御八築地 (已結業)

好耐未來食過, 之前係開張無耐試過, 個時排晒長龍, 雖然今次唔洗點等位, d野都仲係咁好食, 係上水區來說, 真係不錯的選擇佢既天婦羅壽司卷, 清酒煮蜆, 三文魚海膽卷, 炸軟殼蟹, 雞翼, 火龍卷都係好好味呀, 係呢區來講, 價錢雖然唔算平, 不過真係值得再去~

我差唔多一個月會去食一次...因為我係住上水..我去到次次都會叫火龍卷..因為真係食極都唔厭..佢入面ge蝦係熱熱的..再加上出面有d飯團包住佢...真係好好好好味!!仲有ge係佢戈度ge7味雞軟骨粒..同其他餐廳好唔同..佢炸到好岩岩好..唔會太脆食唔到入面ge雞軟骨,,,

尋日去完米埔, 2個人又唔知上水有咩好食, 就是但搵個地方食野, 見佢唔使等位, 又話三文魚壽司特價5蚊件, 就入左黎呢間食。原來仲全日唔收加一, 7點前又有特價雙拼, 就叫左個雜錦刺身+加洲反卷拼牛肉烏冬, 4件特價三文魚壽司, 日式燒餅, 芝士焗帶子。雜錦刺身+加洲反卷--刺身有三文魚, 白肉toro各2件, 我本身係好鐘意食三文魚, 覺得厚同大件, 不過就無咩鮮味, 又無三文魚既魚油, 成塊都無咩白色, 白肉toro一般la, 比較細件, 玉子同蟹子魷魚少量, 都係一般, 加洲反卷都係普通。牛肉烏冬--湯都幾甜, 我覺得幾好味, 牛肉都係一般o個D肥牛無咩特別三文魚壽司--5蚊件黎講真係算好咖, 三文魚都長過舊飯,都唔係好薄, 反而多D白色, 以5蚊件黎講, 算係抵。芝士焗帶子--好多芝士, 入面有好多粟米同蟹柳, 不過粒帶子好細粒.....日式燒餅--呢個無咩特色, 又無咩料, 不叫也罷整體黎講算OK, 全日不收加一係加分位, 埋單仲有coupon送, 不過我好日都唔入上水一次用唔著, 所以coupon俾左出面等位既人。

上星期同女朋友去咗呢間餐廳食野，我地叫左幾樣野，尚算唔錯！(1) 火龍卷：呢個幾好味！值得再食！(2) 三文魚壽司：長就夠長，不過薄咗啲囉！(3) 豬軟骨拉麵：豬軟骨啲汁都唔錯，拉麵就麻麻地！(4) 鐵板帶子：都OK啦！(5) 燒牛舌：咸左啲！總括黎講，都算唔錯啦，都會再去食！

平時我都幫襯開青森知道隔離築地都唔錯...就同男友黎左試叫左胡麻冷麵 x1 $48三文魚炸蝦卷 8件 $52冷麵先上和青森比.個麵真係細左少少..我和BF吃完第1口、即刻扁咀如果吃過和民和青森的麻醫亦知道是1級好味的!個築地的麻醫....完全不像樣.真令人失望接著三文魚炸蝦卷上台賣相不錯..我們充望期望=]點知希望越大..失望越大...三文魚切得很薄.我吃不到魚味三文魚炸蝦卷>>>>炸蝦該是精華吧!!!但炸蝦1點也不脆=_________=跟無炸過無分別...不好吃...結脹齊頭$100那我男友就給那女待應1張$100那女待應見到...問：「$100?!?!」男友：「$100丫」佢指住張$100又問多次：「$100???」男友：「係丫.$100..收啦..」佢想走左唔想走咁...躊躇了1會先走開唔知個女待應想點..我諗..佢唔係上D咁既野食黎都想我地比貼士下化!!!

12.7.2008 (星期六)肥豬講左好耐話要帶我黎,終於都黎到啦~不過我地係去左對面個間分店,因為佢地話本店無下午茶。但係我地都無叫到下午茶,我地食左:1.雜錦魚生飯 $6x -- 肥豬食,佢話好味好新鮮~2.角切魚生飯 $5x -- 哩個平過雜錦魚生飯,但係都好好味架~魚生切成一粒粒,面頭仲有一堆天婦羅脆脆,好香口,好味道呀~份量略嫌細左d,我地食完都唔係太夠飽呢。但係我覺得幾好味囉真係~(唔知哩個食評又會俾d無聊人整幾多個"不值得參考"呢?)

昨晚好奇地走左入去食dinner, 好彩唔洗等位 佢地的款式真的很多! 在此要讚一讚店中的侍應, 他竟然記得晒食物的代號是代表什麼食物! 厲害! 我們品嘗過日式海鮮炒飯, 火龍卷, 三文魚刺身, 牛油炒什菌。最好食的都是火龍卷，其他的都是麻麻地。我都係第一次食日式海鮮炒飯是落足黑胡椒同埋洋蔥，真的是好spicy 呀!什菌好似未完全拖水, 重有好重的草生味, 三文魚又唔新鮮, washabi 又唔夠味, 我們同桌的人都要加一大pat 先至夠。不過佢d 炸物是好味的。如果是想食其他熟食的，去這間都無所謂，因為都真的不太貴。但如果你想食刺身的就唔好去這間啦。最後，我都推介佢地的火龍卷，真的不愧是招牌菜，真的是好味的！

三文魚 壽司 都係平時食開咁啦..冇乜特別都算厚身炸軟殼蟹牛油果反卷 $56/8件D軟殼蟹 好唔掂喎 唔係新鮮炸起同D牛油果亦都擦唔出火花蟹肉忌薕餅 特價$32-->$25冇蟹肉囉...淨係見到一粒細過擦膠碎 既紅色(蟹柳)忌薕 就係平時 用罐頭開既忌薕咁囉汁燒豬軟骨炒飯都OK,夠味 又唔會太濕不過食個陣已經係餘溫..我諗應該會再好食D既鰻魚飯 $4X唔錯 唔會燒到乾身 好入味 伴菜可以加D心思 令成個飯更上層樓 唔好咁寡蟹肉忌薕餅 係BILL上收$32,,查問後 先改番張單...所以要記得CHECK BILL3個大人 2個細路 四百埋單

跟友人到此 dinner 叫了帶子及三文魚 壽司,size 細左牛仔骨石頭飯 都係一般炸軟殼蟹唔錯 ! 蟹虸沙拉 OK但由於唔就腳,都唔會再黎食 !

早兩日聽朋友介紹，話上水呢間日本嘢都 ok, 好奇就去試下啦。都要等位架。但係，以佢既 location, 佢唔係貴，又唔算係平，但食物質素同餐廳環境都唔掂！今日同男友食咗四樣嘢：蟹肉芝士餅（好油，又有蟹肉 / 蟹味，啲饀一係pat pat）三文魚腩刺身（薄身，唔夠口感）牛油果軟瞉蟹反卷（我未講話要四件定八件，個 staff 就幫咗我地兩個人要八件囉，做生意真係唔老實！）什錦湯烏冬（相比之下係最好，但其實都唔係特別好食，只係唔太差）環境差係因為，好多人，可能係啲人既質素問題，好嘈！啲位又迫，坐得又唔舒服…

同事話呢間野係上水最好食既日本菜館，有時行過又見佢排哂隊咁，咪試下囉~叫左海膽炒飯，火龍卷，三文魚刺身，鹽燒"魚青"魚...真係把鬼囉~個炒飯裡面既海膽得一個一蚊咁多，收$7x!鹽燒魚好油，而且一o的咸味都冇...點搞~火龍卷冇咩特別，隻蝦細到食唔到~元氣既炸蝦卷仲好過佢~唔會再黎喇~入面好逼架，一定要搭檯~

黎過間野2次三文魚壽C同火龍卷真係唔錯整體上食物味道可以但係服務始終麻麻...原本對manager印象都幾好因為第1次黎個陣我地幫人慶祝生日,走個陣佢同我地講生日快樂不過果次食左$10xx但之後同fd去食食左$2xx佢就連byebye都唔講聲,真係現實而入面有個waiter帶眼鏡長頭髮金毛成程落單面黑黑我叫2客三文魚壽C,佢黎問番我2件定2客仲要勁串咀真係頂佢唔順

上水鋪大大話話黎過十次以上，但係質素真係越黎越垃圾，上個禮拜去食，叫左張紅刺身，d刺身開心到暖既，一食落口，好似食緊無哂味既香口膠咁，仲話推介美食，叫個waiter黎，佢走左去同manager講，答覆竟然係”落左單啦，無得退”大佬，唔落單又點會有菜上呀？2個人lunch食400幾蚊唔係一個問題囉，但係咁既態度俾400幾蚊真係唔得囉，呢間鋪唔洗指以再去

我係呢度食野都食左好耐... 主要係食壽司.. 食左咁耐的確係有唔少轉變...三文魚,甘蝦都重係咁好食,雖然D SIZE 有時係大細差D..... 我成日都有係度買外賣^_^..不過唔知點解D帶子壽司會斷開左..不過有時望到D 壽司師父,都轉左好多人了,只有一個係我食左咁耐都係度做緊...都難怪既...不過我次次黎都有九折..

上水一間算是幾新嘅日本餐\廳,入內地方很細小,坐位約四十多個,坐咗一張成日要行出行入比左右嘅四人枱出入嘅枱,真係迫得很緊要.先來了三文魚,甘虾,赤貝,帶子,海胆寿司,三文魚海胆卷,三文魚很長但幾簿,海胆壽司只遮到飯2/3左右,縮水.三文魚海胆卷Ｄ三文魚都包唔住Ｄ飯,散開哂工夫差,面頭海胆得粒瓜子size,整體一般至不合格.蟹籽沙律又出事,但比一寿司好Ｄ,冇話水汪汪,不過成個沙律都係生菜絲,冇蟹柳冇青瓜,蟹子又係Ｄ小咁多,人哋條金龍卷上面仲多過佢\幾倍.蕃薯天婦羅又係好薄,不過有八片,建議厚Ｄ比五六片好過,土佐豆腐有四件,個碗都好迫,但用左木魚花去炸又炸得唔多好,咬落去唔脆,Ｄ豆腐必哂出黎.燒三文魚骨好乾.熟食份量足但味道一般.地方需然迫,但服務員上菜和加茶都很快又頻密,身手敏捷,good