御滿屋日本料理

营业中

休息中

地址係旺角最中心既地方，朗豪坊隔離，最可惜係樓上舖，要靠睇傳單先搵到。同一棟樓，有唔同既餐廳，就由一樓試起啦⋯⋯本身我自己已踏入中年，戰鬥力下降，唔係食得好多，食放題唔會係同佢搏命，乜都係叫少少，試多啲唔同款食物。同其他放題都差唔多，剌身係成餐既靈魂，所以點滿成盆冰上面既新鮮剌身，就最吸晴。我見隔離枱四個人，佢盆剌身呢，我諗已經值回票價啦⋯⋯是關我點果盆剌身，超新鮮，啲甜蝦，大赤蝦，泰式生蝦，閒閒地都要四五十蚊啦。何況佢地直頭鋪到見唔到冰冰乜濟。今日點既野食就多啦...但重點講講啦⋯⋯牛油果軟殻蟹壽司-的的骰骰，牛油果同軟殼蟹好夾。芝麻雞亦-炸得好香，但又唔會燶又唔會唔夠熟。羊架-有少少蘇味，重點係佢唔肥又唔瘦。啲蘇味係佢啲羊脂處，所以好易入口。我食過有啲其他地方燒羊架，燒燶晒，食碳咁。環境方面，地方都好大，有唔同既枱，有啲自成一角。最後，我最鍾意既係佢清酒梅酒任斟，太正啦⋯⋯。

之前同兩位同事約好咗去旺角食放題吹下水，終於兌現承諾揀咗這間御滿屋。好耐之前已經係這間放題店的常座客，不過自工作繁重後就少咗光顧，今日重臨發覺都係依舊地好。食物款式比以前更多，剌身併盤，壽司，串燒，天婦羅，牛肉羊扒，沙律帆立貝，芝麻雞翼，炸榴槤丸，炸香芋丸，鰻魚，花膠，鍋物樣樣有，而且仲有梅酒清酒任飲，前菜甜點及餐湯放係外面非常自助方便。另外要盛讚佢地提供的元貝剌身非常厚身大件，基本係原隻上碟俾客人食，極有口感。仲有海膽手卷，海膽好味之餘手卷又好迷你，叫多件都唔怕食飽，對顧客好貼心。而且更特別的有榴槤雪糕做飯後甜品，愛榴槤人士真係唔可以錯過。成晚食勁多野都只係二百幾蚊，性價比夠哂高，可以食到回本。

之前係荃灣試過滿屋覺得都唔錯，今次約同事食飯又想食放題就簡左同一系列既御滿屋再次品嘗啦！我地星期四黎，估唔到都幾多人喎，好彩有book定台。一黎到當然點左刺身先啦，我地點左帶子、三文魚、蝦等等，帶子好大隻同新鮮，有驚喜。蝦有三款，其中我覺得大個隻蝦幾好食，爽口彈牙。之後叫左一些熟食，包括有天婦羅、芝麻雞翼、魷魚穌、海膽手卷、鰻魚等等，都好好食。其中最鐘意係芝麻雞翼同鰻魚，好入味又有口感，完全唔馬虎，而且鰻魚都算貴，竟然可以任食，開心。海膽手卷細細件，唔會好多飯，但海膽份量又唔會話好少，而且新鮮，抵食！

#滿屋日本料理 去荃灣探朋友，便順路食埋個晚飯🍚是日晚餐➡️➡️日式放題🍘🍣🥘🍤都有一段時間沒有吃放題，今次特別興奮，統統都給我來一份吧！😂😂😂其實我好細食架🤫看看我已佔用了兩張枱，還是沒有位放食物，我們真心肚餓😜😜其實係食物種類太多，又想每樣都試 ，結果。。。。好彩都有人食晒！🔹$238/ 成人 晚餐時段非常抵食👍👍🔹冷盤推介: 帶子刺身、大赤蝦刺身、左口魚壽司、和牛壽司、海膽等等🔹其他推介: 串燒、咖哩蟹、甜品楊枝金露配芒果雪糕🍧🍨 花膠好好味🔹超大個甜品和飲品櫃，住飲任食，食唔晒，望住都開心😍😍，看看圖吧！不能盡錄😜滿屋日本料理 (荃灣)地址: 荃灣眾安街55號大鴻輝(荃灣)中心10樓電話: 36221388

呢間御滿屋係旺角來講都好出名，今次同一班朋友想食放題，入到去已經係門口見到有大量飲品同甜品凍櫃，入到去睇menu發現原來仲有極多唔同既菜式：壽司：壽司有一般既三文魚壽司，吞拿魚壽司，帶子壽司等等。全部都好新鮮好足料，尤其係個三文魚壽司同帶子壽司，厚得來鮮味濃，處理得好好，油脂分佈啱啱好，油甘香好好，食完會再想叫多幾碟。另外佢仲有一d手作壽司，例如牛油果軟殼蟹，柚子油甘魚，白松露吞拿魚壽司等等。牛油果軟殼蟹口感好好，牛油果既質感岩岩好中和到軟殼蟹既油膩，好好食。柚子油甘魚酸酸地，夾埋油甘魚既甘香味真係好開胃，我地都叫左4 round。白松露既松露香完全帶到吞拿魚既鮮味出來，真係超好食。刺身刺身方面，選擇又係超多，除左一般既刺身之外連泰式生蝦，池魚刺身都有。泰式生蝦鮮甜，而且有用過泰式既腌料去做，一啖一隻好好食。池魚冇乜筋，入口即溶而且鮮味十足，好食。手卷手卷細細隻，一啖一隻，其實幾的色過癮。海膽手卷係推介，海膽既海水味勁重，海膽超足料厚肉，每一啖都係爆滿海膽，完美。燒物蒲燒鰻魚細細舊，易入口，燒汁又香，而且每一舊都好厚肉，鰻魚味香，燒得啱啱好。鹽燒青花魚都好正，魚肉唔會燒到好粗糙，肉汁又

今天，我和男友到了這家日本放題店吃一頓豐富的晚餐，因為男友最近的工作都很忙碌，所以我們都覺得應該要好好獎勵自己。我們選了這家評語不錯的放題，店內的環境光猛，而且座位寬敞，所以我們都吃得很舒服。這裏有很多甜點，飲品，還有梅酒呢！我們點了一些刺身，有玉子、帶子及三文魚等等，刺身都很新鮮，吃得我們十分爽快！我們也點了不少燒物，有雞軟骨串燒、蒜香牛柳粒等等，值得一讚的是，牛柳粒的火候十足，配上蒜香，簡直是啖啖肉呢！男友還點了海鮮粥，看到了大大隻的水蟹、蝦等等，鮮味十足呢！女士們最喜歡吃的當然是花膠吧，我點了這寄田有花膠、花菇等等，吃起來感到十分養顏呢！而且材料還十分充足！這間放題店的食物種類多，而且上菜的速度很快，加上侍應們都禮貌地招待客人，感覺十分開心，下次還會再來呢！

日本料理不嬲都係香港人至愛，香港咁多日本放題更加係香港人愛日本料理的表現，今次我地黎尼間地方就腳，野食種類繁多的御滿屋，施展我地渾身解數，一於食餐勁。火燄和牛壽司，經過火燄壇一下，令舍香口，火牛肉好嫩滑，火燄蒲燒鰻魚壽司，鰻魚夠肥美，汁超級香濃，蒜香牛油燒赤蝦壽司，簡直係完美配搭，蒜頭味加牛油香味混合一起將蝦的鮮味帶出，再黎梗係刺身啦，三文魚刺身，唔使講野，肥美鮮甜，北極貝刺身，爽口滑流，帶子，真係好新鮮好鮮味，泰式生蝦，好爽甜，我地叫完又叫，正。大赤蝦，大大隻，啖啖肉，好嘆呀！食得刺身太多有罪惡感，不如黎返兩件卷物，芒果蟹子花之戀，芒果香甜加上三文魚肥美，入口融合一刻，無與倫比。炎燒芝士三文魚卷，芝士加三文魚當然係絕配。這裡的燒野都好有水準，燒西京比目魚，燒係必煎好食好多，夠乾身夠香口，無晒腥味，鹽燒海蝦，基本上燒蝦係香到無朋友，牛油燒脆肉瓜，脆肉瓜好新鮮，爽口，燒有機菠蘿，D菠蘿太甜，食完又叫。一品鰻魚炒飯，炒得夠乾身，師傅功力好。牛肉熱烏冬，烏冬夠煙韌夠滑，個湯底好鮮甜。眼睇再食就要做運動減肥，於是食埋朱古力棉花糖同埋cake就收手。最後都係忍唔住食埋雪糕。

去完朗豪坊睇完戲，就到附近揾食，數天前吃過自助餐，還未滿足刺身癮，看見地鐵站口有幾位姨姨在舉牌推銷餐廳，姨姨非常樂力的推薦此放題，並提醒七時半前結帳會有優惠，相當吸引，便被美食的引力吸了上去姨姨落力推介，7:30前結帳只需$185加一，仲可以仼飲清洒🍶，好的,選定了！餐廳在一樓，出電梯門便看見餐廳，門口有一個很大的魚缸養着一堆金魚，很美！這些金魚和鯉魚該不是來作刺身吧店內座位很多，亦設有很多卡座，時間尚早還沒有覓食者，但過半小時左右已幾乎滿座餐廳內有很大的雪櫃，裝滿各式各樣的飲料，可以自由選擇自己喜愛的，還有一些比較冷門的飲料，例如清涼爽和罐裝珍珠奶茶食物的選擇非常多，除了刺身壽司外，還有炸物，燒物，牛肉鍋和拉麵等等.埸內還有甜品熟食櫃，以自助形式去取刺身真很新鮮，甜虾很甜和爽口，北寄貝清洗得很乾淨，啖啖肉，極力推介帶子，沒有一點腥味，只吃到甜和鮮！刺身亦以冰作底，保持冷度！這杯清涼蜜柑！酸酸甜甜很開胃！雞軟骨很爽口，以鹽調味再燒，調味剛剛好，自己吃了四串芝麻雞翼皮很香脆，雞肉juicy有一點點辣！很惹味，鹽酥雞不會太咸，亦很好吃！一口芝士，內有芝士流心，芝士味濃，芝士竹輪卷就是獅子狗

突然間想食放題，經過一輪搜索之後決定試下e到！7點幾打去仲book到9點半最後早左小小上去都比入(9點3)入到去2個人竟比4人枱當然眼見個場都未全爆的！因為通常d任食都好q迫，食得坐得都唔舒服。。。食物種類唔算非常之多，不過都夠食啦飲品種類都ok。。仲有hoegaarden rose 同hoegaarden 飲wo食物味道比想像中好，order咗ge同嚟ge都好小漏單！ 員工服務好又有禮所以埋單2個人total $4xx 算係係咁！

食放題就最正，可以叫到成檯野食，感覺好滿足！近呢幾年食放題，都會寧願每款份量叫小小先，再睇邊款好食再點多d一來唔會浪費食物，二來一定係岩食！不過每人喜好都不同！印有餐廳名的碟～軍艦壽司都係熱門常食的款色：必點芝士蟹棒、赤蝦、鰻魚，紫菜脆脆即時整！海膽手卷，芝味軟殻蟹、蟹籽卷！刺身種類多，有三文魚、鮑片、希靈魚、赤蝦、甜蝦、八爪魚、厚厚北海道帶子、蘭花蚌、赤貝！蟹粥是必點的，棉棉粥，清清地，有d粟米粒！甜品窩夫配雪糕，楊枝金露都好出色，放題甜品都有質素！

幾個女仔想食日本野但又唔知去邊間食，毅然決定食放題本身都知道女仔去食一定冇咁抵，點知原來自己都仲有d戰鬥力，因為食物新鮮好味，食完一輪又一輪🤣餐廳地點激方便，旺角地鐵出口唔駛1分鐘就到！去到帶位個叔叔都好好人，幫我地開哂路又驚我地會撞親咁hahaa出面有個自助bar, 野飲同甜品種類好多！令我好驚喜既係佢有啤酒🍻！雖然我地唔飲，但係如果平時食飯飲開啤酒既人黎食真係好抵，因為平時係出面食飯飲一杯都要成50大元😓食物方面我地都好滿意，外面食得到既款式呢到都食到。而家放題既質素真係高咗好多，以前食放題叫10樣可能有3,4樣係伏，但御滿屋冇令我失望，幾乎每一碟都俾我地清哂😂另外更值得一讚嘅係餐廳dum本，每人跟一杯movenpick雪糕，好正

抵食放題👍 #hanako_多謝邀請🏵️呢間放題好大間 而且好多選擇飲品已經幾個大櫃仲有唔同嘅清酒梅酒🍶/刺身質素不過不失 種類都多帶子同蝦都大大隻 過下口癮都唔差架有一樣好鍾意嘅野係炸芝士竹輪姐係吉野家邊爐個舊 平時唔知係邊有得買🙈🙈食日式好鍾意食燒菠蘿 呢度嘅菠蘿都算揀得幾靚如果加少少糖落去燒就真係100分喇🥺/旺角咁多間放題 呢間真係唔錯👍岩晒鍾意多款式揀嘅人而且個日都好少漏單 waiter大部份都好nice有責任心/旺角 - 御滿屋#Hanako_旺角🌻#Hanako_日本菜🌸

最近D friend食日式放題，一發不可收拾，無幾耐前先食完，咁快又吹雞。今次食旺角另一間御滿屋。坐低唔使講野先黎一盤刺身熱身，三文魚，好肥美帶子，鮮甜而且無雪味油甘魚，夠爽口新鮮吞拿魚，好甘甜，大赤蝦，好大大隻呀！甜蝦，同個名一樣咁甜，泰式生蝦，好少放題可以食到，正！北極貝，我至愛，無得輸。火燄和牛壽司，牛肉油花香濃，蒜香牛油燒赤蝦，牛油味香，再用火燄烤，雙重享受，燒有機蕃薯仔，即系平時係超級市場買的日本蕃薯，一口一個，好甜，燒脆肉瓜，清新健康，燒有機菠蘿，叫左幾個round，D菠蘿真係好香好甜，必食。鹽燒海蝦，唔介意mok蝦殼的朋友還是可以試試，因為D蝦燒出黎係好食好多，鹽燒牛舌，牛味極濃，好正，蒲燒鰻魚，啖啖肉，用黎送飯一流。虎蝦天婦羅，炸得乾身唔油膩，食多幾隻都唔怕生豆豆，芥辣八爪魚手捲，刺激味蕾，食左好醒神，三文魚手捲，每次必食，太中意！飲品方面都好多選擇，除左有一般汽水，還有提子汁，芒果汁，蘆薈汁，啤酒，梅酒，清酒任飲等，清酒係熱的，我飲左幾杯，米香味濃，唔錯！最後還有雪糕做甜品，真係好飽。由於太多野食，有D食左都唔記得，下次再黎先得。

今天，和男友逛街後，實在太掛念日式放題的滋味，過家御滿屋的確是我的心水，男友的同事也大大推薦！由於我們是吃早場，六點半至八點半，時間頗好，而且服務員的換碟速度是奇快，令我們吃得十分舒適。刺身又是一貫的新鮮，三文魚厚切，啖啖肉，北寄貝等也是很棒！最驚喜的是，灸燒三文魚軍艦壽司，滿滿的魚油！其實這裡的壽司、刺身甚為新鮮，但放題除了冷盤外，熱食也是重點吧！我喜歡這裡的燒物，雞軟骨、燒蝦等等也是熱乎乎的，而芝麻雞翼更是我的最愛，吃了幾近三隻，喜歡外皮炸得脆卜卜，而炒雜菇更是不得了！菇的香氣配上牛油，一絕！這放題店的食物質素很高，大部份的食物我們都嚐了，最後配上限定的榴蓮雪糕，完美！

放假最好就係約埋朋友3、5知己去食飯，但每一次朋友聚會都想搵一個地方，可以坐耐啲，多啲野食，可以吹水吹耐啲。今次搵到一間放題，可以坐耐啲，又多野食，滿足晒大家既願望。地址位於旺角朗豪坊對面，非常方便。餐廳好多野食，先講下飲品方面，兩大個雪櫃，有超過十款飲品選擇。竟然重會有1664選擇，真係好好呀，岩晒一齊吹水慢慢飲👍🏻👍🏻食物選擇都有好多款，其中最出色既係佢地既刺身，好新鮮。啲三文魚係厚切嫁，甜蝦重要好大隻，鮮甜👍🏻👍🏻我覺得啲壽司都好好味，佢細細舊但啲料都幾多，可以食少少，留返個肚食其他野😂😂佢啲燒羊架同串燒都算ok，我地食左好多串燒😂其他美食都好好味，多不勝數😂食飽晒，緊係想食甜品，佢地都有吾同種類。有雪糕，蛋糕，任食吾嬲😂 如果不家都想大吃一餐，又有1664飲，真係好可去試呢間，非常滿意👍🏻