影片
呢日经过九龙湾富临中心，发现咗一间新茶记，唔算好多人，环境简简单单，但竟然系一个意外惊喜！点咗佢哋嘅 炸鸡髀配薯条下午茶套餐，只需 $40 包一杯冻饮，价钱真系非常抵食！只鸡髀炸得金黄香脆，外皮够脆，入面肉质又唔会干，啖啖肉仲嫩滑多汁，真系炸得岩岩好，唔会过火。而薯条系用新鲜油炸，无𠮶种旧油嘅味道，热辣辣又够脆口，配埋茄汁食一流。地方虽然系偏少少，喺富临中心冇乜人流，但如果喺附近上班或者经过，呢度绝对值得一试。以呢个价钱嚟讲，份量大又质素高，真系无得输。唯一可惜系人流唔多，环境静中带啲冷清，希望多啲人可以支持下咁高 CP 值嘅小店，唔好错过呢个好味嘅下午茶！
继续阅读