影片
双丸粗面（鱼蛋、牛丸）（$40）黎到街市既粉面档冇预期过会有几好食、只求味道正常，但呢碗面真系唔好食：个汤劲咸、个面煮得太硬，个份量非常少（如图所见）、鱼蛋一啲唔弹牙，个口感仲要系「梅」既，从来未食过咁难食既鱼蛋。成碗面最正常系啲牛丸，至少有啲弹牙，调味都正常，有啲黑椒味。全店最好食应该系枱头既蒜蓉辣椒酱，辣得黎带甜、又有蒜头香味。最差既系呢度既服务安排，明明间店大把空位，系都要安排人搭枱。整体黎讲系非常差既一次用餐体验，绝对明白点解繁忙时间，都未满座
继续阅读
位于蝴蝶邨街市的角落位置,虽然内里环境很嘈,个个讲嘢都超大声. 但是这里的牛腩非常高质素,弹牙肉嫩有牛味.每次嚟呢度除咗要带住耳机,我都会叫瘦腩伊走汤多汁,姐姐都会乐意照单落唔会觉得麻烦,走汤多汁即是将清汤用汁代替,如果个汁冇料到我是唔会这样做的.自细周围食牛腩,就算食九记都唔觉得好正,只是周围没有更好,因为响肉质和汤底上可以更好. 走汤多汁这个改良令到原本未及九记的突然超越了他们,唯独没有九记的清汤底药材味,但这里的浓郁就已经值回票价.牛肉的质地软滑过九记很多,冇乜柴皮嘅感觉,汤底即是我拣选的牛腩汁非常浓郁,唔理佢有几高嘌呤,总之好味.配弹牙的伊面一流.备注:其他的分店我未试过如果餐厅的负责人看到,请保持你们的初心不要改变,让食客继续品尝你们的优越牛腩质素.
继续阅读
星期日，去左呢间食。大约1点，裹面坐左9成人，都好旺。我就叫左佢个鱼蛋河，鱼蛋应该系最出名，再加个炸鱼皮。鱼蛋食落去有鱼味，虽然冇墨丸咁爽，但如果钟意食鱼既你，你会觉得都好好食，炸鱼皮好脆同份量都唔少，真系食得过。真系值得推荐
继续阅读
香港地出去食个饭闲闲地4-50蚊💸呢度29蚊有大大碗足料港式粉面仲有咩好挑剔💁🏻♀️牛腩大大件炆得好淋好入味 汤底系清汤 小编钟意加埋辣椒油🤤🤤下次再试下食出名嘅鱼蛋😆
继续阅读
自从蝴蝶街市翻身，干净左同多左食店，唔驶下下食连锁快餐店，对街坊黎讲真系好事。以前食牛腩河就一定帮衬大牌档，可惜已经冇左呢支歌仔唱，换来嘅系复兴香港仔鱼蛋，有时唔想食饭都会帮衬下佢买返公司食。爱牛如命嘅我必然食牛腩河，今日好好胃口再加多个炸鱼皮，可惜我叫左多青但同事叫错左走青......先讲包装，系用「另上」方式分隔𩠌同面，先用一个比较高身嘅纸碗，内有一个胶隔用黎分隔𩠌同粉面，以免粉面浸得太耐会发胀同变淋，对保持品质系绝对有帮助。但本人系非常憎呢种包装，一来唔环保（外卖唔自备餐盒仲学咩人讲环保👊🏻），二来个隔系好薄、好fit位，如果只拎起一边，另一边就会即系跌落个碗度，如果两只手一齐拎起个隔就会整到对手油淋淋，我叫得外卖就系想快啫，你仲要我搞贡多野先食得，系咪玩野？所以平时我会叫佢走隔，但今次系同事帮我买，唔记得提佢，冇计，而炸鱼皮系预先用胶袋包装好一份份，亦冇得走胶袋。好喇，一打开会见到一堆比较干身嘅牛腩同就黎变返做面饼嘅河粉，要立刻倒返落碗汤度抢救。唔知系碗太大、汤太多定真系粉面份量太少啦，好似好难先撩到粉面，而河粉较幼，同埋比较碎，尚算滑身。而牛腩系偏瘦，肉质较散，牛味唔太突出，以味道黎讲只可以话唔系好味果种，庆幸牛腩份量算多，而且尚算淋身，算系成碗牛腩河嘅唯一优点。炸鱼皮几好食，好薄粉好脆干身，有鱼味但唔腥，真系浸一下就要食，两三秒就淋晒。炸鱼皮偏向细块，亦因为佢预先用胶袋包装再放落箱，底层果啲会比较碎，买果时要留意一下如果得返几包就唔好买喇。
继续阅读