彩龍茶樓

营业中

休息中

今日同朋友行完山，行完山好肚餓，去左彩龍飲茶，嗰感覺 好正 ，好有懷舊嘅感覺 ，氣氛好好，好多嘢都係自助形式，好好玩。蝦餃好好味 ，皮夠薄 ，蝦夠大隻、彈牙 ，可惜味道鹹咗啲，如果淡返啲 就會好好多。燒賣都好食 蝦都係一樣，夠大隻、彈牙，燒賣落咗比較多肥豬肉，所以夠香，但係變咗會肥膩咗啲… 味道係好味嘅，值得食！鳳爪係我鍾意食嗰隻口感，唔會“林謝謝”，有咬口 ，可惜都係鹹咗啲，淡返d會好好多。叉燒包同出面食到嘅味道差不多，冇物記憶點...總括嚟講環境好正，會再去！

初六上了去川龍行大運。很久沒去川龍，坐地鐵去荃灣轉小巴去川龍。很快就到了。彩龍就在小巴站旁，很方便。彩龍是一家傳統酒樓，地方也頗廣。樓下有各式點心放着自由選擇，茶也是自己選自己泡。我們選了樓上通風的桌子坐下。之後就往樓下去選食物。一下去就被鲜艷色彩的炸物所吸引。選了外面不多見的蛋球。然後就見到大大的煎堆，再翻炸的炸鲜奶及煎饟茄子。來傳统酒樓一定選雞球大包……size真有一支手那麼大！裡面的料很足! 鵪鶉蛋燒賣更是必吃! 手拉即叫腸粉更是不常有，就點了义燒腸粉。來川龍就一定吃西洋菜。白灼西洋菜又新鮮又甜又脆！茶葉一向在這些酒樓都是偏濃加普通。自己帶茶葉可能更佳。點心味道和一般酒樓沒兩樣，只是有些比較特色的可選。包括風味環境大概75 至80分吧！

彩龍位於好山好水的川龍村, 行山前來喝杯山水冲的靚茶也不錯, 好老實......究竟啲茶係用山水沖定係水喉水沖? 我真系唔肯定, 分不了？！？無論沖茶或取食物均自助, 即自己撹掂, 無服務可言。樓下自取點心西洋菜 ~ 臨近新年應該當造, 何解.....它有點老架呢？蝦餃 ~ 蝦餃皮唔彈牙, 饀料的蝦幾爽口, 味道尚可。腸粉 ~ 可能天冷易凍, 凍左唔好食, 皮有點厚, 唔夠滑。鬆糕 ~ 香甜鬆軟, 仲熱辣辣的。炸鯪魚球 ~ 見佢係廚房剛出爐, 有魚鮮, 爽彈。 若然你想來食風味及嘆杯山水茶還可以, 若然是想食味道可能你會有點失望, 整體點心食味好一般。

彩龍茶樓雖則位於山上但絕不隱世，出名多懷舊點心同用山水沏茶，所以唔少人慕名而來，我就去完大帽山露營行落山黎歎返個靚茶。可能適逢週末，而且交通尚算方便，茶樓十分多人。呢度所有野都係自助式的包括沖茶，攞點心就拎紙仔排隊蓋印。呢道全部點心都好出色，最喜歡同特別少有既有大包、鵪春蛋燒賣同芝麻菲林卷

陽光普照的週末，當然要同陽光玩下遊戲啦，今次就約埋兩位朋友一齊嘆個茶行下山友人先揸車載我們到荃灣川龍村既彩龍茶樓，如果揸車既可以泊喺村入面啲車，然後擺低50元按金俾場外叔叔拎張泊車紙，放心，只要埋單時俾返張紙個收銀，就會俾返50元你週六早上既彩龍茶樓果然十分多人慕名而來，先上樓找個靚位置，然後可以再落返地面揀點心，呢度係自助既，所以由拎餐具，開茶，去到拎點心都要自己做晒既難得來到，當然要咩都試下啦，三個人嗌到成枱都係點心，樣樣都唔錯咖，唯一係蘿蔔糕竟然係凍既特別推介一定係西洋菜，因為隔離就有西洋菜田，所以食得出係係超新鮮，又甜另外大家食嗰陣一定要留肚，因為豆腐花都係必食既！十分滑溜，好正咖

上到嚟荃灣川龍飲茶，其實喺配菜，主菜無非都喺為行山，但出發前到吓舊式茶居，嘆吓一盅兩件，並感受吓鄉間濃情。由於，今次喺由川龍走小徑一直剷上大帽山，難度較高，所以，就只喺同個老友二人行。由於對上一次嚟已幫襯過端記，故今次就幫襯吓彩龍。彩龍，好似端記咁，你話佢懷舊又得，話佢地踎都得，總之，晌度食情懷、風味，多過環境同味道。咁都介紹吓個環境先，一入店內，喺開放式自助廚房，見到師傅即拉腸粉、灼菜，炸嘢亦喺晌度製作。而服務比食自助餐更自助，先晌裡面櫃枱開張點心記錄卡就可以拎點心，而洗壺、沖茶就全自動，茶客自已搞掂。再入啲喺第一個用餐區，地方比較細同窄，始終裡面仲有嘅地方間咗嚟製作點心；上到二樓第二個用餐區，地方就大好多，四邊都喺窗，光猛開揚啲。講到心水，都喺出面嘅戶外位，放心，喺有瓦遮頭嘅，感覺特別有風味。晌度基本喺唔會有人招呼，自己揀位隨便坐。由於我哋嚟得早，仲未到爆場階段，只有兩乘滿，不過，過咗9:30am，就多人到不得了，要有被搭枱嘅心理準備。食物價錢都喺周圍貼，晌廚房一邊牆上搵到小、中、大、特點價目表，而另一邊就貼有基本點心屬咩點，點心都喺傳統款式，不過，部份點心或菜式嘅價錢就唔喺好知晌

今日適逢男友放假 佢就揸車出黎搵我陪我食lunch 佢上次同朋友黎過呢到食話都ok 我聽到之後又想黎試下 所以就趁lunch time1個鐘既時間揸車上黎食啦黎到都唔算太多人得兩枱客到 我地一坐低洗好碗筷就即刻出去拎野食啦 呢到冇紙俾你點的 樣樣都係自助式 屬較為舊派的茶樓e+香港呢d茶樓真係買少見少 實屬難能可貴點心放曬係到自己拎 拎完俾姐姐蓋印我地兩個人食左6樣野：有燒賣 蝦餃 鳯爪 牛陌葉 炸饅頭 煎芋絲餅所有野食味道都唔錯 唯獨碟煎芋絲餅唔夠熱

今日一早同咗高雄朋友上大帽山飲茶，佢哋好鍾意飲茶食點心，而喺台灣我哋呢種去茶樓一盅兩件叫做"港式飲茶"，有別於台灣果種齋“飲茶”無嘢食嘅茶館!因為佢哋今日就要返高雄，所以帶住行李有d唔方便，不過好彩坐小巴上嚟果陣，小巴司機好好人，見我哋帶住行李就叮囑我哋坐好先(我哋唔想阻住人所以坐到最後!) 坐咗15分鍾左右就到川龍村，今次我揀咗比較近小巴站，望落相比起好似乾淨d嘅彩龍。當我哋拖住一箱二箱行李行入彩龍時，有個姐姐好好咁同我哋講可以放低d行李喺"叉燒櫃"果度。點知......當我哋行近"叉燒櫃"唔知點放入去之濟，有個好悔氣嘅女人喝停我哋，佢話入面有私人嘢，所以擺同攞行李都要叫佢哋d職員幫手。其實講果陣d語氣同態度可唔可以好少少呢，呢d服務真係一啖砂糖一啖屎！放低行李後，我地就上樓上搵位，因為彩龍坐嘅地方主要係樓上，下面主要係賣嘢食嘅檔口。有蒸點心、炸點心、腸粉，仲有重點推介嘅灼西洋菜。老實講，舊式茶樓嘅衛生同環境真係爭少少。加上呢度係全自助形式，連攞杯碗筷子沖茶都係自己嚟……佢d餐具確係有d油笠笠!朋友未嚟過呢種茶樓，佢哋好高興!我只係提咗灼西洋菜係必食，其他就由佢哋發辨，佢哋好快就去咗

因8號風球俾個風整醒咗，就諗住去飲茶。就去咗多過十年無去過嘅舊式酒樓.環境自助式， 自己攞餐具，開茶. 我覺得咁樣仲好，可解決人手不足的問題. 雖然8號風球,但姐姐仍然好好人， 唔單止冇黑面,仲好好笑容。 另外一個姐姐 就不斷推介店內必食點心，又系咁同我地傾計，好親切。食品最除咗蝦餃個皮厚咗D之外，其他點心都好唔錯，好有風味。春捲係即叫即炸的,非常脆口,用料十足,冇媽虎. 鯪魚球都系即炸熱辣辣食落又彈牙，好開心.西洋菜份量非常大，見每枱都有點，飽住都要試，亦無叫錯。菜好嫩口，好爽脆，好甜. 馬拉糕有舊式風味，但未夠鬆軟彈性，不過都唔錯。 沙翁外脆內軟，味道適中，出面酒樓已食唔到這個味及質素。最好味係山水豆腐花,姐姐話 一定要是食熱的。果然冇介紹錯。豆腐好滑，再點多個帶走。姐姐亦介紹我地必食大包，糯米雞，煎堆，等等等.可惜個胃真的放唔落.其實見佢地真的有唔少吸眼傳統點心，可惜我地今次太少人，食唔到太多種類。多D人應該會再開心D.

此處係遠足人仕又愛又恨之茶居，每次行山出一身大汗，女仕們滿足於消脂xxx卡路里之際，行到呢度必定食到反超標。小弟有見及此，今日決定把心一橫，同女人揸車過黎食餐勁，一於邪惡便邪惡到底。閒日無乜人，泊左個全日亂泊車位後(記得泊好少少並且同店員講聲，村屋地方大家明啦)，就坐左上樓上窗邊位置，自己開左壺壽味(小弟酒樓碌大，慣左)，行番落去樓下就叫左幾個點心加一碟飯蝦餃，金錢肚，奶皇飽，魚香茄子飯蝦餃，皮薄夠熱，但蝦肉唔靚，通常蝦肉唔靚都會加D薑粒黎醃，掩飾D雪/死蝦肉味，難得佢貫徹如一，薑都無落，真係寫個服字。金錢肚，同小弟細個酒樓食果隻橙色汁金錢肚味道一樣(其實有無高人可指出呢隻係咩汁)，味道唔錯，夠爽口，係隻汁既顏色鮮色左少少。奶皇飽，蒸過龍，中間奶皇變左固體(亦可能係小弟近年食慣左流沙飽)，飽夠鬆軟，有機會再食可以試下趁佢一出爐就叫，應該就會有番DD流沙既感覺(應該得掛)。魚香茄子飯，呢碟飯小弟係見到食客亞叔叫先跟住叫，因為係set ，$41有出面食兩倍既份量，碟飯無魚香味但特多茄子同豬肉碎，呢碟飯味道正常，但食份量食茄子都已經值回票價(set餐日日唔同，唔需要太刻意黎試呢樣)。埋單$1

星期日天文台明明話打風🌪，咁當然就咩outdoor活動都無plan啦🤷🏻‍♀️ 點知起身又無落雨，雖然天氣唔是話十分好陽光普照個隻，都想趁無雨去搵下野食既🤗 由於我既兩隻小毛孩兩星期無去過街，我地就決定搵間餐廳可以收容佢地，當同佢地去埋街🐶🐶 一家大細星期日最岩就係飲茶，我地於是就決定去彩龍茶樓，一嚐傳統正宗港式飲茶風味🤣彩龍茶想位置偏僻，撘地鐵係去唔到既，只有轉巴士或者揸車去。由於唔太方便，唔會太排長龍要等位，去到都即刻有枱，佢有室內室外同樓上areas，都幾多位。有別於一般酒樓，佢係無人serve你既，沖茶打水拎點心你都要一手包辦💪🏻佢有個area比你沖茶既，媽媽話佢d茶葉都幾靚。至於拎點心為左分散人流等大家唔使排隊，分左蒸點心、煎炸點心、即叫即拉腸粉corner🤞🏻有師傅會現場即拉腸粉😍 好多枱都叫左蝦腸🦐煎炸點心部都好吸引☺️ 可能無外面酒樓咁多款式，但貴精不貴多👍🏻三個人去飲茶第一輪我地羅左五個點心一碟菜，西洋菜超級大碟😍 不過盛謂$38，菜好新鮮無淋渣配上腐乳吊味正！ 我既至愛鮮竹卷係蠔油汁，味道都唔錯。蝦腸真材實料有好多蝦係入面🤤 一d都無偷工減料，咁當然佢既蝦唔係好大隻個d

雖然唔係去行山，但都想去撞下發哥。揸車上去，荃灣上，去錯左端X個間，去到泊車，要過左茶樓再上。一落車 就有個人會“招”黎埋去，因為要比$50泊車，不過佢會比返張泊車飛你飲茶用返。坐樓上，因為樓下實在熱囉，查實樓上對正個冷氣都唔凍嫁。全自助，自己洗杯，開茶。跟住落樓下攞嘢食。嘢食黎講睇圖解。嘢食以為係晒到一目了然?又唔係喎因為芝蔴卷佢一定蓋住話凍左會硬喎。西洋菜因為唔算當造，所以。。。一般啦！雞球大包，唔得囉，包身唔夠soft，餡料唔多，整體味道一般，可以不吃。鵪鶉蛋燒賣，應該算最好味，同埋唔多地方有得食。整體，我覺得上得山，志在舊式茶樓風味，唔好有期望，就唔會失望。睍食評話阿姐無禮貌，但去時又覺得ok啦，仲教我邊個方位影相好境最慘因為唔食得豆腐花，我見好多人食，應該值得試，可惜，可惜，可惜！

去得川龍，就係想呼吸下新鮮空氣，享受下新鮮食物。係的懷舊茶樓，亦當然享受下自助服務。今次要左幾個點心都有驚喜，係水準之上，下次泥都要再试。春卷係即點即炸，好脆口。豆腐花剛剛整好，rest 左一陣，好滑好滑。芝麻卷已經好耐没見過酒樓賣，芝麻味再重的重正。

慕名而來，睇下您有咩特別先。遲來的早茶，未夠十點就清晒場喇，晨運既走晒，行早山既已出發，二樓包場坐晒！全自助沖茶、攞餐具、攞點心，所以係完全無招呼既。我地要快快嘆幾個點心就立刻出發，再晏一點實比太陽曬死！內籠古色古香，鄉村懷舊茶樓，晒太陽無冷氣有風扇。雖然樓上無招呼，而且一個侍應都無，但落到樓下攞點心時各姐姐嬸嬸們都非常好客有禮，笑容可加，溫暖的。點心 display 琳羅滿目，氣勢磅礴又壯觀，想食咩就攞咩，好有自助餐 feel，十分有趣！行上行落走兩轉已經滿檯點心，見到都勁興奮，開動！水晶蝦餃，餃皮蒸到溶晒，濕滴滴腍劈劈，no good！外觀就非常吸引，白裡透紅，半透明若隱若現，蝦仁大大粒夠爽口，味道不錯。干蒸燒賣，同蝦餃一樣蒸到過晒火，過濕過腍。味道好似蝦米，非常特別，肥豬肉蠻多的，食落有點油有點散，強差人意。紙包雞翼併紙包豬扒，其實豬扒好好味，香口入味，肉質彈而有咬口，但黏實晒啲紙，經常連紙一齊食，要不時吐紙呢。雞全翼醃味濃，好食喎。不過一樣黏實啲紙，仲幾油膩下。四寶雞紮，芋頭、雞柳、魚肚、火腿，我唔食芋頭的，但一啖過四味齊吃還可以。夠粉夠泥的芋頭添著彈滑甜美雞柳及咸香火腿好正喎

基本上每二個星期都會揸車上川龍飲茶，好唔好食就見人見智喇～但氣氛好好，見到其他行山友一家大細帶埋狗狗、鸚鵡等寵物一齊飲茶，大家有講有笑，得閒摸下隻狗狗同個主人傾下計咁，又休閒又舒服，同酒樓嘅感覺完全唔同。但都有見到有啲香港人上到去投訴多多，又話價錢唔係特別平又要自己服侍自己，只能夠講下下要人服侍周到同埋食豪華環境裝修嘅就川龍飲茶就唔多啱你喇～有時會見到貓貓，記得唔好追住佢哋嚇親貓貓阿！