影片
事源今朝去买皮蛋瘦肉粥，等紧拎时见到阿姐「不」紧葱花时打乞嗤，但佢无拧歪面而系对正我碗打开咗盖嘅粥打乞嗤…当时要求佢换过碗，阿姐声大夹恶话佢有戴口罩，我话唔换咁退钱啦，我唔会食。收银阿姐话退唔到钱架，然后打乞嗤阿姐话：唉 好烦呀你 唔要就摆低。然后塞咗另一碗比我：唉 换比你喇换比你喇，多谢你施舍！🙂 然后我走时仲听到佢地大大声闹我，我返到去发现佢专登无比匙羹我，好彩平时有keep起备用，真系开心。食到一半好颈渴掉咗，成肚火，永不光顾！！！！完～
继续阅读
之前病病地，唔系好食到嘢，就去左呢度买粥加炸两。我食左个皮蛋碎牛粥，啲粥好绵，料又究多，食完唔会太口渴。而个炸两都掂，里面条油炸鬼都仲脆脆地。价钱就比连锁粥店平，几抵食
继续阅读
呢间粥舖系蝴蝶街市装修完嘅第一间食店, 可惜一直都未有帮衬, 因为间舖实在唔大, 而且全部都系面壁嘅座位, 要同时间一家三口入去座, 确实要等缘份到. 今日终于有缘排排坐入去试喇.及第粥 $28.00--粥料尚算丰富, 有猪心, 猪润, 猪肚, 粉肠各2件 肉丸1粒, 猪内脏无臭味, 但唔知点解味道越食越咸, 食完要即时出去买嘢饮.鱼腩粥 $32.00--鱼腩新鲜, 姜味浓, 可惜粥底疑似用粉浆开, 即时大打折扣.粟米碎牛粥 $21.00--食到粟米嘅雪藏味, 麻麻地炸两 $12.00--呢个应系新鲜整, 肠粉皮滑, 入口非常脆, 配上麻酱, 甜酱, 芝麻 , 一流!炒米粉 $10.00-- 味道唔太咸, OK啦!埋单 $103.00
继续阅读