御家迴轉壽司 (已結業)

御家在銅鑼灣是比下去的一間但不用等位, 而且坐位舒適, 我很喜歡獨立兩個人卡位價錢也較便宜, E.G. 火炙芝士三件, 4色刺身這次試了, 發現壽司大件, esp 壽司飯一定食得飽, 都算慳到錢, 又滿意到想食壽司的心理

咁岩見到呢間野~就盲中中咁入左去食啦...入到去都已經覺得奇怪~個個都係食set lunch~冇人嗌壽司食..但我同我個fd叫左好多壽司..大概有: 三文魚腩,海謄軍艦,北寄貝,腐皮,蛋,茄子,燒秋刀魚,燒芝士魚腩,蟹籽沙律,吞拿魚等等... 冇一件我覺得係好食- - 一碟2件~about $20~30一碟~又細件~唔新鮮...d 飯又散..好唔掂!!!!而且d waiter好冇禮貌~叫幾次先應人~但埋單就好快手~一共食左$208~唔抵呀真係

嘩........................真係平到唔相信一蚊食三文魚壽司仲要任叫尋日路過見到一蚊三文魚即刻去試下我本身好鍾意食三文魚我最鍾意去呢D鋪頭食一定新鮮點解?因為流量大一定放心以咁既價錢加上響銅鑼灣好難有呢D野食但服務都算OK既......因為實在太多人我地7點到等位都等半個鐘(4人)一蚊黎食都唔過份可接受最後總結:約左20號再黎食

平時經過呢間舖頭都見人頭湧湧…仲以為好掂啦點知當晚大約11點幾到達，門口仲見到有8折，見咁抵咪試下囉…而因為我男朋友係好喜歡食日本野嘅，所以我真係陪佢試過好多間，龍與鳳我相信絕對識得分，呢間真係算係我食壽司以來，最難食的一間，因為壽司飯仲暖暖地配起魚生食起來真係好難食囉，賣單2人要$250，仲要係食唔飽，其實因為難食到食唔落。比起我上次去板前2個人食都飽一飽+好好味都係$450，呢間野真係唔抵兼食物質素差，而且服務一般。到後來結賬仲以為有8折啦…點知佢話如果menu旁邊寫個唔記得左咩字嘅local就無折嘅，但基本上十款有8款都有個local囉，之後我再睇下個易拉架點寫個優惠點寫啦，發現都無標明清楚呢個規定，而且又無侍應解釋，實在真係有誤導顧客成分囉…我保證唔會再去呢間野食飯！！！X_X真係搵笨。劣劣劣劣叫左好多款壽司 + 蟹籽沙津1)牛油果壽司 – 雖然牛酒果係好大舊，但牛油果太生兼無嗰種香味。2)三文魚壽司 – 乜味都無，仲衰過係百佳買d壽司。3)甘蝦、牡丹蝦壽司 – 尚算可以。4)茄子壽司 – 淡 ‘茂茂’。5)帶子壽司 – 無鮮味，又係 淡 ‘茂茂’咁。6)北寄貝壽司 – 比起板

不找食店不發覺，為什麼openrice上見到銅鑼灣有很多食店，不過去到就是不見了，很多店子也很秘密呢，是因為貴租，都租了地底和樓上鋪嗎? 走到sogo 附近，見到三件壽司兩件價錢，六點就有得平，不過只是迴轉壽司才有，加上只是等兩張抬，就選這間吧。雖然加了一件壽司，但不覺得太多人在迴轉帶上拿壽司。一開始不知道，拿了兩三碟，就發覺不太新鮮。所以最後都是自己點，和等新壽司放到迴轉帶上。談不上好吃，環境也沒有特別花心機，有兩個大電視機生色了點，MTV的歌很新，有G.E.M.，有蘇永康演唱會的歌，也有一些很久的張學友歌呢。(其實日本店子播日文歌好一點)自己點的是不一樣的，我們點的多是燒過的，最好吃的是芝士鰻魚壽司 ($20)，芝士和鰻魚佔的位置也不少，芝士燒過後溶在鰻魚上，淋淋的口感充滿著芝士和鰻魚結合的香味，最出色的就是這壽司。我們也試了芝士燒三文魚壽司($15)，芝士也是同樣的多，但味道不太夾。見到海鹽系列有五種味道的粉，包括檸檬，海鹽，綠茶，咖哩，梅和柚子，感覺也是怪怪的，不過好奇心下又要一試。用上墨魚鬚加LEMON 味，發現沒有特別，吃不到檸檬味道。特別一點，還有牛油果壽司($9)，咬下

今次第二次黎食了...上次黎食過一次Lunch，但待應姐姐態度唔多好！不過見佢午餐八折咁抵食，今日都黎食第二次！刺身定食 (配白飯，湯，蟹子沙律，熱檸蜜同埋甜品)有三片三文魚，三隻甘蝦，四片仔既帶子都幾好味喎，三文魚都唔細片，甘蝦都唔係最細個重，帶子都幾好味唷！不過係細細片！但呢個價錢ok 啦！豬軟骨拉麵 (配湯，蟹子沙律，熱檸蜜同埋甜品)朋友仔食呢個，都好大碗下，朋友仔話幾好味！我下次都試下先得！你話係咪好正既魚生，咁又唔係架啦！不過都叫做新鮮既~~~~~ 呢個價錢係銅鑼灣叫好抵食架啦！今次唔多見到上次個個唔好禮貌既姐姐，可能我地坐另一邊啦！所以今次食得幾開心唷~~~

12月29日同朋友行完工展會,諗住去峰壽司吃飯.點知去到見到隔離間御家門口大大隻字寫住(和食半價) 半價!!!唔係啩.咁抵.一問之下,原來係夜晚6點至10點做緊promotion,有廿幾款熟食做半價.我咃睇過個menu,覺得d價錢真係好抵,所以就決定試下. 你知啦過完聖誕又到元旦,梗係想慳 d啦於是我哋一行4人(4 隻蝗虫),就衝落去食餐勁!一坐低我哋就狂點d半價食物,有串燒啦,薄餅啦,燒魚頭,魚鮫.....................太多啦,唔係好記得.另外我哋都有食壽司,雖然無半價,但係 d 價錢都唔貴,好似火灸三文魚咁都係$9一碟.d 食物水準都好ok. 服務態度都唔錯.最緊要就係埋單都係三百多d.抵

因為送三文魚刺身, 貪便宜去試落到去看menu......普通了一點叫了幾個sushi, 帆立貝六蚊一隻...okay 啦清酒煮蜆...無味的擦子膠...不過就好大隻...但有沙燒牛仔骨...普通而矣真係很普通...很平凡.....可來可不來...都不是你損失

尋晚又同老婆黎左御家 , 勁食 無計 , 太掛住茶碗蒸喇 , 有半個月無食喇黎過咁多次 , 都仲成日要問住邊 d 無七折 ,明明記得之前食佢話甘蝦壽司無但剌身有 ,但尋晚問又話甘蝦o既剌身都係無 @@" 不過算啦 , 老婆話齋有無都係咁叫o家啦 ~必點o既燒三文魚 , 好香好好味 , 鵝肝今次老婆話差左 軟殼蟹仍是熱辣辣脆卜卜 ~ 三文魚子 , 海膽都好正 =)吉列蠔對我黎講今次唔夠熱 , 冷烏冬不錯但開始厭老婆點o既雲丹咩牡丹蝦壽司 , 隻蝦好得 !! 好好味 ~最後不能少得茶碗蒸 一個真係唔夠喉 ...今次老婆無 encore , 平時我地兩個人食四個o家

呢間野係巴士站落車處, 每次都一定看到, 所以就... 落左去食啦.個店的設計好似一個酒吧, 而且也有點格調. 又強調自己的魚好.不過呢d野講係無用, 食過就知道. 結論係熟的不錯, 壽司類的很差.好懷疑整壽司的是否真係壽司師父, 飯一掂就散壽司料又放唔好...不過有電視看, 其他野不錯其實(唔叫壽司的話)都係可以一食.

很久沒有來吃東西啦!早前在這裡看到有很多不好的食評,心想真的差了那麼多嗎?上星五收工後再去吃,九點半來到不用等位,但我朋友九點已來到,她說九點的時候還要等位的,入到去全個場坐滿客人點了很多東西,不覺得差了那麼多呀!只係我叫的三款有紫菜的壽司中,只有一款壽司的紫菜是脆的,令外兩款的紫菜是淋淋的,其他食物水準也是差不多!

入去前望下餐牌，個餐牌印得幾靚既，又見到有熟野食所以咪入去試試。無table, 只有belt only...唔理喇，照衝入去。除左餐牌印得唔錯外，仲有話食一碟sushi會加送50%sushi俾客人，即係一碟原本有2件sushi既會有3件囉。友人和我order左:綠茶冷麵 (冇綠茶味@@)三文魚sushi (不新鮮的三文魚...)玉子 sushi蟹柳 sushi (唔知點解個師博一直整呢款sushi ar)軟殼蟹 sushi三文魚手卷 (同三文魚sushi同價錢，不過條魚肥美好多)北海道元貝燒 (勁多蘿蔔... 元貝燒到過熟勁細粒同咸)呀，雖然錯belt喇，不過條belt上面冇咩sushi lor...黎黎去去都係果d咁所以我order既都係起order紙上面點。不過，起order紙上面點既得兩件咋所以個所謂既discount都冇咩用...出面既廣告冇寫到出黎

是日紀念日, 去了陪女友, 女友想食話想食壽司, 好~!近近地就落左去呢間御家四點幾到, 唔知係咪因為呢個時段無乜人, 所以, 佢無開到迴轉帶, 坐order 枱.....無所謂但係佢張枱係2 人L型咁坐, 兩邊有很高的間隔, 感覺是很有自成一角的, 但是, 佢個位真係細得太緊要, 我女友我同兩個L型坐, 係會頂腳架!!!但係, 我太懶都無理, 直接叫野食一共叫了四款壽司 (三文魚x3, 八爪魚, 玉子同墨魚鬚)嗯......整體一般吧可能今日無落wasabi, 所以食落d 三文魚, 好似有少少唔同咁, 口感比較似煙三文魚,八爪魚, 我覺得幾ok 的, 食到算鮮甜的玉子, 唔識分好八壞, 只因女友喜歡墨魚鬚, 口感同魷魚差不多, 黏黏的d 壽司飯, 算是很不錯的了, 不易散, 又不是死實實的, 帶一點點的酸另外要了一碟炸軟殼蟹, 即叫即炸, 熱辣辣, 很好食,成隻蟹的形砌返出黎(四件), 比起軟殼蟹壽司(2件, $22) 呢個($25)算抵呀~食食下, 我發覺, 佢播緊ge MV好鬼大聲, 阻住晒我同女友講野, 而另一重點係, d 歌我唔鍾意,好似在MK 行緊街咁.....雖然整體食物

同老婆成日周圍食壽司 , 通常都要有兩三樣令我地好滿意o既野食 , 我地先會 encore ,而呢間御家應該係我地食得最多次o既 所以見到咁多個喊面 .... 好唔明 ??? 點解講到咁差 ? 呢度 d 姬甘蝦壽司同燒三文魚壽司都好好食 , overall 食過咁多次 d 甘蝦都係鮮甜o既 ^^ ( 不過老婆尋晚食到個苦o既蝦頭 , 但我o個隻無 ... ) 燒三文魚好食過有芝士o既 , 可能因為要燒溶 d 芝士所以過熟 ~ 另外仲有燒鴨胸壽司同燒鵝肝壽司都幾好 , 鵝肝都幾大塊但老婆話齒頰留香o既效果不足 ~ 軟殼蟹壽司係我近兩次發現o既 , 唔肯定係咪新鮮炸出黎但係至少唔會凍冰冰 , 最唔鍾意叫軟殼蟹係比 d 爪你 , 睇落去好似大大舊但係無肉食 , 呢度我食過兩次都係半邊蟹身 , 好好味 ~ 壽司好似係咁上下啦 , 卷物可以唔食無乜特別 ( d 名幾型囉 xp ) 睇返張相係第一次去o個陣影 , o個一堆白/肉o既叫花蝦壽司o既唔好食o家 , 海膽同三文魚子 ok la 唔難食又唔會係好正囉 , o個個御牛卷就真係幾唔掂 ~輪到小食喇 !! 重點要講o既係 " 茶碗蒸 " ,

貨色平平....無乜特別......不過大概都知咩料......同一間公司.....咪又係會比同一樣貨你食....元綠轉御家....個名好聽o的囉...叫了三文魚,甜蝦,劍魚....等等~o的蝦個蝦頭.....唔見得人....起哂白點.......我真係好想知道個師傅知唔知咩叫新鮮?咁都出得黎比客人??o的劍魚咬落口水份多到......無法形容.....同埋係爽口....咁o既劍魚我第一次食..其他無乜特別...唔講緊張時刻到啦~就係o的壽司飯....o的飯好甜....仲有一陣唔知咩味...正常應該酸嫁~就算去o的有水準o既壽司店~o的飯最多帶有少少咸o者~(唔駛點咁多豉油)粒飯好似不經人手整出黎....一夾散哂....叫左一轉都唔敢再order壽司...到熱野....無樣野整得似樣....天婦羅.......我睇有線肥媽炸得好過佢地.....拉面~美食廣場仲好食過佢.....即刻埋單走人~呢間野都唔知想走咩路線......快餐~日式快餐~日式大快活.....???