影片
以上资料只供参考，请与餐厅确认详情
今日行到去九龙湾工业区𠮶边试吓有咩新嘢，发现有一间开咗唔算好耐嘅泰国私房菜😉我叫咗呢个青咖喱猪颈肉饭，香浓嘅青咖喱汁好好𩠌饭，同埋猪颈肉都好多，男仔都会够饱，值得推介！
继续阅读
食泰国菜，当然要食咖哩啦！🎈咖哩牛坑腩配白饭$65卖相吸晴，浓郁的椰香黄咖哩捞白饭是绝配。牛坑腩烟烟韧韧 有咬口，薯仔红萝卜煮得好腍。🎈跟餐泰式冻奶茶$8颜色比较橙黄色，香滑多奶，小甜啱啱好，唔太腻。🎈船河金边粉$65汤底是浓郁的牛肉鲜甜味，肯定冇味精，不口渴，配上九层塔增加惹味。牛肉有质感和鲜甜，牛丸爽口弹牙。🎈跟餐可选养生雪梨玫瑰茯苓茶$0雪梨玫瑰微微甜又滋润养颜，茯苓健脾益气，宁心安神。整体食物质素是好味，我们食晒没有厨余。餐厅虽小五脏俱全，环境干净企理，冷气十足，啱晒炎炎夏日叹返个美味午餐。
继续阅读
系九龙湾返工，上次同同事食过一次金边粉Padthai几正又份量够，今次再黎食lunch.今次食青咖哩走地鸡饭呢碟青咖哩走地鸡饭真系值得推介！一上桌𠮶阵，𠮶阵香喷喷嘅咖哩味已经吸引。鸡肉新鲜得嚟又嫩滑，每一啖都感受到走地鸡嘅天然鸡香，咬落去仲有啲弹牙香滑嘅感觉。咖哩汁浓而不腻，香料嘅味道好均衡，虽然唔算太辣🥵，但𠮶种温和嘅辣度够哂暖胃，加上少少椰奶嘅甜香，令整体味道更加丰富。呢个咖哩真系送饭一流，饭粒吸满晒咖哩汁，每一口都系满满嘅幸福感🥰。睇落份量好似唔算多，但其实食完之后饱足感十足，因为每一啖都系足料，无论系鸡肉定系咖哩汁都完全唔偷工减料，真心满足🤤。餐厅嘅环境都相当舒服，装修简约有格调，坐得几舒服，加上店员嘅服务好有礼貌，成个用餐过程都系一个享受😌。如果你钟意食咖哩饭，又唔想食啲太辣嘅，可以试下，等我下次再试吓其他嘢😋！
继续阅读
好耐无去九龙湾工业区那边，今日过去某公司写字楼，离开时正值午饭时间，常悦道有很多餐厅，看见一间名为 Fusion%泰式私房菜 咁特别一于叫同事一齐试吓，呢间餐厅晚间做泰国菜，中午就做午餐，系泰式午餐，可能时间关系泰式大虾炒金边粉已售罄，唯有叫其他都好吸引的午餐。A2餐香茅鸳鸯扒饭，有烧鸡扒及炸猪扒配泰式酸辣汁，炸香茅猪扒好香脆，里面软绵绵。D1辣肉碎拼鸡扒饭，烧鸡好够火侯，鸡皮烧到零脂肪有少少脆，鸡肉偏干身点泰式辣汁好夹，辣肉碎是主角，香辣惹味肥瘦适中，仲有豆角粒丰富了口感，午餐送养生茶真材实料，饮杯竹蔗茅根茶淡淡清香微甜解腻。
继续阅读
今日嚟到九龙湾工厂区附近嘅泰式私房菜食咗个午餐，呢度主打简便午餐，六十几蚊有餐晏，好适合附近打工仔有个舒适阔落嘅地方休息吓。坐低叫完餐，嘢饮好快就到咗，叫咗杯雪梨致瑰茯苓茶（热），非常清新，带少少花香味。再嚟咗杯竹蔗茅根茶（热），呢杯有淡淡嘅甜味，够晒清热下火，配泰国嘢就加倍清新。跟住嚟咗个香茅鸳鸯扒饭 ＄65CITRONELLA CHICKEN CHOP WITH RICE 。鸡扒同猪扒份量好够，全部切好晒方便食用，个汁酸酸甜甜最适合呢个炎热嘅夏天。饭量亦都好足够。再嚟咗个泰式黄咖喱牛坑腩饭$65CURRY BEEF INTERIN BRISKET WITH RICE。啲牛扒腩煮到好腍，好入味，亦都好嫩滑。啲薯仔同萝卜都煮得好腍。买个黄咖喱汁捞饭就一流。由依个门入去行上半层，搭䢂就可以到啦！
继续阅读