強記西苑咖啡食店

营业中

休息中

見咁多人食，就同媽咪試下奶茶茶葉同出邊唔同奶茶滑，不過在我飲過之中有點淡麵包唔係自己整，係附近一間麵包店買利用焗爐烤熱個麵包，皮脆內軟，好味道西多士中間無用花生醬，都OK而間豬扒+chicken wing出名味道唔錯，豬扒有大陣蒜頭味我中意食，不過個人喜好喇

週末四出睇裝修店，完成後決定給自己小小放縱，來了這裡吃頓遲來的早餐。　擺滿摺椅的街場冷風陣陣，最適宜就是來杯熱飲暖身。所有食物均為散叫，飲品不設套餐，我與媽咪前後叫的都是熱奶茶($9)。小店幾忙，飲品約要等五分鐘才上檯，奶茶握在手中還是滾燙，是為良好兆頭；而細嚐一口，茶味香濃，奶味細緻，果然是杯不可多得的風味奶茶，很滿意。天氣凍，位處室外奶茶涼得也快，當然要趁熱一飲而盡了!　天氣凍少了卡路里顧忌，又點了高脂菠蘿油($6)作為奶茶的friend。菠蘿油出爐已有一段時間了，雖在暖爐下烘著，皮只一般脆度，上檯亦只得微暖溫度，連中間夾層的牛油也絲毫融化不了，更遑論美食家的心?　媽味則點了招牌推介的鮮牛肉一丁麵($18)，牛肉很韌，我情願吃蘇打粉沙爹牛了；未夠火的丁麵亦然，還不如吃福麵好了；而湯底偏濃及咸，水準令人失望。　那天奶茶癮起，或會為一杯風味奶味重來，拌西多士同吃，希望到時有更好的經歷。

其實呢間店不來也罷無套餐.要成30元先食到待應無禮貌可言餐蛋通.通浸左好耐發大..餐肉唔熱....湯淡.白蛋最平的貨凍檸茶茶味唔正..又唔甜.仲苦

昨天中午跟朋友來了這裏食午餐,其實之前已來過一次的了,這裏是大排檔,星期天好多人,差不多坐滿了,我們坐在出面,亞姐很快拿了餐牌給我們選擇,我點了一個牛丸米粉,朋友點了一個雪菜肉片通粉,另外叫了每人兩隻瑞士雞亦,飲品方面我叫了茶走(即奶茶+煉奶不加糖),朋友叫了一杯鴦走(即咖啡+奶茶+煉奶不加糖),先來瑞士雞亦,size適中,甜甜地都好入味,好食呀.茶走好好飲呀,不會太甜但好滑有些煉奶味道,正.牛丸米線有些生菜的,份量亦不少,牛丸好爽口,有五六粒的,我加了些桂林辣椒醬,因為米粉味道較淡,我本身鍾意食較濃味的,朋友的雪菜肉片,肉片是一片片的,不將平時那時只有一些碎肉絲.一路食一路看到不停有人來光顧,我想是星期天及正是食中午飯的關係吧.

行下行下到呢度, 見到全香港無咩邊度仲有冬菇亭(熟食中心), 再見到門口有雜誌推介呢間, 就坐低試試.可惜, 有點失望, 餐蛋麵無驚喜, 仲要係用唔好食隻公仔麵(其他茶餐廳都唔會用出前一丁, 但就用d平d批發公仔麵, 其實呢d批發公仔麵都幾好味ga, 但呢度用就唔知係咩麵, 似伊麵多d wo, 完全無公仔麵feel,唔好味). 好就好在有菜送, 同埋都幾大碗lor.仲叫奶油多,都係無特別, 奶油又唔算多.仲有杯奶茶, 茶檔奶茶應該好正先係, 但呢度奶茶真係唔係好得, 奶味重, 茶味唔濃...:-(

7.23(日)同男朋友食完彪記之後,行左一陣又黎嘆奶茶,本來想試埋隔離莊記,但係見莊記風扇都唔多,天氣實在太炎熱,最後都係黎番呢到叫左西多士同凍奶茶兩杯西多士即叫即炸,熱辣辣,炸得0岩0岩好,好金黃色,中間無夾心,所有加埋糖漿都唔係好甜,唔會好"漏"凍奶茶無熱奶茶咁重茶味,但天氣實在太熱,下次先再黎嘆熱奶茶

7.2(日)同男朋友食完麻布十番之後,我個胃仍然好唔滿足,就拉左男朋友黎呢到飲番杯奶茶先我地一坐低亞姐就送上2杯冰水~嘩~好鬼窩心呀~我未試過去茶擋食野有冰水飲~叫左2杯奶茶同1件奶油多,吩咐亞姐幫我烘濃d件多士件多士果然比平時濃,好開心~因為平時去茶餐廳食多士,就算出聲要濃d都同平時無分別其實呢到d奶茶都ok既~加上咁窩心既服務同埋周圍都滿佈左風扇,夏天都唔怕熱死人,我一定會再黎~

元朗行街街, 行到就搵地方排排坐, 食番件多士嘆番杯奶茶. 這裏的環境...就是典形路邊大排檔囉. 話時話, 路邊檔都已勁買少見少囉.剛一坐低, 阿姐就送上冰水一杯, 仲鬼咁好禮貌, 大排檔嚟講都算少見. 茶啡每杯$8, 多士每份$7, 可接受. 奶茶比不上中環蘭芳園的, 但仍算不錯. 多士有兩片麵包, 算係超值. 下次再行元朗, 又可以考慮. (p.s. 旁邊間莊記都得㗎.)