御八築地 (已結業)

本來都幾鍾意o黎呢度食Lunch,Lunch set $35-48 都幾多款式,但今日好失望!!!平時叫o既定食:滑蛋軟殼蟹飯都不過不失,點知最想食o既三文魚刺身竟然細塊o左一半,我同同事見到都啞晒.........唔洗咁呀......偷工減料, 令人印象大打折扣

見到無咩人比分lee間好野..我都要幫幫手先..係上水黎講..一向都好少日本野食..係近lee一兩年多左..lee間築地係黎得過架..我最愛佢既火龍卷..同埋長長既三文魚壽司^^佢既價錢唔算貴..都食得過丫..黎開上水又唔知食邊間好..佢絕對係好既選擇啦..如果唔係lee人點會等咁耐都肯等..

D刺身唔太新鮮, 乾過鬼咁!!切得又唔靚質素欠奉!地方窄都小事, 但咁既刺身真係唔可以接受.仲要見住寫單都可以寫漏.真係唔明點解有人排隊!!呃哂

一見築地既評價只係得4個笑哈哈已經打左個突,可能佢既下午茶真係唔好食..但其實如果元x ,元x 都有good.築地一定係比2個good.d 三文魚又新鮮又長..甘蝦又甜又新鮮（係x 祿食果d 簡直唔知想點..又細條）仲有d小食又唔差嚕!!!仲要幾抵食又唔洗加一，如果有d卡仲可以有9折添..咁既味道咁既價錢..我覺得應該要比返個good佢架!!!

岩岩開GE時候的碓唔錯,而家差左啦,小左去不過價錢OK GA好過食元綠好多

今日同老公&囡囡三個人去試.見有9折,試下啦~我地叫左三文魚壽司（普遍，得個長字）豬軟骨拉麵(豬骨湯底)湯底ｏｋ．三文魚海膽卷（讚！啖啖三文魚）火龍卷（讚！一出場嚇一嚇，成條龍咁！ｄ蝦好脆）鰻魚炒飯（ｏｋ，幾濃味．）活赤貝刺身（一隻份量，３８蚊，可以接受ｏｋ鮮）加埋杯飲品（柚子茶）埋單折埋都係２０５，算抵食．不過嫌飲品太少選擇．只得４，５款，沖得唔太好，因為上台時已經冇晒冰．，要不停加冰，拎左兩次冰先凍！！侍應態度因人而異，我旁的兩位婆婆，問多兩句已經俾個侍應不耐煩對待，反而我對面的兩位紋身大漢就好好招呼（同一侍應呀）位與位之間太迫，完全行過都怕掃跌人地ｄ野食．不過食物真係ｏｋ的．

前幾日去完黎_3個字：亂兼差唔知係暑假定乜、serve既人好生手兼亂哂單~等果下又耐、叫三文魚佢可以比三文魚頭黎既另外、餐牌唔似餐牌~貼牆既菜式又亂哂龍唔似得一般餐牌分哂刺身類、熟食類、小食甘=.="睇怕都係無下次

上個星期同男朋友去上水，見到間舖頭有人排隊，咪去試囉！等15分鐘到，就有位啦！我叫：三文魚壽司，帶子壽司，劍魚腩壽司，炸軟殼蟹，中華冷麵，一口牛，同埋燒鯖魚。三文魚夠長夠新鮮！帶子壽司都幾新鮮既，不過就無板前珍寶個隻咁大！劍魚腩壽司都唔錯！炸軟殼蟹就普通！中華冷麵都幾好味，裡面都有幾多料！一口牛就幾特別，幾好味，值得一試！燒鯖魚就無乜特別啦！如果下次去上水，又想食日本野，都會再幫襯！

好少係上水食日本菜, 今日終於都可以試一試了, 呢間店自從開左之後, 每逢晚市都幾多人等位. 今日6:35pm 到, 由於時間尚早, 即刻有位. 不過只係過左一陣, 未到7:00pm 都已經滿座了, 睇黎真係幾受歡迎! 食物方面, 我地4 個人食左:1.三文魚壽司(件三魚好長好大件, 有成4-5 吋長, 味道普通, 唔夠鮮!)2.鰻魚壽司(唔錯!)3.北寄貝壽司(都ok, 幾新鮮!)4.熟蝦壽司(有水準!)5.牛油果軟殼蟹卷(呢個最好食, 軟殼蟹又夠香口!)6.鐵板牛油帶子(麻麻地, 冇咩牛油香味, 帶子又係冇咩味!)7.炸軟殼蟹(炸得唔夠香, 淋淋地)8.炸蝦天婦羅(呢個炸得好少少, 但都係唔夠香, 只係合格)9.焗黑椒牛肉粒飯(完全唔掂, 焗得一d 都唔香, 鬼死咁多汁, 十足十茶餐廳d 快餐!)總結: 咁多樣野一齊計埋, 只係可以俾到合格, 唔算難食, 但一定唔係好食囉, 更加唔值排曬隊黎食, 呢晚食左$363, 雖然唔算貴, 但以食物質素而言, 我就會試下第二間好過!相片可參考:http://www.fotop.net/thxdtsdd/eat

15 March, 2007 (Thursday)今次已經係我第3次食喇，地方唔大，所以一到7:00p.m.已經要排隊。講真，食物質素一般，不過選擇夠多，而且價錢合理。我叫- 牛油帶子嘩！好多牛油呀！應該改名叫牛油浸帶子，搞到我勁用紙巾索油。中華冷麵麵好爽口，加埋蟹柳、熟蝦、中華沙律& 螺肉，好味！三文魚軟殼蟹卷(4件)三文魚唔夠新鮮，軟殼蟹都幾脆。三文魚海卷(4件)三文魚唔夠新鮮，海就o.k.。甜蝦拼北寄貝刺身刺身麻麻新鮮平時已經免加一，今期仲有9折，都扺食！

看到食評都不錯，於是去試一趟，星期六要等位，地方狹窄，太多人聚會不太適合。二人order 了火龍卷(招牌推介，大碟, 好味)，軟殻蟹壽司四件(ok)，海膽三文魚卷四件(人氣推介，好味, 新鮮)，海膽拼劍魚腩刺身(不夠新鮮, 好雪藏味，以價錢而論不抵食)，三文魚壽司(只夠長但不夠厚), 鰻魚炒飯(ok, 鰻魚不多)，和味牛肉拉麫(豬骨湯底), 這個非常差，麫少，質地好似包裝麫，牛肉太肥，湯底不濃，以三十幾蚊來説不抵食。總括來說，不算突出，選擇不算特別及多種類，味道平平，但服務不算好，好有壓迫感，侍應有些木口木臉，毫無熱誠，上菜和收碟極快，好似趕客走，食物不算大碟，食量普通也不覺飽，價錢雖然合理, 不知是否太大競爭，近期星期一至四全日有九折，星期五,六,日下午有九折，但以同區來說, 我覺得不是最佳選擇。我會喜歡二丁目多些。

之前一直聽講呢間野好好食，7點零已經有好多人排隊，果然要等成半個鐘有多，不過係因為我地多人(7人)，如果2-3人都算快有檯。叫左火龍卷，三文魚軟殼蟹壽司，秋刀魚，天婦羅拉麵，什錦刺身，海鮮火鍋+烏冬，金菇牛肉卷，粟米蟹子沙律壽司賣相好，味道唔錯什錦刺身果然有好多唔同種類，雖然唔係最新鮮，但ok，個人鐘意食凍d海鮮火鍋+烏冬d湯底濃(蕃茄湯)，吸收左海鮮味，唔錯金菇牛肉卷好juicy，正粟米蟹子沙律做前菜都ok，28蚊大大碗，我地咁多人分勻都有剩天婦羅拉麵d拉麵一般食咁多野每人70左右我覺得非常ok，朋友都好滿意但d服務一般，因為出面多人等，所以見冇單落就趕人走同埋冇甜品囉，如果推出一d甜品應該都會受歡迎

年初三去食lunch，點知出事，一共叫了兩碗拉麵，食左少少，發現其中一碗有隻曱甴，個侍應一句唔好意思都冇就收左碗麵。佢話換俾我，其實碗碗都係嗰煲湯，換第二碗都一樣，於是決定取消走人，點知佢仲好意思收另一碗麵既錢，算啦！廿八蚊冇謂搵命摶。

這次應該是我第三次來築地吃飯~點了三文魚~甘蝦~鱆紅魚~北寄貝~火炙忌廉帶子壽司~「魚立」魚+ 劍魚腩刺身~原隻燒魷魚筒~辣味螺肉~牛肉拉麵~築地的壽司用料一直都很新鮮~~今次試了火炙忌廉帶子壽司~我覺得很特別~用手握著壽司的時候~可感到微微的溫暖~而且很軟「熟」~可惜忌廉味太濃~掩蓋了帶子的鮮味~其他的食物也保持著一貫的水準~不錯~~!!但感覺上~價錢好像比之前高了一點點兒~

聞朋友介紹而到訪, 雖然排隊排0左大半個鐘, 但d 0野又大件又唔算貴, 好正!最欣賞"炸蝦雜菜餅", 唔多油又脆口, 正!壽司上面d 魚生好新鮮, 好味!"芒果蟹子沙律" 好大碗!"芝士軟殼蟹焗飯", d 飯焗完仲好滑唔乾, 勁呀!