噹噹茶餐廳 (已結業)

一日一黃店-深水埗良心街坊茶餐廳 繼續一間一間掃良心店 店面有小小文宣 都係普通茶記 所以其求點左個晚餐 ⭐️椒鹽豬扒飯 點知又幾好食wo. ⭐️椒鹽豬扒飯 (唔記得咗幾錢🤦🏻‍♀️ 跟湯 凍飲 大概$50）👍🏻豬扒肉質好Juicy 👍🏻好軟身👍🏻椒鹽汁爆入味 小咸 送白飯啱啱好😋有蔥花 辣椒碎點綴 小小辣香👌🏻飯粒正常 小小醬汁.整體評價好高 有驚喜.#hkfunfoodrecord窮遊香港#hkfunfoodrecord_深水埗#hkfunfoodrecord黃店.#噹噹茶餐廳 (深水埗)地址：深水埗福華街208號B地下.⭐️評分：味道：4.5/5 環境：2/5 餐廳細 位置小迫服務：3/5抵食：3.5/5

今日嚟到呢間深水埗懷舊嘅茶餐廳：噹噹茶餐廳，呢度雖然位置比較偏僻，但都好多人慕名而來，有時仲要喺門口排一陣隊，呢度最出名係佢平靚正嘅快餐涼瓜斑腩飯 $48香港地係茶餐廳唔使踏入五字頭，都算少之又少，以更加難得嘅係，味道仲幾好食，涼瓜夠晒苦，但苦得來又甘甘地，好食😋😋而班腩又炸得外皮香脆，魚肉肉質鮮嫩，最緊要份量又夠多，一個字：正👍🏻👍🏻👍🏻整體來質素夠高，但價錢又一啲都唔貴，有機會可以過嚟懷舊

又經過深水埗但又唔係好肚餓就諗住買外賣返屋企食，係mee度見到呢間噹噹茶餐廳有茄子斑腩即刻決定目的地😍出地鐵站直行幾分鐘就到好易搵，呢排lunch menu冇斑腩不過可以散叫，老闆娘好好人，都按lunch menu咁送我一份湯，又啱啱好係我鍾意既冬瓜湯😋保溫袋拎返屋企差唔多九個字都仲熱😌斑腩真係呢排食過最ok，100%啖啖肉，炸衣好薄，大概有五條？茄子都好軟身又入味，洋蔥彩椒少少點綴，整個sauce濃稠度同鹹淡都剛好，均勻夠撈飯，完全合格🈴️冬瓜湯都幾好飲😋入邊仲有幾舊冬瓜同甘筍，都已經煮到軟身，湯就真係好住家味，我整碗飲完～茄子斑腩飯 7.5/9冬瓜例湯 7.5/9OVERALL 7.5/9氣氛好街坊服務好質素既良心茶記，性價比甲👍睇到午餐仲有三款蒸肉餅我覺得有時間我可以再黎😍反正加個路費都同屋企樓下好多食肆差唔多😂咁不如揀自己更心水嚕💛

突然想食炒粉麵,又唔想食基隆,未食過哩間噹噹,又走去試下先,有愛心既茶餐廳喎,門口貼滿動保文宣,很好.餐牌係枱面,牆上都有,今日冇豬肉既炒野就只有乾炒牛河,而乾炒牛河有下午茶餐,就咁啦,一陣7點又食飯啦,叫左野,就出去買罐野飲下先,返黎牛河已送到,睇樣唔錯呀,配料有齊芽菜韮菜洋蔥絲,好彩唔多洋蔥XD河粉炒得乾身牛肉亦夠焾,夠鑊氣,係多左少少油,整體都OK啦.男人黎到要左沙嗲牛肉麵,多士滑蛋,凍奶茶,個蛋真係超滑,滑到我偷食XD沙嗲牛麵個麵夠爽,沙嗲牛甜甜地.男人最需要就係起身果杯奶茶呀.見到好多工程叔叔同車房叔叔都黎食野抖下.

之前睇梁祖堯介紹過，於是專程嚟到深水埗噹噹茶餐廳食沙嗲牛肉麵。呢度嘅沙嗲好夠味😋，睇相都 feel 到，不過略嫌鹹咗少少；牛肉就厚切有咬口有肉味，唔錯。至於麵底，爽口彈牙又唔會好腍，面頭仲灑滿芝麻，好食👍；其實我覺得有啲似出前一丁，但唔太肯定，因為沙嗲味實在太濃，蓋過個麵本身湯底嘅味。至於個常餐其他部份都唔錯，炒蛋有蛋香，多士亦烘得幾香脆。呢度係極少數可以使用中電 50 蚊消費券嘅黃店，同老闆娘吹左陣水，佢話上次政府嘅消費券 50 蚊當中政府只係資助 10 蚊，餐廳要補貼 40 蚊😱，今次中電呢張就可以全數入袋。如果大家仲未用呢張券，不妨過嚟消費。

外賣自取，叫左個星洲炒米凍奶茶少冰，炒米唔油唔膩，味道很適中很香口，又唔會太咸，份量都好多，凍奶茶少冰真係會少冰的，茶味都幾香，店員亦很友善。整體不錯，會再幫襯。另外，外賣盒係可以入微波爐的，食唔曬可以留起之後再返熱，好方便，好貼心，連凍飲杯都是可以重用的。

專登嚟支持💛店。叫咗常餐，沙嗲牛肉公仔麵配炒滑蛋牛油多士，加凍咖啡，$47。沙嗲牛肉公仔麵沙嗲湯非常之香濃，有少少芝麻香。牛肉好滑，亦都有好多塊。雖然冇加錢轉出前一丁，但係個麵底都好好食，好掛湯，個湯好飲到停唔到口炒滑蛋配牛油多士雖然個蛋份量唔算話好多，但係好香滑。塊多士烘埋底，脆脆地，夾埋塊蛋，絕配老闆娘服務好好，好熱情，杯咖啡好少冰，會主動問需唔需要加返多啲冰（叫咗少冰，點知太少冰😂）。大家如果嚟開深水埗嘅話可以嚟支持下小店！

在深水埗茶記吃雪菜肉絲米，勁多餸，個老闆好努力先封好外賣碗，真係好好味！ 第一次幫襯時的發泡膠碗，食多幾次，個老細仲換咗個更大的膠碗來裝更多的餸，唔知再幫襯多幾次會唔會用個湯碗裝俾我呢？ 🧐🧐🧐😆😆😆

下午大約三點🕒小店無華麗嘅裝修，客人稀疏，但就喺一間有人情味嘅店舖，大部分都應該喺熟客老闆娘樓面收銀一腳踢但都會記得熟客平時大概叫慣嘅飲品或食物我地點咗一個椒鹽豬扒飯，一份西多士，一份炸雞髀薯條🍟仲有三杯飲品熱辣辣嘅椒鹽豬扒飯，豬扒肉質唔會”鞋”口，但就有啲偏咸，配上白飯中和返就岩岩好🙈香噴噴嘅西多士，配上適量嘅糖膠食落有淡淡嘅花生醬味，食晒成份都唔會覺得好油膩，如果多啲蛋香就會更加好🤤即叫即炸雞髀薯條，送到上枱都仲聽到好弱小嘅油炸聲🤫，波浪紋嘅粗薯條外脆內軟配上茄汁好好食🥰，炸雞髀個皮卜卜脆雞肉嫩滑唔會好乾身🤭可能係上面加少少鹽會更好味😎飲品方面我地點咗一杯凍檸茶，一杯凍檸水同一杯凍奶茶🤓飲品正正常常，係杯凍檸茶有啲澀但凍奶茶有奶澀味又無咁重，如果茶膽再處理得好啲就非常好👍🏻

今日去間餐廳叫噹噹，舖頭細細人手唔算多，早餐唔算太大份，比我d細食人講唔錯，如果唔太飽可以加一蚊，就有多件麵包。有一個餐幾特別，有司華力腸唔同d餐廳只用雞肉睇咁行。

打完波，找吃，波友話試吓呢間。下午茶也有粉麵餐供應，我幾肚餓，便選了干燒伊麵，對方吃的西多士，看上去金黃吸引，差點要搶來試。干燒伊麵即叫即製，熱呼呼又香噴噴，而且下午茶的份量也不少，大概是為了照顧附近的工人，可惜味道是稍為偏咸了一點，否則就是不錯。要快點止咳，才能喝回我的咖啡，今次，唯有要最穩陣的熱檸檬茶。