德國餐廳 (Mikiki)

营业中

休息中

放假即興去試新餐廳食德國豬手，豬手調味唔差，皮有一半脆，另一半脆得黎又淋淋地，但豬手肉就真係唔夠熱，似翻叮叮熟左外皮，因為入面唔熱，知道太熱係好難切開，但係唔熱就係食得無咁開心囉。配菜有酸菜同薯仔沙律，呢兩樣味道好一般。啤酒方面選擇都算多既，有手工啤又有黑啤，個人喜愛飲黑啤，揀左Erdinger. 不過友人果杯朱古力味黑啤仲正，不過唔記得左影底... 其實一人一杯啤酒同一隻豬手share已經好飽！下次會去試下其他野食既。

已經好耐無同班舊朋友聚會，我地黎到咗呢間Das Bier緊係要慢慢坐低傾下計探個豐富的晚餐。餐廳環境好舒適，裝修精緻，座位也比較寬敞，非常適合聚餐的好地方。德國超級香腸拼盤對於這盤香腸的評價，就是juicy! 尤其是切開的時候，肉汁直噴出來，看看那橫切面就知曉了法式燒春雞隻雞大大隻,隻雞脾大大件啖啖肉,有肉汁唔會話食落好乾爭爭咁,雞肉嫩滑既,附上既兩個醬同隻雞味道都好夾!!!墨西哥香蔥芝士薄餅，味道同中式蔥油餅差唔多，好香香蔥味，不過同中式蔥油餅唔同嘅地方係，呢道菜仲有芝士同牛油香味，餅底亦都比較薄身同脆，配搭埋鷹嘴豆蓉，好食！这里的菜式多样款式多，口感纯正喇。服務：服務態度好，店員臉上常有笑容。 環境ok，消費有比較親民

星期日同女友去Mikiki附近食Brunch可能早咗啲所以隔離幾間都未開門所以入咗呢間試吓每人都點咗個Brunch Set而今次嘅體驗令我以後都唔會再幫襯…首先，食物質素確實對唔住價錢…啲雜菜沙律上面嘅醋汁稠到果醬咁…勁酸勁難食…而且因為太稠，根本撥唔走…而火腿, 煙肉, 香腸都整得勁油…薯餅更係被炸到過火變咗啡色…除咗食物質素…店舖嘅規矩及店員嘅態度更係令我堅決唔會再去嘅原因…我想將炒蛋轉成煎蛋(因為見有其他Set係有煎蛋)點知店員話唔轉得，話因前係Set...而店員嘅服務更係奇怪幫我地落咗單之後就自己拎啲外賣早餐出來在我地隔離枱開餐佢地開餐期間更在高聲吹水彷彿間餐廳就係自己屋企咁另外，我地埋單走咗之後先發現進餐期間被蚊釘咗幾吓…因為餐廳嘅玻璃門保持常開而外面對正露天花槽…而因為玻璃門常開嘅關係…令廚房油煙飄散全間餐廳…我地食完走咗之後就發現成身油煙味…基於以上各項…真係唔願意比任何分鐘…

黎到呢度感覺好似日本居酒屋咁，有幾枱岩岩收工既上班一族，點左啤酒同小食，談天說地。我同女友坐低睇下食咩好，見到好多德國啤酒同手工啤都好想試 (不過岩岩拗完柴，女友話要我戒口唔飲得喎。。）燒雞，豬手，德國腸，牛扒。。樣樣都好吸引，我又好肚餓。終於點左一隻燒雞同一份安格斯肉眼扒 (medium rare). 燒雞燒到好靚，金黃色，見到都想食！最重要係皮脆肉嫩，雞肉唔鞋口，好好食。略嫌下面既薯角有少少林，如果脆d就仲正！肉眼扒肉汁豐富，牛既油脂味煎得好香，夾埋拌碟既鮮甜脆肉瓜，好味又唔膩，正！今次啤酒有得睇無得飲好慘無人道呀。。下次黎要歎埋德國啤咁就一百分～

• 德國餐廳• 新蒲崗太子道東638號Mikiki地下G03B號舖法式燒春雞$158,隻雞大大隻,隻雞脾大大件啖啖肉,有肉汁唔會話食落好乾爭爭咁,雞肉嫩滑既,附上既兩個醬同隻雞味道都好夾!!!德國咸豬手配酸菜薯仔沙律$218,真係好好味,超讚!!!外脆内嫩,個皮咬落去卜卜聲,又夠味,重點係唔貴,抵食!!!沾芥末醬最夾!!!重有薯蓉沙律好好味,有陣蛋香味同薯仔香!!!而酸菜就一絲絲有口感,酸酸味味好開胃!!!環境舒適,裝修好靚好有心思同特式好多打卡位!!!連餐具都好精緻!!!食物價錢好親民,店員服務有禮好好笑容!!!依到重有酒可以叫黎飲,不過當日要渣車就無飲到,如果唔係食住豬手飲淡啤酒,真係一流!!!

話說住喺新蒲光附近，有時唔想出到咁遠食野，都會選擇喺附近搵不同的野食，今次搵到 mikiki 地下的德國餐廳，其實有啲 surprised 竟然呢區都有豬手啤酒食。一行二人入去食，點左個豬手、海鮮飯同啤酒，其實已經都好夠，仲食唔哂，因為佢每份量都比預期多好多。德國豬手：好好地，佢提供唔同味道的芥末醬，任你選擇。作為懶人，亦好感激幫我地切哂成舊豬手，唔洗自己動手搞。味道不錯，皮很脆，不過記得趁熱食就真。海鮮飯；好多海鮮蒲在飯上面，基本上每個海鮮品種每人食到起碼一隻，橙橙地色的 risotto 賣相都幾吸引！（亦都可能我地太肚餓 😂）啤酒：我第一次飲香港友，我唔鍾意黑啤的苦味，所以呢個少少帶酸同麥味的香港友都幾岩我。其實仲有一樣野裝好想試，就係佢的香腸，但真係太飽，完全食唔到 😂

放工好想食啲脆口野，德國豬手配啤酒就最理想不過！黎到Mikiki嘅Daz Bier，平時都唔少人，好采Book左位可以同愛人撐枱腳！首先當然唔少得「德國咸豬手配酸菜、薯仔沙律」豬手冇令人失望，份量非常大，兩個人都食唔哂，而且仲有兩種醬料配搭，可以試吾同口味，最岩我呢啲唔鐘意食一味嘅朋友。豬手個皮好脆，好香，餸啤酒簡直一流！不約而同地，我地都好想食西班牙海鮮炒飯！首先一讚係份量，二人份量其實三人食都得！海鮮種類亦好多，吃完好有滿足感覺🤩啤酒方面，係我最欣賞嘅地方。 Draft beer絕對唔會令你失望。我地揀左1. 香港友 Hong Kong Yau - 本地制造，有少少Fruity，微酸而回甘，適合餸豬手，醒胃之選。亦岩吾鐘意苦嘅女士。2. Erdinger Weissbrali - 麥味會較重一點、但絕對唔苦。香、甘之選，男仔會鐘意。本來想食多個沙律，不過真係好飽好滿足，唯有下次！

今日去開Mikkiki買寵物野，跟住想搵個地方同媽咪食d野先返屋企見到地下有德國野食，仲有戶外位坐，好chill咁，就揀呢度！正當我地坐左係出面準備叫野食既時候。。竟然落雨唯有轉返入去坐啦。德國菜必點--德國豬手賣相唔錯～～豬手炸得夠香脆，唔會太燶，岩岩好皮脆肉嫩真係無誇張D肉好嫩，仲稔滋滋，夾埋拌碟既酸菜食，簡直一流媽咪中意點mustard醬，我就中意就咁食，已經好夠香口食豬手又點少得一杯冰凍既啤酒好開心呀，呢度有Hoegaarden Rose~~~之前飲過一次，一試愛上！佢啤酒味淡，但果味超香濃， 絕對係女仔至愛媽咪都搵到至愛既Guinness黑啤佢話黑啤麥味濃，而且補血，間中飲，對身體好今次坐唔到出面，下次好天要再黎過！

我從來未去過德國，所以食德國菜真係第一次朋友book咗呢間餐廳，我未去先興奮！雖然由地鐵站行過去餐廳要一段時間，但到達左之後，就覺得好有情調，行到流汗都值得！餐廳有室外同埋室內座位，始終係夏天，朋友同我就揀咗室內，有冷氣點都好啲嘛入面嘅裝修非常有德國風味，尤其有唔同嘅酒樽，彷彿置身於德國！我哋叫野嘅時候，侍應就同我地講份量可能有啲多，我哋叫兩三樣嘢都應該好夠第一樣叫嘅食物就係肉丸risotto。個人就唔係好鍾意食肉丸，但呢個飯令我對肉丸改觀!!首先，一咬落去啲丸到係非常之夠肉味，又彈牙！然後啲飯好creamy 唔硬!!我同朋友都好喜歡，所以呢個食物係完全清曬！！之後有嘅食物就係出名嘅德國腸配薯角。我哋叫呢款餸有幾款德國腸，佢哋都有一個共通點：就係非常之juicy得嚟又唔會漏，而且唔會食幾條就覺得好厭！畫龍點睛嘅部份有醬料，茄汁就係用嚟配薯角嘅，但係呢隻芥末醬配香腸，簡直係將香腸嘅味道更上一層樓！諗返都覺得好正！去到成餐飯嘅重點，就係豬手啦！我本身要為隻豬手會原隻上，但餐廳安排得好貼心，幫我地切成一塊塊，食落都冇咁狼狽啦！豬手一定要配上脆皮先好食！而餐廳烤嘅豬手軟硬度適中，唔會過分乾，食

食物質素 8/10同朋友兩個人叫左個德國豬手同芝士簿餅，本身以為份量岩岩好，點知食到最尾個肚捧住走，好滿足🥰德國咸豬手配酸菜及薯仔沙津嘩！個豬手一黎到真係嚇親，隻豬手好大，份量好多！豬手外脆內軟，個皮烤到好香脆，有啲似燒肉隻皮咁脆！另外，肉質好嫩滑，完全唔乾同唔硬，味道都唔會太咸，岩岩好，啖啖肉好正！唔止隻豬手好味，連啲配菜都好好味！好鐘意個薯仔沙津，薯仔軟硬度適中，仲有少少咬口，而且個醬少少甜甜地，好好味！墨西哥香蔥芝士薄餅薄餅有八塊，配一個唔知咩既醬，少少咸。薄餅入面有芝士，芝士份量唔算好多，但都做到拉絲效果，入面加左蔥花，令個薄餅香左好多！環境衛生 8/10地方雖然唔大，但裝修好靚，好歐洲風，而且坐得舒服，好適合同朋友聚舊吹水。服務質素 8/10店員唔多，但都服務周到！

跟同事來新蒲崗工作，收工在附近晚餐，選了這間在mikiki 的德國餐廳，時間還早，但已經有數張客人。兩人選了西班牙海鮮飯 (二人份量)，雖然在德國餐廳點西班牙菜有點特別😂，不過想吃就點囉。隨後見到旁邊的客人點了德國腸都好吸引，下次要試。 ✨西班牙海鮮飯 (二人份量)西班牙海鮮飯製作需時，點這道菜時侍應已提醒要有耐性一點。上菜時賣相吸引，用熱的煎pan上枱，保持海鮮飯的溫度，而且食材豐富，蝦，青口，蜆，魚，應有盡有。一般餐廳都會用上青豆作配料，但這間德國餐廳用上三色椒作配料一起煮，幾特別。說回海鮮，所有的海鮮都很新鮮的，特別是魚和蜆肉。飯用上短身的米，每一粒都完全吸入茄汁和海鮮的味，而且不太軟身，不錯，只是略為不夠酸，不過有提供檸檬，所以都可以自己調味。✨番石榴汁不多餐廳有的，點了來試一下，比其他果汁清甜，而且不會太甜。✨影了幾張餐牌給大家參考:

上次食完徳國腸，今次再去餐牌已經轉左，想食牛扒的話一定係要食鐵板，$98 午餐來說就係貴在啲，但今次牛扒叫五成熟來的七成熟，但食落都ok，不過美中不足的地方是只有燒汁和黑椒汁選擇，我想執我都試過很一般，我建議加入BBQ醬汁，因為原先有的醬汁味道都很淡🙈🙈🙈還有鐵板上菜時候不算太熱，可能午市一流太多，預熱不夠🙈不過整體來說可以接受的！不過以前吃一個牛扒餐都只是$78現在要$98了🤦🏿‍♂️🤦🏿‍♂️真係搵食艱難😂😂

Tea time口痕想嘆杯酒，來到這餐廳。原本想點德國餐廳出名的豬手和德國腸，翻著餐牌見到生蠔就好想食，一於點這款！Teatime的這時候，餐廳只有廖廖數人。裝置不錯，沒有太多德國的裝飾，整間餐廳走著半奢華大宅風。牆上色彩繽紛的磚塊最為特別，多種顏色卻沒有雜亂感。天花上的大燈很有氣勢，有種外國大宅feel。看著看著，食物已到！先開餐Oysters from France 🇫🇷 $216/6 pieces 心思思想食生蠔，點了這盤法國生蠔來試試。$216/6隻，價錢比平時在居酒屋吃到的划算，幾抵食。生蠔size頗大隻，鮮甜，中等肥美，口感不錯，對得著這價錢。點了一杯Hoegaarden Rosee $62口感輕怡，有著果汁的甜味和清新感，沒有一般啤酒的肥膩👍🏻 配上生蠔剛好，有少少像喝著wine的感覺，有驚喜，適合不愛heavy啤酒口感的女孩子。舒舒服服在這餐廳嘆著啤酒吃生蠔。近晚餐時候餐廳越來越多食客，見到他們點的豬手很吸引，下次來試。

位於新蒲崗Mikiki商場，有泊車優惠，一間真心好食的德國餐廳-DasBiee！環境優雅，座位簡單，卻突顯風格！晚餐時段座無虛席！旁邊既西班牙餐廳，同德國餐廳DasBiee係同一間，同樣餐廳環境舒適，由於無位所以職員安排係尼邊食，不過無阻享受美食！餐廳外設有雅座，可惜當日落雨，未能使用！煙三文魚凱撒沙律，新鮮製作，開胃👍海鮮西班牙炒飯，可以安排大份量和小份量，非常細心既安排👍海鮮新鮮，無雪藏味，炒飯吸引了海鮮既味道，非常好食，而且炒飯唔會太硬太濕！餐廳主打既德國咸豬手，非常足份量，皮脆👍肉質夠鯰👍配以酸菜、薯仔蛋黃沙律、芥末醬、酸甜細，味道非常豐富❤️當然豬手唔點醬都好好食👍餐廳非常細心，豬手上枱前已為客人切好！最後，點少得黎埋杯酒水😂一杯Stella，一杯黑啤，絕配❤️

朋友推介我過嚟呢間德國餐廳食飯，講真其實我真係未食過德國菜，今次真係第一次試。店內嘅環境都幾優雅，裝修幾有特色同埋企理。講起德國菜大家第一時間諗到嘅一定係德國鹹豬手，而呢度其實有好多款嘅德國菜去選擇。首先我地點左一個德國肉丸意大利飯，味道唔錯，而且都好飽肚，兩個人叫一個食就啱啱好。之後帶咗一個德國肉腸拼盤，份量真係好多，因為其實呢啲香腸係非常之爆肚，入邊好多都有芝士，係真係非常之邪惡。我平時真係好少食呢啲德國肉腸，呢一種德國肉腸同平時嘅香腸爭好遠，首先佢個皮係脆既，而且個肉質比較有層次。最入邊仲有啲芝心。最好當然仲有呢個德國最出名嘅德國鹹豬手啦，同我想像中嘅德國鹹豬手差唔多，不過我自己就嫌呢一種德國鹹豬手就比較乾身，食落會好口乾，所以其實真係推介要配啤酒去食。而呢一間餐廳其實有好多款德國啤酒可以試飲，不過因為我第日要返工所以就冇乜點飲到啦。整體而言，大家可以當係試吓德國菜去嘗試呢一間餐廳，因為我自己個人感覺呢一間餐廳都好有德國嘅特色，而且應該都尚算正宗。