御 ‧ 家上海

营业中

休息中

今日重陽，同屋企人拜完山去到大圍新商場行街睇有咩食，見到有間叫家上海就走去攞飛！等左幾個字咁啱到我哋，咁就入咗去食！照樣叫返小龍包，擔擔面，上海粗炒…..小龍包第一個到，見到同我哋第二度食既家上海小龍包完全唔同，皮厚，肉質差，少湯！兩個字形容，XX!擔擔面，賣相還好！但啲麵好似米線咁淋，味道差唔多上海粗炒，都可以！好食，油吾算多，讚👍其他就冇問題媽咪話以後唔好嚟呢間食，再睇返好似個名有啲唔同，多左個御字，心諗係咪入錯左！環境新，服務還好！

燒雞味道一流，肉質鬆軟，擺盤好睇松鼠鮭魚賣相一流，炸得香脆容易入口，亦唔覺得油膩，溫度夠熱上菜速度快楊枝甘露同埋豆腐花嘅味道賣相吸引。甜度適中，適合減肥人士。楊枝甘露足料，芒果同埋蒟蒻口感一流，感覺好新鮮會再嚟食，也會推薦朋友座位闊落，侍應態度友善，服務態度好眼見有好多大枱中間亦有大嘅距離令人感覺坐得舒服一件有好多一家大細或者同朋友一齊嚟食飯由於餐廳好快爆滿，所以最好六點左右用餐或者可以嘅話預早訂位，

已開了兩個多月的圍方, 今天終於有機會來觀摩一下, 主要目的都是想試這家餐廳。餐廳面積很大, 餐桌以二人位為主, 餐廳可以彈性處理 🙂 本來是一件好事, 可是前台男職員會忽視那些未能完全用盡餐桌的客人 🤨 有別的七位客人一直站在餐廳前台男職員竟突然跳了他的號碼, 而我們三位足足等了兩小時, 直到我們開始鼓噪才終於派發餐桌, 那位男職員明顯十分晦氣, 再帶點脾氣 🙄鐵板罐湯生煎包 $58由於生煎包內有湯, 要加倍小心, 咬一口湯已經直噴出來 😅 餡料非常充足, 一團豬肉, 很美味, 我們額外再點多一碟 🤗金牌小籠包 $58本身有六隻, 父親急不及待已偷吃了一隻 🫠 小籠包皮不夠薄, 豬肉不夠鮮嫩, 有點失色。上海擔擔麵 $68非常濃厚的花生味, 配有微微的辣, 味道很不錯, 喝了一口接一口 😚 唯一不足就是豬肉粒相對少。另外麵底由人手打出來, 質感又滑又結實 👍🏻金牌大排湯麵 $98麵底跟擔擔麵一樣, 清湯底, 未有太大驚喜。身為金牌湯麵, 我倒有點失望, 排骨不夠脆口, 而且熱度也不夠, 相比之下擔擔麵出色甚多🥲鐵板蔥爆牛肉 $138牛肉與蔥頭比例有點失衡, 略欠鑊氣, 蔥頭偏老, 不

新開張時亂打亂撞比我係網上訂到位. 不過個次得兩個人食, 所以只係叫左兩碗麵同埋一個小籠包. 由於價錢同服務都好不錯. 所以即刻再訂, 但已經是個幾月後.食品跟上菜次序. 一黎就黎左呢個濃雞汁蘿蔔 $88阿媽朋友食過話推介. 所以今次約埋朋友四個人可以試多d野. 即刻叫左呢個蘿蔔.可能我太過期望高. 其實蘿蔔係煮到軟硬適中. 完全唔係硬或者爽, 但又未至於係入口就溶. 煮得剛剛好. 食落去完全無負擔. 但就嫌個濃雞汁味道淡左少少. 伴菜係菜心. 亦都係煮到軟硬適中. 老人家都岩食.招牌十景揚州炒飯 $98有老人家關係. 所以一黎到分左兩碗先醒起影相.個飯材料十足. 有蛋,有肉. 有火腿. 有菜粒等. 一碟絕對夠六人份量. 十分抵食.炒得都幾乾身唔油. 呢個好味.淮揚五福拼盤 $248由於樣樣小食都想試, 呢個拼盤真係好, 可以一次過試五樣不同的小食. 包括女兒紅醉雞、鎮江冰官肴蹄、涼拌陳醋紅蜇頭、蘇式燻魚及四喜烤麩.一樣一樣黎. 醉雞係我的至愛之一. 佢地的醉雞唔係冰凍個款. 都幾好肉但要小心骨. 酒味唔算濃. 怕酒味的應該都可以食到.鎮江冰官肴蹄佢切得比較大件.  剛剛四件. 夠四人

圍方七月底試業時，人頭湧湧，已經過咗幾個禮拜，不如嚟睇睇呢個新場，是否真的咁特別。大圍站旁邊有電梯直上，已經2點幾，要醫肚，見「御家. 上海」有位，便試吓。此店裝修在點舊上海味道，以深紅及磗為主，有氣氛。枱椅不算排得太密，可接受。餐牌選擇也多，無論點心或主食，都有很多款。我們叫了2個點心及一個麵。燻魚先上，魚肉香脆，帶有微溫，汁亦調得香濃，但不過咸，好味。👍🏻👍🏻👍🏻 （註：照片是每人夾走了一件才影的。）小籠包一客6個，味道中規中矩，皮不算厚，但也不是最薄嗰隻。餡料ok ，有肉汁。😋嫩雞煨麵味道唔錯，麵夠淋但不會變糊，雞肉及雪菜都豐富，好味。👍🏻👍🏻👍🏻

同孖寶食追月飯，去左新商場圍方既家上海，勁多人排隊，好彩孖寶一早到場拎左位涼拌陳醋紅蜇頭$118: 陳醋太酸，海蜇頭唔太入咪，一般般蓮香蜜餞火方（四件）$138: 第一之食有炸腐皮既蜜餞火方，好香脆，另配有花雕香既蜜汁，仲有粒粒蓮子，非常好味拍蒜三贗鹹肉炒萵筍絲 $98: 好鍾意萵筍又爽脆又甜，不過鹹肉真係好咸脆煎灌湯小籠包（五件）$58: 鐵板上熱辣辣，有肉汁，如果皮再薄d 就好喇大上海牛肉餅（三件）$52:4人食得3件要切開，雖然放耐左凍左但仍好juicy,牛肉味燶紅燒牛肉麵$78: 紅燒牛肉份量唔少，炆得好腍，正麻香雞絲粉皮$68: 麻醬夠晒香濃蘿蔔絲酥餅（三件）$58: 好少見甘鮮艷既燈色蘿蔔絲酥餅，蘿蔔絲多&甜，酥餅夠晒熱，唯一係酥餅唔夠鬆脆松鼠桂魚$208: 大大條炸得香脆

真的好吃的！虾球！小笼包和桂花糕都很不错！（尤其是桂花糕我超爱）又在家旁边，很适合周末和朋友一起去啦啦不过话说回来，有个烧白菜好像还挺一般的，还有一个酸酸甜甜的红烧肉，应该不会再点。人均200左右

就是喜歡燙口的湯包， 煎的好、蒸的好，都愛。家上海既水準好穩定， 圍坊既大圍新店位置方便，佢開11:30 ，我10:30就到，經過見有人排隊耶～～ 湯與煎包😂，燻魚、脆鱔 、水晶肴肉 🤤仲叫左啲限定菜～ 荔枝蝦球 - 好得意 打卡一流 蝦球彈牙冬蓉燒餅 - 好味既古法燒白菜 - 味道唔錯

圍方開咗都一段時間，試咗好多唔同嘅餐廳，今日試吓呢間上海菜。呢間上海菜平時都有唔少人排隊㗎，今日平日都唔係等咗好耐，好快就有位可入。入去梗係要叫番啲招牌菜式皮唔係好薄，不過勝在入邊有肉汁。可能自己本身都唔係特別喜歡上海菜，感覺都係又凍又熱，味道係OK嘅，不過叫做試吓囉。

看到這麼多的好評,自己又好喜歡吃上海菜,雖說是要排隊及限時用餐,深信亦值得一試。可能是希望趁大,失望趁大吧。這一餐算不上好好吃,最多是過得去而已。點了松子桂魚,鮑魚雞煲,小籠包(蒸及煎),荔枝蝦球及原桶黑豆花。熱葷都是普普通通,那個荔枝蝦球更是鹹得要命,沒香味,沒鮮甜味。最好吃是那豆腐花。最好笑的是那裏出菜甚慢,而且會出錯枱。我和家人點菜很久菜還未上,一上菜卻是鄰桌還未下單的。一問,待應送錯枱了。這些都不是甚麼大問題,問題在於限時用餐,點了菜而上不了,不夠時間吃啊！問待應,回答是吃不完可以給你打包。現在問題好像出在顧客上,點了菜,未能及時上菜,吃不完,給你打包,還是要準時交枱😓。或許是我不懂欣賞。一次夠了,沒下次。

1720攞飛已經勁多人等1730開門又再等左陣先坐低一坐低叫茶就有碟餐前小食雞同青瓜偏咸因為朋友未到我自己叫左蟹黃大湯包$42試下先（比埋吸管）無想像中咁多湯蟹黃味淡……脆煎灌湯小籠包$58呢個唔錯個底小小脆湯汁都幾多唔會太咸朋友叫左上海炒年糕$98年糕煙煙unun汁偏甜不過不失手工白菜水餃（八件）$58個皮發脹咁好難食我只係食左一粒個湯好味精feel飲左幾杯茶除左脆煎小籠包呢個係另一樣想試荔枝蝦球$88一嚟到朋友話聞到好大陣薄荷味原來個頂係薄荷葉但薄荷葉插係所謂既蝦球係一D都唔夾……蝦球既質感就好似去飲食蟹鉗果舊咁，爭在唔係蟹鉗係薄荷葉……出面係脆米……個樣係整得幾似既……但個味九唔搭八完全唔明點解咁多人排隊……用餐時間90分鐘因朋友OT遲左嚟都無趕我地走同埋好勤加水呢個要讚完全唔使嗌

每次經過圍方都見到家上海排滿晒人，有時早咗放工就早啲去拎位，等咗差唔多一個鐘先可以入座。因為夜晚食，唔想飲茶令到夜晚瞓唔着覺，所以就問可唔可以轉飲水，但水都要照收茶錢。我哋兩個人叫咗上海擔擔麵、銀絲卷、金牌小籠包、蜜汁脆鱔同荔枝蝦球。擔擔面花生味濃郁，面嘅軟硬度適中，同時可以掛湯，不過由於湯底比較濃，食咗幾啖就好快滯。銀絲卷皮脆，但係入邊嘅餡包得唔夠好，做唔到一層一層嘅效果，會見到有一半係可以做到層次，有一半係普通好似饅頭咁。金牌小籠包味道同鼎泰豐味道相若，但係佢嘅小籠包皮比較口，口感冇鼎泰豐咁好食。蜜汁脆膳反而係令我最有驚喜嘅一碟餸，雖然$98得細細碟，但鱔炸到脆口，配埋甜酸汁，非常惹味開胃。荔枝蝦球係大圍店特有小菜，外型特別，仲有新鮮薄荷葉扮樹葉，食落蝦肉單㗎，不過味道就略為普通。

八號風球中午十二點半嚟到，大約等咗15分鐘就入去， 平日係人龍嘅店舖，成日都有一大堆人喺前面等位。裝修幾精緻， 店內部分地方有落地玻璃，有天然光，夠開揚。 可能座位排得近， 室內好嘈吵 🙉，有梳化位又有大圓枱， 適合兩口子 甚至 大家庭聚餐，服務員話限時90分鐘。 有茶位費&餐前小食， 一睇餐牌，感覺就係與另外一間食肆👉翡X拉麵小籠包 嘅 菜式 有八成相似。我哋點咗四個菜，有淮揚五福拼盤，金牌大排湯麵，金牌小籠包， 煎韭菜花蛋餅。 煎蛋餅有驚喜，個皮煎得好脆又夠薄😋! 甜品就咁睇餐牌覺得冇特色，所以冇叫到😏。 同大多數 飲食集團 嘅食肆一樣，一見你碟餸菜冇嘢剩，就同你收走， 最後收剩3隻杯，好似好想你盡快埋單走人咁， 但明明未夠 用餐時間 ，又見到出面仲有啲吉位。 三個人總共食咗578蚊， 人均消費者一百九十幾蚊。整體上食物cp值高，如果有得online拎位會更加好。🩷🧡💛💚💙🩵💜❤️🤎

鍋塌豆腐 $88 外面個皮好特別，充滿住佢既醬汁，好入味，食一舊要盡快食晒佢，食左一啖，入面舊豆腐就好快凍滬式碧綠圈子 $118以為個粒野淨係豬大腸，其實佢入面原來包住左舊粉腸，好特別，底層鋪白菜，令到舊肉冇咁肥膩雪菜黃魚煨麵 $82真係覺得抵食， 好大碗，湯底好有魚味，佢聲稱係冇骨，但有食到一粒好細既骨，整體煨麵黎講唔錯

今晚朋友約左車車去圍方嘅御·家上海食飯, 未夠7點已經勁多人排隊, 估唔到連平日都咁爆滿, 真係好期待! 餐廳環境好大, 走時尚中國風格, 枱與枱之間幾闊落, 坐得幾舒適, 一行六人都相當肚餓, 而且好多菜式都好吸引, 唔覺唔覺就點左好多, 全部都超高質, cp值好高, 難怪人龍不斷!✨️淮揚五福拼盤拼盤有醉雞/肴蹄/海蜇/燻魚/四喜烤麩, 車車特別喜歡燻魚, 甜甜地好開胃✨️蜜汁脆鱔甜甜脆脆嘅脆鱔向來係車車至愛, 佐酒一流, 好食到停唔到口!✨️鮑魚紅燒肉紅燒汁質感濃稠甜甜地, 沾滿整塊豬肉同鮑魚, 鮑魚爽口彈牙, 紅燒肉肉質軟腍入味, 而且一d都唔膩, 送飯一絕!✨️荔枝蝦球E款造型滿分嘅圍方店限定菜式荔枝蝦球, 無論遠睇定近睇都咁像真, 成粒荔枝咁, 用左荔枝同蝦肉混合而成, 食落爽彈好香口✨️古法燒白菜另一圍方店限定菜式嘅古法燒白菜, 用上五花肉, 白菜, 粉絲同菇菌炒成嘅一道菜, 食落咸咸香香咁, 好惹味!✨️蘿蔔絲鰂魚湯湯汁呈奶白色, 用上原條魚, 煎香再煲湯, 味道濃郁鮮甜, 入面更有一條條嘅蘿蔔絲, 口感不錯✨️乾煸四季豆一 放低就已經勁香 每條四季豆色澤光亮 口感脆口惹味✨️八寶肉餅