彌敦左岸

营业中

休息中

星期日到尖沙咀逛完街後，又再次重臨彌敦左岸吃晚餐，對上一次已是大半年前，不論食物飲料及環境氣氛都留下美好印象。分開兩層，下層感覺是casual 一點，最適合和朋友happy hour 把酒談歡。上層面積廣闊，每張枱之間留有不少空間，坐得舒服寬敞，配合昏暗柔和的燈光，氛圍確實浪漫得令人沉醉，氣氛悠閒，很適合情侶來約會呢！不過十分可惜地原來星期日是沒有live band演出，氣氛確實比平時打了折扣...餐牌選擇很多，今次還換了新drink list，飲品款式比以前更多。黑松露菌醬野菌比薩 $168pizza 大大個，份量也不少，即點即烤熱辣辣，pizza餅底的厚度是簡乎超薄和厚批之間，不像美式般厚實，入口香脆，不會吃得飽飽滯滯。舖滿厚厚的芝士，可以造出拉絲效果，芝香濃郁，又是一道惹味的邪惡美食。配料有野菌、洋蔥、火箭菜、俄勒岡，清新輕盈，正好中和芝士的飽膩感，加上黑松露醬及白松露油，菌香滿溢。串燒拼盤 $358串燒拼盤份量澎湃，足夠兩至三人share，尤其適合食肉獸。雞翼外皮依然脆口，肉汁豐富，不會燒得過乾。一咬開美式辣肉腸爆出芝心，海虎大蝦肉質爽彈，至於西班牙黑毛豬五花腩油香四濺，不過個

養肥你@彌敦左岸 尖沙咀赫德道5-9號德裕中心B1層 同大肚婆飲飲食食，她要補充肉同蛋白質，食扒類西餐等bb 同媽媽都長肉，唔明點解都6個月肚只是重了幾kg!$98 Caesar salad 為我自己點架，如果想豐富點，$118 就加配三文魚/雞/溫泉蛋，習慣要食蔬菜先！好多芝士碎，大滿足。圖片吸引而點$128 烤西班牙辣肉腸，八爪魚，鷹嘴豆菠菜車里茄，油醋汁醒胃。 bb 菠菜只環淋上油醋就唔粗糙$238 燒原隻黃油春雞，入面塞滿了白豆呀，怪不得漲漲啦！豆好粉仲有肉辣，好腍吸了雞肉汁，而雞本身醃的入味，仲有炸薯條，還在回味呢！另外熟食要份芝士煙肉薯皮$58 ,小食有芝士同煙肉碎，鹹香惹味。飲品就下大肚婆佢要了，叫杯凍檸茶走甜，另外點杯cocktail $70 crazy juice舒服環境身處其中享受美食，仲有音樂live brand ，聽住歌人都搖滾起來。

記得一年前慶祝生日就係黎呢間餐廳....時間匆匆，又過了一年了！重臨呢間餐廳，食物質素一樣保持得很高，live band仍在！坐低先點了兩杯mocktail,分別係summer punch &oolong with cheese!summer punch有橙有芒果，酸酸甜甜，夠清新開胃！oolong with cheese岩哂中意芝士奶蓋既朋友仔！茶味清幽，同芝士既味道好夾！芝士味唔會太濃，飲完唔會太飽膩，非常值得一試呀！慢煮乳豬件係店員大力推介之作！乳豬低溫煮12小然後再即叫即焗，真心好味都無朋友（因為你地會爭食架😏）豬皮薄如紙，非常香，非常脆！豬肉肉質軟稔，輕輕一切就輕易骨肉分離。入口油脂香腴，溶係口入面，真係回味無窮！蟹肉墨魚汁闊條麵係餐廳自家製之作！墨魚汁混和左係闊條麵入邊，唔會食到個咀黑卒卒，絕對係誠意之作！蟹肉&蟹膏夠哂鮮味，加埋三文魚籽口應十分豐富又多左份鮮甜啊！最後，甜品order左拿破崙配雪糕，雪糕又係餐廳自家製之作，很香很滑！Good呀！多層酥皮加上吉士，口感又豐富又鬆化，酥皮很香牛油味，食到舔舔脷呀！

依加友人飯局, 多左BAR呢個地方選擇, 人未到齊可以黎round Happy Hour先, 人齊就可以開埋餐, 又唔會限你交枱時間, 相當方便又有彈性, 真係好岩放左工後嘅呢D飯局!今晚黎到呢區酒吧臨立搵食, 友人介紹左呢間方便隨時行出去"呼吸"嘅可以選擇地下, 而上層佔地都幾大, 仲有Live演出, 水準都唔錯架!餐牌提供沙律, 小食, 主菜及甜品, 真正一條龍服務, 無需轉場!呢客低溫慢煮三文魚藜麥香芒沙律 ($148), 一睇材料就知超級健康, 賣相又靚仔!先講件三文魚, 係以低溫慢煮方法煮成, 口感相當嫩滑, 似食緊刺身般滑; 而藜麥煮得相當有口感, 內裏混合甜椒及芒果粒, 味道香甜又能增加口感層次一啖放入口, 香甜嫩滑中又帶點咬口, 夏天食呢個相當配合!呢度嘅意粉/意大利飯係即點即製, 見到食物相已經吸引, 一於叫個鮮蟹肉蟹粉, 西班牙辣肉腸, 半乾車厘茄, 鮮蟹汁自家製墨魚汁闊條麵 (限量供應) ($218), 黎個黑色配橙色大混合!主角係鮮蟹肉蟹粉, 粒粒蟹膏食落有蟹香, 再加埋三文魚籽嘅咸鮮, 一D都唔會腥, 而蟹粉與醬汁混埋一起, 沾滿每條自家製墨魚汁闊條麵, 口感

放工我和同事到酒吧食個飯,飲杯野輕鬆一下。就揀了Nathan Left。食物質素和服務都是好好的。店員細心地為我們介紹菜式。 鮮蟹肉蟹粉$218 配菜有西班牙辣肉腸, 半乾車厘茄, 鮮蟹汁是自家製,墨魚汁闊條麵伴三文魚籽, 口感好豐富。值得一提是墨魚汁闊條麵, 平時食完,個嘴是墨魚汁, 黑色的。這個墨魚汁闊條麵, 食完是不會黑色架。因為墨魚汁本身是搓在闊條麵上, 所以食完個嘴不會是滿滿的墨魚汁, 黑色, 那麼尷尬。墨魚汁闊條麵軟滑彈牙, 好味。 燒春雞$238 這個是燒原隻法國黃春雞, 春雞裡面釀了西班牙辣肉腸和意大利白豆。春雞燒得好肥美, 皮脆肉香。真係睇見就想吃。春雞肉質嫩滑, 不嚡口。仲幾Juicy~ 旁邊的薯條,我同樣喜愛, 食落有黑松露味, 口腔滿滿的黑松露香。薯條亦夠香脆, 我們好快就食晒所有薯條。 半熟芝士撻伴自家製榴槤雪糕$68 店員端上來時, 榴槤飄香。半熟芝士撻真係超級正, 一切開, 芝士撻流心, 熱辣辣食,十分美味!再食一啖榴槤雪糕, 嘩,實在太幸福了。這個半熟芝士撻伴榴槤雪糕真係一定要吃呀! Crazy Juice $70 這個混合了菠蘿汁, 橙汁,

又來一餐生日大餐，不過今次主角是…..，人生有很多起趺，簡簡單單的晚餐，對我來說已足夠。再一次到訪，餐牌上的款式依然多。低溫慢煮燒乳鴿釀鵝肝及栗子，做得相當有心思，整隻乳鴿被塞得胖胖的，鵝肝味道甚濃，乳鴿十分入味，肉質嫰滑，伴碟還有菠菜和意大利白荳茸配黑松露燒汁，讚。炸日本甜蕃薯條炸得剛剛好，外脆內嫰，蕃薯條不會炸得太乾身，甜甜地，不錯。黑松露菌醬烤海鱸魚柳捲紙通粉，裡面配菜有煙肉、燒南瓜、半乾車厘茄、芥蘭苗，海鱸魚肉質嫰滑，魚皮煎得夠香口，與黑松露醬滿配合，捲紙通粉口感偏硬，個人覺得淋一點更佳。EARL GREY ON TOP將伯爵茶做成了冰，令初時茶味不算濃，溶冰後再飲，才真真正正領略到它的味道。芒果拿破崙配雪糕鬆化的酥皮配吉士醬及芒果， 吃起來帶點酸酸甜甜的感覺，令味道更加有層次。

想chill下 想起之前黎過呢到飲野 但未試過食野 今日就同女朋友黎食下主菜叫左法國黃油春雞同埋慢煮烤豬件入面釀左好多白豆好好食！雞燒得好香，好熱，又夠咸味仲有薯條食添！乳豬平時係酒樓食得多，西式整法就真係第一次！比預期中更好味皮脆脆，肉嫩滑，雖然係有層肥膏，但真係個精髓黎，好重油香！點埋芥辣醬黎食就冇咁「漏」，超級推介！自家製榴連聽個名都吸引，仲要配半熟芝士撻，岩曬我地，食完主菜即刻加呢個甜品果然冇失望，兩樣都超水準發揮，$68好抵！出面啲糖水店一個榴連沙冰都$5x，而家仲要有埋大大件芝士撻！呢杯係earl grey奶蓋cocktail，因為佢係用gin溝出黎，第一啖飲落有小小似細個咳水啲甜味，但加埋奶蓋同淡淡earl grey味，都幾特別！呢杯係mango and orange cocktail，好fresh

同朋友去尖沙咀飲野,又想食好Ｄ，　見到呢間有上下層，上層先係食野，幾有私人度咁。　ＭＥＮＵ都幾多野食揀。自己既COCKTAIL都有幾種。原隻法國黃油春雞釀西班牙辣肉腸及意大利白豆伴薯條 $238雞身不算好大，但兩個人份量剛好。切開有雞油流出，雞入面有小小西班牙辣肉腸粒及比較多意大利白豆。點汁的話味道出d。西班牙辣腸白酒忌廉汁煮紐西蘭刀貝蛽 $178呢個要推介！刀貝蜆超大隻！一碟都有差不多十隻。用香濃的白酒忌廉汁煮成，有勁多汁係底，配上香脆的蒜蓉包點上汁，好食！生蠔 藍寶石 $58一隻蠔身不算太大，但海水味好足，新鮮既開。Earl grey on top $148面頭有d 芝士，以earl grey茶底沖成，混在一起飲感覺會好d。Cocktail Stick $148最搞笑係有半條蕉係入面，仲要雪凍左，幾好食。酒味比較重，好在加左橙汁中和返杯野。到8點半仲有live band tim! 不過我7點就食所以冇咩點睇到，氣氛都好好，8點仲要full 晒，所以一定要book位。

朋友近排升職加人工，想食返餐好既慶祝下，就黎到呢間位於尖沙咀既餐廳👍🏻咁大個女第一次黎酒吧餐廳，環境好有氣氛同格調。當時8點鐘，幾乎坐無虛席，有唔少OL黎呢度飲酒暢談～當晚我地食左兩個鐘，已經有成四枱客係慶祝生日，有好靚既煙花蠟燭，仲有全場為壽星拍手祝賀，渡過一個難忘既生日。店員都幾友善，主動幫忙揸機影相，仲會嘗試係唔同角度咁影，好專業😂我同朋友唔好酒，好彩呢度都有無酒精飲品可以選擇。推薦👍🏻Banana Stick ($70)薄荷X白朱古力X牛奶X自家製香蕉鐘意薄荷既朋友一定會好鐘意！😍香甜可口，濃濃奶香配上白朱古力既甜，真係好飲到不得了！重點係條香蕉，係自家製，食落好似雪條咁，口感好特別，一試難忘！推薦👍🏻Left Ice ($70)自家製飲品，顏色係浪漫誘人既粉紅色。由多款莓類水果組合而成，重點係味道天然夠新鮮，只係微甜，非常開胃。野菌湯($58)質地稀身，有淡淡野菌香氣，唔會太濃，兩個人分享岩岩好～雞拼盤($128)一個拼盤，一次過滿足你四個願望。雞翼炸得香脆，好大隻而且超厚肉，蘸上微辣既醬汁好惹味，但美中不足係炸粉厚左少少。雞膇有調味，雞皮好香口，油香四溢。地瓜薯條好乾身，甜

幫好姊妹慶祝生日，經過一輪搜索就決定訂呢間酒吧餐廳！星期六晚9點開始有live band，不過始終女仔鐘意傾計，所以我係訂位嗰陣特登話想坐開少少，最後餐廳都好好，幫我地安排左一個睇到又唔太近嘅位置👍🏻氣氛好好👍🏻呢到啲員工好好，有禮貌又主動👍🏻嗌左幾隻生蠔，一個串燒拼盤仲有一個帶子扁意粉。即開生蠔好新鮮又creamy，正丫👍🏻個串燒拼盤見到都心心眼，好多野食又好味，個帶子扁意粉味道好好，而且啲扁意粉個口感好好，唔係淋曬嗰啲咁😋最後因為朋友生日，叫左個甜品加生日畫碟，會有枝煙花蠟燭，而餐廳都超細心準備定多一枝俾你影相😆飲品方面都好好味，相信無論你飲唔飲酒，都一定㨂到心頭好👍🏻呢餐生日飯好正👍🏻下次放工都會約朋友黎吹水食飯！

今晚約左好兄弟食飯，知佢近排失戀💔等我帶佢食好野，幫佢打打氣提提神啦。今晚我擇左依間人氣餐廳😁 -餐廳選擇都多呀，職員都有推介一些菜式俾我地。 夏日炎炎，先黎一份清新沙律做前菜。⭐️低溫慢煮三文魚藜麥香芒沙律 $148這份低溫慢煮三文魚，很有水準。低溫真空慢煮既三文魚，肉質不會過老而口感鞋口；色澤像生的非常鮮艷但其實是熟了😌，質感像刺身般柔滑軟嫩魚油甘香，肉質嫩滑，輕輕用叉一撥魚肉就分離，入口即化 😋慢煮三文魚既質感及味道都比烤煎更出色沙律由營養價值高既藜麥、紅椒、芒果及沙律菜組成。口味清新又健康-⭐️黑松露菌醬烤海鱸魚柳捲紙通粉 $178材料豐富還有煙肉、燒南瓜、半乾車厘茄、芥蘭苗烤海鱸魚柳沒有過多的調味，味道新鮮，魚肉肉質綿密但鬆軟通粉煙韌彈口，每條通粉都薰滿了Parmesan cheese sauce，好香好rich -⭐️12小時低溫慢煮烤乳豬件伴椰菜仔及手指薯配芥末籽蘋果燒汁 $248乳豬烤得香脆，外皮連住一層薄薄脂肪，咀嚼中帶點骨膠原煙韌既口感，亦帶點脂肪香肉質鮮嫩滑溜鬆化，輕輕一切就骨肉分離不會太油膩，而且沒有豬騷味配上帶點酸甜味的蘋果燒汁，味道豐富-餐廳既Cocktail 也

🐂烤美國特級黑安格斯西冷牛扒10oz🍃伴荷蘭豆 辣肉腸及薯蓉（$348)黎到 #彌敦左岸 仲有牛扒食，叫咗一塊西冷medium ，不過嚟到嘅時候覺得有啲似well done.... 所以食落就有少少韌同鞋口。牛扒肉味尚算濃郁，份量呢個剛好，唔會太飽太滯。另外想講下個配料認真唔錯，幼滑既薯蓉加左少少芝士，好香好creamy👍🏻 如果留意返烤製牛扒既時間，整體就會更加好。🍤🍖 彌敦小食拼盤（$328)呢個snack platter貪佢份量唔多但咩都可以試下🤣 platter 共有8款小食，包括蘋果豬腩肉、炸雞、烤大蝦、法式焗田螺、泡菜魚、蜜瓜火腿、芒果蟹肉同煙三文魚青瓜，樣樣都唔錯，最鍾意係蘋果豬腩肉，豬腩肉好甘香，配上酸酸甜甜既蘋果粒，中和左肥膩感，好好食😋飲品方面，叫左店舖既signature cocktail 🥃「Earl grey on rock 」($98)，加入左伯爵同肉桂味，好香，飲得既朋友可以試下。另外亦叫左杯無酒精Mocktail🍸「Nathan Garden」($68)，加左甘菊茶、茉莉花茶同蘋果汁，好清新，飲落好舒服，非常推介。

今晚係補慶祝生日，本身星期二已經想Book位，但OpenRice得返勁夜時段，唯有Walk in 睇下有無機會食到，差不多六點九就去碰碰運氣，好好彩比Walk-in 仲要暫時無咩人係餐廳。應該因為係Walk-in，餐廳經理都提醒要八點就交枱，可能要預比八點Book左枱嘅客人，坐到埋位經理勁好招呼介紹食咩好、叫幾多就夠。最後叫左北海道鮮帶子煙肉、半乾車厘茄、香辣蒜片汁扁意粉同埋烤西班牙黑毛豬扒伴法邊豆及燒新薯。首先講講北海道鮮帶子扁意粉，經理又勁好不停提醒要襯熱食，因為即叫即整，凍左嘅話 汁會乾哂唔好食，整碟意粉略帶少少辣味幾開胃下，帶子就有三粒都好大粒，整體幾好。第二樣菜係黑毛豬，經理建議要七成熟，肉汁就會保留到，食落口好多汁，又嫩又好食，唔似平時食嘅豬扒。現場有隊Band 隊唱歌 好好聽 氣氛又夠如果平時夜晚放工黎飲酒 輕鬆下都幾正因為一杯啤酒都唔太貴$70 左右 有四款揀

今日同男朋友去完尖沙咀行街 見到呢間酒吧氣氛好好 而且仲有波睇添 就入去坐下 原來仲有晚飯食 唔錯唔錯 上咗2樓坐位明顯比較寬敞 燈光昏暗好有氣氛 侍應話夜啲有live band現場表演添 前菜叫咗個芒果煙三文魚藜麥沙律 煙三文魚大大塊 而且好厚肉 鮮味十足 唔會太鹹 配上藜麥夠咬口 雖然比較淡味 但係配上酸甜嘅芒果 都係味道豐富 夠哂健康德國咸豬手真係超驚喜 勁大隻 而且外皮炸到脆卜卜入面啲肉仲有肉汁爆出嚟 肉質夠淋 而且配上德國特色嘅酸菜一齊食一啲都唔油膩 薯角夠香口唔錯 呢到我最期待嘅甜品部分芝士撻配榴槤雪糕 芝士撻外皮係曲奇皮 入面個餡料係半熟芝士 芝士醬夠creamy 芝士味好濃郁 有啲似紐約芝士餅嘅味道 但係係流心口感豐富 榴槤雪糕係呢度自己整 榴槤味極重 而且好滑芒果拿破崙酥皮好鬆化 吉士忌廉夠香又滑 配上酸甜嘅芒果 口感好有層次 唔錯 不過建議快啲食如果唔係好易冧晒

見到咁多好評去試試看 結果大失所望 too bad食物非常一般 仲要漏單 叫左成個鐘之後當我想取消 同埋枱面嘅嘢都已經食晒嘅時候 佢就同我講話啲嘢step by step出 宜家咁啱又啱啱開始左整 真係火都嚟埋 不過最後都有俾我 cancel食物 黑松露Pizza 芝士太多 結果無乜黑松露味 食左一塊巳經有油膩同埋夠嘅感覺可能我比較早去同埋唔知係唔係世界盃期間所以無live band 感覺同其他有波睇嘅洒吧餐廳無分別仲有其實佢嘅地址唔係B1？哈哈