德國餐廳 (寶怡花園)

营业中

休息中

10/16 Das Bier 屯門今日收工帶朋友去左屯門一間屋苑入面既德國野，上網見評論唔錯，所以就約埋一齊去試。佢有唔少德國既傳統食物可以揀，有鹹豬手，白豬手，德國香腸拼盤，仲有多款唔同既啤酒！我地叫左德國鹹豬手，安格斯肉眼扒同兩杯野飲，已經食到好飽～豬手預先切好，皮，肉同骨分離，方便客人食用。豬皮烤得好脆，肉既份量都好多，味道都好好，整體十分唔錯。而且配菜仲有酸菜同薯仔沙律，兩樣野都唔錯好好食！安格斯肉眼扒份量好大，肉質唔會太硬，易切，亦都易咬，不過肉味略嫌唔夠濃。火候就控制得唔錯，我地叫五成熟，佢做到令人滿意既程度。啤酒我地叫左Hoegaarden既rose，比原味更香甜，比較適合女仔。而佢地自家製既芝士奶蓋茶亦都值得一試，奶蓋有十分濃厚既芝士香味，質地唔會係好稀個種，感覺唔錯。

今日入屯門做野，做到O晒T，想搵啲好西食補償下自己。人生路不熟，亂咁行，見到有間裝修、燈光唔錯既就比佢吸引左！就係呢間Das Bier啦！主打德國美食。入面裝修大部份都係用木，牆就用左磚，真係好似置身德國咁！食物都係環繞豬手同德國腸。但亦都有牛柳、肉眼、豬肋骨等等。我就叫左佢地大力推薦既鹹蛋黃豬手同Das Bier lager。das bier lager，唔好睇個杯咁瘦，飲落其實都幾大杯。不過份量都係其次，平時似慣香港啤酒既朋友好容易會飲唔慣德國啤既重麥味，但呢杯lager好易入口，有少少麥味之餘又唔會好苦，推廌大家可以一試。豬手黎到，勁大份，好足料。最重要既係廚師既細心，好多時食豬手令人卻步係因為唔識切，又或者食得好狼狽，呢到就完全無呢個問題，因為一早已經幫我地切好晒啦！真係ready to serve！肉質唔會好肥，食豬有時都會怕好硬會咬得好辛苦，呢到肉質就好軟身，易入口。皮都整到極脆，咬落係有聲！豬手底下都無搵薯菜墊底，完全真材實料，勁抵食！配菜薯蓉都唔係一坨打散左既薯仔，而係有啲薯仔粒，食落有口感，又唔會成舊薯仔咁要慢慢咬。呢到食豬手食得出廚師既細心位，食物質素亦好高，讚！！

今日朋友帶左我黎屯門一間德國餐廳食飯，位置唔算太偏遠，兆康西鐵站轉輕鐵，坐多兩個站就到～算係比較易搵。餐廳面積雖小，但食物種類都算齊全。德國鹹豬手配酸菜及薯仔沙律豬手預先切好件，唔洗再自己慢慢切，十分方便。肉質紮實，亦都帶啲肥油香味，份量好足。豬皮焗到好脆，但唔會好燶，質素唔錯。而最吸引我既其實係佢既酸菜，夠酸同好好食！薯仔沙律都係，十分岩我口味。美國頂級黑安格斯肉眼扒10oz超大塊，亦都係份量好足。我地叫左五成熟，佢煎得幾ok。牛扒肉質紮實，油花比較少，但係入口易咬，唔鞋口，不過牛肉味唔算濃。飲品方面我地叫左Hoegaarden既rose，同原味相比，更加香甜易入口，我都幾鐘意。另外仲叫左一杯芝士奶蓋蜂蜜雪梨茶，奶蓋質地濃厚，芝士味超突出超香，個人覺得配朱古力應該會更正。

今日係到附近搵完個客就約左舊同事飲杯野 意大利巴馬風乾火腿配啤酒平時飲啤酒都係得炸野選擇 覺得好熱氣 而家配凍火腿食 好有油脂香而且每份嘅份量都唔少 捲咗啲醃青瓜係內面 酸酸甜甜好開胃呢度嘅啤酒都有唔少選擇亦都有唔同類型嘅promotion 買一送一或者送陶瓷杯 我地揀左 Erdinger 白啤酒飲落麥味好香好易入口 而且估唔到係咁大杯之後就再嗌咗個墨西哥青蔥薄餅配芝士醬 個芝士醬都幾好味我哋都唔夠點 所以要問職員再攞多一份 如果可以配搭埋番茄莎莎醬 或者牛油果醬就仲正

我係附近住，呢間餐廳我都成日去，啲野食又抵又好味。平日其實招呼都幾好，但周末人多，就明顯唔夠人啦，出菜同落單就慢啲，有時候叫兩次至嚟，而且可能疫情關係啦，餐廳唔知係咪節流關係，周末都得兩個人做樓面，見到人哋已經忙到飛起，我見到有個老闆娘係甘坐係到計數，另一個就係甘出入餐洗杯，不過口罩的確有啲唔衛生拉低左，我覺得又社會問題又疫情大半年，大家都唔容易，可以體諒下囉，搞到人失業只會令社會多一分怨氣⋯⋯ps 不喜勿噴，純粹個人感覺，香港人大家同心協力齊渡過難關啦

今日約咗朋友喺呢邊搵佢 佢帶我嚟呢間德國餐廳 入面嘅佈置幾美觀好有氣氛我哋叫咗幾款食物墨西哥芝士香蔥薄餅燒美國豬仔骨半份意大利巴馬火腿再要酒杯啤酒一齊分個火腿分量都唔少 火腿有啲油脂香味 佢夾咗啲酸青瓜喺入面 令到食起嚟嘅時候多咗一重咬口同埋味道 唔錯嘅配搭另外個墨西哥芝士薄餅佢嘅芝士醬都幾好味 建議佢裏面可以夾啲材料就會令到個味道更加豐富 之前我食過嘅就會夾啲芝士同埋甜椒 或者係肉喺入面燒豬仔骨味道比起之前我喺連鎖餐廳食到的冇咁鹹 唔會好似食緊醬汁咁 同埋無咁鹹 食落就舒服d 伴碟仲有好多熱辣辣粗身薯條 大愛❤我哋叫咗杯德國啤酒出面牌子麥啤作為呢一餐嘅完美點綴

係外賣平台叫依間餐廳自取準時去到， 叫有幾張單都執緊等下都正常但等候時間， 望到執餐呀姐好似high 大左咁，將d 餐係袋度擺入擺出， 唔知做咩口罩拉上拉落， ，又摸下個口罩，真係鄧堂食客人擔心， 佢依d 動作真係不停重重複因為出餐次序有問題，所有野食凍曬打開牛扒個盒， 十安士， 應該有3安全全部肥膏， 做生意咁樣真係唔得好耐以前係何福堂食， 真係覺得唔錯今日再幫襯無論衛生， 出餐， 食物質素好一般

外賣自取有7折既關係就試下依間野，自取時發現係無人堂食，莫非唔好食🙁預訂左德國豬手，墨西哥薄餅，燒春雞，德國腸，香草三文魚意粉食物始終外賣口感方面都有少少影響，可能堂食會好D德國豬手：夠味夠脆皮配菜薯仔都唔錯添☺️墨西哥薄餅：真係好Hea 食落去得芝士加火腿....... 連墨西哥醬都無😓燒春雞：唔夠入味，處理唔夠時間😓德國腸：煮得剛剛好，可惜外賣關係薯角淋哂...😐香草三文魚意粉：非常香 香草但不喜歡香草既朋友仔就唔建議食，食落夠味同乾身☺️

今日去左德國餐廳食，見裝修都靚靚哋，價錢又可以接受，於是入去試吓，入到去已經覺得中伏，女服務員態度非常惡劣，無禮貌，又黑口黑面，食到成肚氣，唔會再幫襯呢間分店！

又到星期五嘅時候喇，約咗喺屯門嘅朋友去佢屋企附近食晚餐，喺朋友嘅介紹之下，去咗呢一間德國菜餐廳食晚飯。餐廳雖然唔算好大，但係都算應有盡有。一入到去店員好熱情咁招呼我哋，我同朋友兩個人坐喺餐廳角落，望真一啲，其實餐廳裝修都唔錯。我同朋友叫咗一個芝士薄餅、意大利飯同一個德國鹹豬手。等咗冇幾耐，店員就上菜啦。芝士薄餅都幾外脆內軟，係個芝士醬唔算太有味，不過都不傷大雅。意大利飯就真係發揮到水準喇。黑松露味直撲埋嚟，真係聞到都好想食呀。同朋友share左一碟飯都覺得意猶未盡。十分推薦比其他人食。最令人意外嘅就係德國鹹豬手。朋友就覺得鹹豬手塊皮揸得好趣好好食，而我就將重點放喺鹹豬手隔離嘅薯仔沙律。其實佢唔係一般嘅薯仔沙律，而係撈左芥茉醬嘅薯仔沙律，又意外地真係好好食喎。最後我拎咗啲沙律嚟點芝士薄餅，認真好味，推薦大家呢種食法！

Das Bier裝修都好有德國酒吧feel，入左餐廳嗰feel唔似係屯門。地點幾近最近嘅輕鐵站，雖然同市中心有段距離，但都叫方便。細心位：底有儲物籃比放隨身物品，座位夠闊。服務態度唔錯，主動比多一套餐具做公筷。餐牌選擇唔算多，出名嘅有豬手同腸拼盤。墨西哥香葱芝士薄餅（＄88）有八塊，芝士係芝士醬，但略微比得太少，食到後尾唔夠食。有淡淡嘅巴馬臣芝士味，同香葱味幾夾但唔會搶左葱嘅味。睇落份量唔多但食落都幾飽肚。德國香腸拼盤（＄162）有幾種腸，黑椒味好香，微辣，最鐘意係食呢款。芝士腸咬落有流心芝士，芝士味夠香，但食得多有啲膩。白腸有兩款，唔係太分到有咩分别，但其中一種口感係好啲嘅。另一種係咸香啲所以要同酸菜食。酸菜係正宗嘅味道，夠酸得黎有椰菜味，配腸一齊食減走油膩感。啲腸食落唔會乾，keep到有肉汁，肉同腸衣比例啱啱好，食落有咬口，嗰皮夠脆，唔錯。炸薯角（＄55）食落熱辣辣，唔會炸到乾哂，佢係有薯皮嗰種，咬落去係扎實嘅口感，滿滿嘅薯仔肉。

屯門既德國菜選擇唔多好難得見到一間價錢比較相宜既德國餐廳🇩🇪就一於入去try try😎見到裝修唔錯 👍🏻有世界地圖/足球比賽嘅國旗而且位置都唔會太逼 有幾張大枱可以多d人黎食嘢 都冇問題🤪香腸拼盤 $162一上菜 就聞到好香😍 足足有成3款唔同既香腸啊!😆其中 芝士腸係爆曬汁🤤非常juicy!薯角 係熱辣辣 偏軟身嘅 可以配茄汁食 👍🏻香草醬煙三文魚意粉 $128香草醬十分濃郁 啱晒重口味既朋友煙三文魚 份量唔多 不過味道幾fresh 🥳意粉份量好多😂 2個人食就會剛剛好👏🏻蜂蜜雪梨+芝士奶蓋$40係店鋪新岀飲品，亦係有驚喜既飲品🥰個芝士奶蓋 非常厚滑😝雪梨係新鮮梨肉 🤩 每啖都飲到梨既香味+食到梨肉😚

Since the virus outbreak has been a bit more stable, my mum and I decided to eat out. The restaurant is in the vicinity of Tai Hing. ✅We had temperature check once we got in the restaurantWe ordered:1. Roast beef ribs We would have loved to have medium, but they suggested us to have it medium well🤔 Ketchup and OK sauce were Provided. The steak was juicy and nicely poached and pan-fired. 2. German sausage with sauerkraut & french friesThe sausages tasted so good and had so much juice inside👍🏻 3.

呢排疫情開始減少，真係要出去呼吸下新鮮空氣！今晚搵左近近地係屯門既德國餐廳「Das Bier」！雖然而家有限聚令，每張台都有紙板隔住，但係都睇到食店既裝修配合既裝潢，工業風配合德國餐廳係有情調既！今次叫左一個英式炸魚薯條(Traditional Fish & Chips $138)，熱辣辣地上菜，炸魚特別之處佢不同於平時既麵包糠炸魚柳，佢煙銀嘅外皮配新鮮嘅魚肉入口真係冇得彈，加埋薯條配茄汁一流！仲有叫多個全隻法式燒春雞(Roasted Chicken in the Basket $158)，一籃子咁上菜真係特別有心思，低得一讚今次係碎件上既燒春雞，省卻左你慢慢逐件逐件切落嚟食，慳啲力水又可以啖啖肉，真係好貼心！再配合埋玫瑰味嘅啤酒(Hoegaarden Rose $72)簡直係人生一大享受！當然仲有唔小美食可以選擇，但係份量都十分足夠，兩個人都飽住出門口，大家過左限聚令可以約埋三五知己一齊叫多幾個餸飲啤酒係一個好地方。

今個星期六，繼續抗疫，所以又係買外賣返屋企食，今日揀咗一間叫「德國餐廳」，叫咗2個Set Lunch：1️⃣ Lunch E. 紐西蘭肉眼扒 配 洋蔥汁及意粉 $57(原價 $62 - 外賣自取 $5)2️⃣ Lunch G. 傳統德國白豬手 配 法蘭克福腸及田園蔬菜$83 (原價 $88 - 外賣自取 $5)第一次食德國白豬手，味道都唔錯；午餐食德國白豬手，真係抵食好多價格💰：$146 ($57 + $83 + $6 外賣盒)味道😋：OK留意⛔️：外賣自取午餐減$5；外賣盒每個$3