生，呢個蛋嘅蛋汁同免牛汁加埋，就係呢個飯精髓，好食，唔同外面快餐店嘅嘢。杯奶茶就要讚一讚，我個人覺得茶膽唔够中環蘭乜園咁香（蘭乜園啲嘢食已經退步到唔去）但係德岛呢一杯奶茶係我好耐冇飲過嘅好奶茶，佢嘅茶同奶份量恰到，重點佢個杯係熱嘅，好少茶記做到咁，飲到最後茶都熱，值得一讚。另外叫咗一個特餐炒蛋豬排米加檸蜜，原本有多士，我哋想試吓波蘿油，伙記介绍加十元可改，咁又有另一個驚喜，個波蘿皮好正，牛油係雪過，好食。特餐嘅炒蛋都好熱但係又滑，猪排都做得好好，两個餐幾十元餐唔貴，臨走同佢收银講嘢好食會再嚟。

很多香港人喜歡喝奶茶，我當然也唔例外，但我更愛茶走少甜；靚的茶走，不但口感香滑有茶香，更有淡淡的煉奶香；雖然邪惡，但又忍不住間中要來一杯。😋但一杯合心意的奶茶，實在不易尋找；早前有食友推介這一間食店，昨早有空便立即過嚟試吓。🤔由炮台山地鐵站行過嚟，也只是幾分鐘路程，不算很遠；平日早上到來，人流量沒有想像中多，坐在近門口的鐵椅上，也可順便一睹奶茶師傅的風采。🤗奶茶當然最重點，但怎麼單叫食物會比套餐還要貴？原來這裏的計算方法有點和平常不同，是先叫一杯飲料，再加一件食品，就可以獲得套餐優惠價，真係幾有趣的計算方法。💡叫了奶茶、脆皮雞扒、河原米粉、鮮奶炒蛋配多士，改鮮牛油多加$2。奶茶香滑有茶香，但茶味還是比較沉實，不算太香，不知茶走可會更好，下次必定再試。☕️雞扒皮脆肉嫩、河原米粉清香爽滑有咬口，值得一試；炒蛋香滑也不錯。但如將雞扒及炒蛋用碟分開上，相信會更加合心意(因容易令食物過熟及浸腍)。多士明顯過火，烘得太亁變硬；奶茶的確幾好，食物就有待改善！🤭#熱奶茶 $23#脆皮雞扒 $35#改鮮牛油 +$2#德島地址: 天后水星街6-8號恆寶大廈地下B號舖電話: 94829435

出門下著雨，還好只是毛毛雨，没影響。一入門見到灰水牆身的裝修很簡潔光亮，員工招呼爽快有禮。來德島就當然是為了冠軍奶茶而來，點了一個麵和一份三文治，再以套餐價加兩杯奶茶，都只是$100。我個人覺得很實惠。奶茶杯是暖的，茶也是燙口挺滑，奶味不會搶了茶味，茶味夠香但可以再厚身多少少，可能是粗幼茶葉的比例影響到吧！整體來說很平衡，不用加甜。不似某啲集團出名奶茶，但奶是酸😶‍🌫️粟米火腿蛋丁麵，熱辣辣有兩條菜，感覺上很健康😂餐蛋治烘底，很脆口，餐肉煎得得香口，比我前兩天在中環出名蛋治（超大份）的茶記更好食。

𓈌 𓈌德島，港式奶茶國際冠軍 — 人稱「奶茶王」羅德師傅主理的新店。才剛開張一個月，羅師傅因突發心臟病走了。五年前在灣仔工作時，羅師傅的奶茶陪伴我許許多多的日子。他沖出來的奶茶就是無可挑剔，很是懷念。雖然遲了一步，已喝不到他的手藝，也專程到訪德島懷緬回味，支持一下。𓎸 熱奶茶 $23奶香 茶不澀，比例調配得剛好，喝起來很順口。雖然沒有羅師傅沖的那麼香濃，但也是有他的影子。比外面喝到的，也是高一個層次。𓎸 沙嗲鮮牛肉煎蛋出前一丁 $38牛肉薄而軟腍，煎蛋是有誠意的荷包蛋，一丁麵爽彈牙。沙嗲汁惹味而份量剛好，不會蓋過一丁的麻油味。好吃！這裡的牛肉滑蛋三文治和金牌鴛鴦也是招牌菜，下次再來試。感謝羅德師傅奉獻幾十年的歲月，鑽研琢磨沖茶手藝，溫暖無數人的心，喝過的自然明白。希望德島團隊可以秉承羅德師傅的匠人精神，將港式奶茶文化繼續傳承下去。希望 人走茶不涼。𓈌 𓈌

慕名一試，因為我都是喜歡香港的次文化，港式奶茶，店內那股去茶青味沒有，煲不起茶味濃。因為他把茶部放在頭位，所以我就認定你是以茶會客。不材也有自己的一套茶具，永遠都係業餘，成本有限，但每次變化可以無限。所以咪道反而控制得好。職業與專業是不一樣，業餘可以更放盡用最好的茶葉，用最靜的心去聆聽茶的溫度。不惜工本，絕對可飲不能賣。由以前後生飲完之後胃不舒服，去到現在已經略懂一點茶味。雖然師傅已經離開了這個英雄地，但確是值得尊敬。這間的招呼確實行殷勤路線，只可惜食物有很大改善空間，例如奶茶的茶味粗茶應該不夠粗，幼茶也不夠幼。因為師傅走了所以茶檔確實有一種青黃難接的感覺。確實一杯靚奶茶，時間很重要，只有人等茶，不能茶等人。否則很難有一杯靚茶馬上端上，可以飲到即使是人等茶，但沖茶的過程只要略有閃失，味苦或淡口便會牽連食物都受影響。在商言商，賣奶茶是很難賺錢的，雖然成本不高，但如果以奶茶冠軍來講，實在是有誇大的成份。沙嗲牛麵，牛肉似乎不是雪貨，但沙嗲完全冇味道。只是一間非常普通的茶餐廳，但老闆嘅夥計其實已經超越了茶檔招呼應有的態度，所以來這裏就需要包容一下。如果你抱住是飲杯靚奶茶，以前旺角洗衣街也是熱奶