御家迴轉壽司 (已結業)

店子初初開張時朋友去過一次，說壽司不錯哦。於是晚餐決定試一試。店子地方小，座位狹窄都是意料中事。舉頭一望乃播著香港各歌手的演唱會片段呀，MTV等。雖說是放給客人看，但連壽司師傅都一邊做壽司一邊看…喂喂…叫了什麼壽司其實已沒有什麼記憶，應該有劍魚、鰻魚；總之壽司飯真的難吃得很，飯的甜味曖昧不堪。因為想呢餃子，見到菜單便要了。本來的香煎餃子變成炸到像咸水角般模樣，始料不及。另要了放湯手打烏冬，味道去了哪裡…？忍不住中途離場，幸好一開始沒有要了太多，之後改去別處吃拉麵，總算飽了。真的奇怪廚師究竟有沒有試味？

周末的銅鑼灣真不是一個揾食的好地方，八點幾依然四處長龍，好不容易揾到一間不用排隊的迴轉壽司店，又見Openrice張貼的poster，好似食落定心丹咁，開始了迴轉壽司之旅的第一站，誰知往后一發不可收拾。御家的價格較平，種類又多，尤其是特色小食與火炙系列。特別抵贊的有火炙芝士系列，芝士與魚生均落得不少。小食中的芝士燒帶子則有勁多芝士與牛油，一共四只帶子并配有不少洋蔥青椒，因為個人非常喜歡芝士，尤愛這一道。味道麻麻的是炸蝦天婦羅及蟹棒壽司。前者粉頗厚，亦無天婦羅的酥脆可言；后者的蟹棒味道假假的，與其他壽司點的出品相比較弱。不過怎樣，個人覺得御家都是值得一去的壽司店，價格與質素之間總要有取舍。它又激起了我與朋友對日本野的喜愛，此后又一連去了好幾間迴轉壽司店。

個人認為唔多點．D魚料唔算新鮮，同元氣D死完再死ge魚料唔差得好遠．價錢唔見得比元氣平．款式多少少咁la．當日其中叫咗一個清酒蒸硯。奇在攞到岀呢原來唔係蒸硯，係蒸貝．D貝大大隻，白色，個尖度紅色，有S似北寄貝。蒸硯變蒸貝都算，但S貝蒸到過晒火，煙韌無比。牙力少d都死。又無酒味，就連咸味都冇。與其叫清酒蒸硯．不如叫清水烚貝仲貼切。元綠同别府都已經唔算好好食，但都比佢好好多。我試過自己係屋企ｓａｋｅ蒸硯都好味過佢多多聲。唔點！唔點！不過至唔點ge係沖茶個水龍頭係壞ge．出D微温ge唔“湯”唔水．問佢佢仲話“未煲熱”姐．結果煲到走果陣都仲係唔熱，都唔知飲果D係咪生水呢．埋單時好心同佢講佢個水龍頭可能壞，一直D水都唔熱．個姐姐竟然答話“幫我跟”wor．我都走lor，幫我跟咩呢？我寜願佢講聲唔好意思lor．話“幫我跟”似熑我煩，吹毛求疵多D．咁ge價錢,咁ge質素,我唔洗幫親佢ya.

尋晚專登同老公走出去銅鑼灣食宵夜，諗住試新嘢(我地去開排好耐隊果間)，點知無諗過一去就即刻有位，果陣講緊都係九點半左右，都已經心知不妙，銅鑼灣加上時間尚早，無理由會咁順利但都唔理。一坐低就即刻叫左墨魚、象拔蚌、油甘魚同玻璃蝦，墨魚佢好似就咁切片就算連D依都未清；玻璃蝦同象拔蚌唔新鮮；油甘魚就一般，但最失敗就係D壽司飯一D都唔"黏"口兼生米，好彩我地叫四碟食住先，如果唔係都唔知點算！

大約十點九去到, 坐迴轉位, 跟住就後悔啦上邊轉下轉下啲壽師不停咁轉左三個字都無人拎過, 所以決定... order 壽師, 好老實講, 啲sushi 真係好一般, 感覺係魚同飯係分開食緊咁, 或者只係食緊飯.... 反而啲熟食都ok , 炸蠔同埋燒雞軟骨都幾好食兩個人埋單食左三百二十幾.... 唔算貴...不過應該唔會再有下次...同埋, 入邊洗緊野個學徒, 個大帥傳叫佢洗多次佢竟然話未好乾淨囉, 但係我只係見佢求求其其過左一次水...我對呢間野既衛生抱有懷疑

睇完open rice 食評,本來上一樓x壽司,但超多人,又超肚餓,結果我同個fd好衝動咁入咗呢間黑店d嘢食睇嚟係幾靚,但無一樣食得落口,1.蝦盛,三種蝦都無味道,甜蝦直情連尾都甩埋2.劍魚腩壽司,d肉唔爽3.串燒冬菇,d菇up ar, 點食ar?4.海膽唔新鮮5.超大帶子,好腥6.蒸旦,連蒸旦都可以蒸得咁難食,總結, 可以執得!!!

昨晚飲到半醉去左哩到食野..12點40去到..個經理話12點45就last call..(收兩點喎..一點都未到就last call)食物唔叫好食但就好似差左點壽司飯一係冇醋味一係就勁酸(醉醉地都食到勁酸=.=)..最過份叫左劍魚x身黎到係黑色囉..因為係我朋友食佢話算咁我就冇出聲我林我下次都不會再去ps: 睇番"開飯喇"先知食滿200有8折優惠卷佢地冇比囉仲有張單$299..比左300唔找番1元唔係錢的問題係佢地都係要找左比人先...

7個FD一齊去食..夜晚不錯..食左好多野，埋單都係每人百零左右，炸蠔、帆立貝、清酒煮蜆非常好食!雖然環境係窄d..但我地全女班坐得都OK~加上在cwb..我覺得迫都係正常既..惟一就係等位..可能係星期六晚..勁多人..等左半個鐘..不過個經理都好好人，又同我地吹下水咁..入面d waiter都不覺服務態度差..正常既..唔係好好又唔係唔好囉..唔會串咀，不過可能時段問題，都有聽過fd話lunch hour的waiter同食物都好差!但整體黎講晚飯OK，大家第一次去食都好滿意，一定會再去！

我們一家人(31-12-07) 剛在些分店吃完午餐。待應態度差，不夠人手，12:30am order 至1:45前菜，沙律，生果也未到，只吃完壽司，魚生飯，走人。全部人都要追到氣咳才有得吃，剌身不夠新鮮，一個壽司餐分两次到，飯太甜，總之吃到一肚火。在附近的幾間曰本料理好不知幾倍。

銅鑼灣區＄三十幾食到成ＳＥＴ野你仲想點＝。＝。。。。。。。睇你都係做開電車男果Ｄ。。仲有。你識吾識打中文嫁。咁多正方形既。。真係囧曬．．．．．．要食好野比多小小＄拉。

十二月廿四日(星期一)去完工展美食之旅都要抖下,所以去左睇"魔幻羅盤"都ok呀~!!!Daemon.........之前諗住好smart咁去左板前拎飛,等200張,睇兩個鐘後,點都有喇掛~~點知仲有120張-.-!!!咁我地唯有去第度啦,怪獸!今次試左御家!等左幾張就到!不過呢度既位就迫左d!隔離仲有一pair成餐都冇講到野既情侶,可能佢地覺得我地好嘈,因為我地又argue喇-.-!!!見到sushi line上既野食,都唔知新唔新鮮都係叫穩陣d!因為佢d蓋有d洗潔晶lor-.-叫左好多野食呀我地!排名不分先後:1)三拚sushi,我食左salmon,都ok啦~~~不過唔係好有腩feel!2)三文魚sushi,都一般!3)蝦salad sushi,好似老公仔話,呢d有salad都唔會難食...4)玉子,唔熱冇板前咁fresh同甜!5)甜蝦,haha!我冇食到,所以有人話我呃左佢^^好野當然留比您啦!6)軟殼蟹sushi,都食唔係好到有軟殼蟹!!!7)北海道帆立貝,原來係芝士呢!!!都好味,不過男朋友仍話"貴"又唔食,係我比佢呃先arm...-.-8)特上海饅,wa~~好大條呀~~~好足

2007年12月18日，御家路過這裏，又剛巧想吃拉麵，所以進去了。真的後悔莫及。進去的時候，我看見整個吧加埋我總共3人，因為趕時間，所以見無乜人就以為可以快D食完。點知叫了拉麵套餐，等了15分鐘連沙律麵豉湯都無。有無攪錯呀？無人都可以檔?後來成個吧都坐滿人了（都有10幾廿人），於是追啦，其他客人也開始追了。卒之等了20幾分鐘先來沙律麵豉湯，真係好嬲！沙律：好少，唔似整好喎！麵豉湯：OK。叉燒拉麵：好難食！D麵好腍，完全無texture。叉燒好大雪藏味，無食哂。實在難食，記憶中是最難食的拉麵。熱檸蜜：成個套餐最好的一樣，唔會甜椰椰。不過又係催兩次先。唔會有下次。

今日同老公去食lunch，點左：１）日式薄餅﹣成塊薄餅只食到麵粉，好求其！２）清酒蜆﹣D蜆好多沙，又煮得太耐，一D鮮味都無！３）燒鯖魚定食﹣呢個算係比較好架勒。４）松壽司定食﹣賣相好好好好好肉酸，完全衰過百佳果Ｄ多多聲，Ｄ魚生好似用手“搣”開０甘，三文魚橙色得好假，從未食過無味既魚生，個樣又好似好唔新鮮，不過touch wood我食完無肚痾。食食下聽到隔離檯果位女士話佢果個豬軟骨唔好食。隨餐附送既麵豉湯竟然有洋蔥同紅蘿蔔，真係第一次見！全餐飯最似樣既竟然係杯送既熱檸蜜，死未？自問對食要求不高，呢間餐廳真係要改善下！

昨日西環都開了一間御家,我同朋友都喜歡吃壽司,見開了一間御家就立刻入去食.點知一入去等了好久才有野食而d野食好唔新鮮.我叫了一碟蝦壽司點知d蝦有一條好大的蝦腸..咁大家就知蝦腸就蝦屎啦!.....令本人立刻無胃口再食,立刻埋單.點知埋單又計錯數,真是一間9流壽司店

一咬開件加州反卷，見到舊三文魚有ｄ黑點，初頭我都以為係紫菜，不過睇真ｄ又唔係噃！經過一輪考究之後，終於斷定舊三文魚係發左霉既！同侍應反映左，佢就換番件三文魚壽司比我，我同佢講：「我果舊係加州反卷喎！」佢竟然答：「事但啦！差唔多啦！你想要番舊加州反卷牙？」我心諗：你比番我，我都唔敢食啦！但最奇怪都係個侍應竟然會咁事但同求其，講ｄ野會咁唔負責任。以前好多時呢間野都排長龍架！唔知係咪食物質素差左，宜家無人排呢？奉勸腸胃唔好既，千祈唔好幫襯！