德國餐廳 (Mikiki)

营业中

休息中

今日晚上和太太往新蒲崗Mikiki的Das Bier食德國菜, 我們點了卡邦尼意粉,德國超級香腸拼盤和傳統德國白朱手。卡邦尼意粉份量十足, 材料有火箭菜, 巴瑪火腿和意粉, 火箭菜食落新鮮爽口, 巴瑪火腿咸味適中、意粉食落爽口, 忌廉汁味道香濃, 食落好惹味；德國超級香腸拼盤賣相一流, 有四款德國腸, 款款都好爽脆彈牙, 尤其是辣肉腸, 辣味適中, 食落醒胃而不油膩, 德國腸配上酸瓜醬食落酸酸甜甜好開胃, 酸菜食落醒胃和薯菜食落爽脆熱辣辣, 好味的德國超級香腸拼盤；最後傳統德國白朱手, 香港好少德國餐廳食到傳統德國白朱手, 朱手上桌時香噴噴, 朱手骨肉均勻, 食落啖啖肉, 有油花, 肥瘦適中不油膩, 配菜香腸食落彈牙爽口, 薯蓉入口即熔和酸菜甜甜酸酸食落醒胃。餐廳座位舒適, 食物美味有特色, 我們食了一頓特色好味德國菜。

星期六去左試下樓下的德國餐廳，裝修ok ,收八十幾蚊一個午餐， 餐飲叫左咖啡 佢竟然俾即溶咖啡我 ，成杯野冇咖啡味 有冇搞錯呀?!! 茶記咩 ，以後唔會再黎 好嬲 價格就定得高 但食物質素追唔上 去對面茶記食仲冇咁嬲。

去開附近順便行下MIKIKI，本身諗住食串燒，但朋友見到衣間德國餐廳就話想食豬手。好好彩又唔洗排隊，就臨時轉食衣間。意大利巴馬風乾火腿（18個月）- $148火腿咸咸地再加埋夾係中間既酸瓜中和D咸味，好特別既食法墨西哥香蔥芝士薄餅 - $88必食，超薄超脆既既外層包住D溶溶地既芝士同蔥粒，簡簡單單但超好味。價錢又平。墨西哥粟米片 - $48脆卜卜既芝士味既脆片加埋個汁，食唔停！德國香腸拼盤 - $142食德國野又邊能唔叫腸吃呢。三款腸但餐牌無寫明係邊款腸。一切落去D肉汁已經流晒出黎，好Juicy,有一種辣辣地好好味德國咸豬手配酸菜及薯仔沙律 - $188主角咸豬手係第二樣野黎到，之前食其他餐廳通常都無禁快黎。衣隻豬手真係無得彈，豬皮脆卜卜，肉質好滑流，又夠咸。原汁原味，唔洗點醬都已經好好食。

店員 叫極無反應，野食遲遲唔到衞生 麻麻味度 好一般付款 現金裝修 理想裝修門面幾靚，但正如樓上食評咁講，大部份嘅野都講中哂，叫set食物唔貴，但味度真係一般過一般，出野遲，服務差講左又好似聽唔明咁，做野又慢幾拍，基本一個牛排都整唔好，咁仲點樣叫人對你啲野有信心，食你隻豬手，一般茶餐廳水準，唯一嘅亮點就係舖內嘅德國地圖，可以話係金玉其外敗絮其中，得個樣，唔會有下次幫襯咁嘅營運方式我諗都好難生存落去，祝你好運

最近經常响新蒲崗工作，都好鍾意周圍試下啲唔同嘅餐廳，今日一行四人就去咗呢度食 午餐，諗住德國菜唔會差得去邊，但結果係令人失望， 亦辜負咗德國餐廳呢四個字。呢度有室內同室外兩個區域，但敬告各位室內油煙甚大， 如果唔係好大風，都係坐返室外好啲，至於價錢方面都尚算合理， 只係打住德國餐嘅名號就令人 期望過高。呢個就係我哋叫咗兩份嘅餐， 係88蚊嘅餐，到底呢三條腸係咪真係值呢個價錢呢 ?恕我見識少，唔通腸真係要咁貴?呢個就係炸魚沙律，驚喜就冇乜喇，普普通通 合格啦!輪到雞扒沙律，質素比地踎茶餐廳好嘅， 咁話曬都58蚊仲要加一，比茶餐廳好係應該嘅

今天約左舊同事食飯，為左就佢哋，所以係新蒲崗譽港灣食野，同事訂左 Das Bier，佢哋之前在其他分店食過話都幾好的，所以就去這店大家聚下。大家都好耐冇見，一見面就大把野講，所以冇影相，不想破壞氣氛，不要相機食先，要我哋食先！因未齊人，叫左飲品邊飲邊等。人齊啦！睇下餐牌食咩先，見到有美式燒排骨，緊係要 order 啦，點知侍應說今天冇燒排骨喎，有㸃失望。咁就㸃左以下食品：================1) 德國鹹豬手配酸菜及薯仔沙律------------------------------我們的至愛上菜啦，豬手已經起左肉的，都算幾細心，大家都急不及待了，一口咬落去後有點失望啊！皮唔脆，肉唔嫩滑，肉質好乾呢！好好的豬手㸃解搞成咁呀！2) 德國香腸併盤---------------------------因我唔食香腸，所以無法評價，朋友就話正正常常，冇咩特別好味或難食，反而配菜薯角好味，熱辣辣，外脆内軟。3) 墨西哥粟米片---------------------------小食既話，我哋都好喜歡食這個的，粟米片用一個小籃子盛載著，點知一看籃子內的粟米片份量比較少、細片及好碎，完整的數

之前去過大角咀同家人食過德國咸豬手，果次食都幾好味，皮又脆，肉尚算嫰，早前見新蒲崗開咗分店，見近近地就去一試，點知就中伏，當晩去到因為早嘅関係，無其客人喺到！諗住啲嘢食好快到啦！我地叫咗煙三凱薩沙律同徳國咸豬手，落order時侍應已經同我地講豬手要等一陣，好啦！沙律好快到，我地一路食一路等，沙律價錢$128，好坦白講邊直呢個價錢吖！豬手點知一等等9個字，等…唔緊要，最緊要好味！豬手嚟到，賣相ok，一食落啲皮硬到呢？至於啲肉鞋拾拾，伏到呢⋯⋯冇下次囉！😝

點左2樣食物，所謂美式排骨（$168）無論口感同味道跟廣式燒臘排骨冇分別，傳統德國白豬手（$188）一切開食裡面完全重係冰凍架⋯救命！送返比佢地再整，到現在苦等30mins都未有得食👎🏻👎🏻👎🏻最要命係佢嗰啲服務員，話比佢聽豬手係凍嘅，佢若無其事咁拎返起然後叫廚房整返熱佢，一整就整左40分鐘，然後若無其事咁又拎返出嚟俾你食，一啲悔意都沒有，只係不停咁話唔知點解今日會咁。食物差，服務態度差，都唔明呢間餐廳點樣可以生存。最慘價錢都唔平！

今日原本想帶兩個仔去mikiki playhouse 點知預著包場 咁無計啦唯有係附近搵間企企理理又family friendly嘅餐廳食野見到呢間野新裝修價錢相宜就選擇咗佢 我地兩大兩小叫咗炸豬手，卡邦尼，德國香腸同Parma ham salad. 豬手比我好大驚喜 佢外脆肉嫩 配合咗一個酸酸甜甜好開胃嘅汁卡邦尼佢唔算正宗但味道唔錯 好香Parma ham salad 不過不失 菜算新鮮 但芝士唔夠 Parma ham 份量也足夠德國香腸味道不錯 驚喜位反而係side dish嘅炸薯角 咸度剛好又夠哂脆最後我想讚下兩位員工 真心覺得佢地服務唔錯 熱情有禮 因為我地兩大兩小比較麻煩但佢地都保持笑容

老細初頭應該係想做一間德國餐廳環境裝修都好新淨300呎地方 大約有40座位只係比較迫咗啲出入會容易撞到椅背可惜而家由樓面至廚房都比茶餐廳不如樓面有啲似喺內地員工態度普通愛理不理廚房員工質素麻麻可能返日班的同晚上會有兩批唔同廚房職員豬手表面睇落幾好白豬手都可以接受因為唔難整 做法簡單但伴趁下面所有雜菜同紅蘿蔔都係炒燶了但最慘果樣係連想同職員反映的意慾都唔會有因為佢哋俾你個感覺係同佢哋兩個講都無用另外要求要開水分別叫咗3次至上枱

米飯班主係附近做野，話好想食西餐，指定要食mikiki 出面啲餐廳，話有feel本來佢簡左隔離果間，但我見唔算平，哩間德國餐裝修又靚仔，雖然見到2人位有啲迫，但都多人食緊，有人氣先，所以去試下。先講豬手，出得黎食飯緊係食啲平時煮唔到既野啦，白豬手唔會叫，一定要食炸豬手，真係等左幾耐下，都有20mins，但好直得，我地用3個字時間就KO左佢，佢會幫你切好晒先上碟，省卻你餓住仲要切野既時間最緊要係真係炸得好脆，肉夠嫩，都唔細隻架！近廚房位仲見到有個玻璃焗爐掛晒豬手係度，賣一隻少一隻，底下有薯仔沙律，加左糊椒有少少辣，好味我真係唔知果堆疑似蘿蔔絲係乜野，我食左一條就夠了再講燒春雞，佢比豬手遲10mins先上，非常好，等啲野食唔洗吹凍晒一黎到，我都滿心歡喜，但我食第一件係唔熟，近骨位見到粉紅，我退返畀佢，叫佢整返熟啲，食燒春雞就睇清楚喇！雖然有啲小意外，但下次我都會再黎

很高興屋企樓下開了一間新餐廳，雖然開店不久但已經試過他的早餐下午茶及晚餐。首先要投訴的是有一次特登來吃早餐，看見他的開業時間是八點，於是八點半走來，誰知還沒有開。跟着要讚讚他，早餐很抵食，份量豐富，但太豐富，其實可以兩個人吃，牛乳炒蛋太膩，吃了一半已經滯。下午茶也很抵食，有返和豬手選擇最後我選擇了吃咖喱雞飯。之前來吃晚餐也不錯只是價錢偏貴。下次還會再來，因為還沒有吃他的招牌豬手。對於新蒲崗來說，這是一間特色餐廳。作為街坊，非常欣賞。