彩福喜宴

营业中

休息中

為慶祝男友成功完成一個重要的會議，我們去了吃中菜慶祝～可能臨近新年，很多人提早吃團年飯。晚市高朋滿座～幸好我們避開晚市高峰時段來，不用等就能入座。男友喜歡吃海鮮，剛巧看到菜單上的上湯焗龍蝦，未點都巳經在流口水～ 因為送伊麵的關係，我們不另外點飯吃，但叫了一碟清炒豆苖，總要吃點纖維均衡營養吧～上湯焗加拿大龍蝦（送伊麵底）（$288)份量很多，幸好我們只叫了2個菜，否則太多會吃不完～我對龍蝦伊麵很有情意結，我哥哥從小到大都特別喜歡吃芝士龍蝦伊麵。我是第一次吃上湯焗的龍蝦伊麵，想不到出期的好吃，又不會太滯。龍蝦感覺新鮮，沒有偷工減料，肉很彈牙入味～清炒豆苗（$98)我們兩個人很喜歡吃豆苖～豆苖雖然只是清炒，但鮮甜，一點清草味也沒有～份量也很多，感覺四個人分享一碟豆苖也可以。貼心的待應見我們吃龍蝦時把手弄髒了，還拿濕紙巾給我們抺手，值得一讚！

已經吃膩了公司附近的餐廳, 就找找離公司遠一點的食肆轉換一下口味。這天跟同事就訂了枱, 午飯時間非常多人, 如果沒有訂枱的話要輪侯十多張。值得一提是這裡有多款得獎點心, 配搭新鮮賣相也很吸引。兩個人一共點了八個點心。芝心海皇千絲春卷跟平常的春卷賣相已經非常不同, 炸得很酥脆, 雖然是炸物但沒有油膩感, 加上芝心餡料配搭新鮮, 果然是得獎點心。 旋風黃金流沙包上枱時熱騰騰的, 流心蛋黃餡料很多, 要小心慢慢吃。原隻鮑魚燒賣皇賣相非常吸引, 有一整隻小鮑魚在燒賣上, 鮑魚有咬口, 此價錢令人驚喜。港式街頭蝦米豬腸粉上枱前已加上各款醬汁, 賣相顯心思, 腸粉香滑可口, 很有傳統港式點心的味道。 七味椒鹽龍鬚魷魚爽脆彈牙又炸得香口, 調味得宜不會過鹹。瑤柱灌湯餃灌湯餃皮薄煙韌, 有一絲絲的瑤柱, 吃時蘸些浙醋，令人開胃。最後還點了兩個甜品 - 竹燕椰汁糕和雪蓮桃膠燉木瓜。雪蓮桃膠燉木瓜不會太甜, 很清潤。 竹燕椰汁糕兩層分明, 用料十足令椰香四溢。整體來說點心質素高, 有很多新派的中式點心令人眼前一亮。環境也非常舒適, 枱與枱之間不會太擠擁。有機會一定再來試試其他點心。

今日有啲事落咗炮台山，悶悶地唔知道食乜好，諗諗吓有啲想去食叉燒，結果就兩個人走咗去酒樓，諗返起都幾好笑！去到酒樓就唔係淨係食叉燒咁簡單，叫咗個燒味拼盤，燒腩仔加叉燒，燒腩仔果皮夠趣，中間嗰層肥肉夠爽口，叉燒偏瘦，但係唔會乾爭爭，蜜汁夠香！已經好滿足！加咗碟炒米粉，上枱又係大大碟，熱辣辣夠香口鹹鹹地，搞到我又貪心要多咗個中式牛柳，唔知係唔係最近真係食唔夠牛肉，佢個中式牛柳酸酸甜甜，甜甜酸酸，送返個米粉一流！一坐低已經見到佢哋有芝麻卷，一早就叫咗一份，細細條，唔會太甜，好味！依家想食都唔係度度有得食！其實餐飯有個小插曲，話說我叫咗個茄子斑腩煲，茄子食咗一舊勁好味，食咗一夠魚唔對路，好腥，叫過部長，有禮貌咁同佢講，真係食唔到，佢二話不說，攞咗對筷子，夾起一舊魚，食哂，然後望住我，係呀，真係有啲腥，我即刻幫你取消咗佢。唔做作，唔多說話，夠爽快，部長，謝謝你！下次會同媽媽嚟飲茶再食燒腩仔！

今天和同事一行三人去吃個豐富的團年午飯，知道這間酒樓有幾個得獎點心，所以便想來試一試酒樓接待處位於商場的2樓，一上電梯便見到，位置非常好找，訂了1點鐘，大概等了十分鐘便有枱了，等待時間合理酒樓有一張點心紙是得獎點心的，很多點心在別的酒樓是沒有見過的，非常特别，喜歡試新事物的我當然要點幾個來試試芝心海皇千絲春卷 - 這個非常有驚喜！外層非常鬆脆，內裡濃濃的芝心，令整個春卷口感非常豐富原隻鮑魚燒賣皇 - 係原隻鮑魚呀！$35 可以食到鮑魚真是十分抵食，加上燒賣是肉粒切肉，好味黃金流沙包 - 外層旋風的賣相很吸睛！拿上手是熱辣辣的！一咬下去，流心奶皇湧出來，忍不住要為它拍張照蝦米豬腸粉 - 雖然入面沒有餡，但薄薄的粉皮再配上三色醬汁，好惹味！除左得獎點心我們還點了其他點心七味椒鹽龍鬚 - 外層炸得非常鬆化，不會很厚粉，鱿鱼亦很煙韌！最後當然要點甜品！點了薑茶湯丸，天氣冷食這個甜品真一流！薑茶非常重薑味！湯丸是黑芝麻味，皮薄亦很煙韌！非常滿足三個人食個豐富的團年午飯都是每人140， 點心特别又高質！下次可以再來阿

男友下午要到炮台山工作，決定開工前嘆餐茶！一直很喜歡彩福，貪其環境舒適，難道附近有分店，立即拿號等位！之前試過它們的招牌得獎點心，精緻又好味！今次試試一些外邊酒樓也有的食品，看看是否也勝人一籌！先來小食燒腩仔、脆皮素鵝及八味豆腐粒！全部份量十足！十分香口！煎蘿蔔糕尤其出色！蘿蔔味道超級濃郁！不會一夾就散！蒸點心蝦餃皇皮薄餡靚！豉味蒸鳳爪很好惹味！這家分店沒有柱位，地方偌大開揚，二人可坐四人桌，不會像其他酒樓那麼繁擾

今天一行四人又來到老地方飲茶。今天等位的人比較多，雖然我們早上十一時半已扺達酒樓，但要到十二時十分才可入座。在門口的宣傳牌上看見彩褔皇宴原來已連續5年榮獲點心大奬，我們今天便叫了一些酒樓標榜的招牌點心。香港旅發局美食之最大賞得獎點心旋風黃金流沙包（$30) 的賣相果然像旋風，搣開之後，那甜甜的流沙蛋黃餡混著濃烈的香氣一湧出來了，趁熱吃美味無窮。港式街頭蝦米腸粉（$30）的顔色配搭很美，米䊢加上蝦米和蔥花配埋甜醬，麻醬、辣醬和豉油一起吃，放到嘴裡可嚐到多層次的味道。原隻鮑魚燒賣（$35）確實便宜，小小的鮑魚好有𡁻口，加上爽滑的蝦肉和豬肉，令人一試難忘。龍皇野菌腸（$30）很特別，腸粉包着有許多野菌和少許魚肉混合的脆春卷，吃落又滑又脆又爽口。世界粵廚皇大賽得獎點心：海皇太子餃（$28）餡料有蝦肉、魚肉和少許西芹，吃起來非常清爽和有鮮味。除了以上得獎點心外，我們還點了滑滑的瑤柱臘味蒸蘿蔔糕（$26）和潮鹵滑豆腐（$35）；真材實料的涼瓜龍躉班頭腩炒河（$90）和濃淡得宜的燒汁煎釀鮮冬菰（$24）。最後我們今天的午餐以四件清甜可口的紅豆桂花糕（$18）和兩個香甜的香芋西米焗布甸（$32）作結，

今日放假與家人於午飯時間到彩福飲茶，等了40分鐘才有位，我們一行四人點了七款點心，一款小食，一碟炒河及兩款甜品。看點心紙才知道彩福有多款點心曾獲獎，我們點了多款試試：原隻鮑魚燒賣（ $35 ）賣相一流，鮑魚細細隻好腍，口感不錯，頗有鮮味，燒賣的豬肉及蝦比例不錯，口感爽口，有大大粒蝦肉在裏面。龍王野菌腸（ $30 ）這個腸粉有點像炸兩的賣相，滑滑的腸粉裏面包着像春卷脆片以及很多野菌，野菌很鮮味。家人對這個點心讚不絕口。龍王太子餃（$28)這個餃有很多蝦肉在裏面，但餡料比蝦餃豐富，混合了魚肉和帶子肉，這個點心很鮮甜。旋風黃金流沙包（$30）流沙包熱哄哄，一搣開，餡料即刻湧出來，很吸引，濃濃的鹹蛋黃味，質地creamy, 包肉算薄，皮薄餡靚。港式街頭蝦米豬腸粉（$30）豬腸粉賣相精緻，蝦米及蔥花很多，很足料。除了得獎點心外，我們還點了釀冬菇，蘿蔔糕，每款都不錯。小食方面我們點了潮式滷水豆腐，一磚磚迷你豆腐整齊排列在碟上，豆腐質地嫩滑配上少少潮式醬汁很惹味。我們還點了涼瓜龍躉頭腩炒可，炒河的豉汁份量剛剛好，龍躉亦有很多件，龍躉肉質紮實，有魚鮮味。吃過香芋焗西米布甸及紅豆桂花糕作甜品後，今餐吃得

彩福雖然係比普通嘅酒樓貴，但係一分錢 一分貨，食物質素好好多👍🏻。先來個｛🐷脆皮燒腩仔｝皮脆，肉好腍，肥膏同瘦肉平均。｛🐔雞爪｝唔會太鹹，入味。八味脆豆腐粒（$42）熱辣辣外脆內軟，有椒鹽嘅味🤤。｛🦐彩福蝦餃皇｝啲蝦好新鮮，但係我嫌個皮有啲厚。黑松露鳳眼餃（$24）新鮮蝦，足份量👍🏻。黑松露帶子小籠包（$28）皮薄，多肉汁，黑松露嘅味唔係好濃。｛時菜鯪魚球｝好彈牙同好大粒。｛🐷蜜汁叉燒包｝夠軟，啲叉燒一粒粒，唔會好紅。瑤柱臘味蒸蘿蔔糕（$23）亦唔細件，唔會好粉有營健康之🍲🐟菜遠鮮龍躉斑球窩米（$120） 份量十足，分到六碗👍🏻鍾意食魚嘅我覺得龍躉煎到好香，好鍾意呢碟餸😁。值得推介嘅石鍋XO醬煎腸粉（$46）👍🏻煎得好香同埋好足份量。唔會太鹹，畢竟係煎腸粉，就當然會有啲油膩。🥦{上湯浸時菜} 大碟，菜心腍切得幼。總括來講食物質素非常好👍🏻服務質素就不差，但係可以改善因為繁忙時間太多人，冇乜侍應。希望彩福酒家可以繼續保持食物質素嘅水準😋。

上星期屋企人話想提早做節,咁就要揾下地方食飯啦! 不過真係好難揾酒樓，臨近年尾,好多人擺酒! 難得比我book到北角彩福,剛好有人擺酒但無包到場,所以剛好有位!老公話,做節又點可以無燒味併盤呢?佢隻正一食肉獸,無肉不歡!哈....不過燒味quality真係幾好! 燒味成日食到,不過要整得好食唔多! 乳豬皮薄肉嫩,但咬落一d都唔肥膩,好鬼正!當然半肥瘦既叉燒又點可以唔講呢?真係好鬼死有口感! 不過好意外既係併盤有鴨胸,鴨肉好嫩滑,唔錯! 當然做節唔少得燒腩仔啦,同樣皮脆內嫩!食完頭盤就開始到主菜, 媽媽話想食返d小炒,所以叫左個燒汁松子繡球珍菌炒花枝! oh...原來呢個係推介菜式,唔怪得佢想試啦,因為有好多菇菌食! 尤其係炒繡球真係係好味,好入味! 花枝片炒得好爽, 配埋好多鬆子洒係面,咬落去脆脆地咁,又真係幾夾喎!食食下小炒果陣,店完捧左個沙窩過樓,我初先仲以為係雲吞雞!哇....點知原來係雞煲翅喎! 好梳干啊,阿爸話做節要食好d先得,點可以唔食翅呢? 個蓋一打開就聞到好香雞湯味。成隻雞煲埋一窩湯,真係好入味! 話晒有6兩翅,每人分d黎食,真係好富足!最後上埋條魚送飯,就真係very

今早和妹妹又來到彩福陪媽媽飲早茶。今天出奇地不用等位便可入座。餐牌如常，選擇頗多！自選孖寶餐最便宜。我們今早便選了瑶柱金菰翠瓜腸粉和生滾枸杞菜肉片粥。媽媽不消一會兒便吃掉了那碗粥。腸粉內有少許瑤柱，翠肉瓜頗為爽脆，但整體味道較淡，一定要沾上豉油吃。蠔油鮮竹卷頗為入味、瑤柱臘味蒸蘿蔔糕很軟滑，是老人家的至愛。蒸义燒包不過不失，那些餡不會太鹹！金菇雞絲蒸粉卷沾了豉油極像腸粉，味道不過不失！早茶十一時四十五分前結賬茶錢較便宜 - 只是每位$9 。

上星期媽媽生日,就同佢食返餐好既!老人家,始終鐘意食粵菜,所以一諗就諗到去彩福食,因為quality好過一般酒樓好多,而價錢都好經濟! 好在我有心提早book定位ja, 發現好多間果晚都做婚宴包場,得北角呢間有位,所以就book左去北角食!坐低未點餸,我就同媽媽講不如叫過前菜食下先啦! 佢話想食海蜇,所以先黎左個青瓜併海蜇! 望落都好多海蜇,而且青瓜夠薄夠大片,入口好爽下!個汁都調得幾好,酸酸地又有d辣,食完即係開胃!媽媽話生日食咩都無所謂,總之一齊食就得喎,叫我發牌! 咁當然要生日飯一定有d必食架啦...我叫左個"乳豬併盤 + 清蒸老虎班"既set, 有生日必點既乳豬(紅皮赤狀),仲有媽媽最好既整魚!乳豬併盤都足料,好多款,除主角乳豬皮除+少少肥膏外,其他有半肥瘦既叉燒(睇到都流口水), 肥美既燒腩仔 (一樣皮脆肉嫩), 煙薰鴨胸 (鴨味好香濃), 同有海蜇!! 樣樣都好精致,彩福d燒味都有一手啊下,唔錯!食完燒味,又點可以無主菜呢!知道媽媽鐘意食翅,所以專登叫左個"招牌雞煲鮑翅", 見menu話足6兩,夠4-6位用,我地3個人食,應該會好滿足!個窩翅真係幾大煲,而且見到有成隻雞落去

同家姐慶祝碩士畢業經過兩年一邊返工，一邊讀書，家姐終於大學碩士畢業，為咗慶祝呢件大事，我哋就去咗食大餐！今次去咗炮台山嘅彩福皇宴，由於係星期六嘅關係，所以酒樓都差唔多坐滿哂。今晚一共叫咗五個餸，第一個係片皮鴨一食，鴨新鮮熱辣喺廚房燒好，再由部長現場逐塊逐塊鴨皮片落嚟，鴨片非常脆，再配麼麼皮同青瓜大蒽一齊食，完全唔肥膩！有雞就唔少得有鴨，炸子雞平時就食得多，今次呢個脆皮南乳雞，雞肉嫩滑，食雞要食埋雞皮，脆卜卜，醮埋南乳食，啱啱好。下一個就係清清地嘅金菇魚腐浸菜苗，魚腐份量好多，湯汁清甜，食埋生菜同金菇，感覺非常健康！家姐平時對一款菜式情有獨鍾，就係菠蘿咕嚕肉，最鐘意佢嘅味道，唔會太甜或者太酸，菜同肉嘅比例啱啱好，好味！最後一個就係清蒸沙巴龍躉斑，重成一公斤，魚蒸得啱啱好，蒸完後就加豉油同熱熟油，香味同鮮味十足。家姐今晚食得好滿意，我哋個個都好滿足！

契媽11月生日，她比較喜歡吃中餐，我一直覺得彩福的酒家小菜都幾出色，選擇又多，喜歡不同口味都照顧到，這次我book了北角分店！幸好有訂位，這晚有宴會，walk-in是沒有位的！彩椒菠蘿咕嚕肉啖啖肉，細佬最愛，咕嚕肉外脆內軟，肉質幾彈牙，咕嚕汁調得不錯，酸甜度剛好，菠蘿好甜！脆皮南乳雞這個我個人認為是彩福必點菜式，雞皮脆肉嫩，再加上惹味南乳醬，perfect！清蒸沙巴龍躉斑契媽喜歡食魚，點了條沙巴龍躉斑，價錢都相當親民，還重一斤二，蒸得剛好，好嫩滑！京式片皮鴨這個是我的最愛，片皮鴨是即片，保證新鮮熱辣出爐，好鬆脆，不油膩，加上蔥絲青瓜，用麼麼包住吃，好滿足！金菇魚腐浸菜苗要來一個清淡一點的菜，魚腐很有鮮味，還吃到一點點魚肉！整體每道小菜都很出色，大家都吃得很開心！

炮台山飲茶的地方不多，今天來了才彩褔， 下午飲茶又廷多人需要等位一陣子才有位入。見到他有一張得獎點心紙，在其中選擇了他的流心奶黃包，另外叫了一些普通點心，包括燒賣，棉花雞及一個比較特別的黑松露小籠包。另外看到他說自己的叉燒是金獎，雖然不知道是什麼的金獎，但也決定一試叫了一個叉燒飯。流心奶黃包非常之流心，而且有很香的蛋黃味，正。棉花雞只是20多元，下面有三塊綿花魚肚及兩件大雞件及有一些冬菇，非常抵食。相對地看似特別的黑松露小籠包便有點失色了，肉汁不太香及肉比硬，而且也沒有黑松露的味道。金獎叉燒飯的叉燒也真是金獎，肉質軟綿而且有豬肉味，不是一般燒味鋪的叉燒。最後我們還叫了一個燕窩蛋白燉椰皇，做價只是45蚊，很飽很豐富的一餐。

上次食完就一直掛住啲北京烤鴨，今次就同另一個朋友去試下，比佢知道香港仲有咁正嘅北京烤鴨。第一道菜當然是北京烤鴨，不過今次等耐左啲啲，等左大約25分鐘，可能是因為即烤的關係吧，當然今次亦是在食客前片皮。今次啲鴨一樣香脆可口，油一直流出黎，搞到我流曬口水。第二道菜是乾燒伊麵，呢個都唔錯，分量很多，做到傳統的口味外，又沒有用上太多的油，令麵身都爽口彈牙，幾出色。接著是竹燕椰汁糕，外表睇落都幾靚，分開了兩層，咬落去鬆軟，接著便是香口的椰汁味，鐘意椰汁的人定是他的最愛。最後是芝麻卷，不太特別，跟其他餐廳的芝麻卷沒有太大的分別。埋單$400左右，食到咁多野，抵啦。