御滿屋日本料理

营业中

休息中

今日約咗朋友去旺角食日本放題， 「御滿屋日本料理」，餐廳位置十分方便， 位於旺角彌敦道655號。首先叫刺身先， 有多款刺身俾我選擇， 我鍾意食三文魚同甜蝦，三文魚肥美鮮甜， 甜蝦鮮甜無比，爽口彈牙，其他刺身都好好㗎！除咗刺身之外， 仲有不少壽司、軍艦同炸物等等。必試壽司有火灸香蔥三文魚、火炙香蔥左口魚邊壽司同火炙蒲燒鰻魚壽司。當然唔少食叫海膽手卷啦， 味道甘香， 正！ 花膠係女士恩物，所以御品飽汁燴花膠又係必食嘅，花膠細滑， 炆到好味，正！ 蜜糖雞翼好呀！ 醃得惹味， 外皮香脆，內裡嫩滑，yummy ! 大大隻嘅鹽燒海蝦， 肉質結實， 鮮甜無比！ 仲有各式各樣嘅自助Bar， 包括有飲品、甜品同小食等等， 實在太豐富， 多到講唔曬，性價比極高， 下次有機會再試過！ 記得留肚食雪糕， 每人有Häagen-Dazs/Movenpick 雪糕一杯， 真係大滿足！

好耐冇見個friend,所以即日約左佢食野，有咩地方可以岩朋友之間暢談同時又坐得舒服又食得快樂呢？沒錯就係放題了。擇日不如撞日，撞日不如今日。所以就同朋友約左係呢間御滿屋放題。其實我之前已經食過一次，其實真係唔錯。首先佢係連鎖式的日式放題餐廳，基本上有保證了。其次它的性價比非常高！先說他的食物選擇，它共有兩本餐廳紙任叫任食。刺身方面選擇眾多，又新鮮，基本上帶子甜蝦三文魚油甘魚吞拿魚都齊晒。它又有多款火灸壽司！竟然仲有海膽手卷。我和朋友叫了十個海膽手卷。真係食到我地津津有味。除左魚生壽司，佢仲有多款熟食炸物。榴連炸彈一定唔好錯過！飲品選擇又多，上次黎有道地烏龍茶，但今次冇左，反而多左其他牌子選擇，一間餐廳不會一成不變，會定期轉換餐飲選擇，可見佢既誠意！最後不得不說，佢仲有多款名貴雪糕供你選擇！同埋服務態度同埋上菜速度好快

今日一於去試吓個價錢唔貴嘅「御滿屋日本料理」放題！ 周末成人$248；小童$148，仲係任食二小時，好抵食呀！ 餐廳提供多種食物選擇，包括有刺身、壽司、炸物、鍋物、燒物、 飲品同甜品， 真係超級豐富。 刺身最愛三文魚同帶子， 三文魚肥美甘甜， 帶子鮮爽口， 好彈牙！ 之後就叫咗壽司、手海膽手卷同小食！ 海膽手卷細細件，飯唔多， 可以encore 多次都唔怕啦， 仲要好新鲜， 好食呀！ 火灸香蔥三文魚同火炙香蔥左口魚邊壽司係必食之選， 好食！ 西京比目魚， 魚油十足， 又香又滑， 值得一讚！ 天婦羅都唔錯， 粉漿唔太厚， 好脆囗！ 有大大隻水蟹嘅海鮮粥， 真係鮮到呢， 大滿足！ 鹽燒海蝦， 好大隻， 味道鮮甜，彈牙爽囗，正！ 除了order 紙上既食外， 仲有自助Bar，包括有飲品、甜品同小食等等， 真係太豐富！ 每人仲有Häagen-Dazs/Movenpick/ Fruttato 雪糕一杯！

話是話我已經無食放題都有五六年啦，因為一直都覺得自己食唔到咁多，所以一直都唔選擇放題。今次朋友約食飯先發現宜家d放題進步唔少，多左好多食物選擇。單單飲品已經有凍飲、熱飲、室溫飲品供大家選擇（有酒、有茶、有汽水，有果汁，有健康飲品...）可見餐廳相當細心。食物除左一般放題有嘅刺身、壽司... 大家仲可以出去拎熱食、甜品（有朱古力噴泉，葡撻，蛋糕仔...），所以唔洗捱肚餓等落order,再等上菜。刺身質素好好，尤其是帶子，好大粒仲要係原粒上ga，食起上黎好有口感。大赤蝦都好有口感，好新鮮。熱食都有好多款天婦羅🍤、小食(芝麻雞翼、羊架、花膠冬菇）、牛肉鍋、烏冬、粥...我個人好推薦天婦羅蝦真係好好食，外脆內軟，蝦好彈牙。雖然小菜份量唔多，但勝在佢細細份俾我地可以每樣試小小又唔浪費。以食物種類、食物質素而言，呢間放題餐廳算係唔錯，關顧到唔同客人嘅需要。

因為連續一個月都係食川菜，食到已經唔想食就決定一個人嚟一間日本餐廳食中午嘅放題。入到嚟空間都幾大，座位歡堂唔會坐得太迫。服務員安排左我係一個二人卡位嗰度坐，一睇就係兩疊好厚嘅Menu。裏面種類繁多，有啲唔知點揀添。試咗佢哋角色各款嘅嘢。刺身同埋壽司都唔錯，特別鍾意佢嘅火焯和牛壽司，口感都唔錯。手卷都唔錯，試咗佢嘅三文魚同埋海膽手卷。我亦都試咗佢哋嗰啲串燒，特別鍾意食佢嘅牛舌串燒。佢哋仲有整煎羊扒，食落都ok㗎。飲品亦都種類繁多有果汁去到Somersbery 蘋果啤酒都有，仲有啲佢哋自己整嘅飲品，有啲甜不過都OK嘅。甜品亦都有好多種嘅小蛋糕同埋水果，不過嗰陣時我已經食到太飽食唔到好多甜品，只係要左個Hagen-daz雪糕。

話說星期六嗰日無無聊突然間想食放題，之後左搵右搵，七點幾打去問九點幾有冇位，出奇地又有位喎 仲要唔貴 21:30宵夜時段 都係hkd208+10% 好奇心下去試下。未夠21:30去到 已經可以入座 兩個人佢仲比四人枱第一次食放題有咁大張枱 可能宵夜時段關係人唔係太多 之後就叫咗好多嘢食 基本上都冇乜漏單 侍應都好多收碟好快 而且真係好好禮貌服務超好 第一次去食放題食得咁開心 叫左唔同嘅刺身同熟食 我係一個超級鍾意食鰻魚嘅人 佢呢度嘅鰻魚真係好好食 熱 又厚身 拍得住大X屋果d 刺身方面都唔錯 唔會話一陣雪味 另外仲有甜品食添 楊枝甘露真係好好味飲品方面好多選擇 除咗基本嘅汽水仲有H字頭嘅啤酒🍻飲返幾支都抵 最後仲有送M字頭或H字頭嘅雪糕一杯總括來講係一個超抵食超有驚喜嘅放題希望可以保持住呢個水準

放題就食得多，平時食到一間食物質素中等既已經覺得好好彩，今次竟然食到一間高質既👍🏻👍🏻👍🏻依間放題餐廳係旺角既雅蘭中心隔離，店舖都幾大，早少少嚟洗排隊！坐底就梗係拎左野飲先啦！嘢飲種類都幾多，酒精類除咗啤酒之外仲有清酒同梅酒！刺身點左甜蝦，帶子，吞拿魚，魚甘魚同池魚。帶子係原粒上架，超鮮甜！！其他刺身都好新鮮，唔會有雪味。壽司選擇都好多，有軍艦，手卷同其他卷物。花之戀海膽花竹蝦壽司，鵝肝伴帶子海膽手卷，手卷細細件，一啖一件岩岩好鍋物類我最鐘意日式牛肉鍋，湯底甜甜地，豆腐超滑！最後食埋個燒菠蘿同雪榚做甜品😋😋😋

食放題最岩，樣樣都食到，滿足細食又為食既我😆呢間近近地，旺角E1出口一出右手邊，地點好方便！凍飲基本野飲都有，味道好多選擇有桃、蜜瓜、蘆薈、芒果、乳酸，不時仲有員工fill up！仲有清酒任飲凍食區有沙律、凍蝦 ，睇到燉湯一出都好多食客去攞，味道清甜！食過好多紫心蕃薯都會炸左，呢間係烤無左d炸粉口感軟稔多！燒串仲有雞軟骨粒、燒完仲有水份既爽翠肉瓜、彈彈蝦、燒菠蘿！點左兩轉既蜆同牛柳粒，微辣惹味甜品區都好多選擇，朱古力味道偏多最後仲有點埋甜品 haagen dazs 我最愛既味道 焦糖脆餅，朋友點了另一牌子榴連雪糕

好耐都冇再食放題 難得約埋班朋友食嘢而且我朋友超級擦得 一於去食放題任食三粒鐘 我諗點都食得飽我班朋友啦🤣🤣🤣一入到去分別有唔同嘅吧位 例如有甜品吧 飲品吧 前菜吧 等等 見到佢個飲品吧勁多嘢飲即刻沖左去揀嘢飲 種類都幾多元化 基本上所有嘅茶類都有 不論係罐裝定係樽裝都有 仲有啲啤酒 甜品嘅種類都幾多 全部都係好Mini size呀 勁可愛囉 食多少少都唔怕 因為佢細細杯的的式式咁食落都冇咁大罪惡咁👍🏻 我淨係拎咗幾款黎食 啲甜品正正常常 除左甜品吧啲嘢食之外 仲有雪糕食 例如Häagen-Dazs雪糕 👍🏻刺身方面我哋都叫咗兩三round 一次上刺身都勁滿足 因為佢刺身真係好新鮮而且好正三文魚刺身好厚身 比較有口感 有魚油嘅香味帶子 鮮甜大粒赤蝦 都好大隻 食落去幾鮮甜壽司方面我哋每一個款式都分別叫咗幾件 咁就可以試晒唔同嘅款式到底邊隻好食啲 壽司種類多到呢不能盡錄 最好食嘅係黑松露甜蝦壽司 白松露吞拿魚壽司食落去黑松露或者白松露嗰啲味係口面爆發出嚟 真心正炸物方面平時食嗰啲放題一樣 都係有天婦羅南瓜等等 不過佢有樣炸物係我估佢唔到嘅 就係芝士竹輪 炸得唔錯 外脆內軟 入面啲芝士流出

喺旺角e1出口行十秒就到地理位置非常方便。呢度地方好大，侍應充足，就算坐滿人上菜速度都好快!刺身當然係必點! 重點推介幾款要覆桌嘅比大家😋池魚王係貴價魚，比較少地方有得食!!大赤蝦＆甜蝦都新鮮大隻🦐帶子超厚身原隻上必點😆😆😆壽司方面心水之選有幾款: 鵝肝半熟帶子壽司， 鵝肝油份非常香，大推!!!!火炙壽司好出色: 香蔥三文魚腩＆火炙香蔥左口魚邊壽司 ＆ 火炙蒲燒鰻魚壽司 !!! 少有放題有得食左口魚邊食😍絕對拍得住單點壽司舖嘅火炙壽司🍣🍣辣味螺肉軍艦有少少四川麻辣風好特別😂海膽手捲迷你得呢海膽都算多唔太腥!!! 海膽控必點!!熱食方面除咗天婦羅，仲有貓山王榴槤炸彈＆ 炸芝心香芋丸! 正!!!😆😆 芝士竹輪卷就有d乾😂雪花牛肉鍋牛肉分量都幾多，加咗個窩蛋記得趁熱要攪拌 !!! 必點當然係燒有機菠蘿啦!!!其實點餐嘅同同喺外面已經preset咗好多唔同嘅嘢食同沙律菜，最估唔到嘅係佢有葡撻同埋朱古力噴泉!!!!!飲品超級多選擇啤酒/sake/梅酒😍/汔水/果汁珍珠奶茶/仲有熱飲櫃放咗維他奶等/熱茶🍸🍹🍺🥂🍶🥃啤酒好surprise有rosee hoegaarden😆😆

以前成日都同班friend 黎御滿屋放題自從開始做野之後都好少再去女朋友突然話想食放題所以今日就「重游舊地」🤣.環境乾淨企理，沙發椅坐得舒服加埋背景音樂，心情放鬆又舒暢.一坐底緊系嗱嗱聲睇下個Menu跟住再周圍巡視下有咩岩食啦.先講下個Menu款式都幾多主要圍繞刺身壽司類當然炸物，串燒，天婦羅都一應具全啦👍至於出面都有吾少熟食例如香菇豬手，沙律區，朱古力Bar，生果，甜品，雪糕等等最正嘅緊系飲品櫃🥤黎放題狂飲啤酒汽水是常識吧😂道地綠茶，韓國飲品，連台式珍珠奶茶都有特別講下啤酒至少有五款咁多淨系呢一點都跑贏好多間放題lu🤣.開始第一round: 刺身壽司三文魚刺身口感豐富肥美入口滑溜而帶油脂感仲要系厚切三文魚，鮮味十足❗️帶子入口富彈性，味道甘甜.第二round: 炸物類首推貓山皇榴槤炸彈輕輕一咬，極之濃郁嘅榴槤漿「咇」哂出黎好香甜，榴槤味極重好味到我地encore 左3次當然，食完後，成把口都系榴槤味🤣 芝士竹輪卷同一口芝士都吾錯芝士勁多勁飽滿😍.第三round: 煮物類果然系人氣瑤柱蟹肉粥雖然哈我就食吾出有瑤柱粒但一鍋堅系有花蟹架❗️算佢都幾足料啦😁蟹肉粥綿綿口感睇黎都用左好一段時間先熬

今日約埋班朋友去食放題，仲要係宵夜時間，其實都唔算好宵夜嘅，都係九點先開始食啫，因為要等我個朋友收工，我哋就揀咗去御滿屋日本料理度食放題，我哋一早book咗位去到完全唔駛等，就入得食㗎啦真係要讚一讚呢間放題店，我哋一嚟就即刻叫嘢食啦，唔使5分鐘第一輪叫嘅嘢已經都嚟咗一半啊，仲要係出邊有啲自助嘅攞嘢食地方，佢嘅炆豬手同埋牛白腩真係做得好好食，以自助區嗰度仲要有梅酒、日本燒酒任你飲，其他嘢食中規中矩好好味，最緊要一題係佢有榴槤雪糕，唔知係季節限定，定係一年365日都有㗎呢？

我又去食放題啦, 我其實已經約左好耐啦, 我朋友生日, 而佢最愛就是食自助餐同放題, 佢生日緊係一定要食佢最喜歡架啦, 我之前都食過御滿屋的銅鑼灣店, 我自己就覺得好好吃上菜又快, 一下子就成台都係食物啦, 我地一來緊係先吃刺身啦, 叫左大家都最愛的三文魚, 油甘魚同大赤蝦, 仲要有池魚王、立魚同特級吞拿魚, 其他放題店唔多見有得食, 質素仲要唔錯, 好正..而我覺得芝士竹輪卷真係好好味, 熱騰騰的, 芝士勁拉絲, 我食左好條,正…仲有一滋味一口芝士, 都好好食, 可能我真係太愛吃芝士了..

糧尾嘅日子終於完結啦，荷包滿滿梗係有大食大喇🙆‍♀️ 近近地揀咗旺角嘅 「御滿屋」食日式放題～講起日式放題，我好似好耐都未食過lu🙉.食放題最緊要係：1️⃣種類夠多2️⃣食物夠鮮3️⃣上菜夠快.種類夠多：🌕🌕🌕🌕🌔種類多達成11種，刺身，壽司，卷壽司，日式懷舊小卷，甜品，天婦羅，炸物，一品料理，煮物，燒物，串燒，仲有飲品吧，沙律吧，糕點吧等等。最令我surprise 嘅係居然仲有熱飲品同酥皮撻😱 酥皮撻放係保溫箱到，食落仲係脆卜卜，熱呼呼架，好貼心呀😍 話明日式放題，壽司刺身類就緊係佔大多數，多達至37款，緊有一款岩食😋.食物夠鮮：🌕🌕🌕🌕🌕食物夠鮮呢一part，真係要比滿分佢🙈吾止刺身夠新鮮，連熟食都新鮮滾熱辣👍.刺身方面，我地叫左三文魚，大赤蝦，特級吞拿魚刺身，彷松葉蟹捧，同帶子。一食就知呢個蟹捧像真度幾高，吾係d 咩雜麥牌👍 三文魚既色澤同紋路都好吸引，食落去仲好新鮮🐟大赤蝦咬落鮮甜爽口，特級吞拿魚刺身口感軟滑，筋少而脂肪多，魚味極濃！.天婦羅類，首推當然係虎蝦天婦羅啦！大大隻虎蝦，超薄嘅炸衣，咬落外脆內軟💕 .日式牛油炒蜆，呢款真係好惹味，好有鑊氣😍 又香又辣，每粒蜆都有蜆肉，吾係得D殼👍

［正所謂吃飽才有氣力減肥］秉承良好品德，所以又來食放題（欸？）好似一排冇食日本🇯🇵野就周身唔聚財（自己說）上次聽家姐講呢度quality 唔錯，又有靚雪糕食🍦，一定要黎會一會面～樣樣都點d有好多款汽水🥤啤酒🍻仲有sake,梅酒任飲！🤩野食方面刺身、壽司🍣樣樣齊，唔錯炸物方面，粉漿太厚同炸到好硬呢點要改善燒物出得都快，唯獨燒海蝦🦐到臨走先出雞翼正呀雪糕要大讚～有香港品牌的榴槤雪糕Haagen-dazs 3款雪糕 同比較少見的movenpick!留意番只可以點一次整體唔錯，野食又多款😋