彩福喜宴

营业中

休息中

燒腩仔海蜇這個是套餐包的，非常好食 😋燒腩仔皮好脆，海蜇爽口 👍🏻亦是套餐金銀蛋白菜 🥬味道好味，好足料，亦好大份 🤩俾我食左一半的蘿白糕煎得好香，蘿白亦好好味 😆石鍋 xo 醬腸粉熱辣辣腸粉，配上惹味 xo 醬，非常美味 🥰椒鹽炸豆腐細細粒，炸到出面脆卜卜，味道一流這個是我超推介的魚塊淮山麵只係 $138六人分量左右，魚示煎過，好香囗淮山麵亦唔會浸 lam 魚湯亦配搭得好好價錢合理，如果飲茶一定要食呀 👍🏻👍🏻👍🏻

彩福集團的酒樓每年4月至8月都推出晚市龍蝦優惠，今天和家人特來北角分店，一嚐龍蝦做晚餐。此處地方不及其他分店大，但勝在舒適寧靜。二話不說，隨即點了三隻開邊蒜蓉蒸龍蝦，龍蝦頗為大隻，每隻一斤二兩。吃新鮮龍蝦，一定要蒜蓉蒸才可以吃到龍蝦的鮮味，如果用芝士焗，芝士會搶了龍蝦的鮮味，上湯焗龍蝦雖然冶味，但烹調過程會將龍蝦走油，同樣會破壞龍蝦的質感，今次吃到的，完全符合我的期望，非常滿意。除了龍蝦，此店的小菜都不錯，南乳吊燒雞皮脆肉嫩，南乳十分冶味，蒜蓉炒白菜和北菇紅燒豆腐雖則簡單和清淡，但鑊氣十足，再嘆杯冰凍啤酒，享用了一餐美味的龍蝦餐。

今日星期六，唔洗番工，可以訓到自然醒，爽呀！平時成日好趕急，今日終於可以慢慢飲個靚茶，食下點心。去到先發現呢間酒樓啲點心原來咁犀利，有咁多款得獎點心！叫左好多唔同點心，已經忍唔住食緊😝龍皇野菌腸$30呢個係得獎點心之一，望落同平時既腸粉唔同野菌份量好足，調味都夠，野菌預先炒過，幾香出面有脆皮包住，之後先係腸粉皮，成個口感好正，有腸粉既滑，脆皮鬆脆但不油膩，加上雜菌既香！我好鐘意呢個配撘！美味錦鹵雲吞$41傳統舊式小食，已經唔係好多地方有呢個食份量十足，雲吞炸得好香脆，汁酸酸甜甜，好開胃，配料好多，有青椒、紅椒、豬肉、番茄同洋蔥作為開胃小食，好適合旋風黃金流沙包$30賣相好吸引話明流沙包，入面蛋黃一定要夠流心先合格！呢個絕對夠流心，蛋黃味濃，難怪會得獎！另一款得獎點心原隻鮑魚燒賣王$35雖然只係得三粒，但係比平時既大粒！每一粒都有原隻鮑魚起上面，豪版燒賣！好味！！鮮蝦韭菜餃$27呢個餃子皮同我平時食嘅唔同，呢個有啲似雲吞皮咁薄，鮮蝦同韭菜份量足，啖啖肉醬皇蒸金錢肚金錢肚係我嘅最愛點心之一，每次去酒樓都要叫，呢個金錢肚夠入味，有少少微辣，啱啱好！有時放假可以咁樣去飲個靚茶，食靚點心，實現慢

今早又和家人來到彩福飲早茶。今天食客不算多，拿了票後只等了一張抬便可入座。看過早市特惠紙後便叫了4個點心和1個蒸飯。最後還在大餐牌內叫了一客叉燒包。~翠瓜叉燒腸粉翠玉瓜爽口，叉燒味道適中，加了豉油的腸粉好味。~鮮竹卷今天的鮮竹皮不太淋，吃起有咬口。~鳳爪排骨飯排骨醃得頗淋，鳳爪只得半隻，添了豉油，飯會好味些。~醬皇抄手雲吞非常惹味，豉油鹹味中帶有微辣。~綿花雞魚肚非常入味而且淋滑，和雞肉是最好配搭。~叉燒包飽皮不太厚，餡料豐富，𧐢皇叉燒好入味。十一時三十分前埋單，茶錢有優惠。

喜宴嚐喜宴，開心食一餐。三蔥黑蒜牛柳粒 蔥同黑蒜唔使講，味到點樣大都知道，最重要嘅牛柳粒咪奀皮肉靭咗啲啲，成口都啃唔落去，唯一食味道囉。黑松露秋葵帶子炒滑蛋 鍾意食秋葵，聞到黑松露滋味，帶子嘅軟骨口感，係唯一啲滑蛋就唔夠滑，但係整體都係冇得彈呀!因為夾埋有口感 又有味覺享受也。清蒸沙巴龍躉斑上菜時條魚好似向我招手咁，個樣新鮮到無倫呀，食落唔使講都係正到痺啦，唔多講呀連頭都趙賣。原個椰子燉官燕 見到椰子軟香又滑味甘香，加埋官燕燉蛋白，講起都要想嚟多個呀!楊枝甘露西柚香甜芒果汁龍仲有加埋啲西米正，唔多講喇!金箔芝麻卷咁正嘅小食甜品，咁嘅價錢又咁多件，半圍枱一人一件都得。片皮鴨 加湯 組合衣348片皮鴨手勢very good，上枱時非常靚呀，睇住佢一件一件片出嚟，仲問我哋要肉多定皮多，你話呢!種服務好窩心呀!咁嘅價錢咁嘅服務，咁開心一餐，去邊度搵呀！下次再嚟過!

今日三五知己 一同去食片皮鴨🐔就去位於炮台山店"彩福喜宴"食。地方很光猛也很大，侍應生很有禮貌招呼，笑容很甜添，可能是平是日子，人客不算很多，我們講話很舒服不用大大聲講，嘻嘻！因為本人總覺得酒樓是很嘈嘅！友人最愛食片皮鴨，於是叫了組合E套餐: 京式晚爐片皮鴨1食+原盅豐料燉靚湯1盅嘩，好肥美又大隻片皮鴨呀！靚靚侍應生還片很多鴨肉添， 大家都唔客氣趁熱食呢！晚飯當然唔少得叫條魚食啦！🐟清蒸沙巴龍躉斑， 斤幾重，蒸到火候啱啱好，條魚很鮮味道呢 又要趁熱食啦！小菜有黑松露秋葵帶子炒滑蛋，味道淡淡地， 食完肥膩片皮鴨就啱啱好喇三蔥黑蒜牛柳粒， 牛柳粒有些韌咗啲。再配埋個原盅燉黑絲雞人參湯，每人足夠飲兩大碗啊！而且好多雞腳添，湯味濃濃人參味，感覺好清甜。飯後當然唔少得叫甜品啦!甜品好有驚喜呀 !凍楊枝甘露，不過不失。原個椰皇燉燕窩，叫了兩個，熱辣辣椰皇裏面有燕窩也不算小呢！加埋熱辣辣燉蛋一口一口食，好滿足啊！重有金箔芝麻卷， 芝麻卷不是間間酒樓有的，所以我哋大家都一定話要叫呢個甜品食，芝麻濃濃味道不太甜而且仲好抵食添。肥美的片皮鴨1食原盅豐料燉靚湯熱辣辣所以影相都有啲矇😂 好清甜呀條魚好正啱啱熟

M佬今日話帶我去酒樓試菜，唔通係我哋結婚晚宴嘅菜色？（瞓醒未？連婚都未求）原來嚟緊就係M媽生日，佢想帶佢去酒樓食餐飯，所以今日就嚟到北角嘅彩福喜宴，呢到嘅晚市小菜選擇好多，價錢仲要一啲都唔貴，夠晒經濟實惠。沙薑雞腳抵讚位係將雞腳切開為二，睇得出餐廳嘅細心，令到我哋食得夠晒方便。而雞腳漲卜卜，夠晒入口，都幾爽口架！脆皮旺金南乳雞（半隻）食雞又點可以唔食雞皮呢？呢塊皮炸得好脆口，而雞肉仲要好滑嫩，記住點埋個南乳汁，真係好惹味，半隻嘅份量都唔少。粟子淮山雞煲呢個雞煲嘅重點不在於雞，係個粟子夠晒腍，仲索晒啲雞味；而淮山一樣入晒昧，好正呀！客家風味炆豬肉上枱仲熱到支支聲，而豬肉一層肥一層瘦，食落唔會油淋淋，而且炆到入晒味，送飯一流！

約大班朋友多數食中菜，因為大家圍著大枱叫餸食飯夠氣氛，不似西餐每人一個餐各有各食欠少少氣氛，今晚相約此酒樓晚飯，就係貪呢種熱鬧氣氛。酒樓有不同套餐選擇，啱晒選擇困難症嘅我們，而且套餐燒味、小菜、魚，菜燉湯同甜品，有齊前，中，後，價錢亦不算貴，以6人餐$910，大概每人百多元真係幾化算。食物方面，整體質素是標準以上，不會馬虎，我個喜歡燉湯夠火喉，深竭色好有湯味似乎燉了很久，喝了喉嚨很舒服，唔怪得見到其他枱的客都有飲此湯。另外，我亦鍾意前菜小碟的青瓜海蜇，青瓜爽口，海蜇入味，酸甜醒胃。漁港濃湯浸時蔬是清新之選，雖然相對其他菜冇咁濃味，但冇咁油膩，不錯。而甜品黑糖紅棗糕也很煙韌，不會太甜，甜度剛剛好，如果不是太飽，肯定食多2件。今餐真係好滿足

循環而行🔃，有時食得多中餐🥢，就想食西餐🍽日本餐🍶，然後食得多西餐日本餐，就想食番中餐，今晚約三五知己到彩福喜宴晚餐食中餐🥢，此酒樓位於北角近炮台山站行三分鐘尚算方便😚，酒樓佈置幾金碧輝煌的感覺，適合婚宴格調。🤵👰🐋🐬🐟🐠🐡🦈本以為酒樓裝潢得睇啲菜餚會貴📔，但事實又唔係咁樣，看著menu價錢豐儉由人💡，而且有套餐唔貴，選擇好有彈性✔。酒香腰蝦蒸蛋🥚， 雞蛋蒸的時間掌握得幾好😍，令到雞蛋好幼滑，而且還渗入了淡淡的酒香確係不錯。😉龍蝦伊麵🦕🦐，芝士不太重🧀，食落去不太膩，龍蝦肉夠爽口👄，伊麵畀芝士包圍著芝味十足👅，整體不錯。值得一讚是侍應的服務👨‍🔬👩‍🔬，添水、換骨碟等跟到足，有板有眼，一絲不苟，雖然外表是土氣嘅大叔阿姨，不過我也忍不住畀個like佢哋。 傳統食物雖然千篇一律， 但食物質素好仍是一個唔錯嘅選擇。🥂

這夜我和朋友到近炮台山站的彩福喜宴食晚飯，酒樓無柱的大廳及水晶吊燈，從門面以至內部裝潢都甚谷有氣派，很迎合酒樓「喜宴專門店」的品牌形象。今晚已過了大時大節的日子，飯廳相對冇咁緊張，但仍有包房飯局，我和朋友叫了些餸，食物保持水準。當中我欣賞燒味，好似其貌不揚的燒腩仔卻味道不錯，脆皮同肉的各方比例不錯，鹹度適中，脆爽啃有勁，點芥辣食正，送飯一流。另外的叉燒也不錯，半肥瘦均勻，又是送酒佳品吧。另外條班蒸得唔錯，肉不嚡，夠嫩滑，豉油調得不錯，魚不大條，夠兩人食有餘，又是另一送飯佳作。因2人吃所以不叫太多餸，等下次約多幾個朋友再尋味。

難得媽咪早放工，所以就諗住揾間酒樓食中菜，近近地就行左去附近嘅”彩福喜宴”。好彩早去到，啱啱好吾洗等位，一去到就即刻攞起餐牌點菜！今次叫左4個餸，上菜速度都好快，一碟一碟緊隨其後！脆皮旺金南乳雞 - 皮夠脆，半隻雞都幾大隻，雞件點埋南乳汁好惹味，但略嫌炸嘅時候受火吾均勻，雞翼部分有啲燶，同埋有少少過火，吾夠嫩。三蔥黑蒜牛柳粒 - 炒得夠穫氣，好香，黑蒜味道好特別，同牛肉好夾，京蔥夠爽口，平衡番牛柳粒嘅咬口帶子海鮮什菜煲 - 海鮮種類都算多，有蝦，蚌同鮮魷，都好新鮮，什菜夠哂多，成個煲都滿哂，個湯底好鮮甜，次次都吹呢個代替埋湯龍皇翡翠海中寶 - 小炒一樣出色，清清地又不失海鮮嘅鮮味，份量亦吾少，性價比高！整體黎講服務吾錯，食物質素都好好，值得再戰

朋友今晚帶我黎炮台山食中菜。呢個地方我成日都路過，但原來商場入面係有中菜食，一路都冇為意喎。好，一於睇下有咩好嘢食先。中菜廳梗係有海鮮，小菜，炒粉麵食㗎啦。 今晚唔算太餓，只係想搵嗰地方聚下，所以我地叫咗幾個小菜同海鮮食。叫左青瓜拼海蜇，蒜蓉蒸蟶子，燒汁松子繡球珍菌炒花姿柳，金湯淮山茄粒泡時蔬。計埋茶錢，加一，埋埋好$400， 真係夾都無咁橋。青瓜海蜇好爽，麻辣同甜度啱啱好。先甜後麻。唔錯唔錯。呢個係聖子王嚟㗎，好大隻呀。 兩隻夾埋都係一百蚊咋，好抵食。好甜美。 蒜蓉蒸係最正嘅。原來繡球珍菌係咁嘅樣，都係第一次食咋。望落去我以為係雪耳。食落去幾爽。係幾得意。哩碟炒得幾好食。唔錯。原來金湯即係南瓜湯， 時令蔬菜加蕃茄，再浸喺南瓜上湯入面。都係第一次食，幾特別，夠健康! 唔洗次次淨係得上湯咁悶。今晚黎食飯，全場爆滿，可想而知幾受歡迎 。見隔離枱多人嗰d，都叫蒸龍躉，龍蝦伊麵黎食，好似都幾好食。下次如果人多啲都可以叫條魚嚟試下。

農曆新年相信唔少人都會去酒樓飲茶, 今日我同個長輩拜年, 都同佢去咗飲茶, 都未到中午12點, 已經需要等位, 好彩唔駛等好耐惹味欖角骨見到欖角, 千祈唔好以為呢一個點心係鹹點, 原來佢係甜甜地㗎, 因為加咗少少蜜糖配炸過嘅排骨, 甜甜地幾特別錦鹵雲吞😋😋相信呢個係大人小朋友都鍾意食嘅一個點心, 醬汁酸酸地, 𥚃面有蕃茄,菠蘿,青椒,魷魚,叉燒等, 炸到脆脆地嘅雲吞皮醮呢個汁, 非常惹味原隻鮑魚燒賣皇👍🏼👍🏼燒賣再配上原隻鮑魚喺上邊, 令到成個點心都非常是華貴, 咬落去陣陣鮑魚鮮味港式街頭蝦米豬腸粉呢個點心好似冇乜特別, 但係想講一下就係佢嘅腸粉非常之有米香味, 同蝦米真係絶配海皇太子餃🥟🥟其實裏便餡料同蝦餃差唔多, 但係賣相做到好似一條魚, 非常可愛

今個星期開始要準備新年入貨、特意早早起床跟爸媽喝茶然後去買東西、到了北角彩福。這裡裝潢簡單優雅舒適、闊落空間感大、坐得幾舒服。原隻鮑魚燒賣皇 $39 鮑魚雖然細細隻、但幾彈牙爽滑。銀羅春風得意腸 $32 好像是炸両裡面包著蘿蔔蓉、脆脆的口感很不錯！鯪魚肉煎釀虎皮椒 這裡的虎皮椒幾大隻、唔辣。XO醬素翅鳳眼餃 海皇帶子餃 $32最喜歡吃北菇棉花雞的魚肚～蒸蘿蔔糕好軟熟、吃到絲絲蘿蔔粒、味道唔錯～早茶有好多孖寶優惠、幾扺食啊。

彩福的點心得過不少點心獎項，今日趁著週末與家人來到近砲台山的分店飲茶。此店場地較大，枱的分佈較分散，沒有壓迫感。鯪魚肉煎釀虎皮椒虎皮椒大隻又唔辣，椒幾甜;鯪魚肉算新鮮，亦不會吝嗇只有薄薄一層。銀蘿春風得意腸係必食之選，以白蘿蔔入饌清甜多汁，中間似春卷皮的部分香脆非常。海皇太子餃皮不厚，尚可透出饀料顏色，蝦粒頗彈牙。生滾霸王花肉片粥，粥底不濃稠。入口頗綿滑。瑤柱臘味蒸蘿蔔糕調味不足，味道偏淡。鮑魚燒賣皇肉質札實，真材實料原隻鮑魚仔置於其上。