御滿屋日本料理

营业中

休息中

旺角嘅日式放題，地方幾大坐得舒服， 食物選擇同種類都多，保證揀到啱食嘅嘢，出食物都幾快同冇咩漏單嘅情況~一開始先試吓幾款刺身同卷物，帶子、虎蝦同三文魚質素都唔錯，另外卷物全部都細細件容易入口，最愛花之戀~見隔籬枱order好多小龍蝦，辣辣地好惹味，不過我係第一次食，唔係好識剝小龍蝦😅😅燒物就點咗燒菠蘿、牛舌、帆立貝、生蠔同大蝦等等，唔會燒到好乾，調味都啱啱好~炸物就推介榴槤炸彈、虎蝦天婦羅同吉列蠔~食到差唔多最尾，睇吓有咩漏網之魚，叫咗啲有湯嘅熱食，鮑汁燴花膠、牛肉壽喜燒同清酒煮蜆~飲品方面最特別係有清酒同梅酒自助區，難得今次朋友主動話想飲就陪吓佢，不知不覺真係會飲多咗架~最後食埋Häagen-Dazs同Movenpick雪糕做結尾~

為食的肥仔行完山，又曬又熱，餓到飢荒，好想食放題。聽講放題＜御滿屋日本料理＞有"經典" 74品至"極至" 110品，4個組合可以揀，最後選咗"經典 74品"，夠滿足餓壞的我。🍣自助吧自助吧有飲品、前菜、生果同甜品糕點。坐埋位QR code 自行點餐，有刺身、壽司、天婦羅、一品料理、炸物、鍋物、燒物、雪糕甜品，另設有自助區域，有清酒/梅酒、飲品、熟食、沙律、糕點⋯⋯🍣刺身回本刺身梗係最先食。油脂豐富的三文魚、啖啖肉油甘魚、口感豐富的鮮甜劍魚腩，肉質軟彈赤蝦、北寄貝、脆口鮮甜赤貝。全部好新鮮，入口即化！🍣熱食天婦羅粉漿薄，清爽脆口。菠蘿燒香後，甜味突出。仲有花膠湯食！蒜蓉燒生蠔同蒲燒鰻魚烤出來好香好濃郁，另外鰻魚好肥美，一口一件，入口嫩飽滿！🍣m字頭雪糕最後一定一定每人都要叫一杯嘅貴價m字頭雪糕杯，食埋就超滿足！總結，呢間任食應該係全港最抵食、性價比最高嘅放題。非常適合大家約齊朋友仔來呢度一齊擦餐勁！

早排見到一間抵食而且可以食得耐少少既日式放題，自選兩小時$288，啱晒一家大細慢慢食。今次試咗佢哋嘅a款經典三重新鮮刺身江洋盛宴，雖然係最平嘅套餐，但係都有好多唔同種類嘅嘢食，包括串燒、刺身、壽司、手卷、特色卷物、鐵板、天婦羅仲有雪糕，雪糕仲有Movenpick同埋Häagen-Dazs添。餐廳係用QR code落單，上菜速度好快，等幾分鐘就有得食了。除咗用QR code落單嘅食物，出邊仲有前菜區、爆谷機、清酒梅酒自助區、估唔到仲有個爆谷機機！真係超級多嘢食！🎈 刺身叫咗三文魚、帶子、甜蝦、赤蝦、泰國生蝦、油甘魚。三文魚好肥美，而且厚身。帶子亦相當爽口同新鮮。赤蝦好大隻同埋頭部份有少許膏，值得一試。甜蝦同埋泰國生蝦肉質爽口，而且鮮甜。🎈 紐西蘭羊鞍好香，唔會太煙靭。🎈清酒煮蜆分量十足，蜆肉冇沙，而且都夠入味，可以一試。壽司🎈 鹽燒左口魚邊壽司左口魚入口即溶，燒過魚邊，有微微魚油香，好食！🎈 海膽吞拿魚茸壽司吞拿魚蓉份量好多，但又唔會太油膩，配埋海膽，口感十足。🎈蒜香帆立貝牛油壽司上到枱嘅時候已經聞到好香嘅牛油蒜味，帆立貝好入味，夠晒惹味！🎈海膽手卷海膽幾鮮，細細件幾好，可以一啖食晒，值

唔講唔知原來香港都真係有唔少餐廳做日式放題，呢間位於旺角地鐵站出口旁邊，設有ABCD四個價位嘅放題套餐，菜式多達128款～ 有日本空運到港嘅新鮮刺身，仲有壽司、燒物、一品料理、煮物等😃 平日晚餐都full曬，記得book位！見枱枱都有嗌刺身，油甘魚、劍魚腩、希靈魚、鮑魚、八爪魚等，個人最鍾意三文魚、北海道帶子同赤蝦，壽司卷物嘅款式都好多，值得一讚嘅係飯唔算好大，唔會食兩舊就飽～ 熟食嘅選擇都唔少，串燒推介有機菠蘿、燒物款款出色，秋刀魚超級大條，鰻魚夠入味，羊鞍幾嫩，帆立貝好juicy，蒜蓉生蠔唔算細隻、炸物有經典嘅芝麻雞，榴槤球，椰汁流心球，仲有牡蠣同芝士炸雞🍗一品料理都唔錯，炸雞球啖啖肉，蝦球爽口彈牙，粟米牛油香氣重，天婦羅炸至酥脆可口、唔夠飽嘅亦有泡飯，海皇粥，見好多人點，不過太飽啦試唔到😅出面有幾款熟食，冷盤，炸物，甜點同飲品，估唔到幾有驚喜，因為好多人攞而且會不斷refill所以keep住好新鮮🙈 整體性價比高，會推！

已經有好多年無食過放題，今日陪阿仔出旺角，貪得意即管又試下。餐廳位旺角市中心地鐵站E1出口側，電梯㩒1字，位置十分方便。餐廳主打日式料理放題，有四款菜單選擇。平日午市價錢由$238至$568不等，而食物最少由77品起至128品。我們選了《經典三重新鮮江洋盛宴》（$238/位），除了任食仲係任飲添。飲品設有超大自助區，除提供各款罐裝凍飲，更有清酒、梅酒及茶品供應。有凍有熱，悉隨尊便。食物方面，基本上常見之魚生、壽司、天婦羅都有。熱食方面，有各款串燒、日本料理、燒蠔，亦有飯等供應。想食啲乜，只需坐定定用手機掃一掃QR code ，便可以輕鬆下單。食物份量不會太大份，可以讓客人細细份先嘗嘗味道，如果喜歡可以再加單。咁就可以多試幾款不同食物，而不會食唔曬浪費食物｝。另設有前菜自助區，有多款前菜小食，例如泡菜、涼拌魚皮、海蜇、腐皮等，亦有多款炸物小食等等。最後，當然唔少得甜品及雪糕啦，同樣有供應。呢個午市放題，相信一定可以滿足到你。

好耐無放題一下，見呢間地點超近地鐵站，就黎左e度開餐今晚早放工，食完放題都應該夠時間消化😆😆😆😆，志在過下放題癮，所以揀左基本既「自選兩小時」$288/位，都有77款嘢食揀👍🏽👍🏽除左有一般刺身、壽司、串燒、天婦羅外，呢個價錢竟然有海膽手卷、蒜香焗蠔、清酒煮蜆（無沙）、芥末蝦球、麻辣小龍蝦、海鰻壽司、海膽魷魚等高檔小小既款式可選擇😍😍😍😍超開心❤️❤️❤️❤️海膽手卷唔腥臭👍🏽👍🏽、焗蠔新鮮夠蒜、串燒牛舌有微焦，夠爽彈（所以encore左5串😆😆）海鰻壽司好正，唔係迷你壽司黎㗎，一條海鰻拖長既壽司近餐廳入口處有自助飲品櫃、甜品櫃、小食炸物熟食檔！最欣賞飲品款式夠多款，今晚我第一次見既台式牌子茶飲，唔太甜，有茶味，好似出面無得賣咁。仲有熱飲區添！ 甜品今晚試左個迷你🍠香芋甜品（好香芋頭🍠味）、迷你楊枝甘露布甸（足料）、好綿綿既蜂蜜蛋糕同日式草餅（夠煙韌）呢4款，全部都食曬👍🏽👍🏽👍🏽餐廳上菜同收碟都好快手，又無漏單，唔怪得咁多人黎，最後個雪糕環節仲要有movenpick/Hagen daz/ Dryers揀，忙完一日既工作，今晚黎嘆返個久違了既放題，好大滿足❤️

❝❝❝❝御滿屋日本料理 (旺角) ❝❝❝❝都唔知有幾多年冇食過放題😆今日同老公一齊出嚟慶祝下工人終於嚟到香港，訂枱食放題慢慢食記得之前都嚟食過呢一間，原來新裝修咗，光猛企理咗。今次就揀咗個A set 成人每位HKD288 / 2小時呢個餐有77品 ，其實都夠哂我地兩個細食的人。刺身都唔錯😁老公都食左唔少，海膽迷你手卷都冇令人失望。有鮮味嫁！炸物方面都幾好，起碼唔似係翻炸！又唔會上台油冧冧如果係酒鬼嘅話，更加抵！因為好多款式嘅酒就都有

御満屋是一家位於香港旺角的日本料理放題餐廳，提供高質素的食物和舒適的用餐環境。餐廳提供多種日本料理放題選擇，包括壽司、刺身、炸物、燒物、拉麵等等，是香港比較高質的放題餐廳之一。御満屋不僅提供各式各樣的美食，還有清酒提供，能讓客人一邊品嚐美食，一邊享受清酒的美好滋味，增加用餐的樂趣。魚生新鮮，製作精細，每一口都能感受到食材的鮮味和口感，而且不會hold單，讓客人可以盡情享受各種美食。此外，御満屋的飲品款色也非常豐富，除了清酒之外，還有各種日式茶、汽水、啤酒等多種飲品，能夠滿足客人各種口味的需求。御満屋的價格也是相對合理的，非常適合想要吃到高質素的日本料理放題的客人。總的來說，御満屋是一家非常值得推薦的日本料理放題餐廳，提供高質素的食物、舒適的用餐環境和多種飲品，價格也相對合理，是一個非常適合家庭和朋友聚會的好去處。

唔知食咩就食放題系列😸揀左最平嘅晚餐時段，主力食刺身。👉🏻刺身係呢間放題嘅主打+回本位，個人最中意食赤蝦，真係好大隻好好肉😍見到枱枱都order大大盆刺身，非常壯觀。人流多食物流轉快，所以全部都好新鮮好甜，上菜都快。朋友唔食刺身都有好多選擇。👉🏻前菜有中華沙律、泡菜、炸物等等，全部自取任食，唔記得影😆仲有任飲Apple cider，清酒梅酒，黎飲酒都抵。👉🏻火炙壽司好出色，燒左口魚同三文魚好香，壽司飯質感都好好，驚喜驚喜。👉🏻燒菠蘿、燒牛舌、燒蠔必食，熱辣辣好惹味。👉🏻炸芝麻雞翼、榴連波波、炸秋葵，全部都即炸起超正。最後嘆番杯哈根大師，芒果味好香好滑😍

📍旺角 《御滿屋》經典日式放題朋友話好耐冇食過放題之前食過荃灣分店都唔錯😜所以今日就過咗嚟旺角滿屋🍣🍱🍤🍙刺身幾新鮮 尤其油甘魚同三文魚👍🏻吞拿魚蓉/海膽/蟹膏手卷我哋Encore咗幾次🤭😋蒲燒鰻魚好味 花膠好淋好入味另外有多款熟食：燒羊架,吉列炸蠔,焗蠔,燒蝦,燒帆立貝,各式串燒..前菜：沙律,泡菜,八爪魚,螺肉…飲品：啤酒,汽水,果汁🍹🧃甜品：tiramisu,布甸,奶凍,啫喱…任君選擇; 每人一杯Haagen大雪糕仲有清酒任飲🍶非常之滿足😬😜

📍御滿屋 👉🏻#muimui_mongkok👈🏻唔知有冇豬仔同大C妹一樣間唔中都想食放題今次同小c妹去左呢間御滿屋 食個平平地嘅餐 過下口癮😚😚😚A經典放題💰288✨前菜自助吧有好多唔同嘅冷熱盤有粒黑色嘅炸物有驚喜 入面係流心朱古力✨刺身（三文魚、赤蝦、甜蝦、帶子、鮑片）間唔中都食滿屋嘅放題佢哋嘅刺身都算新鮮✨壽司大C妹必點火炙三文魚壽司😋😋😋另外仲有啲卷物 不過有啲大舊 細食嘅豬仔要留意🤣🫢🫶🏻✨串燒我哋嗌左牛舌同帶子 正正常常✨炸物椰汁波波又有驚喜係流心咖✨🤤另外係例牌會叫嘅雞翼同炸蠔✨熱食👉🏻辣酒煮花螺大C妹呢排迷上呢道菜 見呢度有就試試佢有三大隻螺 煮到岩岩好 個汁好惹味🥰🥰👍🏻👉🏻牛肉烏冬小c妹話想食 唔好睇佢細細碗 份量都幾多下味道唔錯 烏冬有啲似稻庭烏冬😚😚✨飲品一般汽水茶都有 另外見佢有個菊花綠茶 清熱解毒丫嘛大C妹一定會攞解茶 邊食邊解 務求食多啲🤪🤪🤪✨甜品甜品櫃有蛋糕、布甸、奶凍、生果部分甜品有獨立包裝 感覺衛生好多推薦豬仔試佢嘅提拉米蘇😚😚 ✨雪糕雪糕有晒三個常見牌子(Dreyer’s, Häagen-Dazs, MÖVENPICK) 豬仔們留意翻每人得一杯🤣🤣

呢間日式放題質素真係唔錯，首先地理位置超方便，旺角地鐵站一出就係，而且環境裝修乾淨舒服，當然最重要係食物。選擇非常多，有刺身、壽司、熱食、冷盤、甜品、串燒，每樣嘅質素都唔錯，喺日式放題任食嚟講算係高質，每人仲送一杯Häagen-Dazs雪糕🍦！我特別鍾意嘅有幾款鹽燒海蝦、鹽燒牛舌呢兩樣都燒得好好，蝦🦐夠彈牙，牛舌爽口，我食咗好多串肥牛壽喜燒肥牛嘅質素一啲都唔差，好有牛味，湯底甜甜地，好好食芥末蝦呢個芥末蝦好特別，用咗芥末醬，好清新嘅感覺，而且個蝦好彈牙爽口火灸壽司🍣啲壽司款式好多，火灸處理得好，一啖一個，我都唔知自己食咗幾多個😝😝

人均$288，就可以食足2小時既晚市放題❤️真係好抵食，一班朋友一班同事聚會諗唔到食咩好，絕對可以簡呢間食，整體服務態度，食物質素同環境都唔錯👍🏻食物種類都幾多元化，就咁刺身都有10款以上，都新鮮好食，壽司系列都幾出色，飯亦唔會大大舊😂，可以食多幾款熟食同炸物大多數都即叫即整咁，上枱都熱辣辣，好加分，另外就算Encore再叫，質素都keep到出面仲有自助區，有啲熟食前菜，都好乾淨企理，飲品櫃都好多唔同種類整體水準都幾平均，非常值得食

一個月總有幾日偶爾食慾發作好想食放題，瘋狂食魚生炸物，300蚊價錢有77款野食任你任限叫，地點就係最熱鬧既旺角地鐵站一出就係，就腳得嚟又抵食，性價比唔錯。💵門口入去就有兩個大雪櫃既冷盤食物區，中華沙律、泡菜、海蜇，甚至連凍蝦、青口同蜆都有，食物都refill都幾快。😗隔離仲有啲炸物熟食，放左一段時間都keep住仲係香脆既。飲品方面就有成三大個雪櫃比你簡，其中仲有一大個雪櫃放左5種啤酒任你飲，一邊同friend食一邊啤啤佢，順便free flow 2個鐘都抵呀！另外仲有一個清酒梅酒吧任飲，有哂居酒居嘅特色！其餘飲品除左一般既汽水，都有啲特別既冇汽飲品，仲有啲無糖茶類健康少少既選擇。🍺上枱啦，魚生當然係首選啦，味道新鮮冇乜雪藏味，個人最鍾意帶子，放題呢講都算大粒而且鮮甜。🐟串燒炸物類都唔錯，上到枱都仲係香脆同埋熱既，食唔切放左陣都唔會乾身，個人覺得芝麻雞翼最出色，腌味夠加芝麻香同炸完既香口幾好食👍🏽甜品類都好多選擇有兩個雪櫃仔，用細盒仔裝住一口既份量，岩哂已經食飽飽但仲想滿足下食甜品既慾望，另外仲有一人一杯雪櫃，當日有4款口味可以簡，Häagen-Dazs、Dreyer’s同movenpi

今日去到旺角雅蘭中心附近慶祝我地音樂節完SHOW慶功宴加生日宴！決定去食一次日本放題！呢間店舖一定要兩個禮拜之前預約因為非常之爆滿預約！點解？因為呢間食物質素除咗好之外！出食物嘅時間速度亦都係相當快！除此之外只要你有朋友生日四個人頭已經可以免費送一個生日蛋糕！個蛋糕仲要係雪糕蛋糕嚟㗎！好味之餘打卡都好靚！講到明放題一定要講下佢啲食物啦！我最讚就係佢個左口魚壽司，入口即溶！仲有就係佢嘅刺身盛宴，全部都係任叫即上速度非常快！跟住簡單介講下佢嘅肉類，有羊架、牛柳粒、雞柳粒、牛舌、豬頸肉、芝麻雞翼、另外仲有海鮮：包括芝士蒜蓉焗生蠔、帆立貝串燒 、鰻魚串燒、燒青魚、仲有好好食嘅牛肉鍋蛋壽喜燒！仲有海皇粥！全部味道都非常之讚！跟住仲有一個好特別嘅美食！帶有咖哩味嘅肉醬玉子燒！佢配合埋三文魚花之戀，更加有不一樣的味道！跟住仲有一個冬菇花膠盤、海膽手捲海膽手捲拖羅手卷，全部都係任食二小時！最後我哋叫咗個碗仔金翅、同你做好出名嘅甜品榴槤炸彈，作最後嘅湯品甜品！通常再送多咗個生日蛋糕，係雪糕蛋糕！真係好開心好難忘！除此之外出面都有好多冷盤小食炸物都係任叫唔嬲！特別仲有爆谷機！各款唔同嘅水果，同埋糕點甜品！