德國熱狗 (已結業)

今晚要去「個人增值」 有機會黎到呢頭，緊係要黎試下or食家激讚既熱狗啦 話時話，唔係睇左or既食評，我都唔知佢個名咁響 淨係每次都見到有好多人係度排隊....但唔知點解，果時我又無咩意欲去試食下喎 今次check左食評後，排隊就排隊啦.....點都要試一試~洋蔥蘑菇豬肉腸熱狗﹕(套餐)$ 28，雖然係買外賣，過左約10分鐘後才食，但仲係熱熱地架~ 咁即證明佢地既熱狗係即叫即製，所以先可以咁耐熱啦~ 話時話...我等外賣都等左...5-8分鐘 條腸仔幾好味喎 食落去就知唔係d平價貨~ d洋蔥切得夠幼身，所以食落去都唔覺得「辣」~ 腸+洋蔥+沙律醬配合埋個剛剛烘好既熱狗，好味到不得了 仲有呀，個麵包既底部仲係脆脆地架套餐跟埋既薯條﹕剛剛炸好既薯條永遠係最好味既 而且仲係粗身既波浪紋薯條呀!!!!! that's great~~黑椒豬扒漢堡﹕雖然塊黑椒豬扒落左梳肉粉，但味道ok噃~ 個漢堡包唔錯喎~ 夠軟熟，好味過大m果d忝呀!!! 滿分~我個人覺得呢度既熱狗真係唔錯~ 洋蔥蘑菇豬肉腸熱狗餐連埋一罐裝飲品都係 $28，黑椒豬扒漢堡+埋薯條就 $16 勁抵!! 平又平過大m，又好味m...有時

尋日同貓貓去勝利道睇醫生~本來諗住去食牛肉燴意粉....去之前黎呢道睇下食評....見到呢間德國熱狗比牛肉意粉更多好評即管黎試試~入到鋪感覺唔錯...鋪面幾乾淨....收銀姐姐一入鋪就好有禮咁話熱狗包賣哂,得番漢堡包...(成七點了)望下menu...估唔到有咁多種包我& bf試了辣肉腸熱狗餐(沙律醬&芥辣醬),肉醬熱狗&薯條 佢地都幾多order...但都好快手先送上薯條~岩岩炸好...同埋唔係萬年油炸...yummy肉醬熱狗~因為熱狗包賣哂...佢將漢堡包同肉醬腸仔都分開上...肉醬唔太酸...我唔食肉醬既都接受到辣肉腸熱狗~辣肉腸比肉醬熱狗條腸大好多...haha~好似低食d辣肉腸無乜辣味...併埋兩種醬汁味道ok^^整體黎講d包都ok(又唔覺真係講到咁好味)但佢地服務態度真係好好...好有禮貌...hk小店少有....唯一缺點~見好多人order食物都話賣哂...多d存貨比較好價錢都幾平...餐$28有熱狗包,薯條&飲品(低過麥當當先)如果住係附近一定成日幫親

這間小小的店舖並不難找; 一進去,正想看看餐牌之際,他們就對我說:"先生,不好意思,我們今天的熱狗包已售完,只剩下一個牛角包"他們說可以夾豬柳,或者我不介意的話可以夾腸(切片). 我乾脆說我只想試試,沒有所謂. 最後還是他們提議要豬柳.我是買外賣的. 回到家一打開,個包比我想像中大. 再看看裡面... 咦? 為何是腸,不是豬柳嗎? 不過算了,我也只是想試試.可能因為外賣關係個牛角包"腍"了,如果堂食應該不錯. 吃了幾口,感覺是那些醬夠多但都幾鹹. 那個芥末醬一如他們所言並不辣,相反是鹹的. 至於那條白腸,我嘗試齋吃了一片,又的確幾好食;沒有那些醬反而嚐到腸的香味和肉味.或者下次嘗試放工後早點去吧.

幾年前已經知有呢間熱狗店, 但直到前幾日先有機會試. 但因已接近晚上八點關門, 所有熱狗售清, 唯有叫個牛角包餐. 熱烘烘的牛角包夾著熔化中的芝士及酒店食用的Pepperoni少辣午餐肉, 入口香軟嫩滑, 而家諗起都流口水. 薯餅炸我外脆內軟, 薯味十足, 好味好味. 連一罐飲品都只係廿八蚊, 唔貴據阿姐話, 呢度啲香腸同餐肉係來自一間由德國人在香港開的製肉公司, 而呢間公司只係為油店提供食物批發, 不做零售, 所以外面係買唔到. 嘩, 廿幾蚊就食到酒店水準嘅食物, 抵啦

晨早要去梭椏道, 早一晚係OpenRice做定功課, 搵返個醒晨早餐歎下 德國熱狗有好食評, 希望今日有食神啦!有四款早餐選擇, 都係$20但又想食熱狗, 係心大心細情況下... 熱狗套餐 $28熱狗一個薯條/薯餅一罐飲品/咖啡/奶茶服務員非常殷勤地問我想食乜, 又介紹香蔥豬肉熱狗係最多人Order...十分鐘後食物送上, 服務員好有禮貌地問我要加乜野醬料, 有酸瓜, 沙律, 芥辣 香蔥豬肉熱狗好好好香~ 熱狗包又熱又脆又鬆軟, 豬肉腸外皮又脆又熱又香, 豬肉腸本身辣辣地, 好惹味, 加埋啲醬料及包一齊食, 夾到不得了 薯條新鮮熱辣, 即叫即炸, 我鍾意 罐裝飲品服務員好有禮貌地叫我自己去雪櫃選擇一罐汽水 呢啲先至係服務員的態度, 有禮貌, 又殷勤, 面口好, 語調靚 聽到佢地把靚聲, 心情都好啲, 開心啲~

我的母校就在對面~由幼稚園開始就食佢~依家畢咗業~就成日"唔覺意"咁去附近探miss阿sir~其實醉翁之意不在酒見到上面咁多人講hotdog~我就講吓佢既薯茸啦^^因為佢店面細~好多時都會外賣~而hotdog外賣，好多時都會返到去就"淋"曬，而薯茸(特別是有芝士)，買到返去就仍然熱烘烘~d芝士行到返屋企就剛剛好熔曬~超正~諗返都想食

外賣返bf屋企,返到去都成半個鐘,不過仲係暖架!個sauce好味,不過嫌佢落得少!1. 牛肉腸(唔記得名)(bbq+芥辣)+薯條+荔枝汁-一般,個sauce好似無咩味,同埋好少2. 墨西哥辣腸(酸瓜汁+芥辣)+薯條+蘆薈汁-腸唔辣,但個sauce開胃,bf都話好味本來想要香蔥豬肉腸,但係太晚了,賣剩!裏面阿姐好有禮貌,好好人!

不知道何時開始，勝利道差不多已變成了寵物街，奴隸獸身為寵物，當然對這些小貓小狗的興趣不大，但主人卻趣味盎然地看著這些小動物。當行至街口時，就看見了我們的目的地『德國熱狗』。食店的生意頗為興旺，但店員的服務仍然非常殷勤，真是值得一讚。因為晚上約了家人食飯，所以只點了一份香蔥豬柳熱狗套餐（包括薯餅及一罐飲品，HK$28）試試。熱狗包烘得外脆內軟，而豬柳腸皮脆不韌，有濃郁的洋蔥味，真是非常美味，而且價錢合理，怪不得吸引那麼多顧客的青睞。

店舖面積很細，快餐式運作，食完就要走。熱狗腸種類多得很，而且頗有特色。店員很有禮貌，店舖衛生。如果想試最好早一些，試過下午7:00後去，熱狗包用晒，只能用圓型漢堡包夾腸食，冇咁好風味。約28-30元一個熱狗包餐連自選罐裝飲品，算是經濟。

今朝趕唔切食早餐醒起 lee 到多好評一於黎買返個早餐試下先 !唔知係咪今日終於唔落雨，勁多人 !明明成個星期行過都冇人架喎 !!!!!!!!叫左早餐 B ，等左都差唔多十分鐘先有返到公司仲暖，good !炒蛋仲有蛋汁，岩我口味 !兩條腸都幾好食，可惜係叮完先去輕輕煎一煎，唔夠香脆米粉應該係超力果種，我見佢都係叮熱的熱奶茶好滑，飲完喉嚨唔會乾，good !$20 食到個早餐飽一飽，飽到 lunch 都食唔落 ^^"抵 !

在今天，我們終於回來這個"傷心地"，一嚐那美味的德國腸熱狗了~剛剛送別了女友的阿姨和舅母，慢慢沿著窩打老道前進，雖然不久前才喝了三大碗未來阿媽靚湯，但是如終沒有一個澱粉質下肚，感覺總是怪怪的。一邊步行過去的時候，一邊在想會不會遇到熱狗沽清呢﹖還好今天不是。進店後想了一想，便跟老闆(﹖)要了芝士芝士腸熱狗、黑椒豬扒包餐跟薯條，然後再讓他幫我們推介一隻熱狗，他選了黑椒豬柳腸洋蔥熱狗，而兩隻熱狗都要燒烤醬。在等候的期間，留意到有不少的熟客來光顧，其中一位一邊跟老闊閒聊，又一邊在問他有沒有新出品，老闆答道剛剛出了一隻未上市的口味 - 肉桂蘋果腸。基於跟老闆不熟稔，我也不好意思向老闆來一條。不過聽那人的評價是肉桂氣味很強、很香，但是蘋果味則吃不出來。回說我們要的食物，先來的是黑椒豬扒包。豬扒完全沒有用上梳打粉，甚有咬口。雖不算是非常滑溜，但也不是嚡口的。豬扒的味道跟醬汁很配合，略帶甜的醬汁令人有點點醒胃的感覺，第一回合合格了。 再來就是芝士芝士腸熱狗，如上圖所見，熱愛芝士人仕必定愛死這熱狗，厚厚的已溶mozzeralla芝士，濃郁的芝士味道滲透入口腔內每一個細胞，而帶酸的燒烤醬反過來令到客人越吃

出開旺角行過來吃一個下午茶。今次遇著學校午膳時間，店內全部都系學生妹妹，搵位都難。今次叫左個維也納脆皮腸熱狗+洋葸。另外單叫左條脆皮煙肉火腿腸。熱狗一離到直情熱到渣唔上手。佢d腸系自己整的，烤得夠脆好好食。而且個包都系烘過脆脆的。如果唔加洋葸就可能會乾左d，加埋就perfect。今次汁要左bbq，芥辣同沙律。沙律醬好正。格離個學生仲不停咁添沙律醬。單叫既煙肉火腿腸要左茄汁同芥辣。單叫既腸可以叫佢切埋或原條上。每次都必叫，外皮比維也納腸更加脆。下次要試埋其他腸。服務方面店員都好親切有禮，而且見你尤疑唔知食咩都會主動向你講解同介紹有咩好食比你，系呢類既小店來說算系不錯

剛跟女友吃過茶市點心，特意"保留實力"給這裡的熱狗~當時店內人客頗多，已經需要站在店外排隊了。既然人多如此，也就讓女友自己點想吃的熱狗好了，我則站在店外等候。等了一會終於出來了，在她手上接過了熱狗準備拍照，一看之下心知不妙，因為打開熱狗一看，是沒有"腸"的。原來女友點了的，是芝士火腿腸熱狗。其實也不算是完全沒有腸的，只是員工把火腿肉腸切成了一片片而已，而在火腿申中間再放入溶了的芝士及燒烤汁。它的味道沒有甚麼特別，芝士是溶的，燒烤汁是正常味道，火腿味道又怎會有出神入化的改變呢﹖有點失望之外，也得安慰一下女友的心情。始於點錯了食物，白白浪費了"quota"是會心有不甘的。亦因此..........各位期待我們下次的((王子報仇記))吧~

呢間既熱狗幾出名既..."都試過好多次通常黎都係叫一set..有埋薯條"一個熱狗..通常要蕃茄同芥辣~好味"同埋呢.. 佢既肉醬薯蓉都好好味.. 13蚊有機會既真係要試下,唔錯嫁"不過大食果d就可能未必夠.."做下午荼就岩岩好

我賀某十年有多冇幫襯，今日行過，再幫襯吓店內環境十年如一日，冇變過以前個老闆娘唔係度(唔知係易咗手還是請人打理)照舊叫隻hotdog加薯條外加薯餅味道同十幾年前冇乜分別，薯條&薯餅依舊香脆可口隻hotdog比以前差咗少少，不過個三色混醬(唔知佢幫我加咗d咩醬)就幾好味