德國餐廳 (Mikiki)

营业中

休息中

好耐無見朋友們今日約左一行四人去小聚九龍城係我哋成日都會去嘅地方今次就試吓少少新意去咗新蒲崗嘅mikiki既Das Bier食德國菜餐廳仲有室外嘅位置 好適合坐喺度慢慢傾吓計睇一睇menu先 菜式好豐富德國鹹豬手去德國餐廳點可以唔點鹹豬手豬手香味十足 外脆內嫩連伴碟既鹹菜都好好味 仲有薯粒 好豐盛德國香腸拼盤香腸拼盤又係另一份必點既德國菜式另外有超級拼盤比大家揀會大份d由於我地4個女仔都唔係食肉獸揀依份已經好足夠 香腸外脆內軟 十分香配啤酒就最岩 仲有薯格同鹹菜 大大份卡邦尼意粉上枱嘅時候同平時既卡邦尼意粉一樣 正正常常但一食落去就發現依度嘅卡邦尼意粉好出色芝士忌廉味濃郁 同友人讚不絕口藍青口最後揀左份藍青口 青口鮮嫩配上白酒忌廉汁 好好味道 滿意我既青口癮唯一不足係青口比較細隻 最後梗係唔少得飲返杯德國啤酒啦

本人十分鍾意德國野，特別係佢既文化。而文化中最緊要既一部分係咩？絕對係美食😋今次我喺一個星期五晚上，同朋友打算黎個Happy Friday🤣Happy Friday最緊要係啲咩？梗係酒精同美食！所以就黎左Das Bier，準備食個大餐🍺一坐低，梗係二話不說黎杯啤酒啤一啤佢先啦！呢到啲啤酒有好多brand揀，我就揀左Erdinger既白啤！飲完條氣都gur啲😀再黎就係我最鍾意既德國腸！佢每個款式口味都唔同，我就最鍾意辣腸啦！配搭既酸菜都好解膩好正👍🏼因為驚唔夠飽，仲嗌左個香草煙三文魚意粉同燒春雞。煙三文魚意粉對我呢個三文魚控黎講真係唔錯！最唔話得係燒春雞，舊舊個皮都焗到卜卜脆，調味又唔會過鹹，正！飲下啤酒食下野傾下心事，一個愉快既星期五晚上又咻一聲過左了♥️

同朋友去新蒲崗行街行到攰就想搵嘢食喺商場出邊見到呢間德國餐廳，佢係半開放式設計，可以揀坐出邊或者入邊，入到去地方唔算大但都坐得幾舒服。嚟到呢度當然唔少得食豬手，德國腸同飲啤酒啦本來想散嗌點知店員話俾我哋聽佢出咗個二人鹹豬手晚餐，有晒德國腸，豬手，啤酒同小食就唔使諗要呢個啦。啤酒係draft嘅，夠晒新鮮大大杯仲有幾種唔同嘅德國牌子揀~之後上個小食，係熱辣辣嘅粟米片加埋啲好有風味嘅醬，撈埋一齊食好好味，可惜個醬唔夠多，俾我地點到冇晒仲加咗個煙三文魚沙律，個沙律好大份而且三文魚份量都幾多下味道亦都唔錯跟住就到個德國腸拼盤，有四五種唔同嘅香腸，我覺得最好食嘅就係最細紅色嗰條~配埋啲酸菜一齊食好開胃呀之後就到個主角豬手啦，夠晒脆皮而且呢度仲幫你切開左唔使自己慢慢切，啖啖肉加埋個脆皮好正呀再飲番啖啤酒真係好chill~ 想食正宗德國野就記得黎呢間喇

前兩日同屋企人去咗一間係mikiki商場入面嘅德國餐廳食晚飯，感覺都算幾好食，就推介俾大家。呢度嘅位置唔算難搵，室內室外都有餐檯，俾我揀都係係室外食德國餐有feel d。講番野食方面，提到德國餐就梗係要提到德國鹹豬手。呢度嘅德國鹹豬手做得幾好嘅係味道唔會太鹹，食到豬手嘅肉香味，而且肉質鮮嫩，外皮脆口又唔硬身，幾岩我口味。跟住就係個斧頭一字牛肋骨，講真呢個算係我食過嘅牛排入面，出品比較好嘅。牛肋骨分量好大，連住一條大骨上，平時啲牛排肉質可能會有少少鞋，咬起身有撕扯感，但係呢個牛肋骨就完全唔會，口感上有啲彈牙嘅感覺，而且肉質完全封鎖咗係牛肋骨入面，牛味夠曬濃，我自己一個人都差唔多食咗半塊，真係幾好食，又唔會有平時牛排個種飽滯感。最後就係一份芝士焗薯條，不過不失啦，薯條分量都夠，食到入面嘅薯仔，芝士都夠香濃，食起身好香口，我發覺原來芝士同薯條真係幾夾。呢間餐廳價錢我覺得真係唔算貴，算係比較平民化嘅德國餐聽，住係附近嘅朋友都可以黎試下，包你唔會失望。

Besides the benefit of being able to bring dogs here and a decent outdoor environment, the food flavor and presentation is very disappointing. Service is ok, but I will never return again. 除咗可以帶狗之外, 同埋環境都可以接受, 啲食物嘅賣相同埋味道同中式西餐快餐差唔多, 應該話仲差啲添. 青口好咸, 豬手肉冇味, 煮得唔好食. 但係服務ok嘅. 以後唔會再返嚟.

首先一去到呢間餐已經無位，連侍應都唔多見，之後就被帶位去到格黎餐廳落單時候明明打開份menu對揭到芝士火鍋個頁俾侍應知要落芝士火鍋set再加一份青口，點知上菜既時候出左份腸同豬手，後來問侍應個芝士火鍋係咪仲要等既時候佢地先講原來幫我地落左set dinner而唔係芝士火鍋套餐後來再等大約等左半個鐘終於出左個芝士火鍋但最抵死既係佢出個芝士火鍋係淨係得個火鍋！即係打邊爐淨係俾個湯底！咁即時問個侍應係咪淨係得個火鍋連麵包粒都無啦，佢話：你地呢到都食左6百幾蚊啦，已經好抵喇咁但請問一下無配料既芝士火鍋係點食呢？最後當然食到一肚火啦

新蒲崗嚟過好多次，成日經過呢條街,已經覺得Outdoor個位好舒服，但就冇留意呢間餐廳係食德國菜，如果唔係有朋友介紹都唔知道！今晚我地2個人食左：德國鹹豬手配酸菜及薯仔沙律$208煙三文魚配凱撒沙律$128香蔥芝士焗薯條$88兩杯draft beer $72 x2我覺得鹹豬手係必叫嘅主菜，首先好鍾意隻豬手係切好先上枱，容易食，而豬手外皮超級脆，好香，啖啖肉但肉質又唔乾身，送啤酒一流！食肉就叫返個凱撒沙律中和一下口感！個薯條係即叫即焗，上枱嘅時候熱辣辣好脆好食呀！都係送啤酒嘅佳品！而今晚我哋食飯時間8點左右到，都好多人客己經坐唔到Outdoor，下次要早點黎先得！

今個禮拜三朋友生日，咁梗係就曬壽星公，佢話中意食鹹豬手，就幫佢book咗一間係mikiki商場入面嘅德國餐廳，食餐勁嘅😃😃😃。呢間餐廳都幾好搵，環境唔錯，但係比較可惜嘅係餐廳出面嘅檯都比人book曬，呢啲咁高興嘅日子梗係係戶外食，無拘無束先至過癮，不過坐入面其實都幾舒服嘅😁😁😁。講翻啲野食先，主角德國鹹豬手果然係呢度嘅招牌菜，外皮好香脆，咬起身sot sot聲，肉質夠嫩，又唔韌又唔鞋，我最欣賞嘅一點係味道方面，唔會好似其他餐廳嘅德國鹹豬手咁，醃得好鬼鹹，呢度嘅豬手輕輕帶少少鹹味，帶到曬啲豬肉嘅肉香味，再點少少芥末食，就更加滋味喇😋😋😋。我食得個一兩舊，我個食肉獸朋友就清曬成碟鹹豬手。我地仲叫咗碟煙三文魚意粉，由於朋友食豬手食到好飽，所以碟意粉基本上係我自己一個清曬，我就覺得都算唔錯喇，可能因為落油多少少嘅緣故，意粉食起身好香口，有啲蒜香同香草香味，煙三文魚都正正常常啦，雖然話係幾好食，但真係幾飽肚。我地仲叫咗個芝士焗薯條，芝士味濃郁，每條薯條嘅薯仔都分量十足，送啤酒簡直係一流。我地就咁邊食薯條，邊歎啤酒，邊吹水到餐廳關門先走。呢間餐廳出品都幾好，我個朋友都好滿意，話我無book錯餐廳，

同屋企人行開mikiki，就想係個度搵好野食。屋企人話室外有間德國菜，佢除左有室內場，仲有室外座位，好似好chill咁，就決定一試啦🤪。我地最尾都係揀左室內坐🤣因為場都算幾爆，好彩岩岩入面有張唔洗等。☺️我地叫左個正宗德國豬手，一上枱擺設就已經好吸睛。食落佢個皮脆脆地，配埋充滿肉汁既肉就一流，脂肪同肉既比例都岩岩好，食落唔會話太濟。食得德國豬手，咁當然要有啤酒。一杯都幾大杯☺️，夠大家慢慢同朋友吹水chill下。然後我最期待既菜式黎啦—就係斧頭一字牛肋骨！！嘩，估唔到佢咁巨型，比我既手掌仲大少少🤣佢燒得好香，肉汁飽滿，最重要係口感唔會太鞋。咁大塊排，原本睇落以為我地四個人一定食唔曬，點知愈食愈開胃同上癮，最後清得一乾二淨🤣。真係推薦朋友試下呢個菜式。而佢亦有沙津伴碟，比大家清新一下～我地仲點左芝士焗薯條🍟，薯條真係新鮮炸出黎，再配上芝士拉絲真係perfect。總既黎講，呢間餐廳絕對係happy Friday & Saturday 之選，性價比高，唔洗好貴就可以同朋友飲翻杯，食餐好野獎勵一下自己啊！

德國餐廳在香港都有不少，而在新蒲崗的德國餐廳都是一間不錯的地方，去到裝修不錯而且都有不少德國食品選擇，我和朋友當然不會不叫一份豬手啦，原來這裡仲有款比較特別的白豬手，但我地都最後選擇普通，諗住下次再試白豬手，和炸物必叫的啤酒和小食，我地食完都勁飽而且價錢都合理。德國咸豬手酸菜配薯仔沙律，表面有炸得幾脆口而且肉都不少，而這裡的啤酒都有不同選擇，最後選擇其中二款的生啤，一路食同飲傾下計的確不錯，我最愛的酸菜都做得不錯，薯仔沙律都幾清新又足料。小食有款超薄身薄餅配醬就叫了一個來試試，薄餅夠乾身醬汁幾好味加了不少分。最後的烤雞來到，雞已切開十分不錯方便分來吃，仲有配菜酸菜和薯角，份量都不少，雞肉嫩滑同香口。

工作至很晚，實在太累了，Happy Friday的晚上，和朋友來啤一啤，嚐了一頓不錯的德國風味餐，慢活才是人生吧。德式酒吧風情，大大的古堡式吊燈，古堡式磚牆，二話不說，和友人先來杯Carlsberg Draught ，實在是美好的啤酒，槐花和麥香濃郁怡人，帶苦澀之中又瀰漫餘韻，我們嘆著，時間慢了，有一種說不出的爽。有啤酒豈能沒美食，德國咸豬仔酸菜配薯仔沙律，咸豬手真是美味，皮是脆，中間的膠質豐膄香軟，肉的咸香，佐啤酒，是絕配，配上酸菜，芥辣減膩，更開胃。香口美食隨即奉上，法式燒春雞，皮是那麼的脆，肉是那麼的滑，帶有香䓍的味道，剎是好吃的，還是不點醬，原汁原味更有風味。墨西哥香蔥芝士薄餅，也烘得挺香脆，有濃香䓤味，反而是芝士味淡些，而汁醬也沒嚐到芝味，扣了點分，仍佐啤酒也不錯。這頓德國風味，也值得一嚐的，至少你慢活過，無憾。

有日放工約咗朋友食飯，朋友話想食豬手所以我哋就揀咗一間德國餐廳嚟食飯，依間餐廳係喺新蒲崗嘅商場地下，仲有露天座位可以坐，不過因為嗰晚比較凍所以我同朋友都錯咗室內，餐廳都幾有feel裝修都幾有德國餐廳嘅感覺首先頭盤我哋叫咗一個三文魚凱撒沙律，估唔到三文魚嘅份量亦都幾多而且開殺沙律嘅醬汁條配得唔錯食落去好開胃而且因為之後食嘅都係肉類所以沙律菜感覺會比較開胃餐廳仲做緊豬手套餐睇落都幾抵食，德國鹹豬手加香腸拼盤同埋墨西哥粟米片都係$398，套餐嘅份量都幾多香腸拼盤有四款德國香腸而且每一種嘅味道亦都好出色，同平時食開嘅唔一樣，相信係用咗質素比較好嘅德國香腸墨西哥粟米片仲要係熱辣辣，配埋特製醬汁就更加好食而且好開胃，分量仲要幾多下德國鹹豬手仲要幫我地拆埋骨食落去就更加方便，而且做到外脆內軟嘅感覺，無論係肉質同埋味道亦都非常好雖然豬手等得比較耐，但係都覺得係值得等最後我同朋友每人叫咗一杯嘢飲，我就叫咗一杯朱古力沙冰，朋友就叫咗杯德國啤酒，德國鹹豬手配啤酒真係perfect match 價錢仲要咁抵食性價比真係幾高

一直都很喜歡吃德國咸豬手之前在荃灣的一間酒吧餐廳內找到了一間好吃的豬手，便一直都吃那間今次我和男朋友到新蒲崗處理一些文件上的事務，竟然在Mikiki商場找到了一間德國餐廳餐廳在商場的地面，非常容易找到餐廳的內部裝修得十分有特色，燈光適中，設計有心思我們二話不說便立即點了一個德國豬手店員說需時大概20分鐘然後我們點了一個nacho配salsa 和一杯啤酒nacho 點著甜酸的salsa份外惹味開胃配合清涼透心的啤酒簡直是絕配主角終於到了首先賣相非常漂亮藍色碟配上烤得金黃的豬手十分吸睛外皮烤得香脆，不會過硬肉質仍保侍鮮嫩，有肉汁配合綿密的薯泥和酸菜，令豬手有多一層的口感醬汁也很好吃，個人很喜歡黃芥末，與豬手非常合襯

我從未寫過評論，但今次真係要寫一寫。 我今日用eatigo book 左下午茶時間去食，叫左me個煙3文魚意粉，一個beef with side salad, 佢個意粉食左1，2啖就見到有塊非透明的膠紙喺入面。 算！之後個beef 嚟到，我地又喺啲side salad 入面見到發泡膠粒。 塊木板（that serve the beef) 望落又發哂霉咁。 叫2碟餸，2碟都可以咁唔乾淨，真係未遇過！啲服務又差，客唔多，有3，4個waiter, 叫佢俾2隻碟我地，成個意粉食哂都冇碟俾過我， 真心勸大家唔好去食！

今日同朋友黎左mikiki 食飯， 平日既mikiki都吾太多人。。。。我地book左呢間德國餐廳食飯吹下水， 吾係旺區既地方好就係吾會限時喇我印象中自己應該係第一次正式食德國菜。。。。我地叫左佢最招牌既德國咸豬手，估吾到咁好味，佢個皮炸到脆卜卜， 豬手又吾太咸，岩岩好， 配菜係傳統既德國酸菜，好開胃。。。仲有薯仔雞蛋醬沙律，又係正。。咁大隻先係208蚊食德國菜又點可以吾食德國腸仔呢～佢呢度有2個價錢既腸仔拼盤，分別係158蚊同188蚊，雖然吾知有咩分別，但難得食一次。。。我地就叫左個188蚊既德國香腸拼盤，黎到真係嘩左一聲。。。有勁多吾同款既腸仔，超大一盤。。。。吾同款果然係吾同味道，有d 係辣，有d係香料味。。。又juicy..正呀朋友話想食青口，我地叫左個0。5kgs 以為吾會好多喇，點知黎到勁大盤。。。。d 青口肉仲好肥美呢度仲有得叫1kgs....都係多少少錢，但我地咁少人就真係食吾到咁多野仲有見到台台都飲啤酒，但我地吾多飲酒，所以只係叫左d 可樂檸茶就算呢度既選擇雖然少，但樣樣都真係好味喎