影片
以上资料只供参考，请与餐厅确认详情
招牌菜
食记 (12)
入火炭大家都只识得食津津，但其实行入少少呢间大排档仲好食！推介菜式：1）冰镇墨鱼头，好弹牙爽口又新鲜！2） 避风糖软壳蟹，好够热又够味～3） 蜜味炸脆膳 ！！最推介～劲弹牙！又大旧，食到想encore ～～4）五味炸猪手但客观地评鸡系麻麻地，今晚试左风沙鸡一般鸡粥几好，但鸡唔够滑呢到可以自带酒水 / 买海鲜黎俾佢加工自由度大～～几好今晚6个人食叫左十样野+4支大青岛+汽水每人只系二百几蚊抵到烂～～～老板好好人，野食又好味都唔明点解呢到咁少好评佢位置比较黑暗难揾，但其实厨房咁正，真系路远我都会再黎帮衬而家出面食乜都限时，又贵又唔好食。呢种大排档风味真系好少架喇
继续阅读
饯别移居外地亲友，故一行廿数人选址火炭西大排档御膳厨房，贪其有冷气开放及自成一角的空间，适合有老有嫩的大家庭畅聚。由于跟餐馆负责人较熟稔，亦可预先拟定菜式。晚宴以地道风味的排档菜式为主，蜜汁烧鳝首先登场，即日从街市购得的新鲜鳝鱼，以蟠龙鳝形式切开而不切断，涂上蜜汁下油镬炸脆，甜美而油香四溢，菜式尽见功架，岂有不好吃之理？接力上阵是客家煎酿豆腐，煎封的豆腐没有过多油份，外面脆身而里头保持滑嫩，而鲮鱼肉带点陈皮香气，乃一道十分下饭的家常小菜。热腾腾的炸物又再上桌，说酥炸芋卷是道手工菜一点也不为过，材料虽然简单，制作却需时，处理芋茸时容易引致痕痒，卷起腐皮亦需巧手。至于碟中央的猪手彷佛沦为配角，但吃来也毫不逊色。来点稍为健康的蔬菜平衡一下，端来的炒豆苗依从传统做法，用鸡油及蒜蓉快炒，滑溜溜而保持爽脆，迅速就被清碟。另一道下饭菜明显是沙嗲牛肉炒芥兰，块块挂汁的牛肉片完美演绎沙嗲牛的精髓。酱汁咸中带甜，幼细的花生碎散落其中，洋葱和芥兰也炒得爽脆。云耳藕片西兰花清清味蕾的间场菜式，西兰花和藕片清新可口，为重口味的下道菜做好准备。姗姗来迟的海鲜三部曲，味道稍为温和的茄汁煎虾碌率先奉客。茄汁刚好裹上每只大虾，碟边也没有半点多余油份，意料之外是大虾香脆得可以连壳同吃呢。香气扑鼻的豉椒炒蚬未上桌已令人垂涎，充满镬气的小炒绝对是大排档的标记，浓味酱汁依附在蚬肉，是啤酒的最佳良伴。再来一道椒盐鲍鱼，调味上稍为辣了一点，但也辣得过瘾，鲍鱼鲜甜味美，每人一只吃得甚为满足。沙姜鸡处于海鲜三部曲之后出场，大概有点吃亏：味道没有之前菜肴的霸道，但嫩滑的鸡肉吃来毫不失色，调味也适中。押尾的豉油王炒面教一众长辈翘首以待，明明已经吃得饱撑，喝得大醉，总要吸收一点淀粉质才感觉良好。觥筹交错间，不知不觉来到晚宴的尾声。感谢猫店长也来送客呢！今日一别，也许良久才能再聚，也许排档亦已变天，唯有记忆中的情味，永恒不变。
继续阅读
朋友仔介绍呢一间好耐都冇机会试。今日天气转凉，疫情下不能出去打边炉所以买了一份滋味羊腩煲回家。羊腩又肥美又多件数最紧要就系好味。天气咁冻食完羊腩煲成身暖囇。平时出街食羊腩煲都系得几件。今次真系与别不同，三个人叫一份羊腩煲食到捧住个肚！羊腩煲10分足料，冬菇厚厚的，有好多冬笋⋯⋯正！椒盐鲜鱿同埋小炒都好好味。鹅肠一份多过出其他餐厅份量很多，食极都食唔完。价钱一流冇得顶超抵食。2020年出街食饭的日子不多，所以真系好应该去买回家食，支持小店，
继续阅读
间唔中就想食吓大排档，最重要呢度大份抵食有镬气！碟豉椒炒蚬中到吓亲人，而且真系有肉，唔系俾啲壳你。辣度有得拣大/中/细，如果食辣海鲜合味道杯面都觉得有啲辣，勉强都食到中辣。炸蚝都几新鲜同大只，皮唔会好厚。椒盐九肚鱼几大条，有镬气，但鱼肉易散咗啲，但够味嘅。腐乳炒通菜好鬼脆嫩，正！老板送咗碟小食俾我哋，系炸鱼仔伴猪耳，几得意。食咁多嘢再叫3枝汽水埋单都系HKD288，真心要再嚟食！美咪指数：8/10抵食指数：8.5/10
继续阅读
原本谂住食津津，点知劲黑仔，停电，冇得食。以为火炭间间都应该好食啦，咁就求其去左第二间，谂住都系食小菜啫，应该冇事啦点知就中伏叫左5个𩠌，全部都劲咸，个鸡粥系求其放只腌左嘅鸡落去同啲粥捞埋就算，仲有个黄金软壳蟹，真系不知所谓，炸到㶶晒，劲油益，完全食唔落。连最容易整嘅粉丝什菜煲都可以劲难食，连啲白饭都系劣质米，真系反白眼其实做唔到晚市小菜就唔好学人做啦！简直系为害人间！重点：价钱唔平，整啲垃圾出黎！
继续阅读