影片
以上资料只供参考，请与餐厅确认详情
相关文章
好耐冇去过火炭，由昔日嘅工业区，到今日部分土地演变成住宅区，但系历史悠久嘅大排档依旧不变，仍然每日制造无限嘅美食。但系呢种特色风味，好快就要结束，政府会收回土地起政府综合大楼，所以趁路经此区，一尝香港特色嘅原风味。我们一行6人叫咗下面9款菜式，每一款都只有呢类嘅大排档，先食到呢种火喉。镬气，唔系好多餐厅都做到，甚至好多大酒楼，都做唔到大排档果种食得出嘅镬气。生滚沙田鸡粥第一次食呢个沙田鸡粥，粥底鲜甜，但感觉唔似系用鸡嚟煲，只系食到鲜味而无鸡味；鸡件好嫩滑，似系后加鸡件落粥度煮，否则个肉质会好「鞋」。份量比我想像中大锅，总体嚟讲系好食，值得一试；金牌烧乳鸽平时唔点食乳鸽嘅我，见到咁靓都忍唔住食咗四份一只，皮脆肉嫩，烧到啱啱好，味道亦都适中，一般烧乳鸽会有偏咸嘅情况，呢度个味道做个平衡做得好好；椒盐豆腐(送)老细见我地叫咁多嘢，就送咗个椒盐豆腐比我哋。我初时以为送嘅只系得几旧，点知系好大碟，炸到金黄色非常之靓，而且系做到皮脆肉嫩，刚强嘅外表，内心竟然如此温柔，就算冇得送叫一碟都值得；豉椒炒蛏子蛏子非常新鲜同巨形，煮得好够镬气，熟度系做到分毫不差，刚刚好，肉质保持鲜嫩，豉椒嘅酱汁加上镬气，令到蛏子进一步提鲜，48蚊一只，我觉得价钱合理，可以话街市买自己煮仲平，但系我冇能力做到咁出色嘅效果；酥炸大肠一向钟意食大肠嘅我，好欣赏佢个大肠炸得脆亦唔太肥，肠内洗得够干净，而且份量够多，多到系食唔哂，始始炸大肠比较腻，好容易会有饱济感；黄金墨鱼咀我一向都麻麻地食墨鱼咀，我唔钟意佢有「骨」，佢呢个黄金墨鱼咀，不单只粒粒都冇骨，而且十分嫩滑，嫩滑得嚟又有少少弹牙，加上极邪恶嘅咸蛋黄外层，完全食唔停口，而且份量之多，就算不停咁食，都好似食极都食唔完咁，呢个真系超正，必食；椒盐白饭鱼炸得好松脆，金黄色炸得够干身，椒盐嘅味道系刚好，平时我少食白饭鱼都食多几旧；豉油皇鹅肠上菜时都有啲愕然，点解会咁深色嘅，好似一堆虫咁有啲惊吓。味道唔错，系我想要嘅味道，冇比佢嘅颜色影响到，咸度系刚刚好，鹅肠好爽脆；西芹炒龙趸球原本个菜式系西兰花炒龙趸球，问咗老细原来可以转第二款菜，我哋拣咗西芹炒龙趸球。西芹我冇食到，净系食龙趸，鱼味浓，亦好嫩滑，呢种味道好耐都冇食过。幸运嘅系可以食到呢份滋味，家下除咗仅存嘅大排档外，都唔太多地方食到呢种香港独有嘅美味，镬气系更加难得。有人会觉得，大排档唔卫生、环境差，可是食物质素同味道，先至系最重要。
继续阅读
辛苦咗一个星期, 打算懒一吓, 唔煮饭出街食. 自己喺个沙田友, 帮衬咗泰源都有好一段时间. 一路水准平平稳稳, 不过不失，胜在出菜够热 . 今晚发觉佢哋大有进步. 值得同大家表扬一下. 今日叫咗个生炒骨, 好出色. 先讲食材, 一般人唔叫咕噜肉叫生炒骨，系唔想食太肥，加上近骨位置啲肉比较香口, 又唔使咁肥，斋食猪腩肉. 泰源喺依方面好细心, 最近都好少有依啲良心食肆，愿意花时间花工夫将食材做好. 睇得出佢哋好细心把所有排骨嘅肉切除之余，细心把围住骨头部份嘅筋膜留低, 最最值得赞嘅就系冇一旧生炒骨系会有碎骨, 每一旧骨都完完正正. 可见其细心. 把生炒骨嘅精髓发挥到极致. 除咗食材方便，脆浆方便都做得唔错，不惜工本. 大家都知道，做排骨位置嘅骨头唔会太大，但系佢哋都可以将每旧生炒骨做到饱饱满满. 唔会似其他小炒店一味交行货，薄薄一层脆浆或者生粉就算. 我同我老婆斋食咗碟生炒骨加半碗白饭已经爆晒. 抵食!
继续阅读
香港虽然唔大，但18区都各有特色名物，好似讲起沙田嘅名物，又点少得沙田鸡粥呢！但原来朋友从来都无食过，所以我今日带佢去喺山尾街熟食市场随意去咗呢间泰源大排档。生滚沙田鸡粥鸡粥大大窝，最欣赏系粥底充满鸡香味，而且好绵滑，最重要系唔会有太多鸡油同碎骨。金牌烧乳鸽乳鸽皮烧到好香脆，热辣辣，加少少淮盐，就更惹味。豉椒炒蚬order完一阵就上菜，速度之快令人难以置信，好在蚬无沙，尚算鲜甜。西兰花炒鲜鱿呢个西兰花炒鲜鱿嘅味道相对清淡，但胜在镬气足，加少少虾酱或蚝油就得。豉油皇炒面喺大排档就最钟意食豉油皇炒面，貌似简单，其实都好考功夫！炒面够镬气，条条面都上晒色，配料有芝麻、豆芽同韮菜，加埋辣椒酱一齐食就锦上添花。椒盐赖尿虾喺Openrice网站上，明明话凭QR Code会送椒盐赖尿虾一客，可惜店员话卖晒只可以送椒盐豆腐，但点知自己俾钱order就有架！赖尿虾好香口，椒盐味够香。椒盐豆腐喺Openrice网站上，明明话凭QR Code会送椒盐赖尿虾一客，可惜店员话卖晒只可以送椒盐豆腐，呢碟送嘅豆腐又无令人失望㖞，外脆内嫰，好香口！腊味糯米饭呢啲天气，最啱就系食腊味糯米饭，我哋叫咗一碗试试，但糯米饭太过干同太过硬，绝对可以唔洗试。
继续阅读
早两晚同朋友游车河，想食宵夜，就去左火炭揾大排档，呢度好有大排档风味，门口又可以摆车😅😅😅但野食普遍都偏咸，最好食系个鸡粥，软绵绵，啲鸡都好有鸡味，又嫩滑👍🏽👍🏽👍🏽炒蚬辣辣地，几好味👍🏽👍🏽
继续阅读
好耐无嚟火炭食嘢了(´･ω･`)衬住大排档仲系要把握时间食多几次～我哋一行四人7:15到达，好快就可以入座了👏🏻🤍 金牌烧乳鸽（2只）乳鸽啖啖肉，咬落去皮脆肉就有啲啲干，点埋华盐好滋味🫰🏻👏🏻🤍 生滚鸡粥（1窝）驰名鸡粥系不得不点既菜式，大大锅粥 口感好绵(⁎⁍̴̛ᴗ⁍̴̛⁎)鸡肉大大件 正啊🤍🤍 椒盐鲜鱿炸粉比较轻薄 椒盐兜得均匀味道唔会太咸 岩岩好～🤍 豉椒炒蚬依味菜就相当麻麻 个芡好浓厚摆左一阵已经桨住左啲蚬 个芡好咸完全掩盖蚬肉味道 份量都ok!🤍 金银蛋白菜仔好怕出街食油林林既菜 汤浸既金银蛋白菜仔就岩我哋啦～🤍椒盐豆腐（餐厅送的）椒盐豆腐一大块 同出面食一粒粒既好唔多 点个泰式辣酱好夹 不过如果系一粒粒既话 口感应该会更加好🤍三罐可乐埋单$596 ｜人均消费$150
继续阅读
您可能会有兴趣的...