御廚工房 (已結業)

本身諗住同朋友仔求其搵間食店醫下肚，冇諗過呢間食店竟然好有驚喜 價錢又公道 重點係好味 有機會會再同屋企人同朋友仔黎試試味道入味 有鑊氣 比起個d出晒名既連鎖店難得的好味 …查看更多

上星期已預訂父親節套餐，四位$988，見有老公最愛的芝士龍蝦，提前訂位仲可以平$100，即刻卜錘，今晚果然無令我失望，芝士龍蝦照舊有保證，超好味😋，食到老公同亞仔舔舔脷，蒜蓉蒸蟶子蒸得啱啱好，條老虎班超滑，蘆筍帶子好嫩口，唯一今晚是吃不到班蘭拉棷糕有些失望，朋友見到我放在Facebook的相已經叫我下次約大家一齊食啦！…查看更多

朋友聚會選擇試新餐廳，點了椒鹽鮑魚、椒鹽雞軟骨、咕嚕肉、孜然雜菇爆牛肉、黑椒粉絲煲、花雕蛋白蒸花甲、豉油王炒麵*冇影相，一上枱已清晒😆店員服務一流、新鮮食材。必試：孜然雜菇爆牛肉椒鹽雞要提早訂…查看更多

已經好耐冇試過短時間內接二連三咁幫襯同一間食店😋😋😋第一次夜晚walk in 冇位...咁就算啦第二次成2點去食lunch, 當然唔使等同個女食左碟XO醬豬頸肉炒烏冬，佢足足講左2個星期...應該係覺得好好食第三次同屋企人食，下午打電話去好在仲有位💪🏻💪🏻今次食晚餐，叫左冰鎮咕嚕肉、話梅豬手、浸勝瓜同芥菜排骨煲嫲嫲剛出院，要食得清d ... 味精同糖、鹽都唔叫重手...係個話梅豬手唔知係咪驚佢太酸所以落左好多冰糖？甜左小小但唔係唔好味😅😅只不過嫲嫲血糖高唔食得😖第四次同埋老公黎食，爺爺點名要叫多次冰鎮咕嚕肉俾老公食🤣..再黎個沙鍋魚頭煲同粟米班塊...一樣都係咁正冰鎮咕嚕肉要雪佢五到十分鐘，等佢個面d糖醬硬晒先脆卜卜...我覺得有d似拔絲xx咁沙鍋魚頭煲唔只有魚頭，仲有火腩、炸豆腐同菜...跟著大家已經約緊下次黎食佢個父親節餐😍😍大家想試記得打電話book位👍🏻…查看更多

家庭樂、最快樂！😃😃😃今晚試新嘢！呢間御廚工房實在俾我地無比驚喜！一間極具誠意嘅食肆！個荷香蒸🐤, 荷香清香無比，紅棗龍眼肉浸入🐤肉入面，嫩滑甘香！特別極力推介話梅🐷手，甜話梅嘅甜同🐷手夾得天衣無縫！🐷手嘅皮炆得爽口彈牙，美味無窮！最主要亦因為用料新鮮上乘，店用新鮮🐷手， 並非雪藏凍肉！ 當然亦有賴那供應商提供上好的食材！😜😜😜 大家經過深水埗長沙灣， 不妨來這間新開的食肆， 嘗嘗他們有誠意的味道！…查看更多

家姐生日揀咗一間親民飯店，食物有水準👍🏻，好耐冇食過咁有水準芝士龍蝦非常美味😋，冰鎮咕嚕肉外脆內軟綿綿。不能不提服務態度超水準，親切誠懇，我們只是問一問有冇新出的白色可樂，老闆即時叫夥計到外面買一罐返嚟俾我哋😍今時今日咁嘅服務態度真係難搵！真係加分加分再加分，真係要吹雞叫多啲人嚟幫襯…查看更多

小弟第一次寫食評，原因實在係呢個鋪頭既服務實在超超超一流話說本來今日係食家人生日飯，來之前都覺得無咩特別，但首先唔使收切餅同開瓶費，已經覺得幾抵。後來一直食發覺啲食物質素都唔錯，海鮮亦幾好，又加少少分（加上事頭又幾好傾）但真正令我寫第兩食評，係因為我地個餐有飲品包，咁最後店員問飲咩時，家人多口講左句“有新既白色可樂就好喇”，就一句玩笑話，店員話“有”就行開左。結果原來係專登出去幫我地買咁既服務態度，終於令我寫左咁多年以來第一個食評，實在要強烈推介…查看更多

有驚有喜！見有新餐廳開就約朋友去試一試。入到鋪，見到枱枱坐滿，又叫到成枱係餸 就知冇去錯地方有驚：睇menu，道道菜都夠地道又惹味，送飯一流。最緊要價錢公道，開頭都驚伏伏地！有喜：當然，係由第一道菜到最後一道都好味。加上餐廳員工都好nice, 我地幾個女仔有啲選擇困難症，都有耐性推介招牌菜！哈* 其實，對於成日出街食飯嘅我，搵到一間小炒係惹味有鑊氣（真係好緊要！）但又唔會死好鹹同好味精。真係好開心，呢個餐廳一定會成為我嘅飯堂！因為食得太開心，所以一落枱就立即起筷，所以影唔切相，下次去會記得影…查看更多

母親節大日子，梗係要帶兩老去飯堂食好嘢啦！好在一星期前已訂位，六點半準時到達，即時有位，中段有街客行入嚟都無晒位lu！雖然預訂左食母親節套餐，但用料和份量都絕不欺場，就連家中大廚老媽子都讚用料新鮮，好食兼抵食！家姐未食完呢餐，已睇定餐牌話要帶朋友嚟再食咧！😆…查看更多

我哋一班波友幾本上每個星期打完波都會喺深水埗/長沙灣搵食，所以開咗間新店差唔多馬上就知道。開咗一個月左右，我哋已經係第二次去食，上星期食完已經訂好今晚, 仲預留咗個湯, 亦係去確認佢哋嘅水準係同第一次一樣咁好，可以列為我哋常去嘅餐廳。因為打完波，所以我哋坐低都會先叫啤酒，啤酒夠凍係必須嘅條件，而值得一贊嘅係佢哋嘅啤酒杯，全部都預先雪凍，細細隻好容易咁一口氣飲曬, 第一杯真係....正！另一樣冇得輸嘅係佢哋嘅燉湯，百幾一鍋夠6-7人飲，上星期飲咗螺頭湯(唔記得有冇花膠)，非常甜而且膠質好重，今次係預先訂好嘅川芎魚頭湯，同樣鮮甜美味而且藥材味濃郁，絕對抵飲。因為打完波接近9點至食飯，所以亦唔會點甚麼特別嘅餸，都係餸酒同小菜為主，雖然冇燉湯咁驚喜，但亦甚有水準！最後就來個炒粉麵補充吓澱粉質，上星期係乾炒牛河，今次係豉油皇炒麵(仲要 encore 多一碟)，兩者有個共通點，就係鑊氣足用油少，食完冇咁罪疚感！😅咁樣食法連啤酒嘅人均消費只係$140。點菜除咗睇餐牌，更要留意黑板上嘅推介，肯定會有驚喜！另外就係佢哋嘅態度親切，有空就同食客打吓招呼傾吓，問吓對食物嘅意見，仲會同你飲番杯！…查看更多

俾個like 先好味見佢新開，班FD 約左收工一齊去試下。😱OMG..入到去一睇佢餐牌，大部份都係海鮮⋯因為我本身海鮮敏感，所以有點失落，心諗，好肚餓😞無得盡情食。但好快啲嘢食就來啦。我真係忍唔住要食，豁出去，最多食完啪反兩粒幸福傷風素解解去賣相100分🤣第一道食：❄️冰鎮南非鮑魚 - 無得輸👍🏻第二道食：😋加拿大象拔蚌刺身 - 勁新鮮，爽第三道食：🍲海皇豆腐羹 - 啲蝦仁好滑同鮮甜之後：金銀菜燉白肺湯 - 入面有好多雞腳等，落足料燉澳洲龍蝦上湯伊面 - 龍蝦真係唔敢食，好易胃痛，所以淨係偷食左一啖🤤但都好爽甜，伊面唔洗講😂狂食🦐美極海中蝦🦐 - 一落枱已經聞到勁香❄️冰鎮咕嚕肉❄️ - 咕嚕肉埋係沙冰中，等5-10分鐘就可以將冰山劈開😂⋯⋯入口脆^_^^_^煎封法國鵝肝 - 本身勁鐘意食鵝肝，入口超有滿足感覺😂師傅煎到勁香口。🥦翡翠鮮魷🦑～食到依味，已經好飽。但係好自然地繼續食🤤金銀線粉絲蒸扇貝🌟 - 好大粒🙊黑松露炒蛋☀️ - 😌又係我至愛，啲黑松露好香，炒出來個蛋又滑，仲有好多蝦係到。銀山火焰桶蠔 - 用錫紙包住，係你面前點火去燒一陣就食得總括: 材料十足，一啲都唔孤寒。服務態度，親切貼心。店長主動介紹佢地食物，盡量滿足你要求。上菜都好快。物超所值但一時未能試晒咁多款式，來緊會再來食🤣好想試埋其他菜式。…查看更多

今日接完女朋友收工，係度諗緊食咩果時，突然諗起有個朋友介紹話堔水埗開左間嘢，啲嘢好好味，於是決定一試，點左一個椒鹽一字肉排，一碟清蒸沙巴魚，一個黑椒娃娃菜粉絲煲，食材新鮮，食得出師傅係有用心選材價錢亦唔貴，會再來光顧…查看更多

第一次食椒鹽鮮鮑魚好好味又新鮮大家一定要試（要先預定）另介招大家（銅盆蒸雞，水煮魚，椒鹽雞軟骨，黃金蝦，話梅炆豬手，海鮮粉絲什菜煲）都要試吓值得一鑽是店內員工好有禮貌物超所值…查看更多

雖然好多人話深水埗好多好嘢食，但其實有好多間餐廳都係伏... 呢間餐館係我屋企附近新開，見佢上次開張其實已經去過一次，嗰次冇影相... 我同男朋友兩個去食，叫咗個冰鎮咕嚕肉同金銀蛋菜，已經覺得好大份... 兩個人差啲食唔晒..今次午餐再去幫襯，個侍應不嬲都好親切，佢話除午餐嘅餐牌外，另一個餐牌啲嘢都係可以跟湯同熱飲... 於是，我叫咗個菜莆蝦球炒飯，個飯嚟到我都忍不住話「個飯炒得咁靚嘅」，隻隻蝦都好大隻，而且又係勁大份... 又有湯又有熱飲，只係正常一個午餐嘅價錢，但有晚市嘅質素... 真心可以係我假日嘅飯堂～ …查看更多

小店原來4月初先開張，第一次幫襯係朋友介紹一行7人試試佢！餐廳環境感覺舒適，食物美味，老闆亦會熱情招待詢問對菜色嘅意見，所以幾日後好兄弟生日就揀呢度再去多次啦😁第一次老闆告知，由於餐廳新開，也在觀察客人們鐘意食乜，口味係點，一路改良菜單，就憑呢番話，都睇得到『御廚』嘅用心！老闆亦可預訂菜色。燉湯～天天不同，真材實料，無味精，無得輸！誠意推介，一定要嗌！冰鎮咕嚕肉～招牌菜，保持水準，好味！ 溫馨提示：咕嚕肉稍為用冰埋一陣先食會更脆口！水煮桂花魚～另一招牌菜，落單時可向店員提出辣度，可調較，麻辣咪做得出色，香且麻，魚亦煮得非常之滑，超讚！黑椒娃娃菜粉絲煲～如名，看似普通嘢，但原來味度都非常特別，藉得一試！黑松露蝦仁炒蛋～蝦仁大大隻，蛋亦滑，配合黑松露，正！辣酒花螺、黃酒雞子～兩個預先同老闆預訂菜，無嘢講，好味！4個大男人飲飽食醉都係每人二百幾蚊，抵到暈，最重要係用料新鮮，美味，老闆伙記都有交流有招呼，嗰份用心係現在少有嘅！《御廚工房》正式列入飯常名單😋…查看更多