御品燒臘

营业中

休息中

21-12-2021 (Tue)冬至請半日假就變相放一日,朝早爸爸買餸返嚟,見佢自己斬嘢,睇吓,原來佢買咗燒肉,睇睇膠袋,又係喺呢間買(上次食評係2021年9月30日刊登嘅呢篇: https://www.openrice.com/zh/hongkong/review/%E4%B8%80%E5%88%86%E9%8C%A2%E4%B8%80%E5%88%86%E8%B2%A8-e4179003),到食晏,我哋就攞嚟食,我一食,嘩!好鹹呀!係我食到連裡面被醃嘅部位?於是我特意夾冇嗰啲位嘅肉嚟食,都係好鹹,係白色嗰啲都鹹,會唔會太過份呢?而佢嘅皮有啲係脆,有啲就硬,肉嘅口感就正常.爸爸就話佢自己切走燶嗰啲位.價錢係$40.00

25-9-2021(Sat)爸爸買咗啲餸返嚟,佢話間舖俾多咗,我打開睇,係大大盒嘅叉燒,見到有肥有瘦,顏色就唔夠靚,重有兩包杰杰地嘅汁.試吓先,口感好鬆軟,唔鹹,但蜜味唔夠同有豬膻味.而嗰兩包醬汁,我試一試,係甜甜地,但唔知係咩嚟,或者佢哋知道自己啲叉燒唔夠甜啩.不過食到底,至見到有啲唔係咁嘅質素嘅叉燒,係乾柴同實嘅.價錢:呢盒盛惠$50.00.評分係:味道: 2  環境: 3  服務: 3  衛生: 3   抵食: 3