彩福欣宴 (已結業)

星期日同屋企人去飲茶，這間彩福平時成日同同事去飲茶，味道不錯，今次就去了佐敦分店，可能星期日午市，超級多人，等了差不多四十五分鐘先有位。茶芥每位$12，小點$19，最貴的特點都是$35，大眾價錢。蝦餃外皮晶凝通透，而且很薄，裏面包滿爽口蝦肉，非常新鮮。香茜牛肉腸腸粉切開一件件，新鮮蒸起，腸粉很滑。鮮蝦素翅餃好耐都無食過魚翅餃，這個還有鮮蝦加在裏面，特別豐富，而且外皮唔硬，不過要趁熱食。XO醬花枝片蝦球炆伊麵超級大碟，裏面有大大隻蝦肉及花枝片，伊麵不會太腍，還有些芽菜等，味道則比較淡。其他食物都不俗，落街後上菜都很快，係等位比較耐一點。計返人頭每人百幾蚊又唔算貴丫。

星期日晚約咗好耐無見的朋友來佐敦食飯，朋友建議食中菜海鮮，就揀咗依間彩福欣宴，地點近地鐵站夠方便。餐廳門口夠大同豪氣，入面環境超大，樓底又高，坐得好舒適。今晚人數頗多，好熱鬧。餐牌選擇款式眾多，仲有九款精選小菜可以揀。今晚的龍蝦好新鮮，$108/1斤，好抵食，我地叫咗一隻，用上湯煮，加伊麵底，$30,上湯好入味，有鮮甜的龍蝦味，龍蝦肉質彈牙鮮甜，入口香味散發，大隻多膏，加埋爽滑的伊麵食，味道好夾。生猛肥肉蟹，用薑蔥焗，$168/隻，肉蟹好新鮮多膏，份量多，用薑蔥焗好惹味，更突出蟹肉的鮮甜味，肉質鮮甜嫩滑，食到好滋味。椒鹽鮑魚，$28/隻，第一次食椒鹽的煮法，味道出奇的夾，咬落外皮好香脆，内里煙韌有嚼勁，鮮甜味散發。招牌菜之一，大良炒桃姿帶子，$88,用牛奶炒，再加入桃膠同帶子一齊炒，味道清淡香甜，營養豐富而嫩滑易入口。清蒸沙巴龍躉斑，$148,魚好大條，蒸的火候時間控制得當，肉質十分嫩滑鮮甜，多肉少⻣，魚䄵味濃郁。食咗咁多餸，叫埋個金銀蛋鮮竹浸白菜仔，新鮮爽口，吸晒上湯精華同金銀蛋的鮮甜味，是必食之選。

上星期親友舉行婚宴，上菜非常快，但收碟亦非常快，好像趕住收碟咁，食到食唔切，好似將食物倒落口咁。明明已經8:30已經開位。員工態度非常差，差不多上完菜之後，幾位員工在後面大聲說「好野，收得工！」，態度奇差。而且從不主動幫客人添飲品，只顧收碟。雖然可能只係炒散，但會令婚宴客人非常不開心，希望不會再有依啲事發生。因為主人家買了橙，但員工漏左派，以致一桌客人沒有橙，最後有淨被另一桌客人取了，員工以極惡劣態度鬧人😡😡真係唔知咩人黎！

距離放完病假返工仲有三日.....爭取最後假期約朋友去佐敦飲茶....尼一帶都有好多唔同嘅酒樓....最後我哋揀咗一間唔使太等位嘅彩福婚宴集團... 今次都係我第一次上嚟裏面環境都幾大幾靚唔怪之得咁多人喺度擺婚宴呢個小籠包一般般唔太夠肉汁至於尼個帶子煎魚餅有驚喜....食落去軟林林呢個旋風流心奶皇包...點知食落去強差人意....因為啲流沙好水呀你個海龍王鴛鴦米更加一啲都唔好食因為溝出嚟嘅味道同粉絲冇乜分別但總括來講都算合格....因為食咁多野其他都可以....只係有兩三樣嘢麻麻哋兩個人總共食咗316元

教父的團年飯局，如今已經搞了4年了。我說過，這一個飲食界好友飯局，由朋友食餐飯，都上次正正式式有贊助設宴。今年，直頭正正式式 book 了一個飲宴用的場地，在佐敦的《彩福欣宴》(彩福婚宴)，來一個正正式式的團年飯局，在開場白先說了，這一年的規模，已經同一般商會/社團飯局無異。開心的一晚，新舊朋友齊歡聚，有得食，而且人人有獎。 對，這一年的地點叫《彩福欣宴》(彩福婚宴)，是一個真真正正用來擺酒的場地，所以這一年，我們是真真正正來，飲。 這兒是一個專門設計做婚宴的場地，樓底夠高，感覺華麗。架起了舞台，兩旁又有大電視。說真，這一家酒樓，用來開 show 也行。 燈光問題，場地的燼色偏藍，所以弄到照片質素有少少參差。請不要見怪。席宴開始，就是當紅脆皮乳豬拼盤。有乳豬，有雞，有燻蹄，有海蜇，也有叉燒。簡單豐富多選擇，叉燒腍而夠蜜味，乳豬皮脆，感覺是不錯的。 彩虹花枝鳳凰蚌，是一個很有咀嚼感的一道菜，味道清新，是純海鮮的鮮味。飲宴時，見到這一些菜式，有時好好開心，因為感覺清淡而又不失大體。 惹味香蒜煎海蝦，是隻隻爽甜的中蝦。口感爽脆，味道鮮甜，幾好。 紅燒竹笙海皇燴花膠，這是翅的代替品。味道也就是

散客好像被另一邊的婚宴所操控，當廚房有空時，散客的食物便很快端來了。但是有時，廚房忙婚姻那邊時，吾等等候十來二十分鐘才有下一碟，如炸子雞。八人套餐的份量果然是比較少，拼盤份量少得可能一人夾一件也不夠，但乳豬味道不錯，脆皮之下沒有太多肥膏。龍蝦烏冬不佳，烏冬非常之碎濕濕，再配上上湯，根本難以夾起。龍蝦真是食之無用棄之可惜，看是滿個盤子內都是龍蝦，但是以殼為主，吃到的龍蝦肉根本極少。炸子雞其實味道相當不錯，雖然等得比較久，但是雞來到的時候外皮香脆，而且雞肉也夠鮮嫩。沒有糖水，也沒有水果拼盤，整個套餐好像不太完美。看來全部都是炒散的臨時職員，態度非常麻麻，十問九唔應，有名年輕的男侍應，看似斯斯文文，好像勤力，但其實只是在場邊行行企企，並不是真正在執拾碟子及餐具。

今日年初二 同屋企人去飲茶 十二點半去到等位拎左張c11飛 見佢嗌到c8應該好快到啦 點知等到兩點鐘 一張枱都無叫過 但一直都有好多人走 亦都好多人已經入去 當我行去想了解下點解咁耐都無叫過一張枱既時候 發現原來俾利是就有得入先 我就問佢：點解咁耐都未叫過枱號，但又個但都有位入既？ 佢就答我：小姐，人地係有訂位咖！ 咁其實呢間茶樓係唔係無得walk in既呢？定係一定要俾利是先有茶飲呢？最後等了個幾鐘頭都無飲到 因為已經知道點等都唔會等到~

食物乳豬： ok ge. 皮脆肉嫩， 但無去骨扣分。芝士野菌大蝦球： 好正！ 食到lam lam 脷。 醬汁惹味， 蝦新鮮。 好想再食。 推薦！魚： 成條原上， 侍應無分肉出黎。 魚肉被賓客撕裂變左肉碎可惜了點。 味道不錯， 雖然只分到塊面珠肉。雞： 有點失望， 有點血腥味。 瑤柱脯， 翅： 不錯。 保持到水準！整體：食物比往年進步坐位舒適， 地方寬闊， 有空間服務不錯

中午有成10個同事食飯，最開心就係飲茶！呢間專做婚宴，未試過係到飲，但中午即點心就算幾好食同好靚，就算同客人食飯都ok。一定要試果個唔記得叫咩但有芝士既春卷，真係好特別

嚟呢度只會係每年四月開始一連幾個月嚟食！只為---龍蝦節每年都會嚟幾次，朋友、屋企人；去慶祝、普通食飯，全部都啱；大人、細路，次次半隻半隻啖啖肉嘅龍蝦食，食親就一至兩隻，好盡興。食到連手指都要舔埋！酒樓會提供刀叉享用，整條龍蝦可以一次過义起，咬落去好爽口，一啲都唔鬆散，明顯係新鮮貨色。廚師刀工都好細心，連啲鉗都可以用义輕易成塊取出，唔會浪費任何一塊肉。龍蝦整法有上湯、蒜蓉焗、芝士，我最鍾意上湯，最能夠食到當中嘅鮮味，選擇芝士要另外加錢啊！龍蝦價錢＄88／＄108一斤，雖然話以重量計算，但其實實收每隻大概＄110，加＄30可以伊麵墊底，分量不多啊，太貴唔抵！建議多人用餐可考慮要冬瓜盅，真材實料，足夠一圍大枱享用啊！

Came here with my relatives after we went grave sweeping for Ching Ming. My aunt chose this place and I think we were all surprised this place exisited.Choi Fook is a large Chinese restaurant chain. But this one seemed to be focused on wedding banquets from the way the layout and decoration was. It was so glamourus with hanging sparkly chandeliers every where.I took a few photos as my uncle did the ordering. I just sat and ate. Haha....how it always is with relatives. Menu in Chinese only but th

辛苦一天, OT 完今日老細話要一起食餐好! 在附近的彩福吃晚餐, 聽講以前是"好威"的夜場但入到去真的....唔係個件事囉...個場地好靚呀!! 已經變成了一個婚宴場了! 天花用上了很多水晶珠串, 不規則的吊在天花, 加上兩側的法式設計, 令人很難忘...我諗比好多酒店仲靚重點是閒日晚市人不多, 不用等位香茅黑椒叉燒 ($118)怪不得攞獎了!! 這個叉燒好juicy , 而且肥瘦適中, 蜜汁叉燒之上有香茅黑椒的味, 令叉燒食的時候更有層次! 但很快給人搶完....下次 encore!龍皇金栗自家豆腐時菜蕊($82) 想健康一點, 我們叫了這個菜式, 想不到豆腐也很滑, 魚塊明顯是海魚, 咬下去有質感彈牙的, 配上適中的栗米湯底, 令這個餸很出色菌皇醬栗子准山雞煲($93)這個是同事間另一款最愛! 菌皇醬炒菜原來好野味!! 雞煲消失的速度跟叉燒差不多...雞肥瘦適中, 配了栗子, 准山及很香的醬, 令雞件口感很豐富! 又不會很油!! 伴塘脆脆銀魚剁肉餅($92)這個消失速度是排第三! 肉餅明顯沒有落很多粉, 咬下去有點彈牙的口感, 加上了帶咸的銀魚, 這個肉餅很惹味, 忍不住每人一碗

今日同肥媽子喺附做完體檢~就黎呢間好出名的茶樓醫肚出名係因為聽聞呢間酒樓搞宴會搞得好出色~擺設時尚又高貴,所以就黎見識下~!可能係下午茶時段~所以唔洗客位,搭'車立'上二樓~架'車立'好細~好勉強咁企到4,5人,如用輪椅的話,一架輪椅加一個人就滿了,似乎唔係咁擺到大場面~上到一樓又有分左右兩邊~應該係同一間但又有D唔同...我地求其行左一邊搵位算了~入去見地方真係好靚~紫色做主調,水晶燈又大又閃~多數為4人小枱好精緻,放得唔算太迫,有空間感~鬼咁肚餓~一坐底就點野食~菜名似乎係精心諗過~好多都靚都估唔到係乜~担心點左唔知乜野又想試的話唯有撞下~!!我兩個都屬於比較保守,所以都係點傳統食品唔知係咪即蒸的關係,所以上菜好慢先上茶~真係嚇左我地一跳~我地點左壽眉就黎左個'水仙'茶壺,算啦~青青地冇問題之後倒出黎係黑色的~~咩事啊~飲啖就發現係普利...係咪離普左少少?!望左眼肥媽子,以免做成無必要的浪費,佢話算....咁算LA..時菜 - 又老又淋又唔熱,面頭有少許蒜頭碎,唔知係錯放定係刻意~感覺冇咩意義~小龍包 - 皮好硬~又唔熱~冇乜肉汁,失準之作,醋冇薑絲,唔夠專業蘿蔔糕 - 本來太多

來過最少兩次，兩次都不覺得美味，只認為是「硬是要飲茶，卻沒一早排隊等位」方會來這兒喝茶的。雖然流少奶黃包挺流，惟蛋黃味不算香濃；其實內裏流心蛋漿亦肥膩，但熱燙燙又的確十分討好，本人吃一顆便「又」膩了。酸菜豬肚小煲，酸菜不少，豬肚似乎只有三五件，少得很。椒鹽龍鬚頭，名字是很美好，其實只是普通不過的魷魚鬚；亦由於它稱為龍鬚頭這樣輝煌，當然有點祈望，但來到的竟然是比起「樓下稻香」的魷魚鬚更差，像是吃剩的、碎碎的、少少的，甚為過份，還要索價$28-$38。蝦餃、菜苗餃，除外表稍厚外，內裏餡料亦不少，尚算不錯。員工不時高談闊論，猶如食客般自由。

阿伯提議黎呢度同阿嫲慶祝生日, 仲由佢發板, 結果叫到成枱野... 咸菜豬肚 - 咸菜勁多, 但唔咸, 豬肚得兩三舊 煎蘿蔔糕 - 無乜蘿蔔, 太多粉同太實, 煎得唔夠香 燒賣 - 都算大粒, 味道都ok 星洲炒米 - 米粉夠幼, 炒得夠乾身, 又唔油, 呢個好味 咸水角 - 唔油, 夠脆