影片
以上资料只供参考，请与餐厅确认详情
招牌菜
因嫲嫲住附近老人院所以近近地试下呢间酒楼食嘢点知好不愉快嘅经历！以后都唔会再嚟！主因一名女侍应嘅态度一入到去问我几多位我答6人，其中1位坐轮椅跟住个女侍应答我：无问我系咪轮椅，剩系问你几多人心谂洗唔洗咁串呀！其次第一次见一间酒楼枱枱都唔提供匙羹（见隔离枱有一只）因为想方便嫲嫲食嘢就问佢拎个女侍应答：食粥同饭先会俾我忍唔住同佢讲：都系想拎俾老人家用啫佢先走去拎两只食嘢方面，我哋叫左个豉汁蒸排骨上到枱啲肉出紧血水…其他点心例如烧卖、叉烧捞粗啲肉都系唔新鲜第一次食煎虾肠食到有沙添最食得过系个奶皇千层糕（可能系交货好啲..)啲筷子🥢一开始摸上手都好笠…我知呢啲旧式酒楼都唔可以有啲咩要求但最不愤系侍应态度问题因为嫲嫲食嘢不便难免会制造食物残渣、纸巾、食嘢围巾等垃圾不过我哋都尽量将所有垃圾整洁地扔入平口胶袋绑好带走（完全无周围扔）点知最后临走仲要俾个女侍应话啲垃圾唔好扔喺度问题系我哋都未走！就已经同人咁讲！我家人都好激气点解明明我哋咁清洁都要咁样俾人话？食物唔好/一般都算如果连职员态度都咁差真系完全可以black list!
继续阅读
母校搞咗个重聚日，我哋好几个旧同事约埋返去走一转，之后，当然要聚一聚食埋饭啦，因为呢个组合真喺自疫情以嚟都无见过。近近哋，就揾番当年久唔久都会帮衬嘅「彩龙大酒楼」。真喺估唔到，呢间屋邨酒店屹立到咁多年，就算疫情都无事，今晚（星期六）都坐得好爆。整体装修就好街坊酒家嘅格局，算得上干净企理，加上我哋得9个人，安排张12人枱，当然坐得松动舒服。烧鹅皇（半只） $228好多时啲酒楼都有自己啲烧味部，啲出品一向都唔差，所以，我哋叫咗半只烧鹅皇，单睇卖相真喺有板有眼，而食落一啲都唔失礼，皮脆肉嫩，好甘香，之后用埋啲混有鹅油嘅汁嚟捞落糯米饭度食，包你食到另一个层次嘅味道。双冬羊腩煲 $268以前就话冬天先有羊腩煲，依家咩时候都见到羊腩煲嘅出现，不过，都喺冬天先嚟食羊腩煲感觉好似滋味多啲。满满一大煲羊腩，滚住食份外芳香，而啲羊腩好软腍，微微膻香，正呀喂，里面嘅冬笋、枝竹嗦满汁同样好味。XO酱小炒王 $98港式小炒中，叫小炒王多多少少喺情意结，间间餐馆嘅小炒王都大同小异，都喺土鱿、虾干、韭菜花、腰果……等等，有啲就会加埋豆腐干、菜谱之类，咁呢度用埋XO酱炒，自然更加惹味香口，而且份量十足，喺大排档𩠌啤酒嘅最强之选。凤梨生炒骨 $88食小炒嘅另一情意结就喺生炒骨，因为酸酸甜甜𩠌饭一流，况且唔会晌屋左煮，因为有难度。啲生炒骨我觉得比较大件，所以，食起嚟相对啖啖肉，而最欣赏嘅喺啲汁酸香得嚟唔呛喉，而且，紧紧好挂满晒每嚿肉，无多余嘅汁酱。香煎枇杷豆腐 $88老实讲，外观就做唔到琵琶嘅样，不过，单以质素嚟计，其实几唔错，啲豆腐好嫩，鱼肉亦打得软滑，勾个茨汁亦唔会太身，啱啱好。豉汁蒸大鳝 $138似乎我哋拣亲都系啲浓味嘅菜式就好似 呢一碟大鳝， 睇到都觉得正呀，浓浓嘅豆豉香，而啲鳝又大件，却喺好嫩滑，又满满油香，满意。椒盐味果鲜鱿 $108哈哈，又喺碟香口菜式，讲明呀，今次唔喺小弟负责点菜架。原来菜名中嘅味果即喺腰果，几脆口，至于啲鲜鱿好软腍，外层嘅脆浆亦唔会太厚，算合格，至少唔会咬落一口粉，不过，就略嫌椒盐味唔够重，比较薄身。腊味糯米饭 $98一大棚人梗喺要啲粉面饭嚟垫肚，糯米饭就最易饱肚架喇，虽然讲到明都唔喺生炒，但都无所谓啦。单睇表面就睇唔到啲腊味，其实食下食下都有几多馅料，而且啲糯米煮得啱啱好，软糯烟韧，喺嫌啲酱油落得唔够多，味道稍稍偏淡。干烧伊面 $88一个饭，另一个就要面，同枱有人想食干烧伊面，就顺其心意，碟干烧伊面炒得都算干身，食到尾唔会一碟都喺油。综合一句，呢度啲定价唔算贵，但碟头够大，虽然啲侍应算叫做上年纪，但都几好招呼有讲有笑，同啲客打成一片，始终都喺做老街坊生意。一班旧同学廿几年后再嚟到「彩龙」聚一聚，讲返唔少往事，确系勾起唔少回忆同趣事。
继续阅读
未食佢D点心之前我都唔睇好, 经过今次, 我真系要戒除以貌评店尼个坏习惯. 落笔选点心前左望右昅附近D茶客食紧乜？谂住有得参考下, 噢, 唔系蒸饭就系厨味, 睇唔到其它出品, 无得参考添. 点春卷前同我老友测度酒楼会唔会无热柜存放D油器呢？烧味汤粉面, D烧味会否另上呢？讲尼讲去都系对彩龙无信心, 皆因此店噶舖神真系几老饼下.但地毡同厕所都出奇地干净企理. 就算楼上正藉系茶舞时段, 楼下完全听唔到半点音乐等噪音. 讲番食, 我鼓起勇气点左春卷、鸡扎、鲜竹牛肉及煎虾米肠.1）春卷系新鲜炸噶, 好正.2）牛肉内噶肥肉、马蹄及芫茜噶比例恰到好处, 打到弹性啱啱好, 皆因太死硬或太削都唔好食.3）鸡扎用鲜竹包住鸡件、猪肚、火腿条及鱼肚, 蒸出尼卖相好鲜明, 唯独酒味太抢, I don't like. 4）至于煎肠粉, 虾米分布均匀, 奈何 D 粉浆开得唔够靓, 真难为了那位主掌煎肠粉噶阿姊了！嗱, 尼度收十蚊一位茶, 唔算平, 但佢噶点心真系新鲜整出尼奉客, 后尼同D侍应吹水, 知道酒楼唔系用工场货, 系请正点心师傅, 唔怪之得食落口有分别. 总结：值得再光顾.
继续阅读
假日街坊食午饭，胜在就脚，老人家唔使行得远。平常在家吃饭，很少吃烧味。这里叉烧（肥瘦适中，唔会烧得柴皮，好𣺉），白切鸡都好味，乳鸽都唔错，好入味。其他点心都唔错！
继续阅读
一个特别的日子，本想早起吃早茶，太贪睡醒来都已经下午，于是下午与老公和他的好朋友三人一起食下午茶，之前也经常来吃，这次也毫不犹豫选择了这里到了之后，扫码，人还是蛮多的，但还好有位置，不需要等位，还是蛮开心的这里价格相当便宜，口味我也很喜欢，份量也足，服务也很周到，看图片就可以看到啦，三个人吃了244，这些图片不是全部，只顾吃后来就忘记拍照啦羊肚味道很纯正，很入味最喜欢虾饺，晶莹剔透，好看又好吃这个也好好吃，第一次吃，外皮脆的，里面有是咸味馅叉烧肠粉，喜欢😍
继续阅读