御品·千之味 (振萬廣場)

营业中

休息中

位於觀塘的千之味日式餐廳，隆重推出210分鐘的豪華放題，成為饕客聚餐首選。菜單豐富多樣，涵蓋了刺身、壽司、爐端燒、炸物、沙律及多款日式經典料理，為食客帶來地道的日式飲食體驗-🇯🇵 刺身與壽司的高級享受這裡的刺身選擇堪稱奢華，尤其是藍鰭吞拿魚系列的大拖羅和中拖羅，以豐腴的油脂和細膩的肉質，為味蕾帶來前所未有的滿足感。配合鮮甜的海膽刺身，彷彿一口品味日本的海洋精華。壽司部分亦是餐廳的一大亮點，火炙壽司將細膩火候與新鮮食材完美結合，散發淡淡的炙香；手卷和卷物種類豐富，每一款都呈現出細緻用心的製作-🇯🇵串燒與熱食串燒系列帶來了無與倫比的香氣和口感，鹽燒雞中翼外皮酥脆而內裡多汁，蒲燒鰻魚則以醬料的香甜勾勒出豐富的層次感。此外，迷你鰻魚炒飯口味濃郁，是一道令人難以抗拒的熱食選擇，為整體用餐增添一抹溫暖-🇯🇵 炸物與小食：簡單中的極致炸物方面，芝麻雞翼脆而不膩，微甜的芝麻風味為經典的炸雞增加了一層新鮮感。迷你和風冷麵小巧精緻，以濃郁的胡麻醬完美收尾，令人回味-🇯🇵自助式甜品與飲品：自由選擇，甜蜜收尾除了主菜，餐廳還提供以自助形式供應的甜品、飲品、沙律和小食，讓顧客能自由挑選自己最喜愛的搭配。此外，每

千之味，相信大家無食過都一定聽過呢個名！佢最近幾間分店出咗放題！ 而且係仼食120分鐘！😂 $328起重點係加$198有任食海膽，藍鰭吞拿魚，鵝肝！仲要係大拖羅黎架！😍😍😍真係食幾舊就翻本！ 出面既大拖都未必有咁高質！鍾意食拖羅既極推薦大家加錢！真係同日本食既水準一樣！🤤🤤🤤 而海膽又係大大舊🤤🤤真係好正！鵝肝係既叫即整！都幾有厚度架！燒香左連埋飯一齊食，真係不得了！而佢仲有多款刺身、壽司、卷物仲有爐端燒、飯類、沙律、小食同炸物！唔加錢都可以仼食帶子同三文魚籽刺身架！帶子仲唔會好似其他放題店比薄切同細籽你！粒粒都好有口感好有份量！串燒好掂！牛舌encore左好多次！都係唔會鞋！送生啤真係一絕 😍😍😍而走之前記得要埋movenpick 雪糕，每人都包一杯架

.平時千之味嗌壽司外賣返屋企食得多 原來千之味出咗放題 當然要試試佢啦餐廳係用qe code落單 非常方便 而且種類仲非常多添有任食刺身、壽司、卷物、爐端燒、飯類、沙律、小食、炸物仲有升級 任食海膽、藍鰭吞拿魚、鵝肝 + 任飲生啤清酒放題食到嘅壽司、刺身同平時叫開外賣嘅都係一樣咁高質嫁😋由15/4開始試行210分鐘放題，觀塘限定！收費成人$328-$388，小童$188，加$198可升級至任食海膽、藍鰭吞拿魚系列、鵝肝。任飲生啤清酒+$18/位，需全檯一併升級。網上訂座，出示當日任何交通收據，每位平$20。星期一至五 5:00pm 及 星期六日 11:00am 後「泊車優惠」：只需消費滿$300即可有2小時免費泊車優惠。觀塘店更設有電動車中叉 $20/hr，可以邊食邊叉電。

真係估唔到原來生日蛋糕可以唔食甜我真係好OUT呀😝 呢個蛋糕係以十件獨立嘅刺身飯蛋糕🍰組成一個圓形大蛋糕🎂每一格都有唔同嘅刺身組合好似有我最愛嘅三文魚子mix 三文魚腩💛仲有其他仲有：🩷帶子拼海膽🧡北寄貝拼北寄貝沙律💛燒鰻魚拼玉子💚火灸三文魚拼飛魚籽💙火灸蝶魚邊🩵熟蝦拼粟米沙律💜北寄貝魷魚刺身拼龍蝦沙律🤎拖羅刺身拼吞拿魚他他❤️三文魚刺身 佢嘅刺身好新鮮款式又多樣連仔仔囡囡都啱食佢個飯底都好有心機中間會有層飛魚籽+玉子成件刺身蛋糕都勁豐富勁🈵️足❗️

觀塘向來係美食集中地，復活節假期約咗朋友嚟到「御品·千之味」食放題，可任食刺身、壽司、卷物、爐端燒、飯類、沙律、小食、炸物等。想再豪d，可升級放題，任食海膽、藍鰭吞拿魚 鵝肝、任飲生啤清酒添。210分鐘任飲任食，時間真係好充裕。刺身選擇好多，厚身足料，點了三文魚、赤蝦、長腳蟹肉質細膩鮮嫩；赤蝦食落爽嫩鮮甜；希靈魚肉質細嫩緊實，清爽微甜，油脂適中。升級嘅藍鰭吞拿魚大拖羅：大拖羅油脂豐腴，入口即化；中拖羅細緻而不膩，脂香豐富；赤蝦鮮甜可口。海膽刺身甘甜無腥味，搭配紫菜一齊食，夠晒滿足。磯煮鮑魚刺身：磯煮鮑魚鮮嫩富彈性，鮮甜清爽彈牙。焦糖鵝肝壽司：鵝肝外層焦香，濃郁脂香。芥辣八爪魚軍艦：爽口彈牙，芥辣味適中，食落清爽又過癮。鹽燒鯖魚焦香，肉質軟嫩。雞軟骨串燒到微焦，調味適中；鹽燒雞中翼外脆內軟，雞肉嫩滑多汁。清酒煮蜆：蜆肉脹卜卜無沙，鮮甜可口。壽喜燒牛肉鍋：湯底鮮甜，烏冬索晒湯汁，入晒味，好暖胃。榴槤炸彈：外脆肉軟身，流心榴槤熱辣辣，榴槤味超級濃郁，榴槤控必點之選。另外自取區嘅沙律、甜品、生果都可以任食㗎。最後食埋個雪糕就大滿足啦。

作為放題控，今次試咗觀塘千之味新推出嘅210分鐘超長放題，真係食到捧住個肚走！✨ 升級必試：加$198升級絕對值回票價！藍鰭吞拿魚大拖羅油脂豐腴，入口即溶；中拖羅肉質細膩；赤身魚味濃郁。海膽軍艦鮮甜冇苦澀味，芒果鵝肝壽司同焦糖鵝肝壽司兩種食法都好驚喜。🐟 刺身：三文魚厚切到誇張，帶子同赤蝦鮮甜度滿分。特別推介磯煮鮑魚同長腳蟹刺身，鮮味突出。刺身整體新鮮度令人滿意，完全冇雪藏味。🍣 壽司：火炙系列最出色，尤其火炙芝士三文魚壽司，芝士融化嘅口感超正！🍢 熱食：串燒牛舌嫩滑多汁，鹽燒鯖魚皮脆肉嫩。炸物方面，芝麻雞翼香脆，日式鍋物選擇多，壽喜燒牛肉烏冬湯底濃郁。🍶 飲品：有多款飲品。另外可以加$18任飲生啤清酒超抵！冰凍啤酒配串燒一流，清酒選擇都有3-4款，質素唔錯。📍千之味（觀塘）香港觀塘榮業街2號振萬廣場地下G號舖

🍱｜觀塘暴食族聽令！老牌壽司店放題玩到咁癲⁉️ $328起任食3.5個鐘 刺身壽司卷物炸物全包 重點係加$198直升「土豪tier」： ✅ 無限海膽（唔係碎上！原板自己刮） ✅ 藍鰭拖羅任性追加 ✅ 鵝肝壽司當飯食 ✨仲有$18/位任飲生啤+清酒 劈住食更回本 🚨必mark慳錢攻略： 1️⃣ 網上訂座+出示即日車飛 → 每位減$20 2️⃣ 週一至五5pm後/週末11am後 → 消費滿$300免費泊2粒鐘 3️⃣ 電動車主專享 → $20/hr充電費平過停街邊 📍 千之味（觀塘）香港觀塘榮業街2號振萬廣場地下G號舖人均消費： 港幣300

生日除咗生日蛋糕仲有咩選擇🎂原來依家推出咗壽司蛋糕啊🍰🍣真係好得意，好創新訂咗一個10件式壽司蛋糕，有13款壽司選擇外貌已經吸引🤩望落新鮮，食落真係鮮味湧出底層唔止係壽司飯💓內層夾雜魚子同玉子蛋粒🍳食落唔會dry ，味道好豐富最鍾意食海膽帶子一開始我都怕海膽 會腥臭但呢間冇呢個問題 😍帶子鮮甜至愛三文魚腩都好好食😋油脂真係好豐盛 配埋壽司飯一流最貼心嘅行為裏面包餐具同生日牌仲有一舊好大嘅乾冰夏日熱辣辣都唔怕壽司變壞 拎返屋企安全又放心🌟🌟滿消費$300起即日落單即日免費送達🚕

開心食蛋糕、生日食蛋糕！其實我哋成日都食蛋糕架！但今次就搞搞新意思！黎個壽司🍣蛋糕🎂係呀，無聽錯呀，真係壽司蛋糕🎂千之味最新推出嘅新意，將壽司製作成一件件嘅蛋糕🍰咁，一個order仲可以有3個size選擇，4件/8件/10件裝，仲會提供13款精美壽司蛋糕自由配搭！我哋就揀左個10件大大蛋糕，小朋友都超鍾意❤️好欣賞佢嘅蛋糕係獨立一件件，唔洗分唔洗切！中間仲有蛋絲&蟹籽，超重本呀！13款唔係只適合大人，小朋友都有啱食嘅！細心嘅餐廳仲有配送埋餐具及醬料！仲有個個個嘅生日蛋糕牌添！好適合慶祝！1️⃣三文魚（$55）2️⃣油甘魚（$65）3️⃣赤身、吞拿魚蓉（$65）4️⃣帶子、海膽（$75）5️⃣火炙三文魚（$60）6️⃣火炙左口魚（$60）7️⃣北寄貝、墨魚、龍蝦沙律（$55）8️⃣北寄貝、北寄貝沙律（$55）9️⃣鰻魚、玉子（$45）🔟熟蝦粟米沙律（$45）🚘《滿💥「$300」起即日落單 即日外送到全港」餐單及送貨詳情可瀏覽網頁🚙 車場停車費、特別地區入場費需客戶自付＊會於車邊交收，不設送上樓。＊逢星期日/紅日及公眾假期需加$20假日運費。＊凡購物滿$500以上免費送保溫袋（原價$20），如若想選購，可與店員聯絡。🍰千之味壽

係Facebook關注組見有人介紹依間千之味,於是係網上落左Order, 佢地主打係壽司蛋糕,除左有原個海膽三文魚同三文魚5吋蛋糕~媽媽就想一次過試多d 味,所以就點左10件自選款式砌成個蛋糕款✅三文魚✅三文魚腩✅甜蝦魚籽✅油甘魚✅赤身、吞拿魚蓉✅帶子、海膽✅火炙三文魚✅火炙左口魚✅北寄貝、墨魚、龍蝦沙律✅北寄貝、北寄貝沙律✅鰻魚、玉子✅加州、熟蝦✅熟蝦粟米沙律滿$300蚊仲即日落單即日送貨,都幾方便🧐

最近響IG成日都見到呢間舖頭新出咗壽司生日蛋糕，睇到覺得好得意，今次咁啱有朋友仔生日，就試吓佢啦。我哋早一日book定，佢有四件八件同10件減，我哋就揀咗10件，之後就再約定時間攞就可以。佢總共有13款自由配搭👍🏼，都算幾多選擇，推介甜蝦魚子同埋赤身吞拿魚蓉，呢兩款最新鮮同埋好多餡，食得好滿足！佢最正嘅係中間仲有蟹子同埋粟米，一層一層好似真係食緊蛋糕咁。另外佢哋會送埋餐具同埋生日牌，開生日會就好方便呀！值得一提嘅係去到發現原來佢哋有$300免運費服務，下次應該會再試吓！

🍣✨【生日必試！第一次見刺身蛋糕真係好有驚喜！】✨🎂 今次朋友生日，終於試咗呢個超有創意嘅「自選壽司蛋糕」🎉！10件刺身擺到成個蛋糕咁靚，打卡一流之餘，仲可以自選心水款式，真係夠晒特別！壽星仔女見到一定開心到尖叫～ 🌟我哋今次揀咗： ✅ 三文魚腩 x2（肥美到入口即化！） ✅ 油甘魚 x2（鮮甜得嚟帶點爽口～） ✅ 甜蝦魚籽（蝦肉彈牙＋爆汁魚籽超正！） ✅ 赤身＋吞拿魚蓉（魚蓉綿滑，赤身夠濃郁！） ✅ 帶子海膽 x2（海膽creamy，帶子鮮甜到爆💥） ✅ 火炙三文魚（微微焦香超惹味🔥） ✅ 火炙左口魚（魚油香爆棚，必食！） 每款刺身都勁新鮮！尤其係帶子同海膽，完全冇腥味，食落仲有淡淡海水鹹香～三文魚腩嘅油花分布均勻，真係食到停唔到口😍 壽司飯底調味剛好，唔會搶咗刺身風頭，perfect match！ 📌想堂食嘅朋友可以去【觀塘店】慢慢歎！環境舒服，仲可以即場睇師傅手切刺身～ 🚚全港仲有多區外賣分店，滿$300即免運！就算唔過百，幾十蚊就有個刺身丼，抵到喊！ 📍分店地址： 🍣 觀塘店｜振萬廣場地下G（堂食+自取） 🍣 長沙灣｜福榮街218號美居中心 🍣

最近朋友生日，發現呢間野有自選壽司蛋糕，呢個壽司蛋糕可以自由選擇4至10件唔同款式，每件壽司都有個小盒仔裝住，底部仲有玉子同蟹籽，口感非常豐富。今次買左8件款因為係小朋友生日，所以揀左鰻魚玉子同蟹柳玉子熟食款式，小朋友都食得好開心，我個人最鍾意甜蝦魚籽，甜蝦新鮮，魚籽都夠鮮味整體來講，呢個壽司蛋糕嘅質素都幾好，唔似外面平平無奇嘅壽司。特別適合慶祝生日、派對或者家庭聚會。買滿$300仲可以即日外送，我覺得如果你想為朋友或者家人準備一份特別嘅生日驚喜，呢個壽司蛋糕絕對係個好選擇！

生日/開Party想食蛋糕又想食壽司？👀 溝埋一齊做……la！ 我知你聽到嘅！去咗觀塘呢間 #千之味 買咗個壽司蛋糕🎂！真係靚到唔捨得食啊～但一啖咬落去… 嘩！😍 刺身全部即叫即做✨，啲三文魚腩閃令令仲厚過我塊面🤣，甜蝦魚籽多到跌出嚟！海膽超鮮甜！ 重點係👉🏻每個蛋糕中間都夾住甜蛋蟹子🍳，層次爆燈💥，大人細路都搶住食！ 💡自選壽司蛋糕有4/8/10件裝，13款刺身Mix & Match～ 1. 三文魚（$55）2. 三文魚腩（$75）3. 甜蝦魚籽（$75）4. 油甘魚（$65）5. 赤身、吞拿魚蓉（$65）6. 帶子、海膽（$75）7. 火炙三文魚（$60）8. 火炙左口魚（$60）9. 北寄貝、墨魚、龍蝦沙律（$55）10. 北寄貝、北寄貝沙律（$55）11. 鰻魚、玉子（$45）12. 加州、熟蝦（$45）13. 熟蝦粟米沙律（$45）🔥必試火炙系列（左口魚焦香超正！）、帶子海膽豪華組合👑，仲有平靚正嘅熟蝦粟米沙律俾小朋友～ 🎁加送生日牌&蠟燭🕯️，影相呃Like一流📸！

生日蛋糕食得多，壽司蛋糕就真係第一次食，每一件份量都好平均，睇得出係細心製作，因為啲飯同飯之間係有蟹籽。甜蝦魚籽其實份量都好足，佢仲要係三角形，真係好似一件蛋糕。帶子、海膽，都係有驚喜，海膽都唔算太少份量，都足！火炙三文魚味道香口，帶有油，正！ 北寄貝、墨魚、龍蝦沙律，呢個簡直係三重享受，一次過滿足晒三個願望。赤身、吞拿魚蓉又係好足料，食完一件壽司蛋糕都有飽感。另外油甘魚都肥美，不錯的選擇之一。總言之成個蛋糕份量都好足，非常適合多人party 。唔錯呀！