強記小食車仔麵大王 (已結業)

蘿蔔牛腩飯牛腩有六七塊，非常入味。蘿蔔清甜多汁無渣仲有幾條菜盛惠41蚊凍飲仲免費要佐多飯，食食下，老闆娘仲問，夠唔夠啊？比多一個麵你？當然已經很夠問起最近生意，少佐六成。各位路過可以多支持。The restaurant is just in my neighborhood where I live for a year, but presuming that only cart noodles, which is often overpriced, are provided, I have never visited it before. Happened upon the makeshift menus outdoors showing beef brisket rice was offered, I decided to give it a try, and it turned out to be great! …查看更多

深宵時份突然好肚餓，所以就揸車出左去揾野食，想食車仔麵就諗起「強記小食車仔麵大王」。呢間車仔麵個辣汁好出色好惹味，因為太肚餓既關係，叫左一個車仔麵 (魚皮餃、豬大腸配河粉) 同韭菜豬紅，飲品就叫了凍檸茶。車仔麵 : 自己揀左咖哩汁，食落味道都幾夾。豬大腸處理得幾乾淨無異味，不過魚皮餃啲皮就韌左啲。韭菜豬紅 : 因為知道餐廳既辣汁好辣，所以叫左小辣。韭菜好清甜，不過豬紅就遜色左少少唔夠彈牙，好似電影食神咁講 :「啲豬紅鬆泡泡，一夾就散」。整體黎講算做得不錯，凍檸茶亦唔差，只係部分食材未及水準，不過仍然會係我夜晚想食車仔麵嘅首選。…查看更多

啲嘢都好食嘅 牛根 魷魚 very good但係唔夠人做嘢 態度not good啲嘢煮好擺喺度好耐 都唔得閑攞俾你叫公仔麵食 煮好喺度放5-10分鐘攞嚟俾你 d面冧晒 同亞姐講 佢仲大大聲同你講 啱啱煮好 即刻攞比你 真係吾該哂sorry 你唔想比我睇到 你咪唔好比個廚房對住出邊咯 望住碗公仔麵煮好 擺到冧攞俾你食 你條氣都唔信啦 我不如返屋企自己煮 之後第二碗 個廚師好醒知道 煮好即刻攞嚟俾你 點知D餸中間吾知未熟定太凍 總之就D魚旦 丸 中間係凍嘅 本來叫左兩杯飲品都唔敢追 退錢就算無謂受氣…查看更多

河粉都算幾滑，好大碗！油麵也很好味！雞亦非常入味，特別係他們私伙的辣椒油，超級提升了碗車仔麵的精隨，真係有驚喜，正！下次嚟開呢頭一定再encore😋雖然價錢貴咗少少，但物有所值！…查看更多

應該點講呢？由1月5日第一次幫襯至現在已一星期，我食左三次，專登試唔同嘅材料及湯底（清湯、腩汁），睇下佢水準如何。以車仔麵黎講，價錢的確唔算平，但佢嘅食物質素同其他售價相若、好出名嗰幾間車仔麵相比，好得多！每碗即做，唔係一盆盆由熬到晚、一PAT PAT嘅配料，而且D料好味兼足料，食得出唔係用渣料俾少D賺到盡，睇得出係用心做；幼麵非常爽口，油麵唔肥膩，其他麵底有待嘗試。食唔飽？幼麵底係少左D，但油麵底就好大碗。如果要批評，就係湯底偏鹹，我起初以為係味精，但食完整晚也不特別口渴，應該係落鹽重手左；此外，就係服務囉，落單哥哥仔好COOL，有D惡。推介食品：油麵、甜酸筋、午餐肉、雞腎、豬紅（真豬紅，唔係鴨紅）…查看更多

成晚都未食過野，宵夜過黎食個麵，要乜冇乜。。。今晚好多野都停晒，望住佢廚房，其實都好求其下。。。但都同自己講，唔好太強求。牛筋都幾入味，翻煮過先放入碗，所以都幾熱。反而豬皮有D失望，太林，冇乜味。米線好粗好大條，而份量就好少。羅白都入味同林既，但係味道就偏甜同有根。牛肚同牛筋既味道差不多，都入味同幾好食。至於豬大腸，我冇食到，朋友就話OK啦，冇咩怪味。食完埋單走左，先發現新黎既職員收多左我幾蚊，算啦，豪比佢，但真係冇下次。貴夾唔飽。…查看更多

收工又攰又肚餓。。。夜晚又無咩好食。。醒起好朋友話樓下間車仔麵好好味。。。雖然之前食過一次一般。。。。但實在好餓。。。又試多次啦！今次真係好味左好多。。又足料！！一問之下原來轉左老闆。。。個蘿蔔好入味。。。牛腩又好正！！食完又無好口乾。。。應該無落味精。。。。伙記又好nice。。。原來湯底用豬骨餚製。。。。以後收工唔洗再煩河畔無好野食喇！！^_^…查看更多

三月上旬‧晴其實也不知這裡的雞蛋仔好不好吃，不過純粹牙痕，就在‵赴試食局的途中買了一底來吃。聲明要即烘的，不要在舖面那兩底好像擺了幾十年的，代價就是要等一等，那沒所謂，我慣了早到，有的是時間。烘熱又放涼了，雞蛋仔外皮脆而內裡蛋餡鬆軟，雖然沒有什麼蛋香但也沒有喇口的發粉口感，算不錯。寫食評的時候才知這裡是兩個喊面的店子，那又不至於這樣差，OK啦。…查看更多

由於lee間野...好近一間酒吧and佢開到好夜...so都有d人會去食我之前都有d fd話叫我唔好去食...但由於果次飲完酒,有d大大地and周近都已經冇野食.唯有去食law...一食次下...冇樣野係得的...佢個湯底...清到爆...等於清水加少少salt...so all food都冇味但係連本身應該要有味的牛腩都似係白灼...我果次叫埋一罐沙士汽水....點知仲要過左期!!!!四個餸加個麵都要三十幾...其他的都不想多講...你唔信可以去一試...if你醉醉地都可以試試...清醒的就自己諗諗啦....…查看更多

食得巷仔麵d車仔麵多,在另一邊的呢間就未食過,所以就試下...不過呢間舖只係開夜市同通宵,所以冇乜機會去食...呢間舖好多時都冇乜人食,今晚如是...買左個三餸的車仔麵外賣,要成$21,食水都幾深...巷仔比佢平$5...呢度係用木頭車煮車仔麵,個樣好似街頭無牌d木頭車,差唔多樣,不過呢度係有牌的...餸料,粉麵放哂上木頭上面,冇野蓋住鋪塵咁...感覺真係有d似無牌果d...三餸要左生菜,豬紅,貢丸,麵要米線...份量方面,除左豬紅算多之外,其餘都係少的...味道方面,除左貢丸比較上好食,其餘的都...生菜ok,豬紅麻麻,好鹹,米線都幾淋下,冇乜咬口,而且仲好碎...食食下撈到米線間有條短的頭髮在入面...食完都幾口渴下,估計味精份量都唔少...完全唔飽...呢間野...一定冇下次!…查看更多