御花園咖啡室

营业中

休息中

成個場入座足一半，卻給我們二人位，後來的相同人數都係比4人位。可能我地經xxxxgo即日訂位，又早到咗半個鐘到，但都唔使咁對我地，有無位多應該早知，有位都唔安排得好啲比人客邊個會再黎幫襯坐得唔舒服已經無晒癮，雖然係有七折，但每位都要差不多500，衰過坐茶餐廳囉食物種類少，竟然無龍蝦食，之前係尖東富豪食過啲龍蝦好好味，以為呢度都有點知呢度得啲無肉嘅龍蝦蚶，翡翠螺無味，魚生無味，黑松露蒸蛋無味，龍蝦湯無味，張枱又細侍應又唔收碟，食過一次都唔會有第二次喇。

永安網站下午茶買一送一，加上本身有d分系度，所以用左d分購買了這裏的下午茶自助餐。今天人不多，得十多枱客，環境舒適，食物品種都算多，即灼金邊粉湯底濃烈，小籠包肉汁豐富，香茅雞翼肉不太乾及幾香口，自助窩夫加movenpick 雪糕好味，紅莓金寶好邪惡因為好香牛油味。其他如煙肉腸仔、燒賣、义燒包、咖喱魚旦蘿白、炒米粉、芒果千層酥、提子鬆餅就好一般。大致上，環境和食物是ok 的，如果能有果汁任飲就更好。

又到奶油包媽媽生日既日子今年因為奶油包係公司Annual Dinner抽到御花園咖啡室既2人dinner buffet所以就決定自費(我自己個份要俾錢)同爸爸媽媽嚟食個自助餐6點半嚟到就發現已經坐滿人乜唔係6點半先開始咩=_=|||唔好講咁多睇下有咩野食先係咪花多眼亂呢而家就睇下我食左咩首先係龍蝦同蟹腳唔係講笑好好食...好新鮮...奶油包encore左3次有一點要贊下Regal既佢D龍蝦唔係俾客人自己夾一方面係唔會俾客人一個人拎晒其他客人就變左冇得食另一方面就係個廚師會揀個你要求既野俾你確保唔會做成浪費之後奶油包食完龍蝦同蟹腳後就食刺生刺身有三文魚，吞拿魚壽司都有幾多款式包括蟹棒...食完刺身就嚟個沙律同cold cut估唔到呢度有秋葵沙律面個泰式柚子沙律就堅辣唔岩奶油包呢個唔食得辣既人食完沙律就要食燒牛肉奶油包用左D莓子醬去點感覺好fresh之後見到有龍蝦湯就試一試佢唔~味道都幾濃...唔錯之後就到今晚既重點....甜品同雪糕甜品方面...除左個聖誕曲奇係唔好食之外其他都唔錯特別係個芝士餅好香濃既芝士味餅底都做得唔錯而雪糕方面有Movenpick同Dreyers睇圖淨係見到三個其實

今日來到銅鑼灣富豪酒店內的御花園食自助午餐。ㄧ行六人,帶着愉快的心情為兩位(ㄧ老ㄧ小)預祝生日。加上有信用咭五折優惠.每位連加ㄧ服務费都只是$191,認真起值。自助餐由中午12時至2時30分供應。環境不錯,待應清理桌上的碟子也很快。食物的種類也很多。沙律種類很多,愛吃蔬菜必Like.壽司,魚生的種類就不多,壽司師父很cool.熱盤食物都是一般常見的食物,較為特別是西班牙海鮮飯。一大盤的西班牙海鮮飯,顏色,味道都好吸引。值得推薦。湯麵的配料都是自助餐常見的，味道不錯。甜品絕對是這餐的精選,為這一餐畫上完美句號。

話說在下轉了新工，可憐地星期六都要返朝早，可幸的是公司包場請全部同事吃自助餐。這個中午自助餐的沙律款式眾多；鹹點而言特別在有印度咖哩及印度香飯，至於甜點，味道及款式最令人滿意，綠茶紅豆卷蛋、綠茶布甸/燉蛋？、布朗尼、芒果蛋糕、泡芙尤其美味！雪糕有Movenpick及Dreyers供選擇。我選了Movenpick的意式奶凍味雪糕，非常奶滑！

家人請食buffet 今次同六位家人 一起來食，因為有人七點先收工，所以我哋就約七點三先開始，這裏六點半已經開門， 咁心諗食自助餐兩個鐘都夠曬皮呀， 一上到嚟見到個裝修 好堂皇 好靚 ，馬上巡查一圈 款式 都算多 應有盡有，但就見不到生蠔，不過我 昨日已經食咗😁，同埋本身都唔係生蠔控，對我嚟講絕對冇影響，太肚餓先攞個沙律頂下肚 因為人未到齊 成品沙律竟然有六款 這個我覺得 好豐富 好少見到 ，差不多七點半就人齊啦 坐低吹下水然後就各自出去 攞嘢食 ，我通常 沙律之後 就會去攞凍盤 ，呢度有長腳蟹 蝦 螺 青口 麵包蟹 龍蝦 款式都算多。 但係我都係麻麻地 鍾意食自助餐嘅長腳蟹 多數都冇味 同自己喺魚市場買兩三千蚊隻鮮烚絕對冇得比。 刺身打bar有67款魚，岩燒三文魚 一般， 鵝肝多士 唔錯，有自製窩夫機又有兩款靚雪糕 正。亂食

事先同親戚有約會，佢話想搵個靜靜地既環境食野，因為方便傾計，聽友人推薦左呢間，價錢都可以接受，於是就去左試。食物款式都算多，最先系buffet叫既緊系刺身，三文魚尚算合格，吾算肥美但鮮味既感覺系有既，拖羅也是；不過拖羅吾系間間酒店都有，呢樣野就加番分。不得不提既系benedict，系buffet食到benefict真系第1次，焗薯薯仔味好重，熱辣辣感覺好正，魚柳都系，西班牙炒散則有啲酸，可能系我自己食吾慣炒麵、燒賣等味道也不錯，吾會太鹹，味道恰到好處。甜品種類適中，幾款來講最好食係芒果拿破崙，芒果好清甜拿破崙系脆脆地，食落好freshBlueberry cheesecake 芝士味似乎吾太夠，焦糖布丁甜度剛好，唯獨系出去拎戈陣比人「吵」過幾次，賣相吾系幾好

話說尋晚屋企人有優惠劵所以黎呢到食自動餐好多野食好吸引基本青口，蜆，白灼蝦一定走唔甩，不過味道淡左d 呢到雖然無生蠔，但有半隻龍蝦，長腳蟹腳同大大隻蟹鉗樣樣都啖啖肉，不過蟹鉗就咸左d最好食都係長腳蟹腳～沙律有幾款都唔錯，藜麥沙律同秋葵沙律都幾好食，另外仲可以自己夾菜都好多料，不過紅菜頭同粟米食得出係罐頭味有d怪。芝士都好多款，有款連埋麥包一齊食非常平衡，唔會太咸仲有麥香味。平時唔食熟食嘅我今次都食左個咖哩雜菜同咖哩雞，本來想配埋個餅一齊食，點知打開個蓋咩都無。 唯有就咁食啦～個雜菜其實得鷹咀豆同薯仔有d削，雞都okay 唔會太“鞋”口。 甜品款式比較少，驚喜係最後會每枱送朱古力火鍋，朱古力係比較苦，但夠香，配埋生果食都唔錯。唯一係配士多啤梨唔算太夾，又酸又苦一冷一熱個感覺好奇怪。優惠劵後3個人1200鬆d野食黎講都算唔差，都值得黎食。唯一係refiill得太慢，幾次想食甜品行到出去得返隻空盤無野夾，食少左好多甜品。。。

今次是因為買了冷氣，收到優惠卷才去的。感覺是沒有驚喜，沒有優惠不適合食的自助餐。食物比想像中少，最欣賞的是即制鬆餅入口鬆脆，自助放花生醬油煉奶等配料，值得一吃另外海鮮有凍食和熱食之分海鮮種類多，是一個不錯之選沒有驚喜的是環境不大，食物種類不多，吃了兩圈已經差不多吃了所有食物。

一直以來，都覺得富豪香港是富豪酒店集團之首， 餐廳質素一定有返咁上下。 奈何小雲&小吉都是新界鄉下人，甚少出城，一直無緣一試。 直到今天，的起心肝過海見識見識。 一到餐廳，馬上倒抽一口涼氣。 那個 Food Bar 真的細得可憐。 安頓後，行了一圈， 心更涼了一截。 食物款式少得可怕。 冷盤熱葷各樣也只有五六款，壽司吧看完也沒食欲， 帆立貝，甜蝦等均無。只有三文魚，赤身，八爪魚等平價貨 。但一場來到，點都要試下。 選了長腳蟹，凍蝦。 新鮮，但唔甜囉， 淡味。 跟住唯有去試熱葷， 行來行去，只取了西蘭花，和豉油雞，其他的真的看不上眼。 再接再勵，去淥碗菜，牛丸，扎肉等...嘩！ 不得了，個湯底咸到食唔到。 全晚最可取的是 Movenpick 雪糕和杏仁酥。 都是買回來的外援。 這樣的一餐， 一個人連加一差唔多六百大洋。 真的想問下酒店管理層，你對得住你的客人嗎？

富豪香港酒店的御花園咖啡室～之前也有來吃過，不過是吃晚市的自助餐這次再來則是吃下午茶自助餐喲 (´・ω・｀)而且是因為看到介紹說這裡正推出「綠茶下午茶」~每位$238，只限星期六日和公眾假期( ´∀｀)σ 說是綠茶的話，都是以此作為主打的甜品但下午茶自助餐當然不止吃甜點吧！自助餐當中還有鹹食可以選擇像一些簡單的三文治之類～另外還有火腿、煙三文魚等等 (￣▽￣) 其中的番茄三文治就很不錯，吃落有清脆口感普通的方包款外，也有配麥包的～蛋沙律三文治 - 甜甜的也吃了一份沙律方面~可以自行搭配，每款的材料也很清新。還可按自己的口味加配沙律醬呢水果甜度則一般，不過倒是水份很足就是喔其他的鹹食都偏向是辣的、脆口類的～也有燒賣、小籠包這樣的中式點心咖喱魚蛋的辣度很夠，吃落很惹味的喔雞肉串燒雖然有點乾身，但配的那個醬汁倒是增添了幾份滋味！若果想吃得清淡，或許可選擇麵食那些～基本上這可連午餐的量一起吃嘛(｡ŐωŐฺ｡)ﾉ 綠茶甜品方面大概有以下幾款綠茶Cupcake、綠茶紅豆蛋卷、北海道綠茶芝士蛋糕、紫薯綠茶蛋糕等等(╯︵╰)  要說最差的就是那款綠茶芝士蛋糕，那芝士的味道濃得很過份~而且卡夫芝士味最好吃

「冬至」是一年廿四個節氣中，最重要的一個節氣。冬至過後，新年轉眼又到了，所以正有「冬大過年」的說法。媽媽每年都十分重視冬至，希望一家人齊齊整整、團團圓圓吃一頓飯。加上就近聖誕的普天同慶大日子，當然要趁機為勞自己，大吃一餐。位於銅鑼灣的富豪酒店，已經是第三年作為我家聖誕大餐的落腳點，地點便利先不用說，因為家住港島區。其次是價錢相宜，晚市Buffet大人$588，用中銀信用卡可享有65折優惠，即大約每位$450。最重要無分時段限制，由6:30-9:30pm，三個鐘頭的用餐時段，唔使趕頭趕命，可以慢慢和家人相聚談談天。首先，必先要讚揚一下餐廳的服務及安排，因為在12月頭致電餐廳訂座，booked 9位大人和3個小孩(小孩均未滿三歲)，極度需要騰空位子去放BB車。由於家庭人數聚多，難免要分成兩枱，但感覺「離行離勒」，所以小妹也請求希望餐廳盡可能安排座位是一排過的。幸好是餐廳安排了一字排開對著坐、共14個座位，不僅令空間寬敞，就連照顧小朋友都方便起來。再加上兩位家姐輪流要求用熱水座奶給小孩喝，員工也不厭其煩替我們加換熱水，實在熱心及好客。先巡視一圈，食物擺放分有內圈O型和外圈倒U型。內圈O型位置

屋企有人生日就去食，原本都唔抱住好嘅希望，因為成日都聽到富豪酒店做6折，平嘢唔方有好嘢，但今日一試，覺得幾好。海鮮新鮮同提供個量都唔少，龍蝦必試，好多高。然後就係中湯，凳湯，蟲草花凳雞，超甜，必試。有啲特別係有海南雞飯😂。雪糕方面又有驚喜，竟然有3個牌子個雪糕，有Haagen-Dazs dryers 同movenpick。整體嚟講，3百幾蚊dinner酒店自助餐，抵！

琴日開open rice, pop up 條banner 話做優惠，嘩！咁抵！於是即時訂位！自己都係老眼昏花啦，真係以為咁抵，買四送四小童/長者！唉，食咗一半，先有staff 指出話梗係唔係咁計啦！ 有六折，就無得送長者。如果你要送長者，就要俾正價！講真，食物係好正常係有源源不絕龍蝦的！之不過，做宣傳做到手法咁衰，根本就玩語言偽術。食都食咗一半，唔通唔俾錢咩！激鬼氣！原本開開心心的一晚，真，掃興

之前有朋友講過這裡的自助餐不錯，見最近有信用卡做promotion, 自助晚餐半價，於是來這裡試試。星期五晚上，餐廳比較冷清，大約只有3-4 成客人，由於客人少，餐廳比較清靜， 取食物時不用排隊， 感覺很舒適。首先試海鮮，有龍蝦， 蟹腳， 麵包蟹，翡翠螺，青口和凍蝦。龍蝦是一般自助餐貨色，龍蝦味較淡，而龍蝦箝比正常再淡一點，合埋眼， 應該唔知自己食緊龍蝦。 反而，蟹腳有鮮味， 凍蝦甚至有驚喜，非常新鮮， 蝦味濃。 熱盤選擇不太多，而且款式不太吸引， 例如炸蝦丸，蒸三文魚，點心， 魚香茄子等。比較有驚喜的是即煮冬蔭功貴刁，冬蔭功湯好好味，而且配料可選鮑魚，蝦和龍蝦。 湯有兩款，有龍蝦湯和雞湯。龍蝦湯應該是罐頭湯，味道夠濃但偏鹹， 雞湯不錯，夠濃味而且很清徹。 甜品選擇尚算多， 芒果拿破崙好正， 忙果肉很鮮甜，餅底很香脆鬆化。總括來說，個人覺得這自助餐的原價mark高了， 然後再提供折扣。但以折扣後， 3XX (已連加一) 的價錢來說及位處中心地帶的酒店來說， 是一個不錯的選擇。