微笑韓國料理 (已搬遷) 新店位置

今日約左朋友去tst經過見到呢間就入去試下叫左5花腩飯 烤牛肉飯 同紫菜包飯唔算昂貴 但好好味飲品都係$8 好難得咁平烤牛肉飯超好味五花肉係即煎ga熱辣辣！待應好好人！會再來！

今日終於來到聞名已久的尖沙咀韓國食街，抱著好奇心態，走進以韓國人主理的餐廳。席前小食有三款，服務員見我們吃完，即自動自覺替我們加添，值得一讚。雪濃牛骨湯，原以為湯裏能找到牛骨配料，但事實並非如此。真正的配料卻是一點肥也沒有的瘦牛肉、幼身的白麵條及少量的年糕。湯色雪白，但味道不是太濃郁，屬清淡口味的韓式湯類。五花腩配飯，上枱的五花腩肥瘦勻稱，雖是薄切，但勝在件數夠多。只是五花腩的肉質略嫌有點韌，放在五花腩下面的洋蔥吸收了油份，變得油膩。

尖沙咀冇野多韓國菜最多（感覺上）坦白講佢門面唔係grand，不過勝在open hour長我地食個日係晏就3點左右其他鋪頭都close左但佢地仲有開！所以機緣巧合就去左食啦！講價錢，個人黎講一直覺得韓國野偏貴一個炸雞要成百幾二百蚊，我寧願食kfc不過lunch就唔同啦雖然五十幾蚊都唔係平不過考慮到地區，都算係咁了我呢個泡菜豬肉飯相當有水準首先味噌唔算多起碼食完我冇係咁要飲水另外d飯相當有口感！呢個一定要提比好多傳統大排檔更加地道講起都流口水下次會再食！

次次出親尖沙咀食韓國菜好似都冇乜邊間算正宗，今次見呢間餐廳嘅老闆同員工全部都係韓國人，應該好食啲掛，於是就試下呢個炸醬麵真係同係韓國食嘅冇乜大分別，試過香港n間有炸醬麵食嘅餐廳都冇一間似，呢碗無論味道，材料都有9成似，味道甜甜地，入面有雞蛋，洋蔥，青瓜同豬肉五花腩配生菜包加泡菜湯五花腩味道偏淡，加埋醬料配生菜味道好夾，如果可以煎或燒一燒啲肉先食會更好泡菜湯比較辣，配白飯食減輕左辣味，會較易入口

一直都想食正宗少少嘅韓國菜，平時食來食去都係連鎖式嗰幾間，今日特登出尖沙咀，諗住去食韓松，點知......執左，心都碎埋，唯有去金巴倫道搵野食。因為男人想飲湯，所以搵左幾間做比較，最後試左MISO。其實飲品係冇咩特別，只係覺得晚市嚟計，$10@罐都算抵飲，唔似其他食肆廿幾三十蚊1罐呢個湯唔太油，飲落去幾清，入面除左牛肉之外，仲有年糕同麵線，配搭唔錯！暫時只有呢間餐廳嘅前菜，我地會食清晒！如果有蘿蔔仲正。。。五花腩，唔好睇佢好肥，但食落口完全冇油膩感，而味道偏淡，加埋佢嘅醬汁點埋一齊食就剛剛好，同雪濃牛骨湯一樣，根左1個小白飯，份量剛剛好！小食……炸紫菜，入面係粉絲，難得炸得唔油。最後食左醬油炸雞，起初以為好大件，點知係原隻小雞斬件，做得非常好，因為係雞件，所以每件雞塊都沾清滿醬，好食，而作為配菜嘅薯條就冇咩特別，但連埋雞件啲醬一齊食，又出奇地好食！總括嚟講，冇揀錯呢間小店，希望我下次可以再試其他野。P.S.:間舖啲oppa好攪笑，雞同鴨講。

今晚電話冇電, 出黎同朋友食飯叫佢幫我影野食相再send返比我 (咁就出晒事la😂😂😂) d相......算數喇不過都照為大家介紹一下先~🙈有時晚上都想食下韓國菜, 可惜男朋友對韓國菜冇太大興趣只好等待同朋友行街+食飯先有機會食到今日黎到呢間叫做微笑既韓國餐廳, 指明係韓國廚師~唔知正唔正宗呢?!🤔🤔🤔今晚好似98上身咁…叫親份份野食都係$98 😂其實價錢有貴有平.. 個人感覺價錢可以接受烤牛肉 $98每家餐廳都會有烤牛肉呢個菜式, 韓式烤牛肉會將牛肉整到全熟, 不過因為薄切關係唔會覺得牛肉好干/好硬, 而且本身烤牛肉係有少少汁煮成, 食落有咬口但唔會好hi~ 味道都幾好辣豆腐湯 $98以石頭鍋熱著上枱, 豆腐湯有少少辣但唔會太過火, 辣既程度幾適合我而且又暖胃~👏🏻👏🏻👏🏻😍泡菜煎餅 $98泡菜煎餅其實好難整得難食 (雖然我真係食過有一間既泡菜煎餅好酸好難食..🙄)呢個菜式同一般既韓國餐廳水準差不多煎餅其實唔會好脆身, 因為粉既關係食落係會有點偏軟熟, 不過味道ok~中規中舉~~ 唔錯!💮韓國餐廳好多都係中規中舉唔算太大驚喜, 不過唯一好既就係職員會比香港餐廳nice~真係要好好向人

下就..客戶突然一個來電..問我晚上可否食個飯開個會..我當然無問題啦我地選擇左TST為晚飯地點.目標係食韓國菜由於...客戶都忙..我地成晚上10點鐘先見面, 又無簡定食邊間唯有行去婚紗街....見到邊間開得夜就行入去見到微笑韓國料理成12點幾先CLOSE..咁我地就簡左呢間喇2個同一時間都好想食部隊鍋...我地就ORDER左一個啦呢個鍋既材料同出面食到既都差唔多..但是, 我略嫌味道唔夠惹味...再叫左個牛肋骨牛肋骨個湯底鮮甜但可惜.... D牛煮耐左...令到肉質唔夠'林'

成條街都是韓國嘢，求其入左去近日喜歡了韓食最好嗰d紅色酱料的選了拉麵炒年糕可以一㳄食拉麵又食年糕紅色的醬汁比我想像的辣，辣中帶酸糖，撈埋拉麵和年糕及其他餸，十分入味年糕份量不多，下次想吃年糕，不仿叫炒年糕算年糕靱刄，入口痴痴地，不硬身，入味非常拉麵份量多d，好爽口，仲有彈性，口感味道好好配菜的付皮、翠肉瓜及紅蘿蔔，入曬味一流

尖沙咀好多食韓國菜既菜館有好多都排長龍見呢間唔駛排好耐就試一試入去重點點左一個炸雞薯條炸雞好鬆脆，咬落去仲有肉汁流出味道岩岩好，薯條一樣脆脆兩個人叫左一份 已經好夠食 好滿足老闆叫我地下次試試醬油炸雞都好好食好多人嗌的確坐我地對面既都係嗌醬油炸雞

行金巴利道，眼光遼亂，太多韓國食肆，隨便入了呢間有韓字冇中文字的餐廳！入面不大，有點迫，尖沙咀寸金赤土，心有準備。單點了烤牛肉飯，餐牌有小圖，又有中英對照，唔怕點錯👍🏻烤牛肉飯，買相正常，冇什麼特別，試下味道先。嘩，牛肉汁加d飯，好香，仲有d甜味，d汁不多不少份量剛剛好，牛肉味好突出，好新鮮，沒有太多肥膏，估不到全部好配合，不過飯有點淋，有點黏，同日式牛肉飯有點不同。牛肉好新鮮，牛肉味濃，仲有洋蔥加紅蘿蔔，全部炒熟又冇過火，又淋入吸埋牛肉精華，食完想再encore !

今日行下尖沙咀，去到晚飯時候約6點左右，但我同朋友完全無諗過食乜菜式下，感覺非常煩惱，企左係街上不斷諗食乜好，當時真係覺得好無助。突然我醒起尖沙咀有條韓國街，於是乎即時行過去搵下喇。當我去到街尾，發現真係幾多韓國餐廳係度，我見到真係由韓國人主理的，我就一於試下呢間Miso喇。話哂好似夠正宗啊，我就點左一碟韓國神戲最出面既....炸雞喇。我之前都好想試食正宗炸雞係點，今次有機會了。炸雞一上檯，嘩，我見到個份量真係幾大，仲要用個好似神燈型狀既器皿裝住，望落幾得意。炸雞係即炸既，所以好熱，上面仲有薯條配搭一薺。雞炸得非常脆身，又夠乾身，我選左原味來試的，所以我將炸雞點甜酸醬一齊食，一咬入口，麵粉同雞皮炸得好好味，雞肉竟然係仲有大量肉汁，完全係無炸乾雞肉既。而且全無油炸味，簡直我係停不了口。可以話炸雞係爽脆，香濃、挺身、雞肉多汁，最緊要係雞肉好似新鮮雞甘樣，好鬼好食。吾怪得套劇都話要配啤酒一齊食啦

辛勞完一星期，Happy Friday Night 去左尖沙咀韓國街唸住大快朵頤。喜歡隨意挑選餐廳，今次行過這家新開的小店， 見到裡面九成滿座，叫做微笑韓國料理，就試試看它的料理可否帶給我微笑喇。 食物款式種類頗多，要有的都有。既然是周五晚上，一於點一客炸雞及一個牛肉湯，豪邁地放鬆一下！ 牛肉湯 $98說實話，我一直以為韓國牛湯只有牛肋骨湯一種，所以滿心期待吃入味又軟淋的牛肋骨。誰知道上桌時發現就只有簿簿幾片牛肉片，很感失望。牛肉份量真的很少，另外配上豆腐娃娃菜及粉絲，覺得接近百元價錢，有點貴。味道方面牛肉頗有肉味，但湯底卻喝不出牛味，似是味精湯。店內有一名印度籍女員工，對運作似乎不太熟悉，餐前的小菜忘記了拿給我們。韓籍店主上牛肉湯時才發現到，就急忙奉上這個餐前小吃。整體味道偏淡，不算突出。 糖醋炸雞 $168這個.....是上錯桌子嗎？ 一心想吃甜酸辣的韓式炸雞的我，看到這碟炸雞時十分失望。它看起來絕對是中式料理，糖醋雞塊。雖然他的名字也叫做糖醋炸雞，但我一心猜想是韓籍店主不懂中文翻譯而改出這樣的名字，亦一心相信韓國的炸雞是我們所認識的那種來自星星的炸雞。雖然失望，但飯總是要

當晚我地一行4人去完附近婚紗街之後黎到想食韓菜，見呢間未食過，就去試下。舖頭同座位較細，不過環境都尚舒適。店員有d係韓國人，見佢非常親切，講韓文同廣東話，落單又係手寫韓文，諗住呢間舖都幾好，食物應該都好有水準，就叫左一個牛肉蓋飯$7x，一個泡菜煎餅$98，再係佢介紹下叫左芝士火鍋$308 牛肉蓋飯外觀不錯，但食落d飯太軟，牛肉都係。最唔好係d汁好甜好甜，有d似糖水，唔係牛肉既甜味。份量就幾大，不過味道就好一般了。泡菜煎餅外觀不錯，好完整又有厚度，好紅。咬落個面都有脆既口感，好似煎左好耐，不過麵粉可能太多，入面好霖同gel，食食下成個口好gel。4個人竟然食唔晒，因為太gel啦。最後亦最不滿意既係佢介紹既芝士火鍋！ ！我地等左超過45分鐘，食晒飯同煎餅等左一排都未黎，唔緊要我地唔趕，以等食既心態慢慢停，心諗應該會幾好食。終於黎到，外觀幾靚喎！用3層既甜品架放左食物，有炸薯條，炸年糕，炸紫菜粉絲卷，蘋果片，炸春卷，炸雞胸肉，炸蝦，炸魷魚，餃子。大部分都係炸既，聽落好似好多野，但其實每樣3件左右，唔係好多。但係！d炸物好鬼硬！應該係炸得太耐，炸到食唔到原本食物既質感，得個硬字同油味，好油好硬

香港有條韓國街，喺韓風大熱嘅今日，新舊韓式食肆更加係花多眼亂，競爭激烈。今日落住微雨，本來無心食韓國嘢，但見到韓藉老闆好熱情積極咁介紹，又用半鹹淡廣東話講:「好食㗎，信我」態度滿分，笑容誠懇，咁有HEART,應該啲嘢都好食啩。 餐廳裝修好聽叫簡約，實情係簡陋，只係幾盞射燈同牆上嘅特大MENU,整體都係光猛乾淨，比到人平實樸素嘅感覺。 餐牌嘅選擇同樣簡潔，分麵、飯、湯同煎炸食品，午餐同晚餐MENU斤斤乎一樣，只係午餐無需加一服務費同加飲品係$8而非$10,今日天陰陰凍凍地，食湯飯就最正。侍應連隨奉上三式前菜，水準中規中矩，夠凍，幾開胃。 泡菜湯/豆腐湯$58石頭鍋盛載住熱氣沸騰嘅韓式辣湯，叭喇叭喇咁上枱，其實兩個湯都有豆腐同泡泡菜，只係豆腐湯多啲豆腐，泡菜湯多啲泡菜同一隻生雞蛋。湯底甜甜辣辣。隨湯附送白飯一小個，撈湯食，飯粒吸收晒辣湯精華，開胃又暖身。 韓式醬油炸雞$168食緊湯飯已覺意猶未盡，再次要求老闆介紹一下，佢問我哋飽未，如果未就一定要試吓炸雞，雖然今日唔飲啤酒，不過學千頌伊咁講「下雨了，怎樣能沒有炸雞啤酒？」又即管試吓佢推介嘅醬油炸

近年香港多了很多聲稱是"正宗"的韓國餐廳，但是始終找不到在韓國可以吃到的那種味道和感覺，而且名不符實。尖沙咀著名的韓國街裡，不同的韓國餐廳林立，第一次來的時候，因為韓國藉店主熱情的招待，所以就在這家小店吃晚餐。他很熱心為我推薦和解釋菜單，告訴了我們什麼酒配什麼食物是最好的，而且禮貌也很好，為我倒啤酒，其他店員的禮貌也不錯。今日是第二次來到，雖然相隔已經約一個月，但是店主竟然還記得我，進店之前還跟我來個high-five。朋友是第一次來的，所以我向好推薦了我最愛的炸醬麵，而我就點了炸豬排飯。別小看這看起來平凡的炸醬麵，吃起來很特別，醬的味道跟平常的炸醬麵味道有點不同，比較甜一點，但是有種住家的感覺，令我想起我的韓國朋友在我家做的炸醬麵一樣。份量方面剛剛好的，味道令我更想再來一碗。飯是韓國米，黏黏的但很有口感，炸豬排也很新鮮，不會有太厚重和太油膩的感覺，就是像在家做的一樣，原本不太喜歡椰菜的，但是配上蕃茄醬跟沙律醬就覺得很好吃，份量真的很令我滿足。很喜歡那三個小菜和湯，菠菜的清新感，泡菜辣跟鹹度都剛剛好，芽菜很爽口，湯裡面有紅白蘿蔔，感覺比較豐富。原本想試試芝士鍋，不過午餐沒有，下次來的時