影片
🔥叉烧烧鸭饭：双拼经典の极致演绎作为茶记招牌双拼，呢度嘅叉烧烧鸭饭绝对交足功课！烧鸭皮脆肉嫩，鸭油香而不腻，蘸埋酸梅酱简直系绝配。叉烧采用半肥瘦梅头，蜜汁香甜得嚟带微微焦香，肉质松化唔黐牙。最惊喜系连白饭都煮得粒粒分明，淋上秘制烧味汁，令人忍唔住扒晒成碗！真系冇谂过喺大屿山偏远嘅地区都可以食到呢一个质素嘅烧味双拼饭，听日间茶餐厅嘅质素真系唔差，而且佢嘅饮品都非常大杯，出边老火汤都系自己无限任添，真系非常抵食！
继续阅读
今日去咗塘福沙滩附近，见到附近都冇乜其他餐厅可以选择就食咗呢一间茶餐厅，茶餐厅都有好多唔同嘅选择，而且价钱都唔算好贵，午市嘅时候仲可以饮饮例汤，大大煲，今日系青红萝卜猪骨汤，我同朋友都饮咗两碗。👏🏻猪扒蛋饭，佢秘制嘅猪扒做得几好食，而且唔会太干身，加埋煎蛋，上边亦都俾咗少少葱油同埋餐厅特别调制嘅豉油，所以味道都非常好，而且餐厅都比好多饭，整体都非常大份，呢个价钱加埋热饮就系$50，而且佢嘅老火汤系可以无限任添！
继续阅读
今日去咗大屿山呢一边摸蚬，朋友揸车入去嘅时候就咁啱见到呢一间茶餐厅，我哋就入去食少少嘢先再去玩，餐厅选择都算几多，冇谂过呢个位置都有一间几多选择嘅茶餐厅，我哋就坐咗喺露天嘅位置，天气都唔算太热，我觉得都还可以接受🙈🙈我就叫咗杨州炒饭，餐厅系即叫即做，所以等候时间都需要大概5分钟，另外加咗一杯冻柠茶，杨州炒饭我觉得都尚可，同出边嘅质素我觉得都差唔多，加咗叉烧虾生菜火腿鸡蛋炒，成个口味非常多元化，而且餐厅嘅调味适中，唔会有太咸嘅口感！嘢饮都几香茶味，略嫌唔够冰！🙈🙈 $52 最后埋单！食完嘢有力继续去玩🙈🙈🙈
继续阅读
今日去到大屿山呢边行山，行到嚟塘福呢边，咁啱见到有一间茶餐厅，就决定入嚟试一次，我见上网都冇乜好多食评，唔紧要啦，不过好肚饿就决定试吓睇完产品之后我就叫咗杨州炒饭，朋友就叫咗佢哋嘅咕噜斑块饭！我就加咗冻柠茶 午市时间佢嘅例汤系任饮，今日就有莲藕粉葛汤，佢系自助形式俾大家任饮，味道都非常好，饮得出系老火汤绝对唔系出边𠮶啲味精汤 扬州炒饭炒得唔错，每一粒都粒粒分明，而且热辣辣即叫即做，非常有惊喜，份量嚟讲亦都非常多，我都差少少食唔晒！调味方面亦都非常适中，总括来讲都觉得呢个炒饭做得唔错
继续阅读
差不多七至八年没有去过塘福, 原来塘福只有一间茶餐厅！早餐价钱合理, 员工服务态度非常好, 因为是新年, 员工及街坊都打成一遍 - 到处都是新年祝福语及气氛. 早餐叫了一个酸辣猪扒濑粉, 没想到有意外惊喜：娃娃菜及酸菜做配料够新鲜, 猪扒用黑胡椒调味非常松软, 值得一试, 濑粉幼身又够大碗好好味！ 下次有机会想试试午饭或下午茶. 一个相当不错的地方！
继续阅读