影片
港铁尖沙咀/尖东站 J 出口, 步行约3分钟
继续阅读
电话号码
38918732
开饭介绍
彤福轩以瑰丽酒店集团母公司新世界集团的创办人郑裕彤博士命名，以来自郑氏家族发源地的广东菜向郑博士致敬。餐厅时尚的大厅和七个贵宾房与70年代郑博士发展的新世界中心同样坐拥壮丽维港景致，餐厅专门提供精致的粤菜，包括来自中国广东地区的美食，以细致精湛的烹调手法巧妙地平衡味道和质感。
继续阅读
奖项殊荣
米芝莲一星餐厅 (2024-25)
营业时间
今日营业
12:00 - 14:30
18:00 - 22:30
星期一至日
12:00 - 14:30
18:00 - 22:30
以上资料只供参考，请与餐厅确认详情
-
网上订座服务暂停
相关文章
4361 浏览
有亲友正月回港，入住尖沙咀「香港瑰丽酒店」，为怕其舟车劳动，长辈特意选于酒店中菜厅「彤福轩」设洗尘宴，体贴之情尽在不言中！六星级酒店餐厅楼底高高，走廊十分阔落。十二人派对安排于「创新世界」厢房内进行，厚厚嘅木门好有气势。面积宽广嘅房间华丽有气派，空间感好足，前半部份为客厅，陈列架上摆有简单嘅艺术品及书籍。对住梳化椅有个酒吧，吧枱上已备好晚宴嘅佳酿。入席前，温婉嘅Saxxx妹妹先以金光闪闪嘅茶具泡出热茶。厢房后半部份嘅饭厅光线柔和，大圆枱刚好可容纳上十二人。落地玻璃趟门身后可见迷人嘅维多利亚景色及圣诞灯饰，骑楼应该系为方便烟民吸收新鲜空气而设嘅。客气嘅主人家早已订下菜单。厢房宴席有专人招呼，菜式均预先分好续位上，所以转盘上只摆出鲜花装饰及调味酱汁。每位席上都有齐备嘅自用及公用餐具。柚香水晶柚皮、蜜汁鲜梅头叉烧、金钱酥蟹盒：为晚餐作序嘅前菜拼盘建议由十二点方位起，顺时针方向食。第一件水晶柚皮清新软腍，当中嘅柚子香醒神又醒胃，第一次冻食柚皮，感觉都几新颖。第二件金钱酥蟹盒外脆内嫩，层脆皮够薄且唔油，蟹肉馅心鲜甜不溜滞，香口尤甚！左边两件蜜汁叉烧虽看似偏瘦，食落还好够松润。彤福生拆鲜鱼羮：据悉，鱼羮独特在于混集咗几款鱼鱼，包括桂花鱼肉、东星斑肉、鲛鱼肉、大地鱼碎，令口感更为丰沛。小肥自认对顺德名菜唔系太熟，只系觉得彤福版饮落比较稀，似鱼汤多过鱼羮，拌入嘅腿丝同陈皮丝嚡硬之余，仲遮盖唔到当中阵鱼腥味，不吃也吧。金腿榄仁蟹肉鲜奶炒富贵虾球：金碟上白雪雪嘅蟹肉炒鲜奶清香软滑，幼嫩鲜甜。垫底嘅「富贵虾球」原来即系濑尿虾，喺高级酒店食连个名都矜贵过人！原条已去壳嘅濑尿虾粗粗长长，厚身得黎肉质爽弹唔嚡口，火腿碎有效地添上咸香！松茸罐烧和牛脸肉伴柚皮：厚厚嘅柚皮软腍冇渣，简单黏上红烧酱汁已经好好味；左边两条和牛脸肉脂肪唔多，肉质虽则唔算干嚡，但又冇乜牛味肉香，反而最好食系条翠绿清脆嘅西兰花苗。沙田脆皮妙龄鸽：如相所示，鸽鸽皱哂皮，咬落层皮干争争仲好韧，皮下嘅鸽肉又有啲老，食唔到有任何软骨，完全唔似妙龄BB啰！鱼腐百合凤眼果酥豆腐：全枱人都误以为橙亮金美嘅菜式系甜品，得知为鱼腐拼炸豆腐当然系哗哗声啦！顶面球白色波波乃松爽嘅鱼腐，下面则为脆皮嘅炸豆腐，碗中嘅芡汁用上百合同凤眼果打出，绵滑芳香中带出甘甜，饮完都唔觉溜。五彩炒鱼面：妹妹仔介绍招牌鱼面为师傅用鱼肉手打而成，绝不含面粉，固每条嘅粗幼不一，且形状有异。单尾干炒鱼面极富弹性，唔洗加点酱油已够清甜，连同蛋丝、芽菜、荀丝、菇丝及葱碎食足以增添爽润嘅口感。蛋白炖鲜奶：热辣辣嘅炖鲜奶一人一盅，微甜嘅甜品滑嫩滋润且相当暖胃。尖沙咀名酒店之中餐厅「彤福轩」环境高雅有气派，有靓景睇嘅私人厢房尤其舒适，服务生专业周到，无奈食物质素就略为参差，但又唔可以话难食嘅，只系估计六星级酒店价格唔会平，福尽享在眼里，性价比低而已。
继续阅读
朋友生日，同佢去咗彤福轩饮茶庆生，餐厅刚好安排咗靠窗位置 ，很加分👍🏻 虽然系侧海（望北角𠮶边），但感觉开扬，所以都好舒服。食物味道好好，以酒店嚟讲，佢哋份量亦算足，我哋个个最后都觉得好饱 🤭可能佢哋当日唔够人返工，感觉好似得一个侍应做嘢咁，我见得一个侍应serve 4张枱，目测我呢边厅面都有10个客，1对10，所以service 有啲慢⋯⋯虽然系咁，但都冇影响佢地服务质素，只系慢咗啲，整体嚟讲，系一次愉快嘅用餐体验。
继续阅读
呢年为咗食得好啲特别啲，屋企决定去瑰丽酒店嘅彤福轩享用精致中菜。呢度嘅环境非常chill，系全海景景观，令用餐体验更添愉悦，服务亦有星级质素，一流体验。我哋一行八人叫咗几款点心，全部都好睇又好食。首先系原只鲍鱼黑豚肉烧卖，鲜甜嘅黑豚肉配上软滑嘅鲍鱼，口感层次丰富，每一口都充满惊喜。果仁牛肉粒亦非常出色，牛肉粒外脆内嫩，果仁嘅香脆加上牛肉嘅嫩滑，完美结合，味道一流。片皮鸭就更加唔使讲，鸭皮薄脆，肉质鲜嫩，配上甜面酱同葱丝，每一口都系极致享受。整个用餐过程非常愉快，大家都食得好满足。如果你同家人或朋友想享受一顿特别嘅精致中菜，彤福轩绝对系你嘅不二之选！🥢🍴🌟
继续阅读
之前同奶奶饮茶，第一次嚟Rosewood中菜厅。点心做得唔错，老人家都好喜欢。前菜都好精致。主菜热辣辣上枱，整体食物都好好。比较奇怪嘅系，想点撞奶，点知服务生回覆过来话今日师傅话撞唔起。有点费解。坐咗喺一个semi private 嘅枱。可以安静一家四口饮茶，系好舒服嘅选择。
继续阅读
您可能会有兴趣的...